2 Samuwɛ́li 2:1 - MAWUXÓWÉMA

¹ Ée nǔ énɛ́ lɛ́ɛ jɛ wá yi ɔ́, Davídi kanbyɔ́ Mawu Mavɔmavɔ ɖɔ: “Un ɖó ná yi Judáa toxo lɛ́ɛ ɖokpó mɛ wɛ a?” Mawu Mavɔmavɔ yí gbe n'i ɖɔ: “Ɛɛn!” Davídi lɛ́ kanbyɔ́ Mawu Mavɔmavɔ ɖɔ: “Toxo tɛ́ mɛ un ná yi?” Bɔ Mawu Mavɔmavɔ ɖɔ n'i ɖɔ: “Yi Eblɔ́n.”

2 Samuwɛ́li 2:1 Iomraidhean Croise

Bǐbɛ́mɛ 13:18

Ablámu tún goxɔ tɔn lɛ́ɛ bó yi ján yě ɖó zun Mamulée tɔn lɛ́ɛ mɛ, ɖo Eblɔ́n kpá. É mɛ vɔ̌sákpe ɖokpó nyi fínɛ́ nú Mawu Mavɔmavɔ.

Bǐbɛ́mɛ 32:2

Jakɔ́bu wlí ali tɔn ɖidó, bɔ wɛnsagun Mawu tɔn lɛ́ɛ wá kpé e.

2 Samuwɛ́li 15:7

Xwe ɛnɛ gúdo ɔ́, Abusalɔ́mu yi mɔ axɔ́sú ɔ́ bó ɖɔ: “È nǐ ná gbe mì bónú ma yi Eblɔ́n, lobo ná yi ɖe akpá e un dó nú Mawu Mavɔmavɔ é.

2 Samuwɛ́li 2:11

Davídi ɖu axɔ́sú ɖo Eblɔ́n, bó kpa acɛ dó akɔta Judáa tɔn ɔ́ nu xɔ xwe tɛ́nwe adaɖé.

2 Samuwɛ́li 5:19

Davídi kanbyɔ́ Mawu Mavɔmavɔ ɖɔ: “Má yi tɔ́n ahwan Filisitɛ́ɛn lɛ́ɛ a? A nǎ jó yě nú mì a?” Bɔ Mawu Mavɔmavɔ yí gbe nú Davídi ɖɔ: “Yi tɔ́n ahwan yě, un ná jó yě nú we, é ná gló ǎ.”

2 Samuwɛ́li 5:23

Davídi lɛ́ vɔ́ kanbyɔ́ Mawu Mavɔmavɔ, bɔ Mawu Mavɔmavɔ ɖɔ n'i ɖɔ: “Ma gbɔn fí bó yi tɔ́n ahwan yě ó. Gbɔn gǔdo yětɔn, bó sɛkpɔ́ yě gbɔn Mikokulietínkan mɛ.

1 Axɔ́sú 2:11

Xwe kanɖé (40) wɛ Davídi ɖu axɔ́sú ɖo Izlayɛ́li togun ɔ́ nu xɔ: é ɖu axɔ́sú ɖo Eblɔ́n nú xwe tɛ́nwe, bó ɖu ɖo Jeluzalɛ́mu nú xwe gban-nukún-atɔn (33).

1 Tan 29:7

Yě ná siká tɔ́nu kɛnnɛ wǒ (170), sikágankwɛ́ děgba we afɔwó (10.000), kpatágan tɔ́nu afɔɖé kanwe ko (300) jɛjí, ganvɔ tɔ́nu nǔwɔntɔn (600), kpódó gan tɔ́nu afɔwó-afatɔ́n (3.000) jɛjí kpó.

2 Tan 11:10

Soléa, Ayalɔ́ni kpódó Eblɔ́n kpó. Toxo énɛ́ lɛ́ɛ ɖo Judáa kpódó Bɛnjamɛ́ɛ kpó yíkúngban jí.

Ɖɛhan 143:8

Ayǐ hɔ́n tlóló hǔn, nɔ ɖɔ lě e a nyɔ̌ xomɛ sɔ é nú mì, ɖó hwi wú wɛ un ɖeji dó; xlɛ́ ali e un ná gbɔn é mì, ɖó hwi ɖó nukún wɛ un ɖe.

Ɖɛhan 27:4

Nǔ ɖokpó géé wɛ un nɔ byɔ́ Mawu Mavɔmavɔ, bɔ é ká myá nukún nú mì ɖésú; é wɛ nyí ɖɔ má nɔ́ nɔ xwé tɔn gbe nú gbɛ hwenu ce bǐ, bó ná nɔ́ kpɔ́n lě e é nyɔ́ xomɛ sɔ é, bó ná nɔ́ kpɔ́n lě e nɔtɛn tɔn nyɔ́ sɔ é.

