2 Samuwɛ́li 7:2 - MAWUXÓWÉMA

² É wá su gbe ɖokpó, bɔ Davídi ɖɔ nú gbeyíɖɔ Natáan ɖɔ: “Xɔ e mɛ nyɛ ɖe ɔ́, sɛ́dlutín wɛ è dǒ gbá, bɔ akɔjijɛgbá Mawu tɔn ɔ́ ká ɖo avɔgoxɔ mɛ. Étɛ́ a lin d'é wú?”

2 Samuwɛ́li 7:2 Iomraidhean Croise

2 Samuwɛ́li 11:11

Ulíi ka yí gbe nú Davídi ɖɔ: “Akɔjijɛgbá mímɛ́ Mawu Mavɔmavɔ tɔn kpó ahwangɔnu Izlayɛ́li tɔn kpó, Judáa tɔn kpó ɖo goxɔ mɛ. Bɔ gǎn ce Jowabu kpó mɛsɛntɔ́ mɛtɔn lɛ́ɛ kpó ɖo ahwangbénu, bɔ nyɛ ná yi xwé ce gbe, bó ná ɖu nǔ bó nu ahan, bɔ nyi kpó asi ce kpó ná mlɔ́ ayǐ? Gbeɖé kpɔ́n!” Ée Ulíi ɖɔ mɔ̌ ɔ́, é xwlé nǔ ɖɔ: “È ɖo gbɛ bɔ funfún mɛtɔn ɖo dǐndín wɛ jɛ́n wɛ ɔ́, un ná dó nǔ mɔ̌hun sin gbeɖé ǎ.”

2 Samuwɛ́li 12:1

Mawu Mavɔmavɔ sɛ́ Natáan dó Davídi gɔ́n, bɔ Natáan yi gɔ̌n tɔn bó ɖɔ n'i ɖɔ: “Nya we ɖé lɛ́ɛ tíin bó nɔ́ nɔ toxo ɖokpó ɔ́ mɛ, bɔ mɛ ɖokpó nyí dɔkunnɔ, bɔ mɛ ɖě ɔ́ nyí wamamɔnɔ.

2 Samuwɛ́li 5:11

Ilámu Tíi xɔ́sú ɔ́ sɛ́ mɛ dó Davídi gɔ́n, bó sɛ́ sɛ́dlutín dó e, bó sɛ́ xɔgbátɔ́ kpó awǐnnyakpatɔ́ kpó dó e, nú yě ná gbá hɔnmɛ ɖokpó n'i.

2 Samuwɛ́li 6:17

Ée è zě akɔjijɛgbá ɔ́ wá ɔ́, è sɔ́ yi ɖó tɛn tɔn mɛ ɖo goxɔ ɔ́ tɛ́ntin fí e Davídi ko bló tɛnmɛ tɔn ɖó ɖ'ayǐ é. Énɛ́ ɔ́ gúdo ɔ́, Davídi sá vɔ̌ e è nɔ dó zo ɔ́ kpó kɔnɖókpɔ́vɔ́ kpó nú Mawu Mavɔmavɔ.

2 Samuwɛ́li 7:17

Natáan wlí nǔ e Mawu ɖe xlɛ́ ɔ́ bǐ ɖɔ nú Davídi.

1 Axɔ́sú 1:22

É kpo ɖo xó ɖɔ xá axɔ́sú ɔ́ wɛ bɔ gbeyíɖɔ Mawu tɔn Natáan wá.

1 Axɔ́sú 1:8

Lo ɔ́, vɔ̌sánú-xwlémawutɔ́ Sadɔ́ku kpódó Benayahu Yexoyada ví ɔ́ kpó, kpódó gbeyíɖɔ Mawu tɔn Natáan kpó, kpódó Cimɛ́yi kpó, kpódó Hleyi kpó, kpódó ahwanfuntɔ́ syɛ́nsyɛ́n e nɔ kplá Davídi lɛ́ɛ kpó ɖo jǐ tɔn ǎ.

1 Axɔ́sú 4:5

Azalyahu Natáni ví ɔ́ wɛ kpa acɛ dó tokpɔngán lɛ́ɛ nu. Zavúdu Natáni ví ɔ́, vɔ̌sánú-xwlémawutɔ́ wɛ, bó nɔ́ lɛ́ ɖe wě xá axɔ́sú ɔ́.

1 Axɔ́sú 8:17

Tɔ́ ce Davídi wɛ ko lin ɖɔ émí ná sá xwé nú Mawu Mavɔmavɔ, Mawu Izlayɛ́li tɔn.

1 Tan 14:1

Ilámu Tíi xɔ́sú ɔ́ sɛ́ mɛ dó Davídi gɔ́n, bó sɛ́ sɛ́dlutín dó e, bó sɛ́ awǐnnyakpatɔ́ kpódó xɔgbátɔ́ kpó dó e, bónú yě ná gbá hɔnmɛ ɖokpó n'i.

