2 Samuwɛ́li 3:1 - MAWUXÓWÉMA

¹ Sawúlu sín mɛ lɛ́ɛ kpó Davídi sín mɛ lɛ́ɛ kpó fun ahwan káká. Acɛkpikpa Davídi tɔn fɔ́n ɔ́, é nɔ́ ɖo nukɔn yi wɛ, bɔ Sawúlu sín mɛ lɛ́ɛ tɔn ká nɔ́ ɖo gǔdo yi wɛ.

2 Samuwɛ́li 3:1 Iomraidhean Croise

Bǐbɛ́mɛ 3:15

Un ná bló bɔ hwi kpó nyɔ̌nu ɔ́ kpó ɔ́, mi ná nɔ́ mɔ miɖée gbɔ gbeɖé ǎ; kúnkan towe kpó kún tɔn kpó ɔ́, yě ná nɔ́ mɔ yěɖée gbɔ gbeɖé ǎ. Kúnkan tɔn ná nɔ́ nyínyɛ́ ta nú we, bɔ hwɛ ká ná nɔ́ gblé wǔ éyɛ́ tɔn dó afɔgbɛnnu.”

2 Samuwɛ́li 2:17

Ahwan e yě fun gbe nɛ́ gbe ɔ́ syɛ́n ɖésú. Davídi sín ahwanfuntɔ́ lɛ́ɛ ɖu ɖo Avunɛ́ɛ kpó ahwanfuntɔ́ tɔn lɛ́ɛ kpó jí.

2 Samuwɛ́li 2:28

Ée Jowabu ɖɔ mɔ̌ ɔ́, é ɖɔ bɔ è kún lanzo, bɔ sɔ́ja tɔn lɛ́ɛ lɛ́ kɔ sín Izlayɛ́li ví lɛ́ɛ gúdo bó ɖó ahwan e fun wɛ yě ɖe ɔ́ te.

2 Samuwɛ́li 22:44

A ɖe mì sín gǔ e togun ce fɔ́n dó jǐ ce ɔ́ mɛ, a sɔ́ mì ɖó togun lɛ́ɛ nu. Togun e un ma tunwun ɖ'ayǐ ǎ ɔ́ lɔ ɖo acɛ ce mɛ.

2 Samuwɛ́li 3:6

Hwenu e Sawúlu sín mɛ lɛ́ɛ kpó Davídi sín mɛ lɛ́ɛ kpó ɖo ahwan fun wɛ é ɔ́, Avunɛ́ɛ ɖo acɛ ɖó dó acɛ jí wɛ ɖo Sawúlu sín mɛ lɛ́ɛ tɛ́ntin.

2 Samuwɛ́li 5:10

Davídi sín hlɔ̌nhlɔ́n nɔ́ ɖo jijɛ jí wɛ ayǐhɔ́ngbe ayǐhɔ́ngbe, ɖó Mawu Mavɔmavɔ, Mawu Nǔbǐwúkpétɔ́ ɔ́ ɖo kpɔ́ xá ɛ.

1 Axɔ́sú 14:30

Hlobowámu kpódó Jelobowámu kpó ɔ́ ahwan fun xá yěɖée wɛ jɛ́n yě nɔ́ ɖe.

1 Axɔ́sú 15:16

Asa kpódó Baeca axɔ́sú Izlayɛ́li tɔn ɔ́ kpó ɔ́, ahwan fun xá yěɖée wɛ jɛ́n yě nɔ́ ɖe hwebǐnu.

1 Axɔ́sú 15:32

Asa kpódó Baeca axɔ́sú Izlayɛ́li tɔn ɔ́ kpó ɔ́, ahwan fun xá yěɖée wɛ jɛ́n yě nɔ́ ɖe hwebǐnu.

1 Tan 11:9

Énɛ́ ɔ́, acɛkpikpa Davídi tɔn ɔ́ nɔ́ ɖo syɛ́nsyɛ́n d'é jí wɛ ɖó Mawu Mavɔmavɔ, Mawu Nǔbǐwúkpétɔ́ ɔ́ ɖo kpɔ́ xá ɛ.

1 Tan 3:1

Davídi ví e é ji ɖo Eblɔ́n lɛ́ɛ ɖíe: Nukɔngbéví tɔn nɔ́ nyí Amunɔ́ɔ, bɔ é ji ɖo Axinɔwamu Izleyɛ́linu ɔ́ xomɛ. Vǐ tɔn wegɔ́ ɔ́ nɔ́ nyí Daniyɛ́li, bɔ é ji ɖo Avigalu Kaamɛ́linu ɔ́ xomɛ.

