2 Samuwɛ́li 7:8 - MAWUXÓWÉMA

⁸ Din ɔ́, a nǎ ɖɔ nú mɛsɛntɔ́ ce Davídi ɖɔ xó e Mawu Mavɔmavɔ Nǔbǐwúkpétɔ́ ɔ́ ɖɔ ɔ́ ɖíe: ‘Sín hwenu e a ɖo lɛ̌ngbɔ́nyitɔ́ nyí wɛ ɔ́ wɛ un ylɔ́ we, bó sɔ́ we gǎn ɖó togun ce Izlayɛ́li nu.

2 Samuwɛ́li 7:8 Iomraidhean Croise

2 Samuwɛ́li 12:7

Bɔ Natáan ɖɔ nú Davídi ɖɔ: “Hwi wɛ nyí nya e xó ɖɔ wɛ è ɖe é. Xó e Mawu Mavɔmavɔ, Mawu Izlayɛ́li tɔn ɖɔ ɔ́ ɖíe; ɖǒtó: ‘Un zé we axɔ́sú ɖó Izlayɛ́li to ɔ́ nu, bó hwlɛ́n we gán ɖo Sawúlu sí,

2 Samuwɛ́li 14:13

Bɔ é ɖɔ nú axɔ́sú ɔ́ ɖɔ: “Étɛ́wú mɛ ka lin nǔ mɔ̌hun dó togun Mawu tɔn wú? Lě e mɛ ɖɔ xó gbɔn din zaanɖé ɔ́ slɛ́ mɛ, ɖɔ mɛ wa nǔ nyi do. Étɛ́wú mɛ ma ka sɛ́ wɛn dó Abusalɔ́mu bónú é gosín to e mɛ é hɔn yi cí é, bó wá xwé ǎ.

2 Samuwɛ́li 23:1

Xó gǔdo gúdo tɔn e Davídi ɖɔ lɛ́ɛ ɖíe: Mi ɖótó xó e Davídi Jɛsée ví ɔ́ ɖɔ lɛ́ɛ; xó e mɛ e Mawu sɔ́ su ɔ́ ɖɔ lɛ́ɛ, mɛ e Mawu Jakɔ́bu tɔn sɔ́ axɔ́sú é ɖɔ lɛ́ɛ. Mi ɖótó xó e hannyɔ́jitɔ́ Izlayɛ́li tɔn ɖɔ dó han mɛ lɛ́ɛ;

2 Samuwɛ́li 24:17

Ée Davídi mɔ wɛnsagun ɔ́ ɖo kún vívá nú togun ɔ́ wɛ é ɔ́, é ɖɔ nú Mawu Mavɔmavɔ ɖɔ: “Nyi wɛ hu hwɛ, hwɛ ce wɛ. Mɛ énɛ́ lɛ́ɛ ɔ́, xomɛvɔ́nɔ wɛ nú yě. Hǔn nyɛ kpó hɛ̌nnumɔ ce lɛ́ɛ kpó wɛ a nǎ dɔn tó ná.”

2 Samuwɛ́li 5:2

Đ'ayǐ e Sawúlu nyí axɔ́sú mǐtɔn ɔ́, mɛ wɛ nɔ kplá ahwanfuntɔ́ Izlayɛ́li tɔn lɛ́ɛ yi ahwangbénu, bó nɔ lɛ́ kplá yě wá xwé. Mawu Mavɔmavɔ ko ɖɔ nú mɛ ɖ'ayǐ ɖɔ mɛ wɛ ná kpé nukún dó togun émítɔn Izlayɛ́li ɔ́ wú lě e lɛ̌ngbɔ́nyitɔ́ nɔ kpé nukún dó lɛ̌ngbɔ́ tɔn lɛ́ɛ wú é ɖɔhun, mɛ wɛ ná nyí to ɔ́ sín gǎn.”

2 Samuwɛ́li 6:21

Davídi yí gbe n'i ɖɔ: “Mawu Mavɔmavɔ wlí yɛ̌yi ná wɛ un ɖe. É mɔ ɖɔ un nyɔ́ hú tɔ́ towe kpó mɛ tɔn lɛ́ɛ kpó bó sɔ́ mì, bónú má kpa acɛ dó togun tɔn Izlayɛ́li nu, bɔ un ɖo lě e xomɛ hun mì gbɔn ɔ́ ɖe xlɛ́ ɛ wɛ.

