Biblia Todo Logo
Bìoball air-loidhne

- Sanasan -




2 Samuwɛ́li 10:6 - MAWUXÓWÉMA

6 Ée Amumɔ́ɔ ví lɛ́ɛ mɔ ɖɔ émí zé émíɖée dó xomɛ nú Davídi ɔ́, yě da sɔ́ja Silíinu e ɖo Bɛti-Hlehovu kpó Sova kpó lɛ́ɛ adɔ̌kpo (20.000) dó yěɖée jí. Yě lɛ́ kplá sɔ́ja afatɔ́n (1.000) ɖo Maaka xɔ́sú ɔ́ sín ahwangɔnu ɔ́ mɛ, bó lɛ́ kplá sɔ́ja děgba atɔn (12.000) ɖo Tɔ́vu xɔ́sú ɔ́ sín ahwangɔnu ɔ́ mɛ.

Faic an caibideil Dèan lethbhreac




2 Samuwɛ́li 10:6
24 Iomraidhean Croise  

Énɛ́ ɔ́, Jakɔ́bu ɖɔ nú Levíi kpó Sinmɛnyɔ́ɔ kpó ɖɔ: “Nǔ énɛ́ e mi bló din bɔ un húzú nǔ gbɛ́hɛn nú to ɔ́ mɛ nu lɛ́ɛ, Kanáanu lɛ́ɛ, kpó Pɛliziti lɛ́ɛ kpó ɔ́, kɛn wɛ mi ba nú mì. Yě ná xísí dó mì, bó tɔ́n ahwan mì bo ɖu ɖo jǐ ce, bó sú nyɛ kpódó xwédo ce kpó sín kún dó, ɖó mɛ kwín we ɖé jɛ́n un ɖó.”


È yi ɖɔ nǔ e jɛ ɔ́ nú Davídi. Ée é se mɔ̌ ɔ́, é sɛ́ mɛ dó gbě yětɔn mɛ, bɔ è yi kpé yě; amɔ̌, winnyá hu gǎn hɔn-yitɔ́ lɛ́ɛ ɖésú, ɖó nǔ e è wa xá yě ɔ́ wútu. Axɔ́sú Davídi ɖɔ sɛ́ dó yě ɖɔ yě ní nɔ Jeliko káká nú atán yětɔn ní wú bǐ cóbónú yě ní wá xwé.


Ée Davídi se nǔ e wa wɛ Amumɔ́ɔ ví lɛ́ɛ ɖe ɔ́, é sɛ́ ahwangán ɖaxó Jowabu kpó ahwanfuntɔ́ tɔn e sín alɔ se kpɛ́n ganjí lɛ́ɛ bǐ kpó dó ahwangbénu.


Ée Abusalɔ́mu ɖɔ mɔ̌ ɔ́, Axitofɛ́li ɖɔ n'i ɖɔ: “Yi ɖó xó xá tɔ́ towe sín asi e é jó dó nyi hɔn ɔ́ mɛ, bɔ yě ɖo nukún kpé dó hɔn ɔ́ mɛ wú wɛ lɛ́ɛ. A nǎ wa mɔ̌ xá tɔ́ towe dó jɛ adǎnnyí ná, bɔ Izlayɛ́li ví lɛ́ɛ bǐ ná se, bɔ é ná dó wǔsyɛ́n lanmɛ nú mɛ e ɖo jǐ towe lɛ́ɛ bǐ.”


Elifɛlɛ́ti Ahasibayi ví e nyí nya Maaka ví ɔ́, kpó Eliamu Axitofɛ́li Gilóonu ɔ́ ví kpó ɖo yě mɛ,


Nǔ énɛ́ lɛ́ɛ ɔ́, é bɛ́ ɖě sín Silíi, bó bɛ́ ɖě sín Mɔwabu, bó bɛ́ ɖě sín Amumɔ́ɔ ví lɛ́ɛ gɔ́n, bó bɛ́ ɖě sín Filisitɛ́ɛn lɛ́ɛ gɔ́n, bó bɛ́ ɖě sín Amalɛ́ki ví lɛ́ɛ gɔ́n, bɔ nǔ e é fun ahwan xá Hadadɛzɛ́ɛ bo yí lɛ́ɛ gɔ́ ná.


