2 Samuwɛ́li 7:6 - MAWUXÓWÉMA

⁶ Sín gbe e gbe un kplá Izlayɛ́li ví lɛ́ɛ sín Ejípu ɔ́ káká wá jɛ égbé ɔ́, un nɔ xɔ ɖě mɛ kpɔ́n ǎ; goxɔ jɛ́n nyí xwé ce, bɔ un nɔ ɖ'é mɛ, bó nɔ́ ɖo yiyi xá yě wɛ.

2 Samuwɛ́li 7:6 Iomraidhean Croise

2 Samuwɛ́li 11:11

Ulíi ka yí gbe nú Davídi ɖɔ: “Akɔjijɛgbá mímɛ́ Mawu Mavɔmavɔ tɔn kpó ahwangɔnu Izlayɛ́li tɔn kpó, Judáa tɔn kpó ɖo goxɔ mɛ. Bɔ gǎn ce Jowabu kpó mɛsɛntɔ́ mɛtɔn lɛ́ɛ kpó ɖo ahwangbénu, bɔ nyɛ ná yi xwé ce gbe, bó ná ɖu nǔ bó nu ahan, bɔ nyi kpó asi ce kpó ná mlɔ́ ayǐ? Gbeɖé kpɔ́n!” Ée Ulíi ɖɔ mɔ̌ ɔ́, é xwlé nǔ ɖɔ: “È ɖo gbɛ bɔ funfún mɛtɔn ɖo dǐndín wɛ jɛ́n wɛ ɔ́, un ná dó nǔ mɔ̌hun sin gbeɖé ǎ.”

1 Axɔ́sú 8:16

‘Sín gbe e gbe un ko ɖe togun ce Izlayɛ́li ɔ́ tɔ́n sín Ejípu ɔ́, un sɔ́ toxo ɖěbǔ ɖo Izlayɛ́li sín toxo lɛ́ɛ mɛ, bónú è nǎ sá xwé ɖé, bónú má nɔ́ ɖe susu ce xlɛ́ ɖo fínɛ́ ǎ. Amɔ̌ un sɔ́ Davídi bɔ é ɖu axɔ́sú ɖo togun ce Izlayɛ́li ɔ́ nu.’

Mɛsɛ́dó 7:44

“Hwenu e tɔ́gbó mǐtɔn lɛ́ɛ ɖo yiyi wɛ ɖo gbětótló mɛ ɔ́, yě hɛn goxɔ e ɖe xlɛ́ ɖɔ Mawu ɖo kpɔ́ xá yě ɔ́, bɔ awǐnnya we e jí Mawusɛ́n lɛ́ɛ ɖe ɔ́ ɖ'é mɛ. Mɔyízi bló goxɔ énɛ́, bɔ é sɔgbe xá ée é mɔ é.

2 Kɔlɛ́ntinu 6:16

Étɛ́ sinsɛnxɔ Mawu tɔn sixú kpé xá vodún lɛ́ɛ? Đó sinsɛnxɔ Mawu gbɛɖe ɔ́ tɔn wɛ mǐ nyí, lě e Mawu ko ɖɔ gbɔn é; Mawu ɖɔ: “Un ná nɔ yě mɛ, bó ná ɖi zɔnlin xá yě; un ná nyí Mawu yětɔn, bɔ yě ná nyí togun ce.”

Sɛ́nflínmɛ 23:14

Mɛ ɖokpó ɖokpó ná ɖó nǔɖé, bɔ nú é sɛ yi zɔ ɔ́, é ná nɔ́ dó kun do, bɔ nú é yi afɔ jí ɔ́ kpé ɔ́, é ná zé dó dɔn kɔ́ d'é jí.

Jozuwée 18:1

To ɔ́ jɛ Izlayɛ́li ví lɛ́ɛ sín acɛ mɛ, bɔ yě bǐ kplé ɖo Silóo, bó dó goxɔ e mɛ Mawu Mavɔmavɔ ná nɔ́ wá kpé yě ɖe ɔ́ nyi fínɛ́.

Nǔɖexlɛ́mɛ 2:1

Wlǎn wěma sɛ́ dó agun Klísu tɔn e ɖo Efɛ́zi ɔ́ sín wɛnsagun, bó ɖɔ n'i ɖɔ: “Mɛ e hɛn sunví tɛ́nwe lɛ́ɛ dó alɔ tɔn ɖisí ɔ́ mɛ, bó ɖo zɔnlin ɖi wɛ ɖo sikázogbɛ́nhɛnnú tɛ́nwe lɛ́ɛ tɛ́ntin ɔ́, xó e ɖɔ wɛ é ɖe ɔ́ ɖíe:

Hwɛɖɔtɔ́ 20:27

Đó hwe énɛ́ ɔ́ nu ɔ́, akɔjijɛgbá Mawu tɔn ɔ́, Betɛ́li wɛ é ɖe. Pínxási e nyí Eleazáa ví, bó nyí Aalɔ́ɔn vívú ɔ́ wɛ nyí gǎn ná. Izlayɛ́li ví lɛ́ɛ kan nǔ byɔ́ Mawu Mavɔmavɔ bó ná tunwun nú yě ɖó ná lɛ́ yi fun ahwan xá nɔví yětɔn Bɛnjamɛ́ɛ sín mɛ lɛ́ɛ, abǐ yě ní gbɔ a jí. Mawu Mavɔmavɔ ka yí gbe nú yě ɖɔ: “Mi yi, un ná jó yě nú mi sɔ.”