2 Samuwɛ́li 3:3 - MAWUXÓWÉMA

³ Vǐ tɔn wegɔ́ ɔ́ nɔ nyí Kileavu, Avigayilu Kaamɛ́linu, asúkúsi Navalu tɔn ɔ́ wɛ ji vǐ énɛ́ ɔ́ n'i. Vǐ tɔn atɔngɔ́ ɔ́ nɔ nyí Abusalɔ́mu; Gɛcúu xɔ́sú Talumayi sín vǐ Maaka wɛ ji vǐ énɛ́ ɔ́ n'i.

2 Samuwɛ́li 3:3 Iomraidhean Croise

2 Samuwɛ́li 13:1

Énɛ́ ɔ́ gúdo ɔ́, nǔ e wá jɛ ɔ́ ɖíe: Abusalɔ́mu Davídi ví ɔ́ ɖó nɔví nyɔ̌nu ɖokpó. É nyɔ́ ɖɛkpɛ ɖésú; è nɔ ylɔ́ ɛ ɖɔ Tamáa. Davídi ɔ́, vǐ tɔn súnnu ɖokpó tíin, bɔ è nɔ ylɔ́ ɛ ɖɔ Amunɔ́ɔ. É yí wǎn nú tɔ́ví tɔn Tamáa ɔ́ ɖésú.

2 Samuwɛ́li 14:23

Ée é ɖɔ mɔ̌ ɔ́, é sí te bo yi Gɛcúu, bó yi kplá Abusalɔ́mu wá Jeluzalɛ́mu.

2 Samuwɛ́li 14:24

Lo ɔ́, axɔ́sú ɔ́ ɖɔ: “É ní yi xwé tɔn gbe; é ná mɔ nukún ce mɛ ǎ.” Bɔ Abusalɔ́mu yi xwé tɔn gbe; é mɔ axɔ́sú ɔ́ nukún mɛ nǔgbó ǎ.

2 Samuwɛ́li 14:32

Bɔ Abusalɔ́mu yí gbe nú Jowabu ɖɔ: “Nǔ e wú wɛ ɔ́, un ɖɔ hwi ní wá gɔ̌n ce bɔ a gbɛ̌. Un ka jló ná sɛ́ we dó axɔ́sú ɔ́ gɔ́n wɛ, bɔ a nǎ yi kanbyɔ́ ɛ nú mì ɖɔ étɛ́wú un ka lɛ́ kɔ sín Gɛcúu wá é jí? Un gbɔ bo nɔ dɔ̌n ɔ́, é nyɔ́ hú. Din ɔ́, un jló ná yi mɔ axɔ́sú ɔ́, bónú hwɛ ɖé wɛ un hu ɔ́, é ná gbɔ bo hu mì.”

2 Samuwɛ́li 15:7

Xwe ɛnɛ gúdo ɔ́, Abusalɔ́mu yi mɔ axɔ́sú ɔ́ bó ɖɔ: “È nǐ ná gbe mì bónú ma yi Eblɔ́n, lobo ná yi ɖe akpá e un dó nú Mawu Mavɔmavɔ é.

2 Samuwɛ́li 15:8

Nǔ e wú un ɖɔ mɔ̌ ɔ́, hwenu e un ɖo Gɛcúu Silíi yíkúngban jí ɔ́, un ɖɔ nú Mawu Mavɔmavɔ ɖɔ nú é kplá mì yi Jeluzalɛ́mu ɔ́, un ná yi sá vɔ̌ n'i ɖo Eblɔ́n.”

2 Samuwɛ́li 2:2

Ée Mawu Mavɔmavɔ ɖɔ mɔ̌ ɔ́, Davídi kplá asi tɔn we lɛ́ɛ bó ɖidó. Asi tɔn Axinɔwamu Izleyɛ́linu ɔ́, kpódó asi tɔn Avigayilu Kaamɛ́linu, asúkúsi Navalu tɔn kpó.

1 Axɔ́sú 1:6

Nǔ e wa wɛ é nɔ́ ɖe lɛ́ɛ ɔ́, tɔ́ ɔ́ nɔ́ kɛ nu dó ɖě wú n'i kpɔ́n gbeɖé ɖo gbɛ tɔn mɛ ǎ; é ká nɔ́ kan nǔ e wú é ɖo mɔ̌ wa wɛ ɔ́ byɔ́ ɛ ǎ. Adoniyasi ka nyí mɛɖé bó nyɔ́ ɖɛkpɛ tawun; é wɛ jɛ Abusalɔ́mu nɛgbé.

