2 Samuwɛ́li 15:2 - MAWUXÓWÉMA

² É nɔ́ fɔ́n zǎn, bó nɔ́ yi cí te ali e byɔ́ toxo ɔ́ mɛ ɔ́ tó, bɔ mɛ ɖěbǔ gbɔn fínɛ́ bó xwe hwɛ jɛ nú axɔ́sú ɔ́ gbé ɔ́, é nɔ kanbyɔ́ mɛ ɔ́ ɖɔ: “Fítɛ́ a gosín?” Nú mɛ ɔ́ ɖɔ: “Un gosín akɔta lě mɛ ɖo Izlayɛ́li” ɔ́,

2 Samuwɛ́li 15:2 Iomraidhean Croise

Matíe 27:1

Ée ayǐ hɔ́n tlóló ɔ́, vɔ̌sánú-xwlémawutɔ́gán lɛ́ɛ bǐ kpódó tomɛxó lɛ́ɛ kpó kplé, bó ɖe gbeta tɔ́n, ɖɔ émí ná hu Jezu.

Nǔnywɛ́xó 4:16

Mɛ énɛ́ lɛ́ɛ má dó nǔ nyanya sin ǎ ɔ́, yě nɔ́ dɔ́ amlɔ ǎ. Gbɛtɔ́ má jɛ ayǐ dó alɔ yětɔn kɔ ǎ ɔ́, adɔ̌ wɛ nɔ vɛ́ yě.

Jɔ̌bu 24:14

Wun ɖo kinkɛn wɛ ɔ́, mɛhutɔ́ nɔ́ fɔ́n, bó nɔ́ hu wamamɔnɔ, mɛ e ma ɖó mɛɖé ǎ é. Zǎn ká bɔ ɔ́, é nɔ́ húzú ajotɔ́.

2 Samuwɛ́li 19:8

È byɔ̌ mɛɖée mɛ din, bo yi ɖɔ xó ɖé dó dó wǔyá lanmɛ nú sɔ́ja mɛtɔn lɛ́ɛ. Nú è ma yi ǎ ɔ́, un xwlé Mawu Mavɔmavɔ nú mɛ, yě bǐ ná gosín acɛ mɛtɔn mɛ zǎn élɔ́ mɛ. Awě énɛ́ e ná xo mɛ ɔ́ ná nylá hú éé ɖo mɛ xo wɛ sín dɔ̌nkpɛvú mɛ mɛtɔn káká wá jɛ égbé lɛ́ɛ bǐ.”

Hwliti 4:1

Daxwi énɛ́ ɔ́ mɛ ɔ́, Bowozi yi toxo ɔ́ sín hɔntogbó jí fí e è nɔ kplé xó ɖɔ ɖe ɔ́, bó jínjɔ́n ayǐ. Fínɛ́ wɛ é ɖe bɔ nya e xó é ɖɔ nú Hwliti ɖɔ é sɛkpɔ́ ɛ hú émí ɔ́ wá xweyǐgbe, lobɔ é ylɔ́ ɛ, bó ɖɔ é ní wá jínjɔ́n ayǐ, bɔ nya ɔ́ wá jínjɔ́n ayǐ.

Tíntɔ́n 18:26

Bɔ yě nɔ́ ɖo hwɛ ɖɔ gbo nú togun ɔ́ wɛ hwebǐnu; yě nɔ́ zé xó e syɛ́n lɛ́ɛ wá Mɔyízi gɔ́n, bɔ yě ɖésúnɔ nɔ́ ɖɔ xó kléwún kléwún lɛ́ɛ gbo.

Tíntɔ́n 18:16

Ényí tagba ɖé ɖo tɛ́ntin yětɔn ɔ́, yě nɔ́ wá mɔ mì, bɔ un nɔ ɖɔ gbo nú yě, bó nɔ tín nǔ e Mawu zɔ́n lɛ́ɛ kpó kplɔ́n tɔn lɛ́ɛ kpó mɛ nú yě.”

Tíntɔ́n 18:14

Mɔyízi sín asitɔ́ mɔ nǔ e bló nú togun ɔ́ wɛ é ɖe é bǐ, bó kanbyɔ́ ɛ ɖɔ: “Étɛ́ wa wɛ a ɖe ɖo fínɛ́ kpó togun ɔ́ kpó? Nɛ̌ ká gbɔn bɔ hwi ɖokpónɔ ɖo azɔ̌ énɛ́ ɔ́ wa wɛ? Bɔ togun ɔ́ bǐ ɖo te ɖo nukɔn towe sín zǎnzǎn káká jɛ gbadanu?”

Bǐbɛ́mɛ 34:20

Hamɔ́ɔ kpó vǐ tɔn Sikɛ́mu kpó yi toxo ɔ́ sín hɔntogbó jí, bó kplé mɛ yětɔn lɛ́ɛ, bó ɖɔ nú yě ɖɔ:

Sɛ́nflínmɛ 17:8

Ényí hwɛ ɖé ɖe, bó gló hwɛɖɔxɔsá e ɖo toxo ɔ́ mɛ lɛ́ɛ ɔ́, mi ná dɔn yi tɛn e Mawu Mavɔmavɔ, Mawu mitɔn ná sɔ́ bó ná nɔ́ ɖe susu tɔn xlɛ́ ɖe ɔ́ mɛ: é sixú nyí mɛhuhu, wǔgblémɛ, nǔdindɔn alɔkpa ɖěbǔ sín hwɛ.

2 Tan 10:7

Bɔ yě ɖɔ n'i ɖɔ: “Nú a nyɔ̌ xomɛ dó togun élɔ́ wú, bó yí yě ganjí, bó dó gbe ɖagbe nú yě ɔ́, yě ná nyí mɛsɛntɔ́ towe káká sɔ́yi.”

Daniyɛ́li 11:21

“Mɛ e ná wá mɛ énɛ́ ɔ́ sín tɛnmɛ ɔ́ ná nyí mɛɖé, bɔ mɛ bǐ ná gbɛ́ wǎn n'i; è nǎ sɔ́ ɛ su axɔ́sú ɖɔhun ǎ. To ɔ́ bǐ ná ɖo vivo mɛ, bɔ nya énɛ́ ɔ́ ná dó ahizi, bó ná klá jɛ axɔ́súɖuto ɔ́ nu, bó ná ɖu gǎn.