2 Samuwɛ́li 4:5 - MAWUXÓWÉMA

⁵ Hlimumɔ́ni Beelɔ́tinu ɔ́ sín vǐ Hlekávu kpó Baana kpó sɔ́ nǔ, bó ɖidó Icíbɔcɛ́ti xwé. Yě ɖo xwé ɔ́ gbe byɔ́ wɛ hwemɛ cíɖíɖí; Icíbɔcɛ́ti ka ɖo hwemɛ mlɔ dɔ́ wɛ hwenɛ́nu.

2 Samuwɛ́li 4:5 Iomraidhean Croise

2 Samuwɛ́li 11:2

É wá su gbe ɖokpó, bɔ hwe ko lɛ́ kɔ, bɔ Davídi dɔ́ amlɔ bó fɔ́n, bó ɖidó sa ɖi gbé ɖo xɔ tɔn ta, bó mɔ nyɔ̌nu ɖé sɛ́ dó, bɔ é ɖo wǔ lɛ wɛ. Nyɔ̌nu ɔ́ nyɔ́ ɖɛkpɛ ɖésú.

2 Samuwɛ́li 2:8

Avunɛ́ɛ Nɛ̌ɛ ví e nyí ahwangán Sawúlu tɔn ɔ́ kplá Icíbɔcɛ́ti Sawúlu ví ɔ́ yi ɖó toxo e è nɔ ylɔ́ ɖɔ Maxanayímu ɔ́ mɛ.

2 Samuwɛ́li 4:2

Icíbɔcɛ́ti ka kpa acɛ dó ahwangán we nu; mɛ ɖokpó nɔ́ nyí Baana, bɔ mɛ wegɔ́ ɔ́ nɔ́ nyí Hlekávu. Hlimumɔ́ni, Bɛnjamɛ́ɛ ví e nɔ́ nɔ Beelɔ́ti ɔ́ sín vǐ wɛ yě nyí. Beelɔ́ti sín toxo ɔ́, Bɛnjamɛ́ɛ yíkúngban jí wɛ é ɖe.

1 Axɔ́sú 16:9

Mɛsɛntɔ́ tɔn Zimuli e kpa acɛ dó kɛkɛ́ví lɛ́ɛ sín vlɔ̌ɖówe nu ɔ́ blá gbě tɔn. Ela ka ɖo Tíisa, bó ɖo ahan nu wɛ ɖo hɔnmɛgán Tíisa tɔn Aasa xwé, bɔ ahan ɖo jǐ tɔn yi wɛ.

2 Tan 24:25

Silíinu lɛ́ɛ gblé wǔ i vantankánnyá bó jó e dó bó yi. Ée yě yi ɔ́, mɛsɛntɔ́ tɔn lɛ́ɛ yi kpá dó ta tɔn, bó wá hu i nyi zan tɔn jí, dó ba vɔ̌sánú-xwlémawutɔ́ Yexoyada sín vǐ e é hu ɔ́ sín hlɔn. È sɔ́ ɛ yi ɖi dó Davídi Toxo mɛ. È ka ɖi i dó yɔdo e mɛ è nɔ ɖi axɔ́sú lɛ́ɛ dó ɔ́ mɛ ǎ.

2 Tan 25:27

Sín hwenu e Amasiyasi lɛ́ kɔ sín Mawu Mavɔmavɔ gúdo ɔ́, lě e é kú gbɔn ɔ́ ɖíe: è blǎ gbě tɔn ɖo Jeluzalɛ́mu. É wá su gbe ɖokpó, bɔ é hɔn yi cí Lakíci toxo mɛ; amɔ̌, è tɔ́n gbě tɔn káká yi Lakíci dɔ̌n, bó hu i.

2 Tan 33:24

Azaglɔ́gán tɔn lɛ́ɛ blá gbě tɔn bó hu i ɖo xɔ tɔn mɛ gbe ɖokpó.