2 Samuwɛ́li 11:1 - MAWUXÓWÉMA

¹ Đo xwe e jɛ fínɛ́ ɔ́ mɛ ɔ́, hwenu e axɔ́sú lɛ́ɛ nɔ yi fun ahwan dó ɔ́, Davídi sɛ́ ahwangán ɖaxó Jowabu kpó mɛsɛntɔ́ tɔn lɛ́ɛ kpó Izlayɛ́li to ɔ́ bǐ kpó dó Amumɔ́ɔ ví lɛ́ɛ sín kún vívá gbé, lobo ná yí Hlaba toxo ɔ́. Davídi ɖésú ka cí Jeluzalɛ́mu.

2 Samuwɛ́li 11:1 Iomraidhean Croise

2 Samuwɛ́li 10:14

Ée Amumɔ́ɔ ví lɛ́ɛ mɔ Silíinu lɛ́ɛ hɔn ɔ́, yě lɔ hɔn ɖo Avicáyi nukɔn, bó lɛ́ kɔ byɔ́ toxo yětɔn mɛ. Jowabu lɔ lɛ́ kɔ sín Amumɔ́ɔ ví lɛ́ɛ gúdo bó wá Jeluzalɛ́mu.

1 Axɔ́sú 20:22

Énɛ́ ɔ́ gúdo ɔ́, gbeyíɖɔ Mawu tɔn ɔ́ wá mɔ axɔ́sú Izlayɛ́li tɔn ɔ́, bó ɖɔ n'i ɖɔ: “Kpan akɔ́n, lin tamɛ dó nǔ e a ɖǒ ná wa ɔ́ wú ganjí, ɖó xwe ɖě ɔ́ mɛ lěhwenu ɔ́, axɔ́sú Silíi tɔn ɔ́ ná lɛ́ wá tɔ́n ahwan we.”

1 Axɔ́sú 20:26

Xwe e jɛ fínɛ́ ɔ́ mɛ ɔ́, ɖo hwe ɖokpó ɔ́ nu ɔ́, Bɛni-Hadadi xa ahwanfuntɔ́ Silíi tɔn lɛ́ɛ, bó kplá yě yi toxo Afɛ́ki tɔn mɛ, bónú yě ná fun ahwan xá ahwanfuntɔ́ Izlayɛ́li tɔn lɛ́ɛ.

1 Tan 20:1

Xwe e jɛ fínɛ́ ɔ́ mɛ ɔ́, hwenu e axɔ́sú lɛ́ɛ nɔ yi fun ahwan dó ɔ́, Jowabu zɔn ahwangɔnu ɔ́ nu, bó yi vívá Amumɔ́ɔ ví lɛ́ɛ sín kún, lobo xá Hlaba toxo ɔ́. Davídi ɖésú ká cí Jeluzalɛ́mu. Jowabu ɖu ɖo Hlabanu lɛ́ɛ jí, bó gba toxo ɔ́ hánnyá.

2 Tan 36:10

Hwenu e xwe yɔ̌yɔ́ ɔ́ ɖo nǎ bɛ́ wɛ ɔ́, axɔ́sú Nabukodonɔzɔ́ɔ ɖɔ bɔ è kplá Yoyakini wá yi Babilɔ́nu kpó nǔ xɔ akwɛ́ e è nɔ zán ɖo Mawu Mavɔmavɔ xwé gbe lɛ́ɛ kpó, bó sɔ́ hɛ̌nnumɔ tɔn Sedesíyasi axɔ́sú ɖó Judáa kpó Jeluzalɛ́mu kpó nu.

Ɖɛhan 60:9

Galadi to ɔ́, ce wɛ, Manasée to ɔ́, ce wɛ. Eflayímu to ɔ́, ahwanfungbákún ce wɛ, Judáa to ɔ́, makpo ce wɛ.

Nǔnywɛ́tɔ́xó 3:8

Hwenu e è nǎ yí wǎn nú mɛ dó ɔ́ ɖe, bɔ hwenu e è nǎ gbɛ́ wǎn nú mɛ dó é ɖe. Hwenu e è nǎ fun ahwan dó ɔ́ ɖe, bɔ hwenu e è nǎ nɔ fífá mɛ dó é ɖe.

