2 Samuwɛ́li 7:5 - MAWUXÓWÉMA

⁵ “Yi ɖɔ nú mɛsɛntɔ́ ce Davídi ɖɔ: Xó e Mawu Mavɔmavɔ ɖɔ è nǐ ɖɔ nú we ɔ́ ɖíe: ‘Hwi wɛ ná sá xwé nú mì bɔ un ná nɔ mɛ ǎ.

2 Samuwɛ́li 7:5 Iomraidhean Croise

2 Samuwɛ́li 7:4

Lo ɔ́, gbe nɛ́ gbe zǎn mɛ ɔ́, Mawu Mavɔmavɔ ɖɔ xó nú Natáan. É ɖɔ n'i ɖɔ:

1 Axɔ́sú 5:17

“A tunwun ɖɔ tɔ́ ce Davídi kún kpé wú bó sá xwé nú Mawu Mavɔmavɔ, Mawu tɔn ó. Đó kɛntɔ́ tɔn lɛ́ɛ nɔ́ ɖo ahwan tɔ́n ɛ wɛ gbɔn ɖisí amyɔ. Mawu Mavɔmavɔ ka bló bɔ é wá ɖu ɖo yě jǐ.

1 Axɔ́sú 6:12

“A ɖo xɔ gbá nú mì wɛ. É nyɔ́! Nú a xwedó sɛ́n ce lɛ́ɛ bó bló nǔ e un ɖɔ lɛ́ɛ ɔ́, nú a se tónú, bó bló nǔ e un zɔ́n ɖɔ è nǐ bló lɛ́ɛ bǐ ɔ́, un ná ɖe nǔ e un dó akpá tɔn nú tɔ́ towe Davídi ɖɔ un ná bló ɔ́ nú we:

1 Tan 17:4

“Yi ɖɔ nú mɛsɛntɔ́ ce Davídi ɖɔ é kún nyí é wɛ ná gbá xɔ e mɛ un ná nɔ ɔ́ ó.

1 Tan 28:3

Lo ɔ́, Mawu ɖɔ nú mì ɖɔ: ‘Hwi wɛ ná sá xwé nú mì ǎ, ɖó ahwanfuntɔ́ wɛ a nyǐ, bó kɔn gbɛtɔ́ sín hun kɔn nyi ayǐ.’

Nǔnywɛ́xó 16:1

Nǔ gěgé lin wɛ gbɛtɔ́ ɖe bó ná wa, amɔ̌, éé Mawu Mavɔmavɔ ɖɔ ɔ́ wɛ nɔ nyí wiwa.

Ezayíi 66:1

Xó e Mawu Mavɔmavɔ ɖɔ ɔ́ ɖíe: “Jǐnukúnsin ɔ́, axɔ́súzinkpo ce wɛ, ayǐkúngban ka nyí afɔɖótɛn ce. Énɛ́ ɔ́, xwé alɔkpa tɛ́ mi ná sixú sá nú mì? Fítɛ́ mi ka sixú bló bɔ un ná nɔ?