2 Samuwɛ́li 2:12 - MAWUXÓWÉMA

¹² Avunɛ́ɛ Nɛ̌ɛ ví ɔ́ kpó Icíbɔcɛ́ti Sawúlu ví ɔ́ sín ahwanfuntɔ́ lɛ́ɛ kpó tɔ́n sín Maxanayímu, bó tunta Gabawɔ́ɔn.

2 Samuwɛ́li 2:12 Iomraidhean Croise

Bǐbɛ́mɛ 32:2

Jakɔ́bu wlí ali tɔn ɖidó, bɔ wɛnsagun Mawu tɔn lɛ́ɛ wá kpé e.

2 Samuwɛ́li 17:14

Abusalɔ́mu kpó Izlayɛ́li ví lɛ́ɛ bǐ kpó ɖɔ: “Wě e Hucáyi Aakíti ɔ́ ɖe ɔ́ nyɔ́ hú Axitofɛ́li tɔn.” Mawu Mavɔmavɔ wɛ ka ko to ɖó mɔ̌ ɖɔ è nǎ jó nǔkplɔ́nmɛ ɖagbe Axitofɛ́li tɔn dó, bɔ awě ná mɔ tɛn bo xo Abusalɔ́mu.

2 Samuwɛ́li 2:8

Avunɛ́ɛ Nɛ̌ɛ ví e nyí ahwangán Sawúlu tɔn ɔ́ kplá Icíbɔcɛ́ti Sawúlu ví ɔ́ yi ɖó toxo e è nɔ ylɔ́ ɖɔ Maxanayímu ɔ́ mɛ.

Jozuwée 10:12

Gbe e gbe Mawu Mavɔmavɔ jó Amɔliti lɛ́ɛ nú ahwangɔnu Izlayɛ́li ví lɛ́ɛ tɔn ɔ́, Jozuwée byɔ́ nǔɖé Mawu Mavɔmavɔ ɖo Izlayɛ́li ví lɛ́ɛ bǐ nukún mɛ. É sú xó bó ɖɔ: “Hwe, nɔ te ɖo Gabawɔ́ɔn ta nu! Sun, nɔ xwíí ɖo Ayalɔ́ni sín tɔdo ɔ́ ta nu!”

Jozuwée 10:2

Xɛsi ɖaxó ɖé jɛ Jeluzalɛ́munu lɛ́ɛ jí ɖó xó énɛ́ ɔ́ e yě se ɔ́ wútu, ɖó Gabawɔ́ɔn kló hú Ayíi, bó ká nyí toxo nukúnɖéjí ɖokpó, toxo e mɛ axɔ́sú ɖe lɛ́ɛ ɖɔhun, bɔ gbɛtɔ́ asúká kɛ́ɖɛ́ wɛ ɖo toxo ɔ́ mɛ.

Jozuwée 10:4

“Mi wá dó alɔ mì, bónú mǐ ná gba Gabawɔ́ɔn toxo ɔ́, ɖó yě jɛ akɔ xá Jozuwée kpó Izlayɛ́li ví lɛ́ɛ kpó.”

Jozuwée 18:25

Toxo élɔ́ lɛ́ɛ lɔ ɖ'é mɛ: Gabawɔ́ɔn, Hlama, Beelɔ́ti,

Jozuwée 9:3

Gabawɔ́ɔnnu lɛ́ɛ lɔ se lě e Jozuwée wa Jeliko toxo ɔ́ kpó Ayíi toxo ɔ́ kpó sín nǔ gbɔn ɔ́,

1 Samuwɛ́li 17:9

Ényí mɛ ɔ́ kpé wú bó ɖu ɖo jǐ ce bó hu mì ɔ́, mǐdɛɛ lɛ́ɛ ná húzú kannumɔ mitɔn, bó ná nɔ wa azɔ̌ nú mi. Lo ɔ́, ényí nyɛ wɛ kpé wú bó ɖu ɖo jǐ tɔn, bó hu i ɔ́, midɛɛ lɛ́ɛ ná nyí kannumɔ mǐtɔn, bó ná nɔ́ wa azɔ̌ nú mǐ.”