2 Samuwɛ́li 5:7 - MAWUXÓWÉMA

⁷ É ká ɖo mɔ̌ có Davídi yí toxo e è mɛ ahohó lɛ́ lɛ̌ dó ɖo Sinyɔ́ɔ é. Toxo énɛ́ ɔ́ wɛ è nɔ ylɔ́ ɖɔ Davídi Toxo.

2 Samuwɛ́li 5:7 Iomraidhean Croise

2 Samuwɛ́li 5:8

Davídi ɖɔ gbe nɛ́ gbe ɖɔ: “Ényí mɛɖé jló ná hu Jebuzinu lɛ́ɛ hǔn, mɛ ɔ́ ní gbɔn ali e è ɖe gbɔn ayǐkúngban glɔ́ é; énɛ́ ɔ́, é ná kpé yě wú. Un gbɛ́ wǎn nú sékúnɔ nɛ́ lɛ́ɛ kpó nukúntíntɔ́nnɔ nɛ́ lɛ́ɛ kpó ɖésú.” Énɛ́ ɔ́ wú wɛ è nɔ ɖɔ: “È nɔ yí nukúntíntɔ́nnɔ lɛ́ɛ kpó sékúnɔ lɛ́ɛ kpó dó sinsɛnxɔ Mawu tɔn mɛ ǎ.”

2 Samuwɛ́li 5:9

Davídi sá xwé nyi ahohó ɔ́ mɛ, bó sun nyǐ fínɛ́ ɖɔ: “Davídi Toxo.” Énɛ́ ɔ́ gúdo ɔ́, Davídi lɛ́ zɔ́n bɔ è mɛ dǒ sín Milo kpe ɔ́ kɔn káká wá hɔnmɛ fí e é nɔ́ nɔ é.

2 Samuwɛ́li 6:10

Davídi jló ɖɔ akɔjijɛgbá ɔ́ ní byɔ́ xwé émítɔn gbe ɖo toxo émítɔn mɛ ǎ, lobo zé akɔjijɛgbá ɔ́ yi ɖó nya Gatinu ɖé xwé. È nɔ ylɔ́ nya ɔ́ ɖɔ Ovɛ́di-Edɔ́mu.

2 Samuwɛ́li 6:12

È wǎ ɖɔ nú axɔ́sú Davídi ɖɔ Mawu Mavɔmavɔ dó acɛ Ovɛ́di-Edɔ́mu kpó mɛ tɔn lɛ́ɛ kpó jí, bɔ nǔ tɔn bǐ nyɔ́, ɖó akɔjijɛgbá Mawu tɔn e ɖo xwé tɔn gbe ɔ́ wú. Ée Davídi se mɔ̌ ɔ́, é wlí ali bo ɖidó Ovɛ́di-Edɔ́mu xwé, lobo ná yi zé akɔjijɛgbá Mawu Mavɔmavɔ tɔn ɔ́ wá ɖó Toxo tɔn mɛ, kpó awǒbóbó kpó.

2 Samuwɛ́li 6:16

Hwenu e akɔjijɛgbá Mawu Mavɔmavɔ tɔn ɖo Davídi Toxo mɛ byɔ́ wɛ ɔ́, Sawúlu sín vǐ nyɔ̌nu Mikali Davídi si ɔ́ kpɔ́n sɛ́ dó gbɔn flɛtɛ́li nu, bó mɔ axɔ́sú Davídi ɖo we ɖú wɛ, bó ɖo lɛ́ lɛ̌ wɛ ɖo akɔjijɛgbá ɔ́ nukɔn, bɔ Davídi sín nǔ vɛ́ wǔ tɔn ɖésú.

1 Axɔ́sú 2:10

Davídi zán wá kú, bɔ è sɔ́ ɛ ɖó Davídi Toxo mɛ ɖo Jeluzalɛ́mu.

1 Axɔ́sú 3:1

Axɔ́sú Salomɔ́ɔ da axɔ́sú Ejípu tɔn sín vǐ ɖokpó dó jɛ akɔ xá ɛ. É kplá asi tɔn ɔ́ yi ɖó Davídi Toxo mɛ, ɖo Jeluzalɛ́mu, có bó wá gbá xɔ é ɖésúnɔ tɔn ɔ́ fó, bó gbá sinsɛnxɔ Mawu Mavɔmavɔ tɔn, lobo mɛ dǒ lɛ́ lɛ̌ dó Jeluzalɛ́mu toxo ɔ́.