Jelemíi 49:2

Énɛ́ ɔ́ wú wɛ nyɛ Mawu Mavɔmavɔ ɖɔ: “Ayǐ ɖé lɛ́ɛ ná hɔ́n, bɔ un ná zɔ́n bɔ ahwan ná tɔ́n, ahwan ná tɔ́n ɖo Amumɔ́ɔ ví lɛ́ɛ sín tota Hlaba ɔ́ mɛ, bɔ xósúsú ná ɖ'é nu. Hlaba ná húzú axéko. Gletoxo tɔn lɛ́ɛ bǐ ná fyɔ́. Hwenɛ́nu su ɔ́, Izlayɛ́li ná bɛ́ nǔ tɔn lɛ́ɛ, nǔ tɔn e Amumɔ́ɔ ví lɛ́ɛ ko fɔ ɖ'ayǐ lɛ́ɛ bǐ.” Xó e Mawu Mavɔmavɔ ɖɔ ɔ́ nɛ́.

Jelemíi 49:3

Hɛcibɔ́ninu lɛ́ɛ mi, mi ya avǐ, ɖó Ayíi to ɔ́ gba! Hlaba gletoxo mɛ nu lɛ́ɛ mi, mi sú xó, mi fɔ ati kplá dó ɖe xlɛ́ ɖɔ mi ɖo aluwɛ mɛ; mi dó gbɛvíhan, mi kan wezun gbɔn ɖisí amyɔ gbɔn gle lɛ́ɛ mɛ. Đó Milukɔ́mu vodún Amumɔ́ɔ ví lɛ́ɛ tɔn xwe kannumɔgbénu, é kpódó vɔ̌sátɔ́ tɔn lɛ́ɛ kpó hunnɔ tɔn lɛ́ɛ kpó.

Ezekiyɛ́li 21:20

Un jló ná dó kpo awakanmɛ nú yě bó ná hu yě. Un sɔ́ mɛhuhwí ɔ́ ɖó hɔn ɖokpó ɖokpó ta. Hwǐ ɔ́ nɔ́ kɔ́n jǐkɛwun ɖɔhun; è gan hwǐ ɔ́ bɔ é ná nɔ́ hu mɛ ganjí.

Amɔ́si 1:14

Un ná dó Hlaba toxo ɔ́ zo, bɔ zo ná ji hɔnmɛ e ɖo toxo ɔ́ mɛ lɛ́ɛ, ɖo azǎn e gbe è na ɖo ahwan fun wɛ, bó ná ɖo xó sú wɛ, bɔ jɔhɔn ɖaxó ɖé ná ɖo nyinyi wɛ, bɔ jǐ ɖaxó ná ɖo jija wɛ é.

Zakalíi 14:3

Mawu Mavɔmavɔ ná wá, bó ná fun ahwan xá akɔta énɛ́ lɛ́ɛ. É ná fun ahwan lě e é kó nɔ́ fun gbɔn ahwan hwenu é.

Sɛ́nflínmɛ 3:11

Axɔ́sú Basáni tɔn Ɔgu wɛ nyí mɛ ɖokpó e kpo ɖo gbɛ ɖo Hlafa ví lɛ́ɛ mɛ hwenɛ́nu é; yɔdo tɔn kpo ɖo te ɖo Hlaba, Amumɔ́ɔ ví lɛ́ɛ sín tota mɛ. Awǐnnya Bazalu mɛ wɛ è kun yɔdo ɔ́ dó. Ga tɔn hú mɛ̌tlu ɛnɛ, gblǒ tɔn yi mɛ̌tlu we.

1 Samuwɛ́li 18:30

Hwenɛ́nu ɔ́, gǎn Filisitɛ́ɛn lɛ́ɛ tɔn lɛ́ɛ nɔ ɖo ahwan tɔ́n Izlayɛ́li ví lɛ́ɛ wɛ. Yě ká ko wá tɛgbɛ ɔ́, Davídi nɔ ɖu ɖ'é jí hú Sawúlu sín ahwanfuntɔ́ lɛ́ɛ bǐ, bɔ nyǐkɔ tɔn fɔ́n ɔ́, é nɔ́ ɖo jǐ yi wɛ.