2 Samuwɛ́li 2:16 - MAWUXÓWÉMA

¹⁶ Sɔ́ja ɖokpó ɖokpó nɔ wlí kɛntɔ́ tɔn sín ta, bó nɔ lun hwǐ dó adaja mɛ n'i. Yě bló mɔ̌, bó hu yě bǐ. È nɔ ylɔ́ tɛn énɛ́ e ɖo Gabawɔ́ɔn ɔ́ ɖɔ Hɛlukáti Hasulimu. Tínmɛ tɔn wɛ nyí: Awǐnnya lɛ́ɛ sín gle.

2 Samuwɛ́li 2:16 Iomraidhean Croise

2 Samuwɛ́li 2:14

Avunɛ́ɛ ɖɔ nú Jowabu ɖɔ: “Un jló ɖɔ sɔ́ja wínnyáwínnyá mǐtɔn lɛ́ɛ ní fun ahwan nú mǐ ná kpɔ́n mɛ e syɛ́n hú mɛ ɖě é.” Jowabu yí gbe n'i ɖɔ: “É nyɔ́.”

2 Samuwɛ́li 2:15

Ahwanfuntɔ́ lɛ́ɛ sɛkpɔ́ yěɖée. Akɔta Bɛnjamɛ́ɛ tɔn sín ahwanfuntɔ́ lɛ́ɛ nyí wěwe; yě wɛ zé Icíbɔcɛ́ti sín afɔ ɖó te, bɔ sɔ́ja Davídi tɔn lɛ́ɛ lɔ nyí wěwe.

2 Samuwɛ́li 2:17

Ahwan e yě fun gbe nɛ́ gbe ɔ́ syɛ́n ɖésú. Davídi sín ahwanfuntɔ́ lɛ́ɛ ɖu ɖo Avunɛ́ɛ kpó ahwanfuntɔ́ tɔn lɛ́ɛ kpó jí.

2 Samuwɛ́li 2:26

Avunɛ́ɛ ylɔ́ Jowabu bo ɖɔ: “Mǐ ná fɔ́n tɛgbɛ bó ná ɖo mǐɖée hu wɛ a? A tunwun ɖɔ fífó tɔn ná blá wǔ ǎ cé? Étɛ́ nɔ te kpɔ́n wɛ a ka ɖe cóbó ná gbɛ́ nú ahwanfuntɔ́ towe lɛ́ɛ ɖɔ yě má sɔ́ nya nɔví yětɔn lɛ́ɛ ɖě ó?”

1 Axɔ́sú 20:20

Yě mɛ ɖokpó ɖokpó hu kɛntɔ́ ɖokpó ɖokpó, káká bɔ Silíinu lɛ́ɛ hɔn, bɔ Izlayɛ́linu lɛ́ɛ jɛ gǔdo yětɔn. Axɔ́sú Silíi tɔn Bɛni-Hadadi ɔ́, éyɛ́ xá sɔ́ jí, bó hɔn, é kpó sɔ́xátɔ́ ɖé lɛ́ɛ kpó.

Mɛsɛ́dó 1:19

Nǔ énɛ́ ɔ́, Jeluzalɛ́munu lɛ́ɛ bǐ wɛ se, káká bó nɔ́ ylɔ́ ayǐkúngban ɔ́ dó gbe yětɔn mɛ ɖɔ “Hakeludama” tínmɛ tɔn wɛ nyí “kanjɔyíkúngban.”

Jozuwée 19:25

Ayǐkúngban yětɔn gbɔn Hɛlukáti, Hali, Bɛtɛ́ni, Akisáfu,