2 Samuwɛ́li 5:2 - MAWUXÓWÉMA

² Đ'ayǐ e Sawúlu nyí axɔ́sú mǐtɔn ɔ́, mɛ wɛ nɔ kplá ahwanfuntɔ́ Izlayɛ́li tɔn lɛ́ɛ yi ahwangbénu, bó nɔ lɛ́ kplá yě wá xwé. Mawu Mavɔmavɔ ko ɖɔ nú mɛ ɖ'ayǐ ɖɔ mɛ wɛ ná kpé nukún dó togun émítɔn Izlayɛ́li ɔ́ wú lě e lɛ̌ngbɔ́nyitɔ́ nɔ kpé nukún dó lɛ̌ngbɔ́ tɔn lɛ́ɛ wú é ɖɔhun, mɛ wɛ ná nyí to ɔ́ sín gǎn.”

2 Samuwɛ́li 5:2 Iomraidhean Croise

Bǐbɛ́mɛ 49:24

Amɔ̌, é hɛn gǎ tɔn syɛ́nsyɛ́n. Nǔbǐwúkpétɔ́ nyɛ Jakɔ́bu tɔn sín hlɔ̌nhlɔ́n zɔ́n, bɔ alɔ tɔn lɛ́ɛ syɛ́n; énɛ́ ɔ́, é húzú lɛ̌ngbɔ́nyitɔ́ Izlayɛ́li tɔn, só Izlayɛ́li tɔn.

2 Samuwɛ́li 6:21

Davídi yí gbe n'i ɖɔ: “Mawu Mavɔmavɔ wlí yɛ̌yi ná wɛ un ɖe. É mɔ ɖɔ un nyɔ́ hú tɔ́ towe kpó mɛ tɔn lɛ́ɛ kpó bó sɔ́ mì, bónú má kpa acɛ dó togun tɔn Izlayɛ́li nu, bɔ un ɖo lě e xomɛ hun mì gbɔn ɔ́ ɖe xlɛ́ ɛ wɛ.

2 Samuwɛ́li 7:7

Fí e gbɔn wɛ nyi kpó Izlayɛ́li ví lɛ́ɛ bǐ kpó ɖe ɔ́, un zɔ́n nǔɖé Izlayɛ́li gán e un ɖɔ ná ɖɔ yě ní kpé nukún dó Izlayɛ́li to ɔ́ wú lɛ́ɛ ɖě kpɔ́n gbeɖé a? Un ka kanbyɔ́ yě ɖɔ étɛ́wú yě má gbá sɛ́dluxɔ nú mì a jí kpɔ́n a?’

2 Samuwɛ́li 7:8

Din ɔ́, a nǎ ɖɔ nú mɛsɛntɔ́ ce Davídi ɖɔ xó e Mawu Mavɔmavɔ Nǔbǐwúkpétɔ́ ɔ́ ɖɔ ɔ́ ɖíe: ‘Sín hwenu e a ɖo lɛ̌ngbɔ́nyitɔ́ nyí wɛ ɔ́ wɛ un ylɔ́ we, bó sɔ́ we gǎn ɖó togun ce Izlayɛ́li nu.

2 Axɔ́sú 20:5

“Lɛ̌ kɔ bo yi Ezekiyási e ɖo togun ce nu ɔ́ gɔ́n, bó ɖɔ n'i ɖɔ nyɛ Mawu Mavɔmavɔ, Mawu tɔ́gbó tɔn Davídi tɔn ɖɔ: ‘Un se ɖɛ towe, bó mɔ avǐ e ya wɛ a ɖe é. Kpɔ́n, un ná gbɔ azɔn nú we. Azǎn atɔn gbe ɔ́, a nǎ yi xwé ce gbe.

1 Tan 11:2

Đ'ayǐ e Sawúlu nyí axɔ́sú mǐtɔn ɔ́, hwi wɛ nɔ kplá ahwanfuntɔ́ Izlayɛ́li tɔn lɛ́ɛ yi ahwangbénu, bó nɔ lɛ́ kplá yě wá xwé. Mawu Mavɔmavɔ, Mawu towe ko ɖɔ nú we ɖ'ayǐ ɖɔ hwi ná kpé nukún dó togun émítɔn Izlayɛ́li ɔ́ wú lě e lɛ̌ngbɔ́nyitɔ́ nɔ kpé nukún dó lɛ̌ngbɔ́ tɔn lɛ́ɛ wú é ɖɔhun; hwi wɛ ná nyí to ɔ́ sín gǎn.”

