2 Samuwɛ́li 13:1 - MAWUXÓWÉMA

¹ Énɛ́ ɔ́ gúdo ɔ́, nǔ e wá jɛ ɔ́ ɖíe: Abusalɔ́mu Davídi ví ɔ́ ɖó nɔví nyɔ̌nu ɖokpó. É nyɔ́ ɖɛkpɛ ɖésú; è nɔ ylɔ́ ɛ ɖɔ Tamáa. Davídi ɔ́, vǐ tɔn súnnu ɖokpó tíin, bɔ è nɔ ylɔ́ ɛ ɖɔ Amunɔ́ɔ. É yí wǎn nú tɔ́ví tɔn Tamáa ɔ́ ɖésú.

2 Samuwɛ́li 13:1 Iomraidhean Croise

Bǐbɛ́mɛ 29:18

Jakɔ́bu ká yí wǎn nú Hlacɛ́li; énɛ́ ɔ́, é yí gbe nú Labáan ɖɔ: “Un ná wa azɔ̌ nú we nú xwe tɛ́nwe, bɔ a nǎ ná vǐ towe Hlacɛ́li ɔ́ mì, bɔ un ná da.”

Bǐbɛ́mɛ 29:20

Énɛ́ ɔ́, Jakɔ́bu wa azɔ̌ nú xwe tɛ́nwe bɔ Hlacɛ́li ná nyí étɔn. Đó Jakɔ́bu yí wǎn nú Hlacɛ́li wútu ɔ́, é mɔ xwe tɛ́nwe nɛ́ lɛ́ɛ dó mɔ azǎn ywɛywɛ ɖé ná.

Bǐbɛ́mɛ 34:3

Ayi tɔn bǐ ɖo Dina Jakɔ́bu ví ɔ́ wú. É yí wǎn n'i, bɔ wǎn e é yí n'i ɔ́ nɔ́ ɖo jijɛ jí wɛ, bɔ é nɔ́ ɖo xó ɖagbe ɖagbe ɖɔ n'i wɛ.

Bǐbɛ́mɛ 6:2

nǔɖíɖó e ɖo sɛ́xwé lɛ́ɛ mɔ ɖɔ vǐ yětɔn nyɔ̌nu lɛ́ɛ nyɔ́ ɖɛkpɛ ɖésú, bɔ yě kpɔ́n éé jló yě lɛ́ɛ ɖo nyɔ̌nuví énɛ́ lɛ́ɛ mɛ bó da.

2 Samuwɛ́li 11:2

É wá su gbe ɖokpó, bɔ hwe ko lɛ́ kɔ, bɔ Davídi dɔ́ amlɔ bó fɔ́n, bó ɖidó sa ɖi gbé ɖo xɔ tɔn ta, bó mɔ nyɔ̌nu ɖé sɛ́ dó, bɔ é ɖo wǔ lɛ wɛ. Nyɔ̌nu ɔ́ nyɔ́ ɖɛkpɛ ɖésú.

2 Samuwɛ́li 13:15

Ée é bló mɔ̌ fó ɔ́, é jɛ wǎn gbɛ́ n'i jí; wǎn e é gbɛ́ n'i ɔ́ syɛ́n hú wǎn e é yí n'i ɖ'ayǐ é; é ɖɔ n'i ɖɔ: “Alě! Sí te bo tɔ́n!”

2 Samuwɛ́li 13:2

Wǎn e Amunɔ́ɔ yí nú tɔ́ví tɔn Tamáa ɔ́ dó azɔn ɛ, lo ɔ́, Amunɔ́ɔ tunwun lě e é ná sɛkpɔ́ ɛ gbɔn é ǎ, ɖó é kpo ɖo alɔ jí.

2 Samuwɛ́li 14:27

Abusalɔ́mu ɖó vǐ súnnu atɔn, vǐ nyɔ̌nu ɖokpó. È nɔ ylɔ́ vǐ nyɔ̌nu ɔ́ ɖɔ Tamáa. Vǐ ɖé wɛ bó nyɔ́ ɖɛkpɛ ɖésú.

1 Axɔ́sú 11:1

Axɔ́sú Salomɔ́ɔ da nyɔ̌nu toɖévomɛnu gěgé; é nyí axɔ́sú Ejípu tɔn ví ɔ́ kɛ́ɖɛ́ wɛ nyí toɖévomɛnu e é da ɔ́ ǎ. É da Mɔwabunu ɖé lɛ́ɛ, bó da Amumɔ́ɔ ví ɖé lɛ́ɛ, Edɔ́munu ɖé lɛ́ɛ, Sidɔ́ɔnnu ɖé lɛ́ɛ, Hitíti ɖé lɛ́ɛ.

1 Tan 3:2

Vǐ tɔn atɔngɔ́ ɔ́ nɔ́ nyí Abusalɔ́mu, bɔ é ji ɖo Maaka xomɛ. Maaka ɔ́, Gɛcúu xɔ́sú Talumayi ví wɛ. Vǐ tɔn ɛnɛgɔ́ ɔ́ nɔ́ nyí Adoniyasi, bɔ é ji ɖo Hagiti xomɛ.

1 Tan 3:9

Davídi ví lɛ́ɛ bǐ nɛ́. Vǐ e asi tɔn lɛ́ɛ ji n'i lɛ́ɛ ɖ'é mɛ ǎ. É ká ɖó vǐ nyɔ̌nu ɖokpó, bɔ é nɔ́ nyí Tamáa.

Nǔnywɛ́xó 31:30

Nǔ e nyɔ́ kpɔ́n ɔ́, nɔ́ blɛ́ mɛ; ɖɛkpɛ nɔ wá cá. Nyɔ̌nu e ɖó sísí nú Mawu Mavɔmavɔ ɔ́, nyɔ̌nu e è ɖǒ ná sɔ́ su ɔ́ nɛ́.

Nǔnywɛ́xó 6:25

Ma nú nyɔ̌nu énɛ́ jló we ɖó ɖɛkpɛ tɔn wú ó. Ma ka lɔn nú é bló nukún nú we dó dɔn we ó.