2 Samuwɛ́li 4:8 - MAWUXÓWÉMA

⁸ Yě zě Icíbɔcɛ́ti sín ta wá nú Davídi ɖo Eblɔ́n, bó ɖɔ n'i ɖɔ: “Sɛ́mɛɖó! Kɛntɔ́ mɛtɔn Sawúlu e jló ná hu mɛ ɔ́ sín vǐ Icíbɔcɛ́ti ɔ́ sín ta ɖíe. Égbé din ɔ́, Mawu Mavɔmavɔ hu Sawúlu kpó vǐ tɔn lɛ́ɛ kpó dó ba hlɔn nú mɛ.”

2 Samuwɛ́li 4:8 Iomraidhean Croise

2 Samuwɛ́li 18:19

Aximáasi Sadɔ́ku ví ɔ́ ɖɔ nú Jowabu ɖɔ: “Gbɔ nú má kán wezun yi dó wɛn ɖagbe élɔ́ axɔ́sú ɔ́ ɖɔ Mawu Mavɔmavɔ ba hlɔn n'i, bó yí i sín kɛntɔ́ tɔn lɛ́ɛ lɔ mɛ.”

2 Samuwɛ́li 18:31

Tlóló ɔ́, kannumɔ Etiopíinu ɔ́ wá, bó ɖɔ nú axɔ́sú ɔ́ ɖɔ: “Un hɛn wɛn ɖagbe ɖokpó wá nú mɛ. Égbé ɔ́, Mawu Mavɔmavɔ ba hlɔn nú mɛ, é ɖe mɛ sín kɛntɔ́ mɛtɔn lɛ́ɛ bǐ sín alɔ mɛ.”

2 Samuwɛ́li 2:8

Avunɛ́ɛ Nɛ̌ɛ ví e nyí ahwangán Sawúlu tɔn ɔ́ kplá Icíbɔcɛ́ti Sawúlu ví ɔ́ yi ɖó toxo e è nɔ ylɔ́ ɖɔ Maxanayímu ɔ́ mɛ.

2 Samuwɛ́li 22:48

É wɛ nyí Mawu e nɔ ba hlɔn nú mì é, é wɛ nɔ sɔ́ togun lɛ́ɛ ɖó acɛ ce mɛ.

Ɖɛhan 71:24

Đɛ̌ ce lɔ ná nɔ́ ɖɔ lě e a nɔ wa nǔ ɖó sɛ́nxwi jí gbɔn é, ɖó mɛ e ɖo nyanya ce lin wɛ lɛ́ɛ ɔ́, yě ɖu winnyá, wi yětɔn kɔ́n.

Matíe 2:20

bó ɖɔ n'i ɖɔ: “Sí te; zě vǐ ɔ́, kplá nɔ tɔn, bó lɛ́ kɔ yi Izlayɛ́li; ɖó mɛ e ɖo vǐ ɔ́ ba ná hu wɛ lɛ́ɛ kó kú.”

Nǔɖexlɛ́mɛ 18:20

Jǐnukúnsin! Jɛ awǎ ɖó gba e é gba ɔ́ wú! Mɛɖeɖóvo Mawu tɔn lɛ́ɛ, mɛsɛ́dó lɛ́ɛ kpó gbeyíɖɔ lɛ́ɛ kpó e, mi lɔmɔ̌ ní jɛ awǎ! Đó Mawu ko ɖó nǔ nyanya e é wa nú mi ɔ́ sín hwɛ n'i.

Nǔɖexlɛ́mɛ 6:10

Yě nɔ sú xó tlílí, bó nɔ ɖɔ: Aklúnɔ mímɛ́, Aklúnɔ nǔgbó nǔgbó, káká hwetɛ́nu wɛ a nǎ nɔ te yi jɛ, bó ná ɖɔ hwɛ xá mɛ e ɖo ayǐkúngban jí lɛ́ɛ, bó ná ba hlɔn nú mǐ, ɖó hu e yě hu mǐ ɔ́ wútu?

1 Samuwɛ́li 18:11

È nǎ mɔ nǔɖé kpowun ɔ́, Sawúlu dlɛ́n hwǎn ɔ́, bó ɖɔ dó ayi mɛ ɖɔ: “Un ná xwe e dó dǒ wú.” Lo ɔ́, Davídi sɛ sín hwǎn ɔ́ nu azɔn we.

1 Samuwɛ́li 19:1

Sawúlu ɖɔ nú Jonatáan kpó azaglɔ́gán tɔn lɛ́ɛ bǐ kpó ɖɔ émí jló ná hu Davídi. Jonatáan Sawúlu ví ɔ́ ká yí wǎn nú Davídi ɖésú.

1 Samuwɛ́li 19:15

Sawúlu lɛ́ lɛ́ kɔ nú mɛ lɛ́ɛ ɖɔ yě ní yi mɔ ɛ. É ɖɔ nú yě ɖɔ: “Mi yi sɔ́ é kpó zan e jí é ɖe ɔ́ kpó wá nú mì ma hu i.”

1 Samuwɛ́li 20:1

Davídi hɔn sín gbeyíɖɔ Mawu tɔn lɛ́ɛ xwé ɖo Hlama, bó yi mɔ Jonatáan bo kanbyɔ́ ɛ ɖɔ: “Étɛ́ un wa? Mɛ wɛ un hu a? Hwɛ tɛ́ un ka hu dó tɔ́ towe bɔ é ɖo kú ce ba wɛ sɔ mɔ̌?”

1 Samuwɛ́li 23:15

Ée Davídi mɔ ɖɔ Sawúlu dó ahwan gbě, bó ɖo émí ná hu wɛ ɔ́, é cí gbětótló Zifu tɔn mɛ ɖo Holɛ́ca.

1 Samuwɛ́li 24:4

Sawúlu wá ɖo gbɔ̌kpó e ɖo ali ɔ́ kpá lɛ́ɛ kɔn gbɔn wɛ, bó mɔ sónu ɖé, bó byɔ́ mɛ, bó ná yi afɔ jí. Davídi kpó mɛ tɔn lɛ́ɛ kpó ká ɖo sónu ɔ́ mɛ ɖo nukɔn.

1 Samuwɛ́li 25:29

Sɛ́ ce, ényí mɛɖé sí te dó jǐ towe, bó ɖo kú towe ba wɛ ɔ́, Mawu Mavɔmavɔ, Mawu towe ná nya xɛ ɖo jǐ we, bó ká ná fɔ kɛntɔ́ towe lɛ́ɛ nyi dó gbě, lě e è nɔ sɔ́ hwǎn dó klohwán mɛ bó nɔ da é ɖɔhun.