2 Tan 1:10

Hǔn, bo ná nǔnywɛ́ kpódó nǔtunwuntunwun kpó mì, bónú ma tunwun lě e un ná wa nǔ gbɔn ɖo togun élɔ́ nu é! Đó togun ɔ́ sukpɔ́ dín! Nǔ énɛ́ lɛ́ɛ mɛ vo ɔ́, mɛɖé sixú nɔ togun e sukpɔ́ sɔ mɔ̌ ɔ́ nu ǎ.”

Ezayíi 40:11

É cí lɛ̌ngbɔ́nyitɔ́ e kplá gbɔ̌ tɔn lɛ́ɛ é ɖɔhun. É bló alɔ nú yě bó kplé yě; é bɛ́ lɛ̌ngbɔ́ví lɛ́ɛ dó awa mɛ, bó ɖo nukún kpé dó lɛ̌ngbɔ́ vǐnɔ lɛ́ɛ wú wɛ.”

Ezayíi 55:4

Đó Davídi wɛ un sɔ́, bɔ é nyí acɛkpikpa ce sín kpɔ́ndéwú nú togun lɛ́ɛ; é wɛ un sɔ́ bɔ é nyí gǎn, bó kpa acɛ nú togun lɛ́ɛ.

Ezekiyɛ́li 34:23

Un ná sɔ́ lɛ̌ngbɔ́nyitɔ́ ɖokpó ɖó lɛ̌ngbɔ́ ce lɛ́ɛ nu, bɔ é ɖokpó géé ná nɔ́ nyi yě. É wɛ nyí mɛsɛntɔ́ ce Davídi . Éyɛ́ ná nɔ́ kpé nukún dó gbɔ̌ ce lɛ́ɛ wú, bó ná nyí lɛ̌ngbɔ́nyitɔ́ yětɔn.

Micée 5:4

É wɛ ná hɛn fífá wá. Ényí Asilíinu lɛ́ɛ wá tɔ́n ahwan mǐ, bó byɔ́ axɔ́sú mǐtɔn lɛ́ɛ sín xwé gbe ɔ́, mǐ ná sɛ́ ahwan gěgé dó yě.

Kɛ́nsísɔ́ 27:17

Sɔ́ mɛ e ná sixú nɔ yě nu, ɖo ali bǐ nu é, bónú togun towe ní má cí lɛ̌ngbɔ́ e má ɖó nyinyitɔ́ ǎ lɛ́ɛ ɖɔhun ó.”

Matíe 2:6

‘Hwɛ, Bɛteleyɛ́mu, toxo e ɖo Juda yíkúngban jí é! A ɖo tó ɖěbǔ ɖo Juda toxo ɖaxó lɛ́ɛ mɛ ǎ, ɖó agblo towe mɛ wɛ axɔ́sú ɖé ná tɔ́n ɖe, bó ná kpé nukún dó togun ce Izlayɛ́li wú.’ ”

Jǎan 10:11

“Nyɛ wɛ nyí lɛ̌ngbɔ́nyitɔ́ ɖagbe ɔ́, lɛ̌ngbɔ́nyitɔ́ ɖagbe ɔ́ nɔ́ sɔ́ gbɛ tɔn dó sá vɔ̌ dó lɛ̌ngbɔ́ tɔn lɛ́ɛ tamɛ.

Eblée 2:10

Nǔgbó ɔ́, é jɛ xá hwenɛ́nu ɖɔ Mawu e bló nǔ bǐ, bó hɛn nǔ bǐ ɖó tɛn yětɔn yětɔn mɛ ɔ́, ní bló nú Jezu ní mɛ́ yí fó, gbɔn wǔvɛ́mimɔ gbla mɛ. Mawu blǒ mɔ̌, bó ná dɔn vǐ gěgé wá susu tɔn mɛ gbɔn Jezu jí. Đó Jezu wɛ nyí gǎn e nɔ xlɛ́ hwlɛngánli ɔ́ yě ɔ́.