1 Tan 16:1

Ée è zě akɔjijɛgbá Mawu tɔn ɔ́ wá ɔ́, è zě ɖó goxɔ e Davídi ko gbá ɖ'ayǐ n'i ɔ́ tɛ́ntin, bó sá vɔ̌ e è nɔ dó zo ɔ́ kpódó kɔnɖókpɔ́ vɔ́ kpó nú Mawu.

1 Tan 22:7

É ɖɔ n'i ɖɔ: “Vǐ ce, nyɛ ɖésú ko lin ɖɔ un ná sá xwé ɖokpó nú Mawu Mavɔmavɔ, Mawu ce.

1 Tan 29:29

Azɔ̌ e axɔ́sú Davídi wa lɛ́ɛ bǐ ɔ́, éé é wa jɛ nukɔn lɛ́ɛ, kpódó éé é wa gbɔn gǔdo lɛ́ɛ kpó ɔ́, è wlǎn bǐ dó “Samuwɛ́li nǔmɔtɔ́ ɔ́ sín wěma” mɛ, bó wlán dó “gbeyíɖɔ Mawu tɔn Natáan sín wěma” mɛ, lobo wlán dó “Gadi nǔmɔtɔ́ ɔ́ sín wěma” mɛ.

2 Tan 1:4

Davídi ko zé akɔjijɛgbá Mawu tɔn ɔ́ sín Kiliyati-Yealimu yi goxɔ e é kó bló ɖ'ayǐ nú akɔjijɛgbá ɔ́ ɖo Jeluzalɛ́mu ɔ́ mɛ.

2 Tan 29:25

Énɛ́ ɔ́ gúdo ɔ́, axɔ́sú ɔ́ ɖó tɛnmɛ nú Levíi ví lɛ́ɛ ɖó Mawu Mavɔmavɔ xwé gbe. Yě hɛn agǐdigbo bó hɛn kanhún bó hɛn kpɛn lě e Davídi kpó Gadi nǔmɔtɔ́ axɔ́sú ɔ́ tɔn ɔ́ kpódó Natáan gbeyíɖɔ Mawu tɔn ɔ́ kpó kó ná gbe tɔn gbɔn é. Đó Mawu Mavɔmavɔ wɛ ko ɖɔ mɔ̌ gbɔn gbeyíɖɔ tɔn lɛ́ɛ jí.

2 Tan 9:29

Salomɔ́ɔ sín tan e kpo ɔ́, è wlǎn sín fí e é bɛ́ sín ɔ́ káká yi fí e é fó dó ɔ́, bɔ é ɖo Tan wéma gbeyíɖɔ Mawu tɔn Natáan tɔn mɛ, bó ɖo xó e Axiya Silóonu ɔ́ ɖɔ ɔ́ sín wěma mɛ, lobo lɛ́ ɖo nǔ e nǔmɔtɔ́ Yedóo mɔ dó Jelobowámu Nɛvati ví ɔ́ wú sín wěma mɛ.

Ɖɛhan 132:2

Flín Davídi e dó akpá nú hwi Mawu Mavɔmavɔ bo xwlé nǔ d'é jí é, flín akpá e é dó nú hwi Mawu hlɔ̌nhlɔ́nnɔ Jakɔ́bu tɔn é, é dó akpá ɖɔ:

Tíntɔ́n 40:21

É zé gbǎ ɔ́ wá goxɔ ɔ́ mɛ; é dó xɔmɛgbovɔ ɔ́, dó gbo fí e gbǎ e mɛ awǐnnyatɛ lɛ́ɛ ɔ́ ɖe ɔ́ ɖó vo, bónú mɛɖé má mɔ ó, lě e Mawu Mavɔmavɔ kó ɖɔ n'i gbɔn é.

Ajée 1:4

Bɔ din ɔ́, é nyɔ́ ɖɔ mi ní jó xwé ce dó nyi gbigba mɔ̌, bó yi cí xwé mitɔn e mi va, bo ɖó acɔ́ ná sɔ mɔ̌ lɛ́ɛ gbe a?

Jǎan 2:17

Ée ahwanvú tɔn lɛ́ɛ mɔ mɔ̌ ɔ́, yě flín xó élɔ́ e è wlǎn dó Mawuxówéma ɔ́ mɛ ɔ́: “Wǎn yíyí e un ɖó nú xwé towe ɔ́, wǎn yíyí ma ɖó jlɛ̌ ɖé wɛ, bó nɔ́ sɔ́ akpakpa mì.”

Mɛsɛ́dó 7:46

Davídi sín nǔ nyɔ́ Mawu e Jakɔ́bu nɔ sɛn ɔ́ nukún mɛ, bɔ Davídi byɔ́ ɛ ɖɔ é ní ná gbe émí, nú émí ná gbá xɔ ɖokpó n'i.