Ɛsitɛ́ɛ 6:13

Ée é jɛ xwé gbe ɔ́, é wlí nǔ e jɛ ɔ́ bǐ ɖɔ nú asi tɔn Zelɛ́ci kpó xɔ́ntɔn tɔn lɛ́ɛ kpó. Bɔ nǔnywɛ́tɔ́ tɔn lɛ́ɛ kpó asi tɔn kpó ɖɔ n'i ɖɔ: “Maadocée e nukɔn a ko ɖo winnyá ɖu ɖe wɛ din ɔ́, ée é nyí ɖɔ Jwifu wɛ é nyí ɔ́, a sixú wa nǔ ɖěbǔ n'i ǎ; winnyá ɖu wɛ jɛ́n a nǎ nɔ ɖe ɖo nukɔn tɔn tɛgbɛ.”

Ɛsitɛ́ɛ 9:4

Đó Maadocée ɖó acɛ ɖo axɔ́sú ɔ́ sín xwé gbe, bɔ nyǐkɔ tɔn gba kpé tokpɔn lɛ́ɛ bǐ mɛ. Ayǐhɔ́ngbe ayǐhɔ́ngbe ɔ́, acɛ nɔ ɖo acɛ jí jɛ nú Maadocée wɛ.

Jɔ̌bu 17:9

Amɔ̌, nǔjlɔ́jlɔ́watɔ́ ɔ́, gbɛ na bo ɖo ɖě ɔ́, é nɔ́ ɖo gǎn dó wɛ; mɛ e ma ɖó alɔ ɖo nǔ blíblí mɛ ǎ é nɔ́ ɖo kan ván wɛ.

Jɔ̌bu 8:7

Énɛ́ ɔ́, a nǎ mɔ ɖɔ nǔ ná wá nyɔ́ nú émí hú lě e é kó ɖe gbɔn nú émí ɖ'ayǐ é.

Ɖɛhan 18:43

Un nɔ li yě kpɔ́ɖɔ́kpɔ́ɖɔ́, bɔ jɔhɔn nɔ dó alɔ mɛ afúntúntún ɖɔhun; un nɔ́ sɔ́ afɔ dó gbídí yě babá e ɖo ali jí é ɖɔhun.

Ɖɛhan 46:9

Mi wá kpɔ́n nǔ e Mawu Mavɔmavɔ jlɛ́ lɛ́ɛ, mi wá kpɔ́n nǔ e é hɛn gblé ɖo ayǐkúngban jí lɛ́ɛ.

Ɖɛhan 84:7

Nú yě ɖo tɔdo Baka tɔn e ko xú bǐ é mɛ gbɔn wɛ ɔ́, yě nɔ́ sɔ́ dó húzú fí e tɔjɔtɛn sukpɔ́ ɖe é; xwejí nɔ́ ja dó ylɔ́ fífá dó tɔdo ɔ́ mɛ.

Galatinu 5:17

Đó jlǒ nyanya gbɛtɔ́ tɔn lɛ́ɛ nɔ sí te dó jlǒ Yɛsinsɛn tɔn lɛ́ɛ jí. Mɔ̌ ɖokpó ɔ́, jlǒ Yɛsinsɛn tɔn lɛ́ɛ lɔ nɔ sí te dó jlǒ nyanya gbɛtɔ́ tɔn lɛ́ɛ jí; yě gbɔn vo sésé nú yěɖée, bónú mi ma wa nǔ e jló mi lɛ́ɛ ó.

Efɛ́zinu 6:12

Đó gbɛtɔ́ lɛ́ɛ ná fun ahwan xá wɛ mi ɖe ǎ; lo ɔ́, nǔɖoyɛswímɛ nyanya e ɖo jǐnukúnsin kpó ayǐkúngban kpó tɛ́ntin, acɛkpikpa lɛ́ɛ, hlɔ̌nhlɔ́n lɛ́ɛ kpódó gǎn gbɛ élɔ́ mɛ tɔn e mǐ ma nɔ́ mɔ ǎ lɛ́ɛ kpó wɛ mi ɖó ná fun ahwan xá.

Nǔɖexlɛ́mɛ 6:2

Un kpɔ́n lobo mɔ sɔ́ wěwé ɖokpó; mɛ e ɖo sɔ́ ɔ́ jí ɔ́ hɛn gǎ ɖokpó, bɔ è nǎ ɛ axɔ́súgbákún ɖokpó. É ɖidó mɛ ko ɖu ɖ'é jí ɖɔhun, bó ná ɖu ɖ'é jí.