2 Samuwɛ́li 5:3 - MAWUXÓWÉMA

³ Énɛ́ ɔ́, hwenu e tomɛxó Izlayɛ́li tɔn lɛ́ɛ bǐ wá axɔ́sú ɔ́ gɔ́n ɖo Eblɔ́n ɔ́, é nu alɛ xá yě ɖo Mawu Mavɔmavɔ nukɔn. Yě kɔn ami dó ta nú Davídi, bó sɔ́ ɛ Izlayɛ́li xɔ́sú.

2 Samuwɛ́li 5:3 Iomraidhean Croise

2 Samuwɛ́li 2:4

Énɛ́ ɔ́ gúdo ɔ́, Judáa ví lɛ́ɛ wá Eblɔ́n, bó wá sɔ́ Davídi axɔ́sú, ɖó Judáa to ɔ́ nu. È wǎ ɖɔ nú Davídi ɖɔ Yavɛ́cinu e ɖo Galadi lɛ́ɛ zé Sawúlu sín cyɔ bó yi ɖi.

2 Samuwɛ́li 2:7

Din ɔ́, mi lɛ́ kpan akɔ́n bó syɛ́nlǐn. Gǎn mitɔn Sawúlu kú, mi ní ká tunwun ɖɔ nyɛ wɛ Judáa ví lɛ́ɛ sɔ́ axɔ́sú, bɔ un ná nɔ yě nu.”

2 Samuwɛ́li 3:21

Avunɛ́ɛ ɖɔ nú Davídi ɖɔ: “Sɛ́mɛɖó, un ɖo gbesisɔ mɛ bó ná yi, bó ná kplé Izlayɛ́li to ɔ́ bǐ nú mɛ. Yě ná nu alɛ xá mɛ, bɔ mɛ ná kpa acɛ dó to ɔ́ bǐ jǐ, lě e é jló mɛ gbɔn é.” Énɛ́ ɔ́, Davídi ná gbe Avunɛ́ɛ, bɔ é ɖidó kpó fífá kpó.

1 Axɔ́sú 1:34

Nú mi jɛ fínɛ́ ɔ́, vɔ̌sánú-xwlémawutɔ́ Sadɔ́ku kpódó gbeyíɖɔ Mawu tɔn Natáan kpó ná kɔn ami dó ta n'i, bó ná sɔ́ ɛ axɔ́sú ɖó Izlayɛ́li togun ɔ́ nu. Mi ná kún lanzo, bó ná sú xó ɖɔ: ‘Susu nú axɔ́sú Salomɔ́ɔ!’

2 Axɔ́sú 11:17

Yexoyada dɔn axɔ́sú ɔ́ kpó togun ɔ́ kpó, bɔ yě jɛ akɔ xá Mawu Mavɔmavɔ, bó ná nyí togun Mawu Mavɔmavɔ tɔn. Yexoyada lɛ́ dɔn axɔ́sú ɔ́ kpó togun tɔn kpó, bɔ yě jɛ akɔ xá yěɖée.

1 Tan 11:1

Izlayɛ́li ví lɛ́ɛ bǐ kplé ɖo Davídi gɔ́n ɖo Eblɔ́n, bó ɖɔ n'i ɖɔ: “Hun towe wɛ mǐ nyí.

1 Tan 11:3

Énɛ́ ɔ́, hwenu e tomɛxó Izlayɛ́li tɔn lɛ́ɛ bǐ wǎ axɔ́sú Davídi gɔ́n ɖo Eblɔ́n ɔ́, é nu alɛ xá yě ɖo fínɛ́, ɖo Mawu Mavɔmavɔ nukɔn bɔ yě kɔn ami dó ta n'i, bó sɔ́ ɛ Izlayɛ́li xɔ́sú lě e Mawu Mavɔmavɔ kó ɖɔ gbɔn nú gbeyíɖɔ tɔn Samuwɛ́li é.

