2 Samuwɛ́li 7:9 - MAWUXÓWÉMA

⁹ Un nɔ kpɔ́ xá we ɖo fí e a gbɔn lɛ́ɛ bǐ; un vívá kɛntɔ́ towe lɛ́ɛ sín kún ɖo nukún towe mɛ; un zé nyǐkɔ towe su gǎn e ɖo ayǐkúngban ɔ́ jí lɛ́ɛ ɖɔhun.

2 Samuwɛ́li 7:9 Iomraidhean Croise

Bǐbɛ́mɛ 12:2

Un ná zé we dó bló akɔta ɖaxó ɖokpó ná, bó ná xo ɖɛ dó jǐ towe. Un ná bló bɔ nyǐkɔ towe ná yi jǐ, bɔ a nǎ nyí nyɔ̌ná nú mɛ ɖě lɛ́ɛ bǐ.

2 Samuwɛ́li 22:1

Davídi wɛ ji han élɔ́ dó kpa susu nú Mawu Mavɔmavɔ, gbe e gbe Mawu Mavɔmavɔ hwlɛ́n ɛ sín kɛntɔ́ tɔn lɛ́ɛ bǐ lɔ mɛ, ɖo tají ɔ́, Sawúlu lɔ mɛ é.

2 Samuwɛ́li 22:30

A ɖo kpɔ́ xá mì ɔ́, un nɔ tɔ́n ahwan ahwangɔnu e ko sɔ́ ahwannú ganjí é; Mawu ce, a ɖo kpɔ́ xá mì ɔ́, un nɔ fán ahohó.

2 Samuwɛ́li 22:43

Un nɔ li yě kɔ́ ɖɔhun, un nɔ li yě kpɔ́ɖɔ́kpɔ́ɖɔ́, un nɔ gbídí yě babá e ɖo ali jí é ɖɔhun.

2 Samuwɛ́li 23:1

Xó gǔdo gúdo tɔn e Davídi ɖɔ lɛ́ɛ ɖíe: Mi ɖótó xó e Davídi Jɛsée ví ɔ́ ɖɔ lɛ́ɛ; xó e mɛ e Mawu sɔ́ su ɔ́ ɖɔ lɛ́ɛ, mɛ e Mawu Jakɔ́bu tɔn sɔ́ axɔ́sú é ɖɔ lɛ́ɛ. Mi ɖótó xó e hannyɔ́jitɔ́ Izlayɛ́li tɔn ɖɔ dó han mɛ lɛ́ɛ;

2 Samuwɛ́li 5:10

Davídi sín hlɔ̌nhlɔ́n nɔ́ ɖo jijɛ jí wɛ ayǐhɔ́ngbe ayǐhɔ́ngbe, ɖó Mawu Mavɔmavɔ, Mawu Nǔbǐwúkpétɔ́ ɔ́ ɖo kpɔ́ xá ɛ.

2 Samuwɛ́li 8:13

Ée Davídi yi gba Edɔ́munu děgba ɛnɛ afɔwó (18.000) ɖo Jɛtɔdo ɔ́ mɛ bó lɛ́ kɔ wá xwé ɔ́, nyǐkɔ tɔn yi jǐ d'é jí.

2 Samuwɛ́li 8:14

É zé tokpɔngán lɛ́ɛ ɖó Edɔ́munu lɛ́ɛ nu gǎnnugǎnnu, bɔ Edɔ́munu lɛ́ɛ húzú kannumɔ Davídi tɔn. Mawu Mavɔmavɔ dó alɔ Davídi bɔ é fun ahwan gbɔn fí ɖěbǔ ɔ́, é nɔ ɖu ɖ'é jí.

2 Samuwɛ́li 8:6

Davídi sɔ́ tokpɔngán lɛ́ɛ ɖó yě nu gǎnnugǎnnu, bɔ Silíinu lɛ́ɛ húzú kannumɔ tɔn, bó nɔ ná nǔjɔ. Mawu Mavɔmavɔ dó alɔ Davídi bɔ é fun ahwan gbɔn fí ɖěbǔ ɔ́, é nɔ ɖu ɖ'é jí.

