2 Samuwɛ́li 16:2 - MAWUXÓWÉMA

² Ée axɔ́sú ɔ́ mɔ Siva ɔ́, é kanbyɔ́ ɛ ɖɔ: “Étɛ́ ná zé nǔ énɛ́ lɛ́ɛ dó wa ná wɛ a ɖe?” Bɔ Siva yí gbe n'i ɖɔ: “Mɛ kpó xwédo mɛtɔn kpó ná nɔ́ dó tócí lɛ́ɛ; sɔ́ja mɛtɔn lɛ́ɛ ná ɖu wɔ̌xúxú lɛ́ɛ kpó atínsínsɛ́n lɛ́ɛ kpó. Mɛ e nǔ ná cikɔ ná ɖo gbětótló mɛ lɛ́ɛ ná nu vɛ̌ɛn.”

2 Samuwɛ́li 16:2 Iomraidhean Croise

2 Samuwɛ́li 17:29

wǐin, bɔ̌ta, amɔ̌, nyibú tɔn, kpó gbɔ̌ tɔn kpó. Yě hɛn nǔ énɛ́ lɛ́ɛ wá nú Davídi kpó ahwan tɔn lɛ́ɛ kpó, ɖó yě lin ɖɔ: “Mɛ énɛ́ lɛ́ɛ e ɖo gbětótló mɛ din é ɔ́, xovɛ́ ná kó sin yě, nǔ ná ko cikɔ nú yě, kɔ ná kó xú yě.”

Hwɛɖɔtɔ́ 10:4

Vǐ súnnu gban (30) wɛ é ɖó, bɔ yě nɔ́ xá tócí gban (30) jí lobo ɖó gletoxo gban (30) ɖo Galadi yíkúngban jí. Káká jɛ din ɔ́, è nɔ lɛ́ ylɔ́ toxo énɛ́ lɛ́ɛ ɖɔ gletoxo Yayíi tɔn.

Hwɛɖɔtɔ́ 5:10

Mi mɛ e xá tócí asi wěwé jí lɛ́ɛ, mi mɛ e jínjɔ́n akwɛ́núvɔ kpinkpɛn lɛ́ɛ jí lɛ́ɛ, mi mɛ e ɖo zɔnlin ɖi wɛ ɖo ali jí lɛ́ɛ, mi ní ɖɔ nǔ e Mawu Mavɔmavɔ wa lɛ́ɛ.

Ezekiyɛ́li 37:18

Énɛ́ ɔ́, Izlayɛ́li ví lɛ́ɛ ná ɖɔ hwi ní tín nǔ e bló wɛ hwi ɖe ɔ́ mɛ nú émí.

2 Samuwɛ́li 19:26

Hwenu e é wá jɛ axɔ́sú ɔ́ nukɔn ɔ́, axɔ́sú ɔ́ kanbyɔ́ ɛ ɖɔ: “Mɛfibáalu, étɛ́wú a ma xwedó mì yi ǎ?”

2 Samuwɛ́li 15:23

Hwenu e mɛ lɛ́ɛ ɖo wǐwá yi wɛ ɔ́, mɛ bǐ ɖo avǐ ya wɛ, bó ɖo xó sú wɛ. Davídi ka wlí ali e gbɔn Sedlɔ́n tɔ ɔ́ mɛ yi gbětótló mɛ é, é kpó ahwangbɛ́ tɔn lɛ́ɛ kpó.

2 Samuwɛ́li 15:1

Ée nǔ énɛ́ lɛ́ɛ jɛ gúdo ɔ́, Abusalɔ́mu ba kɛkɛ́ví ɖokpó, bó xo sɔ́ kplé, bó xo gbɛtɔ́ kanɖé wǒ (50) kplé, bɔ yě nɔ́ ɖo wezun jí ɖo kɛkɛ́ví ɔ́ nukɔn.

1 Samuwɛ́li 25:27

Kɛnklɛ́n yí nǔ e nyɛ mɛsɛntɔ́ towe hɛn wá nú we é, bó má nú mɛ e kpó hwi kpó zɔn lɛ́ɛ é.

1 Samuwɛ́li 14:28

Ahwanfuntɔ́ lɛ́ɛ ɖokpó ká ɖɔ n'i ɖɔ: “Tɔ́ towe zín togun ɔ́ bǐ jí, bɔ mɛ bǐ xwlé nǔ, bɔ é ɖɔ heelú mɛ e ná ɖu nǔ égbé ɔ́. Énɛ́ ɔ́ wú wɛ nǔ ci kɔ nú mɛ bǐ.”

Bǐbɛ́mɛ 33:8

Bɔ Esawu kanbyɔ́ Jakɔ́bu ɖɔ: “Kanlin tobutóbú e un kpé nɛ́ lɛ́ɛ ɔ́, étɛ́ ná dó wa ná wɛ a ɖe?” Bɔ Jakɔ́bu yí gbe n'i ɖɔ: “Mɛɖaxó ce, hwi wɛ un hɛn wá ná, bónú a nǎ nyɔ́ xomɛ dó wǔ ce.”

Bǐbɛ́mɛ 21:29

bɔ Abimɛlɛ́ki kanbyɔ́ Ablaxámu ɖɔ: “Nɛ̌ gbɔn bɔ a zě gbɔ̌ví asi tɛ́nwe énɛ́ lɛ́ɛ ɖó vo?”