1 Tan 28:4

Nǔ ɖo mɔ̌ có Mawu Mavɔmavɔ, Mawu Izlayɛ́li tɔn ɔ́ wɛ ká sɔ́ mì ɖo tɔ́ ce sín xwédo ɔ́ bǐ mɛ, bónú nyɛ kpó vǐ ce lɛ́ɛ kpó ná ɖu axɔ́sú ɖo Izlayɛ́li káká sɔ́yi. Đó, ɖ'ayǐ xóxó ɔ́, Judáa wɛ é sɔ́ gǎn. Énɛ́ ɔ́ gúdo ɔ́, é wá sɔ́ tɔ́ ce sín xwédo ɔ́ ɖo akɔta Judáa tɔn ɔ́ mɛ. Đo tɔ́ ce sín vǐ lɛ́ɛ mɛ ɔ́, nyɛ wɛ é jló bó sɔ́ axɔ́sú ɖó Izlayɛ́li togun ɔ́ bǐ nu.

2 Tan 23:16

Yexoyada dɔn axɔ́sú ɔ́ kpó togun ɔ́ kpó, bɔ é kpó yě bǐ kpó jɛ akɔ xá Mawu Mavɔmavɔ, bó ná nyí togun Mawu Mavɔmavɔ tɔn.

Tíntɔ́n 3:16

Yi kplé tomɛxó Izlayɛ́li tɔn lɛ́ɛ bó ɖɔ nú yě ɖɔ: “Mawu Mavɔmavɔ, Mawu e tɔ́gbó mitɔn lɛ́ɛ nɔ sɛn ɔ́, Mawu Ablaxámu, Izáki, kpó Jakɔ́bu kpó nɔ sɛn ɔ́ tɔ́n dó jǐ ce, bó ɖɔ nú mì ɖɔ: ‘Un mɔ nǔ e wa xá mi wɛ è ɖe ɖo Ejípu ɔ́, bó wá bó ná hwlɛ́n mi gán,

Jozuwée 10:36

Jozuwée kpó Izlayɛ́li ví lɛ́ɛ bǐ kpó gosín Eglɔ́ni, bó yi Eblɔ́n, lobo tɔ́n ahwan toxo ɔ́.

Hwɛɖɔtɔ́ 11:11

Énɛ́ ɔ́, Jɛfutée xwedó tomɛxó Galadi tɔn lɛ́ɛ yi; togun ɔ́ zé e gǎn, yě sɔ́ ɛ ɖó ahwangɔnu lɛ́ɛ nu. Bɔ é vɔ́ xó e é ɖɔ nú tomɛxó lɛ́ɛ ɔ́ ɖɔ ɖo Misipa, ɖo Mawu Mavɔmavɔ nukɔn.

1 Samuwɛ́li 11:15

Togun ɔ́ bǐ yi Gilugalu bo sɔ́ Sawúlu axɔ́sú, bó sá kɔnɖókpɔ́vɔ́ nú Mawu, bɔ Sawúlu kpó togun ɔ́ bǐ kpó ɖu agɔ̌ gɛnnyii.

1 Samuwɛ́li 16:13

Samuwɛ́li sɔ́ ami ɔ́ bó kɔn dó ta n'i bó sɔ́ ɛ axɔ́sú ɖo nɔví tɔn lɛ́ɛ nukún mɛ. Kpowun ɔ́, yɛ Mawu Mavɔmavɔ tɔn wá Davídi jí gbe énɛ́ gbe, bó nɔ jǐ tɔn káká sɔ́yi. Ée Samuwɛ́li bló énɛ́ ɔ́ fó ɔ́, é lɛ́ kɔ yi Hlama.

1 Samuwɛ́li 23:18

Ée é ɖɔ mɔ̌ ɔ́, yě mɛ we lɛ́ɛ nu alɛ ɖo Mawu Mavɔmavɔ nyíkɔ mɛ. Davídi ka cí Holɛ́ca, bɔ Jonatáan yi xwé.