2 Samuwɛ́li 8:4 - MAWUXÓWÉMA

⁴ Davídi wlí sɔ́xátɔ́ afatɔ́n nǔwɔntɔn kanwe ko (1.700), bó wlí sɔ́ja adɔ̌kpo (20.000). Amɔ̌, é jó sɔ́ e ná dɔn ahwankɛkɛ́ví kanwe ko (100) mɔ̌ lɛ́ɛ dó, bó ká sɛ́n dɔn nú sɔ́ e kpo lɛ́ɛ bǐ.

2 Samuwɛ́li 8:4 Iomraidhean Croise

Bǐbɛ́mɛ 49:6

Amɔ̌, un jló ná nɔ gbě e blá wɛ yě ɖe ɔ́ mɛ ǎ. Un jló ná nɔ kplé yětɔn lɛ́ɛ tɛnmɛ ǎ, ɖó yě hu gbɛtɔ́ gěgé kpó xomɛsin kpó, yě sɛ́n dɔn nú nyibúsú gěgé; yě ká tunwun cóbó bló ǎ.

1 Axɔ́sú 10:26

Salomɔ́ɔ kplé kɛkɛ́ví lɛ́ɛ kpódó sɔ́ lɛ́ɛ kpó. É ɖó kɛkɛ́ví afɔtɛ́nwe (1.400), bó ɖó sɔ́ děgba atɔn (12.000). É bɛ́ kɛkɛ́ví lɛ́ɛ ɖě dó toxo e mɛ kɛkɛ́ví lɛ́ɛ nɔ́ nɔ é mɛ, bó bɛ́ ɖě ɖó é ɖésúnɔ gɔ́n ɖo Jeluzalɛ́mu.

1 Tan 18:4

Davídi wlí kɛkɛ́ví afatɔ́n (1.000), bó wlí sɔ́xátɔ́ děgba ɖě afɔwó-afatɔ́n (7.000), bó wlí sɔ́ja adɔ̌kpo (20.000). Amɔ̌, é jó sɔ́ e ná dɔn ahwankɛkɛ́ví kanwe ko (100) mɔ̌ lɛ́ɛ dó, bó ká sɛ́n dɔn nú sɔ́ e kpo lɛ́ɛ bǐ.

Ɖɛhan 20:7

Din ɔ́, un mɔ ɖɔ Mawu Mavɔmavɔ nɔ dó alɔ mɛ e é sɔ́ é. É nɔ́ se ɖɛ tɔn sín xwé tɔn gbe ɖo sɛ́xwé; é nɔ́ zán hlɔ̌nhlɔ́n tɔn dó wa nǔ ɖaxó ɖaxó dó hwlɛ́n ɛ gán.

Sɛ́nflínmɛ 17:16

Mɛ e mi ná sɔ́ axɔ́sú ɔ́ ɖó ná ba ná ɖó sɔ́ gěgé ǎ, é ká ná sɛ́ mɛ dó Ejípu, bó ná xɔ sɔ́ dó éé ɖo así tɔn lɛ́ɛ jí ǎ, ɖó Mawu Mavɔmavɔ ko ɖɔ nú mi ɖɔ mi kún sɔ́ ná lɛ́ kɔ yi Ejípu ó.

Jozuwée 11:6

Mawu Mavɔmavɔ ɖɔ nú Jozuwée ɖɔ: “Ma ɖi xɛsi nú yě ó, ɖó sɔ lěhwenu ɔ́, un ná jó yě bǐ nú mi togun Izlayɛ́li tɔn ɔ́, bɔ mi ná hu yě. A nǎ sɛ́n dɔnkan nú sɔ́ yětɔn lɛ́ɛ, bó ná dó kɛkɛ́ví yětɔn lɛ́ɛ zo.”

Jozuwée 11:9

Jozuwée wa nǔ xá yě lě e Mawu Mavɔmavɔ ɖɔ n'i gbɔn é. É sɛ́n dɔnkan nú sɔ́ yětɔn lɛ́ɛ, bó dó kɛkɛ́ví yětɔn lɛ́ɛ zo.