1 Axɔ́sú 3:6

Ée Mawu Mavɔmavɔ ɖɔ mɔ̌ ɔ́, Salomɔ́ɔ ɖɔ n'i ɖɔ: “A nyɔ̌ xomɛ dó mɛsɛntɔ́ towe tɔ́ ce Davídi wú tawun. Đó Davídi ɔ́, gbɛtɔ́ ɖé wɛ bɔ è nǎ ɖeji dó wǔ tɔn; é nɔ wa nǔ jlɔ́jlɔ́, bó sɔ́ xomɛ ɖó wɛn nú we, bɔ a nyɔ̌ xomɛ énɛ́ ɔ́ dó wǔ tɔn, bó ná ɛ vǐ súnnu ɖokpó, bɔ é wá jínjɔ́n axɔ́súzinkpo tɔn jí lě e mɔ gbɔn wɛ è ɖe égbé é.

1 Axɔ́sú 8:16

‘Sín gbe e gbe un ko ɖe togun ce Izlayɛ́li ɔ́ tɔ́n sín Ejípu ɔ́, un sɔ́ toxo ɖěbǔ ɖo Izlayɛ́li sín toxo lɛ́ɛ mɛ, bónú è nǎ sá xwé ɖé, bónú má nɔ́ ɖe susu ce xlɛ́ ɖo fínɛ́ ǎ. Amɔ̌ un sɔ́ Davídi bɔ é ɖu axɔ́sú ɖo togun ce Izlayɛ́li ɔ́ nu.’

1 Tan 17:7

Din ɔ́, a nǎ ɖɔ nú mɛsɛntɔ́ ce Davídi ɖɔ xó e nyɛ Mawu Mavɔmavɔ Nǔbǐwúkpétɔ́ ɔ́ ɖɔ ɔ́ ɖíe: ‘Sín hwenu e a ɖo lɛ̌ngbɔ́nyitɔ́ nyí wɛ ɔ́ wɛ un ylɔ́ we, bó sɔ́ we gǎn ɖó togun ce Izlayɛ́li nu.

1 Tan 21:17

Bɔ Davídi ɖɔ nú Mawu Mavɔmavɔ ɖɔ: “Nyɛ wɛ zɔ́n ɖɔ è nǐ sɔ́ togun ɔ́ sín kɛ́n. Nyɛ wɛ hu hwɛ, nyɛ wɛ wa nǔ nyi do. Mɛ énɛ́ lɛ́ɛ ɔ́, xomɛvɔ́nɔ wɛ nú yě. Mawu Mavɔmavɔ, Mawu ce, nyɛ kpó xwédo ce kpó wɛ a nǎ dɔn tó ná. Ma wa nǔ nyanya ɖé nú togun towe ó.”

Amɔ́si 7:15

Mawu Mavɔmavɔ wɛ ɖe mì sín lɛ̌ngbɔ́ ce lɛ́ɛ kɔn, bó ɖɔ nú mì ɖɔ ma yi dó wɛn émítɔn togun Izlayɛ́li tɔn nú émí.

Mɛsɛ́dó 7:46

Davídi sín nǔ nyɔ́ Mawu e Jakɔ́bu nɔ sɛn ɔ́ nukún mɛ, bɔ Davídi byɔ́ ɛ ɖɔ é ní ná gbe émí, nú émí ná gbá xɔ ɖokpó n'i.

1 Samuwɛ́li 10:1

Ée Sawúlu nɔ te ɔ́, Samuwɛ́li sɔ́ ami goví ɖokpó bó kɔn dó ta nú Sawúlu, bó kplá así kɔ n'i, bó ɖɔ: “Mawu Mavɔmavɔ ɖésú wɛ kɔn ami dó ta nú we, bó sɔ́ we axɔ́sú ɖó togun tɔn nu.

1 Samuwɛ́li 2:8

É nɔ́ sɔ́ wamamɔnɔ sí te sín kɔ́ mɛ, é nɔ́ sɔ́ lelenɔ sí te sín zunkɔ́ mɛ, é nɔ́ sɔ́ ɛ jínjɔ́n mɛ klogǎn klogǎn lɛ́ɛ há jí, é nɔ́ sɔ́ ɛ ɖó tɛn ɖaxó mɛ. Đó Mawu Mavɔmavɔ tɔn wɛ nyí dotín ayǐkúngban ɔ́ tɔn lɛ́ɛ. Dotín énɛ́ lɛ́ɛ jí wɛ é sɔ́ gbɛ ɔ́ jínjɔ́n.

1 Samuwɛ́li 9:16

“Sɔ gan élɔ́ mɛ ɔ́, un ná sɛ́ dǎwe ɖokpó dó we, bɔ é ná gosín Bɛnjamɛ́ɛ tomɛ. A nǎ kɔn ami dó ta n'i, bɔ é ná nyí gǎn nú togun Izlayɛ́li tɔn ɔ́. É ná hwlɛ́n togun ce gán ɖo Filisitɛ́ɛn lɛ́ɛ sí; un nyi kɔ kpɔ́n togun ce, ɖó xó e sú wɛ é ɖe é wá káká gɔ̌n ce.”