1 Axɔ́sú 8:1

Ée axɔ́sú Salomɔ́ɔ bló nǔ lɛ́ɛ fó ɔ́, é ylɔ́ tomɛxó Izlayɛ́li tɔn lɛ́ɛ, akɔtagán lɛ́ɛ bǐ, kpódó hɛ̌nnugán Izlayɛ́li tɔn lɛ́ɛ kpó, ɖɔ yě ní wá gɔ̌n émítɔn ɖo Jeluzalɛ́mu, bó ná yi zé akɔjijɛgbá Mawu Mavɔmavɔ tɔn ɔ́ sín Sinyɔ́ɔ, Davídi Toxo mɛ sɔ́ yi Mawu Mavɔmavɔ xwé gbe.

1 Axɔ́sú 9:24

Axɔ́sú Ejípu tɔn sín vǐ nyɔ̌nu ɔ́ gosín Davídi Toxo mɛ, bo yi jɛ xwé e Salomɔ́ɔ sá n'i ɔ́ gbe. Hwe énɛ́ ɔ́ nu ɔ́, Salomɔ́ɔ zɔ́n bɔ è sú Milo do ɔ́.

1 Tan 11:7

Davídi ka yi cí ahohó ɔ́ mɛ. Nǔ e wútu è nɔ ylɔ́ fínɛ́ ɖɔ Davídi Toxo ɔ́ nɛ́.

2 Tan 24:16

È yi ɖi i dó yɔdo e mɛ è nɔ ɖi axɔ́sú lɛ́ɛ dó ɔ́ mɛ, ɖo Davídi Toxo mɛ, ɖó é wa ɖagbe nú Izlayɛ́li togun ɔ́; é sɔ́ Mawu kpódó Mawu xwé ɔ́ kpó su.

2 Tan 5:2

Ée Salomɔ́ɔ bló nǔ lɛ́ɛ fó ɔ́, é ylɔ́ tomɛxó Izlayɛ́li tɔn lɛ́ɛ, akɔtagán lɛ́ɛ, kpódó hɛ̌nnugán Izlayɛ́li tɔn lɛ́ɛ bǐ kpó ɖo Jeluzalɛ́mu, bó ná yi zé akɔjijɛgbá Mawu Mavɔmavɔ tɔn ɔ́ sín Sinyɔ́ɔ Davídi Toxo mɛ, sɔ́ yi Mawu Mavɔmavɔ xwé gbe.

Nɛɛmíi 3:15

Tɔjɔtɛn Hɔntogbó ɔ́, Calúmu Kɔlu-Hozée ví e nyí tokpɔnla Misipa tɔn ɔ́ sín gǎn ɔ́ wɛ bló. Ée é vɔ́ hɔntogbó ɔ́ bló ɖó ɔ́, é gbá xɔ ɖó ta tɔn, bó dó hɔnvǐnɔ ná, bó dó gan e è nɔ dó sú hɔn lɛ́ɛ kpódó sɛxlo lɛ́ɛ kpó. É lɛ́ wa azɔ̌ ɖo dǒ ɔ́ wú ɖo Silowée tɔ ɔ́ kpá, ɖo axɔ́sú ɔ́ sín jikpá kpódó kpekán e jí è nɔ gbɔn bo nɔ yi Davídi Toxo ɔ́ mɛ é kpán tɛ́ntin.

Ɖɛhan 132:13

Mawu Mavɔmavɔ sɔ́ Sinyɔ́ɔ; é jló e bɔ é sɔ́ bó ná dó ɖó nɔtɛn tɔn.

Ɖɛhan 2:6

É ɖɔ nú yě ɖɔ: “Nyɛ wɛ sɔ́ axɔ́sú ce ɖó zinkpo jí ɖo Sinyɔ́ɔ, só mímɛ́ ce jí.”

Ɖɛhan 48:12

Sinyɔ́ɔ só ɔ́ ɖo awǎ jɛ wɛ, xomɛ ɖo Judáa toxo lɛ́ɛ hun wɛ, ɖó hwɛ e a ɖɔ lɛ́ɛ wútu.

Ɖɛhan 48:3

Só mímɛ́ tɔn nyɔ́ ɖɛkpɛ kpɔ́n! É wɛ nɔ́ ná awǎjijɛ ayǐkúngban ɔ́ bǐ. Sinyɔ́ɔ só ɔ́ wɛ nyí Mawu sín nɔtɛn; é wɛ nyí toxo axɔ́sú ɖaxó ɔ́ tɔn.

Ɖɛhan 51:18

A ba vɔ̌ ǎ, nú vɔ̌ wɛ a ko nɔ ba ɔ́, un ná kó xwlé vɔ̌sánú we; un na bo sá vɔ̌ e è nɔ dó zo ɔ́ nú we ɔ́, a ba ǎ.