1 Tan 17:8

Un nɔ kpɔ́ xá we ɖo fí e a gbɔn lɛ́ɛ bǐ. Un vívá kɛntɔ́ towe lɛ́ɛ bǐ sín kún ɖo nukún towe mɛ. Un zé nyǐkɔ towe su gǎn e ɖo ayǐkúngban ɔ́ jí lɛ́ɛ ɖɔhun.

Ɖɛhan 21:6

Alɔ e a dǒ e ɔ́ zɔ́n bɔ é xɔ susu bɔ é vɛ́ jlɛ́. A sɔ́ ɛ axɔ́sú ɖaxó; a ɖǒ wi ta n'i.

Ɖɛhan 89:23

Kɛntɔ́ ná sixú fyán ɛ ǎ, mɛdídá ná sixú dó tagba n'i ǎ.

Luki 1:52

É ɖe axɔ́sú lɛ́ɛ sín zinkpo yětɔn lɛ́ɛ jí, bó sɔ́ mɛ e nɔ sɔ́ yěɖée hwe lɛ́ɛ su.

Jozuwée 6:27

Mawu Mavɔmavɔ ɖo kpɔ́ xá Jozuwée, bɔ nyǐkɔ tɔn gba kpé to ɔ́ bǐ mɛ.

1 Samuwɛ́li 18:14

Davídi sɔ́ nǔ ɖěbǔ bó ná wa ɔ́, é nɔ bló ganjí, bɔ Mawu Mavɔmavɔ ɖo kpɔ́ xá ɛ.

1 Samuwɛ́li 18:30

Hwenɛ́nu ɔ́, gǎn Filisitɛ́ɛn lɛ́ɛ tɔn lɛ́ɛ nɔ ɖo ahwan tɔ́n Izlayɛ́li ví lɛ́ɛ wɛ. Yě ká ko wá tɛgbɛ ɔ́, Davídi nɔ ɖu ɖ'é jí hú Sawúlu sín ahwanfuntɔ́ lɛ́ɛ bǐ, bɔ nyǐkɔ tɔn fɔ́n ɔ́, é nɔ́ ɖo jǐ yi wɛ.

1 Samuwɛ́li 2:8

É nɔ́ sɔ́ wamamɔnɔ sí te sín kɔ́ mɛ, é nɔ́ sɔ́ lelenɔ sí te sín zunkɔ́ mɛ, é nɔ́ sɔ́ ɛ jínjɔ́n mɛ klogǎn klogǎn lɛ́ɛ há jí, é nɔ́ sɔ́ ɛ ɖó tɛn ɖaxó mɛ. Đó Mawu Mavɔmavɔ tɔn wɛ nyí dotín ayǐkúngban ɔ́ tɔn lɛ́ɛ. Dotín énɛ́ lɛ́ɛ jí wɛ é sɔ́ gbɛ ɔ́ jínjɔ́n.

1 Samuwɛ́li 31:6

Lě e Sawúlu kpó vǐ tɔn atɔn lɛ́ɛ kpó, mɛ e nɔ hɛn ahwanfunnú tɔn lɛ́ɛ n'i ɔ́ kpó mɛ tɔn lɛ́ɛ kpó bǐ kú gbɔn gbe nɛ́ gbe ɔ́ nɛ́.

1 Samuwɛ́li 5:10

bɔ yě gbɔ bó sɔ́ akɔjijɛgbá Mawu tɔn sɛ́ dó Eklɔ́ni. Ée akɔjijɛgbá Mawu tɔn ɔ́ byɔ́ Eklɔ́ni lě ɔ́, Eklɔ́ninu lɛ́ɛ sú xó bó ɖɔ: “È sɔ́ Mawu Izlayɛ́li tɔn sín akɔjijɛgbá wá gɔ̌n mǐtɔn, bó ná dó hu mǐ, mǐ kpó togun mǐtɔn kpó.”