2 Samuwɛ́li 6:2 - MAWUXÓWÉMA

² Davídi kplá sɔ́ja énɛ́ lɛ́ɛ, bó yi Baalé-Yehuda ɖo Judáa yíkúngban jí, bó ná yi zé akɔjijɛgbá Mawu tɔn. Mawu Mavɔmavɔ Nǔbǐwúkpétɔ́ ɔ́ sín nyǐkɔ ɖ'é wú, bɔ é ɖo ayǐjínjɔ́n ɖo akɔjijɛgbá ɔ́ jí, ɖo axɔ́súzinkpo tɔn jí.

2 Samuwɛ́li 6:2 Iomraidhean Croise

2 Samuwɛ́li 22:11

É xá wɛnsagun ɖokpó jí, bó zɔn ɖidó, é tɔ́n, bó zɔn jɔhɔn mɛ.

Ɖɛhan 80:1

Hanjigbɛ́gán ɔ́ sín hanjiwéma mɛ wɛ han élɔ́ ɖe. È nɔ ji dó han e è nɔ ylɔ́ ɖɔ “Folówa ɖagbe ɖagbe” ɔ́ sín hangbe mɛ. Kúnnuɖiɖe Asáfu tɔn sín han wɛ.

Ɖɛhan 99:1

Mawu Mavɔmavɔ ɖo axɔ́sú ɖu wɛ: togun lɛ́ɛ nɔ́ sísɔ́. É jínjɔ́n ayǐ ɖo wɛnsagun susunɔ lɛ́ɛ jí: ayǐkúngban ɔ́ nɔ́ dán wǔ.

Ezayíi 47:4

Mɛ e nɔ hwlɛ́n mǐ ɔ́, nyǐkɔ tɔn nɔ́ nyí Mawu Mavɔmavɔ Nǔbǐwúkpétɔ́, Mɛ Mímɛ́ Izlayɛ́li tɔn.

Ezayíi 54:5

Đó mɛ e ɖó we é wɛ ná nyí asú nú we, Mawu Mavɔmavɔ Nǔbǐwúkpétɔ́ wɛ nyǐkɔ tɔn nyí, Mɛ mímɛ́ Izlayɛ́li tɔn ɔ́ wɛ vɔ́ gbɛ towe xɔ. Mawu wɛ̌kɛ́ ɔ́ bǐ tɔn wɛ nyǐkɔ tɔn nyí.

Jozuwée 15:60

Toxo élɔ́ lɛ́ɛ lɔ ɖ'é mɛ: Kiliyati-Baalu e è nɔ lɛ́ ylɔ́ ɖɔ Kiliyati-Yealimu é, kpódó Hlaba kpó. É bló toxo we, kpódó gletoxo yětɔn lɛ́ɛ kpó.

1 Piyɛ́ɛ 1:12

Mawu ɖe xlɛ́ gbeyíɖɔ lɛ́ɛ ɖɔ wɛn énɛ́ e è ɖɔ yě ní dó ɔ́ kún nyí yě ɖésúnɔ tɔn ó; lo ɔ́, mi tɔn wɛ. Wɛn Ɖagbejlátɔ́ lɛ́ɛ dó wɛn énɛ́ ɔ́ mi din; yě ɖɔ xó tɔn nú mi kpó hlɔ̌nhlɔ́n e Yɛsinsɛn e è sɛ́ dó sín sɛ́xwé ɔ́ ná yě ɔ́ kpó; wɛnsagun lɛ́ɛ ɖésú lɔ ka jló ná mɔ nǔ jɛ wɛn énɛ́ mɛ.

1 Samuwɛ́li 4:4

Togun ɔ́ sɛ́ mɛ dó Silóo nǔgbó, bɔ è yi sɔ́ akɔjijɛgbá Mawu Mavɔmavɔ Nǔbǐwúkpétɔ́ ɔ́ tɔn wá. Akɔjijɛgbá ɔ́ jí wɛ Mawu Mavɔmavɔ ɖo ayǐjínjɔ́n ɖe, ɖo axɔ́súzinkpo tɔn jí. Eli ví we lɛ́ɛ: Pínxási kpó Hofíni kpó ɖo akɔjijɛgbá ɔ́ kɔn.

1 Samuwɛ́li 6:21

Ée yě ɖɔ mɔ̌ ɔ́, yě sɛ́ mɛ dó Kiliyati-Yealimunu lɛ́ɛ, bó ɖɔ nú yě ɖɔ: “Filisitɛ́ɛn lɛ́ɛ lɛ́ kɔ nú akɔjijɛgbá Mawu Mavɔmavɔ tɔn wá; mi wá sɔ́.”

1 Samuwɛ́li 7:1

Kiliyati-Yealimunu lɛ́ɛ wá sɔ́ akɔjijɛgbá Mawu Mavɔmavɔ tɔn yi, bó sɔ́ yi ɖó Avinadávu xwé ɖo só ɖé jí, bó sɔ́ vǐ tɔn Eleazáa ɖó vo bɔ é ná nɔ cɔ́.