Ɖɛhan 87:2

Mawu Mavɔmavɔ yí wǎn nú Sinyɔ́ɔ toxo hú Jakɔ́bu ví lɛ́ɛ sín toxo ɖě lɛ́ɛ bǐ.

Ɖɛhan 9:11

Mawu Mavɔmavɔ! Mɛ e tunwun we lɛ́ɛ nɔ́ sɔ́ yěɖée dó alɔ mɛ nú we, ɖó a nɔ́ jó mɛ e ɖo biba we wɛ lɛ́ɛ dó ǎ.

Ezayíi 12:6

Sinyɔ́ɔnu lɛ́ɛ mi, mi ɖe awǎjijɛ mitɔn xlɛ́! Mi sú xó kpó xomɛhunhun kpó, ɖó mɛ e ɖo gɔ̌n mitɔn ɔ́, Mawu mímɛ́ Izlayɛ́li tɔn ɔ́, nǔ ɖaxó wɛ.

Ezayíi 59:20

Mawu Mavɔmavɔ ná wá Jeluzalɛ́mu, bó ná hwlɛ́n Izlayɛ́li ví lɛ́ɛ, Izlayɛ́li ví e ná lɛ́ kɔ sín hwɛ yětɔn gúdo lɛ́ɛ. Xó e Mawu Mavɔmavɔ ɖɔ ɔ́ nɛ́.

Jelemíi 21:13

Nǔ mitɔn vɛ́ wǔ ce. Mi mɛ e nɔ́ nɔ tɔdo mɛ, ɖo fí wɛnjɛ e ɖo só jí lɛ́ɛ ɔ́, un ɖo mi ba wɛ vɛvɛ. Mi mɛ e nɔ ɖɔ mɛɖé kún sixú wa nǔɖé nú émí ó, mɛɖé kún sixú byɔ́ nɔtɛn émítɔn mɛ ó lɛ́ɛ ɔ́, un ɖo mi ba wɛ vɛvɛ. Xó e nyɛ Mawu Mavɔmavɔ ɖɔ ɔ́ nɛ́.

Micée 4:2

Akɔta lɛ́ɛ ná nyi ahwan yi dɔ̌n, bó ná nɔ ɖɔ: “Mi wá nú mǐ ní yi xá Mawu Mavɔmavɔ só ɔ́ jí. Mi wá mǐ yi Mawu Jakɔ́bu tɔn sín xwé gbe, bónú é ná kplɔ́n nǔ e é jló ɖɔ mǐ ní wa lɛ́ɛ mǐ, bɔ mǐ na gbɔn ali tɔn lɛ́ɛ jí.” Đó Sinyɔ́ɔ wɛ Mawu Mavɔmavɔ sín nǔkplɔ́nmɛ nɔ gosín; Jeluzalɛ́mu wɛ xó tɔn nɔ gosín wá nú mǐ.

Hlɔ̌manu 9:33

Awǐnnya énɛ́ xó wɛ Mawuxówéma ɔ́ ɖɔ bó ɖɔ: “Éɖíe! Un dó awǐnnya e wú è nɔ klɛ́n afɔ dó, bó nɔ fún sa é ɖokpó do nyi Sinyɔ́ɔ; awǐnnya ɖé wɛ bó nɔ́ zin mɛ dɛ́; amɔ̌ mɛ e ɖi nǔ n'i ɔ́ ná ɖu winnyá ǎ.”

Eblée 12:22

Lo ɔ́, midɛɛ lɛ́ɛ ɔ́, mi sɛkpɔ́ Sinyɔ́ɔ só ɔ́; mi sɛkpɔ́ Jeluzalɛ́mu sɛ́xwé tɔn, ée nyí toxo Mawu gbɛɖe ɔ́ tɔn é, bó sɛkpɔ́ wɛnsagun wɔ̌buwɔ́bú lɛ́ɛ.

Nǔɖexlɛ́mɛ 14:1

Énɛ́ ɔ́ gúdo ɔ́, un kpɔ́n bó mɔ Lɛ̌ngbɔ́ví ɔ́ ɖo te ɖo Sinyɔ́ɔ sín só ɔ́ jí. Gbɛtɔ́ adɔ̌kpo tɛ́nwe děgba (144.000) e sín nukɔn è wlǎn nyǐkɔ tɔn kpó tɔ́ tɔn sín nyǐkɔ kpán ɖó lɛ́ɛ ɖo fínɛ́ xá ɛ.