2 Samuwɛ́li 2:6 - MAWUXÓWÉMA

⁶ Din ɔ́, Mawu Mavɔmavɔ ní nyɔ́ xomɛ dó mi wú. Ní ɖe gbejíninɔ tɔn xlɛ́ mi. Nyɛ lɔmɔ̌ ná wa ɖagbe nú mi ɖó mɔ̌ e mi wa ɔ́ wú.

2 Samuwɛ́li 2:6 Iomraidhean Croise

2 Samuwɛ́li 10:2

Davídi nɔ ɖɔ dó ayi mɛ ɖɔ: “Un ná wa ɖagbe nú Hanúni Naxáci ví ɔ́ lě e tɔ́ tɔn bló gbɔn nú mì é.” Ée Davídi lin mɔ̌ ɔ́, é sɛ́ gǎn hɔn-yitɔ́ tɔn ɖé lɛ́ɛ dó, nú yě ná yi dó nǔwamɛgbe e. Ée gǎn hɔn-yitɔ́ tɔn lɛ́ɛ yi Amumɔ́ɔ ví lɛ́ɛ sín tomɛ ɔ́,

2 Samuwɛ́li 15:20

A wǎ gɔ̌n ce din ɔ́, é lín ǎ, bɔ égbé din ɔ́, un ná kplá we bɔ a nǎ jɛ flúflú xá mǐ jí yi ɖisí amyɔ. Nyi lɔ ɖíe ma ko tunwun fí e un xwe é ǎ e. Kplá nɔví towe lɛ́ɛ, bónú hwi kpó yě kpó lɛ́ kɔ. Mawu Mavɔmavɔ ní nyɔ́ xomɛ dó wǔ we, bó nɔ gbejí nú we.”

2 Samuwɛ́li 2:7

Din ɔ́, mi lɛ́ kpan akɔ́n bó syɛ́nlǐn. Gǎn mitɔn Sawúlu kú, mi ní ká tunwun ɖɔ nyɛ wɛ Judáa ví lɛ́ɛ sɔ́ axɔ́sú, bɔ un ná nɔ yě nu.”

2 Samuwɛ́li 9:3

Bɔ axɔ́sú ɔ́ lɛ́ kanbyɔ́ ɛ ɖɔ: “Sawúlu sín mɛ ɖě sɔ́ kpo ɖo gbɛ, bɔ un ná wa ɖagbe n'i a?” Bɔ é yí gbe n'i ɖɔ: “É kpo Jonatáan sín vǐ ɖokpó ɖo fínɛ́, bó xwe ayǐsó. È nɔ ylɔ́ ɛ ɖɔ Mɛfibáalu.”

2 Samuwɛ́li 9:7

Bɔ Davídi ɖɔ n'i ɖɔ: “Ado ma hu we ó, un jló ná wa ɖagbe ɖé nú we ɖó tɔ́ towe Jonatáan wú. Un ná jó ayǐkúngban e nyí tɔ́gbó towe Sawúlu tɔn lɛ́ɛ bǐ nú we, bɔ a ka ná nɔ lɛ́ ɖu nǔ xá mì tɛgbɛ.”

Ɖɛhan 57:3

Mawu Ajalɔ̌nlɔn ɔ́ sú xó ylɔ́ wɛ un ɖe, Mawu e nɔ́ bló nǔ ce bǐ ɖó é ylɔ́ wɛ un ɖe.

Tíntɔ́n 34:6

Mawu Mavɔmavɔ nɔ gbɔn Mɔyízi nukɔn, bó nɔ́ ɖɔ: “Un nyí Mawu Mavɔmavɔ, un nyí Mawu nǔbláwǔkúnúmɛtɔ́, Mawu xomɛfátɔ́, un nɔ yá wǔ sin xomɛ ǎ, un nyí Mawu xomɛnyɔ́tɔ́, un nyí Mawu gbejínɔtɔ́.

Nǔnywɛ́xó 14:22

Gbɛtɔ́ e ɖó ayi nyanya ɔ́, ali wɛ é nɔ́ bú; mɛ e ka ɖó linlin ɖagbe ɔ́, è nɔ nyɔ́ xomɛ dó wǔ tɔn, è nɔ nɔ gbejí n'i.

Matíe 10:16

“Éɖíe, un sɛ́ mi dó, bɔ mi ná cí lɛ̌ngbɔ́ ɖo hla lɛ́ɛ tɛ́ntin ɖɔhun e; mi bo ɖó ayi te dan ɖɔhun, bó fá xomɛ ahwannɛ́ ɖɔhun.

Matíe 5:44

Lo ɔ́, nyɛ ɖo ɖiɖɔ nú mi wɛ ɖɔ: mi yí wǎn nú kɛntɔ́ mitɔn lɛ́ɛ. Mi xo ɖɛ dó mɛ e nɔ dó nu mi lɛ́ɛ jí. Mi wa ɖagbe nú mɛ e nɔ gbɛ́ wǎn nú mi lɛ́ɛ, bó xo ɖɛ ɖagbe nú mɛ e nɔ ɖe dó mi bó nɔ́ dó ya nú mi lɛ́ɛ.

Matíe 5:7

Nǔ nyɔ́ nú mɛ e nɔ kú nǔbláwǔ nú nɔzo yětɔn lɛ́ɛ é, ɖó è nǎ kú nǔbláwǔ nú yě lɔmɔ̌.

Jozuwée 2:14

Nya lɛ́ɛ yí gbe n'i ɖɔ: “Ényí mi ma ɖe mǐ gba ǎ ɔ́, mǐ ɖo gbesisɔ mɛ bó ná kú dó ta mitɔn mɛ. Hwenu e Mawu Mavɔmavɔ ná bló bɔ to ɔ́ ná jɛ mǐ sí ɔ́, mǐ ná bló nǔ e a ɖɔ é; mǐ ná nyɔ́ xomɛ dó wǔ towe.”

Hwliti 1:8

Lo ɔ́, hwenu e yě ɖo yiyi wɛ ɔ́, é ɖɔ nú yě ɖɔ: “Din ɔ́, mi lɛ́ kɔ yi xwé, bónú mɛ ɖokpó ɖokpó ní yi nɔ tɔn gɔ́n! Mawu Mavɔmavɔ ní nyɔ́ xomɛ dó mi wú, lě e mi nyɔ́ xomɛ dó asú mitɔn e kú lɛ́ɛ kpó nyɛ kpó wú gbɔn é!