Ezekiyɛ́li 36:37

“Xó e nyɛ Aklúnɔ Mavɔmavɔ ɖɔ ɔ́ ɖíe: un ná lɛ́ yí gbe bɔ Izlayɛ́li ví lɛ́ɛ ná nɔ́ ylɔ́ mì bónú má wa ɖagbe nú yě; un ná ná vǐ yě bɔ yě ná ji wɔɖɔɖɔ kanlin ɖɔhun.

Kɛ́nsísɔ́ 13:22

Yě byɔ́ to ɔ́ mɛ gbɔn afɔligbé, bó yi káká Eblɔ́n, fí e Aximani kpó Cecáyi kpó, kpódó Talumayi kpó kó nɔ ɖ'ayǐ é; mɛ énɛ́ lɛ́ɛ ɔ́, Anáki ví wɛ yě nyǐ. È ɖǒ Eblɔ́n toxo ɔ́ ayǐ ɔ́, é kó ɖó xwe tɛ́nwe cóbɔ è wǎ ɖó Sowáan toxo ɔ́ ayǐ ɖo Ejípu.

Kɛ́nsísɔ́ 27:21

Amɔ̌, é ɖésúnɔ ná yi vɔ̌sánú-xwlémawutɔ́ Eleazáa gɔ́n, bɔ éyɛ́ ná zé Wulímu dó kan lě e é ná wa nǔ gbɔn ɔ́ byɔ́ nyɛ Mawu Mavɔmavɔ. Bɔ Jozuwée kpó togun Izlayɛ́li tɔn ɔ́ bǐ kpó ná wa nǔ e é ná ɖɔ nú yě lɛ́ɛ bǐ, ɖo ali bǐ nu.”

Jozuwée 15:13

È nǎ ayǐkúngban Judáa tɔn ɔ́ ɖě Kalɛ́bu Yefunnɛ́ɛ ví ɔ́, lě e Mawu Mavɔmavɔ kó ɖɔ gbɔn nú Jozuwée é. È nǎ ɛ Kiliyati-Aaba. Din ɔ́, è nɔ ylɔ́ toxo énɛ́ ɔ́ ɖɔ Eblɔ́n. Aaba ɔ́, Anáki ví lɛ́ɛ sín tɔ́gbó wɛ.

Hwɛɖɔtɔ́ 1:1

Ée Jozuwée kú gúdo ɔ́, Izlayɛ́li ví lɛ́ɛ kan nǔ byɔ́ Mawu Mavɔmavɔ bɔ é ná ɖɔ akɔta e ɖó na yi tɔ́n ahwan Kanáanu lɛ́ɛ jɛ nukɔn ɖo akɔta yětɔn lɛ́ɛ mɛ ɔ́ nú yě.

1 Samuwɛ́li 10:22

Bɔ è lɛ̌ kan nǔ byɔ́ Mawu Mavɔmavɔ ɖɔ mɛ mɔ̌hunkɔtɔn wá fí a jí, bɔ Mawu Mavɔmavɔ yí gbe ɖɔ: “Mi yi ba ɛ ɖo agban lɛ́ɛ tɛ́ntin; fínɛ́ wɛ é hɔn hwlá cí.”

1 Samuwɛ́li 23:2

Ée Davídi se mɔ̌ ɔ́, é kan nǔ byɔ́ Mawu Mavɔmavɔ ɖɔ: “Má yi fun ahwan xá Filisitɛ́ɛn lɛ́ɛ a?” Bɔ Mawu Mavɔmavɔ yí gbe n'i ɖɔ: “Yi, a nǎ ɖu ɖo Filisitɛ́ɛn lɛ́ɛ jí, bó ná hwlɛ́n Keyila toxo ɔ́ gán.”

1 Samuwɛ́li 23:4

Énɛ́ ɔ́, Davídi lɛ́ kan nǔ byɔ́ Mawu Mavɔmavɔ, bɔ Mawu Mavɔmavɔ yí gbe n'i ɖɔ: “Sɔ́ nǔ bó yi Keyila, ɖó un ná jó Filisitɛ́ɛn lɛ́ɛ nú we.”

1 Samuwɛ́li 30:31

Tomɛxó e ɖo Eblɔ́n lɛ́ɛ, kpó éé ɖo fí e é kpó mɛ tɔn lɛ́ɛ kpó ko gbɔn lɛ́ɛ bǐ kpó.