2 Samuwɛ́li 18:3 - MAWUXÓWÉMA

³ Lo ɔ́, sɔ́ja lɛ́ɛ sú xó bó ɖɔ: “Gbeɖé! Mɛ kpó mǐ kpó ná yi ǎ! Đó ényí mǐ dó gblǒ mɛ ɔ́, é ná ɖɔ nǔɖé nú kɛntɔ́ ǎ. È na bo hu mɛ vlɔ̌ ɖo mǐ mɛ ɔ́, é ná ɖɔ nǔɖé nú kɛntɔ́ ǎ. Amɔ̌, mǐ mɛ děgba we afɔwó (10.000) tɛnmɛ wɛ mɛ ɖe. Hǔn din ɔ́, é nyɔ́ ɖɔ mɛ ní nɔ toxo ɔ́ mɛ, lobo ná nɔ dó alɔ mǐ sɛ́ dó.”

2 Samuwɛ́li 18:3 Iomraidhean Croise

2 Samuwɛ́li 10:11

Jowabu ɖɔ nú nɔví tɔn Avicáyi ɖɔ: “Nú Silíinu lɛ́ɛ ɖo gǎn hú mì wɛ ɔ́, a na wá dó alɔ mì. Nú é ká nyí ɖɔ Amumɔ́ɔ ví lɛ́ɛ wɛ ɖo gǎn hú hwɛ wɛ ɔ́, nyɛ ná wá dó alɔ we.

2 Samuwɛ́li 17:2

Un ná yi fyán ɛ hwenu e nǔ ná kó cikɔ n'i bɔ kanmɛ ná ko gbɔ́jɔ́ ɛ é. Un ná dó xɛsi i, bɔ togun ɔ́ bǐ ná hɔn jó e dó, lobɔ un ná hu é ɖokpónɔ géé.

2 Samuwɛ́li 21:17

Lo ɔ́, Avicáyi Selúya ví ɔ́ hwlɛ́n Davídi gán, bó xo Filisitɛ́ɛn ɔ́, bó hu i. Énɛ́ ɔ́, sɔ́ja lɛ́ɛ yi mɔ Davídi, bó xwlé nǔ n'i bó ɖɔ: mǐ kpó mɛ kpán sɔ́ ná yi ahwan fun gbé ɖě ǎ; ɖó mɛ wɛ nyí zogbɛ́n Izlayɛ́li tɔn bɔ zogbɛ́n énɛ́ ɔ́ sɔ́ ná cí gbeɖé ǎ.

1 Axɔ́sú 22:31

Axɔ́sú Silíi tɔn ɔ́ ká kó ɖɔ nú gǎn gban-nukún-we (32) e kpa acɛ dó ahwankɛkɛ́ví tɔn lɛ́ɛ nu lɛ́ɛ ɖɔ yě ní ma ɖ'alɔ ahwanfuntɔ́ kpaa lɛ́ɛ wú ó, yě ní ma ka ɖó alɔ ahwangán lɛ́ɛ wú ó, lo ɔ́ axɔ́sú Izlayɛ́li tɔn ɔ́ kɛ́ɖɛ́ wɛ yě ná wlí.

Gbɛvíhan 4:20

Mɛ e sín alɔ mɛ gbɛ mǐtɔn ɖe ɔ́ nɛ́ jɛ mɔ yětɔn mɛ din nɛ́; axɔ́sú e Mawu Mavɔmavɔ sɔ́ é wɛ; éyɛ́ sín xó ɖɔ wɛ mǐ nɔ́ ɖe bó nɔ́ ɖɔ: “Nú mǐ bɛ yɛ ɖo glɔ̌ tɔn ɔ́, akɔta ɖě lɛ́ɛ ná sixú wa nǔɖé nú mǐ ǎ.”

Zakalíi 13:7

Mawu Mavɔmavɔ Nǔbǐwúkpétɔ́ ɔ́ ɖɔ: “Hwǐ, sí te, tɔ́n ahwan lɛ̌ngbɔ́nyitɔ́ ɔ́, lɛ̌ngbɔ́nyitɔ́ e un sɔ́ bɔ é ná wa azɔ̌ xá mì é. Hu i, énɛ́ ɔ́ lɛ̌ngbɔ́ lɛ́ɛ ná gba dó, bɔ un ná tɔ́n ahwan lɛ̌ngbɔ́ e má ɖó hlɔ̌nhlɔ́n ǎ lɛ́ɛ.”

1 Samuwɛ́li 18:7

Nyɔ̌nu lɛ́ɛ ɖo han ji wɛ, mɛ ɖě nɔ́ dó bɔ mɛ ɖě nɔ́ yí, bó nɔ ɖɔ: “Sawúlu hu kɛntɔ́ afatɔ́n (1.000), Davídi ka hu děgba we afɔwó (10.000).”