1 Samuwɛ́li 13:14

Amɔ̌, din ɔ́, axɔ́súɖuɖu towe ná fó. Mawu Mavɔmavɔ ko sɔ́ mɛ e nyɔ́ nukún tɔn mɛ, bɔ é ná nyí gǎn ɖo togun tɔn nu é. Đó nǔ e é ɖɔ nú we ɔ́, a blǒ ɖ'é jí ǎ.”

1 Samuwɛ́li 16:1

Mawu Mavɔmavɔ ɖɔ nú Samuwɛ́li ɖɔ: “Hwetɛ́nu a nǎ gɔn avǐ ya dó Sawúlu tamɛ dó? Un gbɛ́ xó tɔn wɛ hǔn; é sɔ́ ná ɖu axɔ́sú ɖo Izlayɛ́li gbeɖé ǎ. Hwɛ ɔ́, un ná sɛ́ we dó Jɛsée Bɛteleyɛ́munu ɔ́ gɔ́n, ɖó mɛ e un jló ná sɔ́ axɔ́sú ɔ́, un mɔ ɖo vǐ tɔn lɛ́ɛ mɛ. Hǔn, sɔ́ lanzo towe bó kɔn ami d'é mɛ ní gɔ́, bó jɛ ali.”

1 Samuwɛ́li 18:13

Énɛ́ ɔ́ wú wɛ é ɖe Davídi sín akpá, bó sɔ́ ɛ ahwangán, bɔ é kpa acɛ dó sɔ́ja afatɔ́n (1.000) nu. Bɔ Davídi nɔ nɔ sɔ́ja lɛ́ɛ nu, bɔ yě nɔ́ yi fun ahwan, bó nɔ wá xwé.

1 Samuwɛ́li 18:16

Lo ɔ́, Izlayɛ́li to ɔ́ bǐ kpó Judáa to ɔ́ bǐ kpó yí wǎn nú Davídi, ɖó é nɔ́ nɔ yě nu bɔ yě nɔ́ yi fun ahwan bo nɔ wá.

1 Samuwɛ́li 18:5

Sawúlu sɛ́ Davídi dó ahwangbénu hweɖěbǔnu ɔ́, Davídi nɔ ɖu ɖ'é jí, bɔ Sawúlu sɔ́ ɛ ahwangán, bɔ é nyɔ́ togun ɔ́ bǐ nukún mɛ, káká bó lɛ́ nyɔ́ mɛsɛntɔ́ Sawúlu tɔn lɛ́ɛ lɔ nukún mɛ.

1 Samuwɛ́li 25:28

Kɛnklɛ́n wɛ un dó nú we, sɔ́ hwɛ e un hu dó we ɔ́ kɛ mì. Mawu Mavɔmavɔ ná bló bɔ axɔ́súɖuɖu ná nɔ hɛ̌n towe nu tɛgbɛ, ɖó a nɔ fun ahwan n'i; ma nú è mɔ nǔ nyanya ɖé ɖo gbɛzán towe mɛ gbeɖé ó.

1 Samuwɛ́li 25:30

Sɛ́ ce, hwenu e Mawu Mavɔmavɔ ná bló nǔ ɖagbe e sín akpá é dó nú we ɔ́ bǐ, bó ná sɔ́ we ɖó Izlayɛ́li togun ɔ́ nu ɔ́,

1 Samuwɛ́li 9:16

“Sɔ gan élɔ́ mɛ ɔ́, un ná sɛ́ dǎwe ɖokpó dó we, bɔ é ná gosín Bɛnjamɛ́ɛ tomɛ. A nǎ kɔn ami dó ta n'i, bɔ é ná nyí gǎn nú togun Izlayɛ́li tɔn ɔ́. É ná hwlɛ́n togun ce gán ɖo Filisitɛ́ɛn lɛ́ɛ sí; un nyi kɔ kpɔ́n togun ce, ɖó xó e sú wɛ é ɖe é wá káká gɔ̌n ce.”