1 Axɔ́sú 2:15

Ée é ɖɔ mɔ̌ é ɔ́, é ɖɔ: “Hwi ɖésú tunwun ɖɔ nyɛ wɛ ɖó ná ɖu axɔ́sú ɔ́ bɔ Izlayɛ́li to ɔ́ bǐ sín nukún kó ɖo jǐ ce; nǔ ká sɔ́ wá nyí gbɔn mɔ̌ ǎ. Axɔ́súɖuɖu ɔ́ wá lílɛ́ jɛ nɔví ce jí. Un mɔ ɖɔ lě e Mawu Mavɔmavɔ jló gbɔn ɔ́ nɛ́.

1 Tan 3:1

Davídi ví e é ji ɖo Eblɔ́n lɛ́ɛ ɖíe: Nukɔngbéví tɔn nɔ́ nyí Amunɔ́ɔ, bɔ é ji ɖo Axinɔwamu Izleyɛ́linu ɔ́ xomɛ. Vǐ tɔn wegɔ́ ɔ́ nɔ́ nyí Daniyɛ́li, bɔ é ji ɖo Avigalu Kaamɛ́linu ɔ́ xomɛ.

1 Tan 3:2

Vǐ tɔn atɔngɔ́ ɔ́ nɔ́ nyí Abusalɔ́mu, bɔ é ji ɖo Maaka xomɛ. Maaka ɔ́, Gɛcúu xɔ́sú Talumayi ví wɛ. Vǐ tɔn ɛnɛgɔ́ ɔ́ nɔ́ nyí Adoniyasi, bɔ é ji ɖo Hagiti xomɛ.

Sɛ́nflínmɛ 3:14

Yayíi yí Aagɔ́vu to ɔ́ bǐ káká jɛ to Gɛcúunu lɛ́ɛ kpó Maakatinu lɛ́ɛ tɔn kpó sín dogbó jí. Yayíi ɔ́, Manasée kún mɛ wɛ é jɔ ɖe. É ná nyǐkɔ tɔn Basáni to ɔ́, bɔ è nɔ ylɔ́ fínɛ́ ɖɔ gletoxo Yayíi tɔn lɛ́ɛ. Nyǐkɔ énɛ́ ɔ́ kpo ɖo te káká jɛ égbé.

Jozuwée 13:13

Lo ɔ́, Izlayɛ́li ví lɛ́ɛ nya Gɛcúunu lɛ́ɛ, kpódó Maakatinu lɛ́ɛ kpó ǎ, bɔ mɛ énɛ́ lɛ́ɛ lɛ́ kpo ɖo Izlayɛ́li ví lɛ́ɛ mɛ káká wá jɛ din.

1 Samuwɛ́li 25:3

Nya ɔ́ nɔ nyí Navalu, bɔ asi tɔn nɔ nyí Avigayilu. Nyɔ̌nu ɔ́ ɖó nǔnywɛ́, bó lɛ́ nyɔ́ ɖɛkpɛ ɖésú. Súnnu ɔ́ ká nyí mɛɖé bó nylá hun, bó nɔ xo dǎka; Kalɛ́bu kún mɛ wɛ nya ɔ́ jɔ ɖe.

1 Samuwɛ́li 25:42

Ée Avigayilu ɖɔ mɔ̌ ɔ́, é sɔ́ nǔ tlóló, bó xá tócí ɖé jí, bɔ ɖyɔ̌vǐ atɔ́ɔ́n kplá ɛ, bɔ é xwedó wɛnsagun e Davídi sɛ́ dó e lɛ́ɛ, bó húzú asi nú Davídi.

1 Samuwɛ́li 27:8

Davídi kpó mɛ tɔn lɛ́ɛ kpó nɔ yi tɔ́n ahwan Gɛcúunu lɛ́ɛ, Giizíti lɛ́ɛ; yě mɛ énɛ́ lɛ́ɛ kpó Amalɛ́ki ví lɛ́ɛ kpó kó ɖo gbě énɛ́ jí sín do. Togun e ko ɖo gbě énɛ́ jí ɖo Cúu wa jí káká yi Ejípu lɛ́ɛ bǐ wɛ yě nɔ́ gosín Siklági bo nɔ yi tɔ́n ahwan.