Hwenu e Sova xɔ́sú Hadadɛzɛ́ɛ Hlexɔ́vu ví ɔ́ jló ná lɛ́ vɔ́ yí fí e gbɔn Efláti tɔ ɔ́ kpáxwé lɛ́ɛ ɔ́, Davídi hu i.


Silíinu e ɖo Damási lɛ́ɛ wá bó ná dó alɔ Hadadɛzɛ́ɛ, Davídi ka ɖu ɖo yě lɔ jí, bó hu Silíinu adɔ̌kpo ɖě afɔwó (22.000) ɖo yě mɛ.


Hwenu e Davídi hu gǎn tɔn Hadadɛzɛ́ɛ sín sɔ́ja lɛ́ɛ ɔ́, Hlezɔ́ni kplé mɛ ɖé lɛ́ɛ bó nyí gǎn ɖo yě nu, bɔ yě yi Damási, bó nɔ fínɛ́, bó ɖu axɔ́sú ɖo fínɛ́.


Cóbónú yě ná wá fí e ahwangɔnu Silíi tɔn lɛ́ɛ ɖó gɔnu ɖó ɔ́, sɔ́ja Silíi tɔn lɛ́ɛ kó se zǐngídi ɖé, bɔ é cí ahwangɔnu ɖaxó ɖé wɛ hɛn sɔ́ kpódó kɛkɛ́ví kpó jǎwe ɖɔhun. Mawu Mavɔmavɔ wɛ ka sɛ́ zǐngídi énɛ́ ɔ́ dó, bɔ Silíinu lɛ́ɛ ɖɔ ɖo yěɖée tɛ́ntin ɖɔ: “Mi mɔ axɔ́sú Izlayɛ́li tɔn dó ajɔ axɔ́sú Hitíti tɔn lɛ́ɛ kpódó Ejípu tɔn lɛ́ɛ kpó, bɔ ahwangɔnu yětɔn lɛ́ɛ wá tɔ́n ahwan mǐ din a?”


Mawu ɖo ahohó Sinyɔ́ɔ tɔn mɛ; é ɖésúnɔ wɛ ka nyí bibɛtɛn ɖo ahohó ɔ́ mɛ; mɛ bǐ wɛ tunwun.


bó ɖɔ nú yě ɖɔ: “Mawu Mavɔmavɔ ní kpɔ́n nǔ e mi wa ɔ́, bó ɖɔ hwɛ tɔn xá mi. Mi wɛ zɔ́n bɔ axɔ́sú Ejípu tɔn ɔ́ kpó azaglɔ́gán tɔn lɛ́ɛ kpó gbɛ́ wǎn nú mǐ. Mi wɛ sɔ́ ahwanfunnú e yě ná dó hu mǐ ɔ́ dó alɔ mɛ nú yě.”


ma yá wǔ sɔ́ yi hwɛgun ó. É má nyí mɔ̌ ǎ ɔ́, nú nɔzo towe ɔ́ wá ɖɔ xó dó gba xó towe ɔ́, nɛ̌ a ka sɔ́ sixú bló gbɔn?


Ée yě se mɔ̌ ɔ́, yě yi mɔ Gedaliyási ɖo Misipa. Yě mɛ e yi lɛ́ɛ wɛ nyí: Yicimayɛ́li Nɛtaniya ví ɔ́, Kaleyaxi ví súnnu we lɛ́ɛ: Yoxanáni kpó Yonatáni kpó, Selaya Tanxumɛti ví ɔ́, Ofáyi Nɛtofanu ɔ́ sín vǐ lɛ́ɛ, kpó Yezaniyahu Maaka ví ɔ́ kpó. Gǎn énɛ́ lɛ́ɛ kpó ahwanfuntɔ́ yětɔn lɛ́ɛ kpó wɛ ɖidó Gedaliyási gɔ́n.


Sɔ́ja to ɖěvo mɛ nu e Ejípu da bó nɔ́ sú axɔ́ lɛ́ɛ ɔ́, yě nyɔ́ ahwan fun mɔ̌hunkɔtɔn, amɔ̌, yě lɔmɔ̌ hɔn; yě bǐ ɖó gbe kpɔ́ bó hɔn. Adǎngbomɛ zán ɔ́ gbe ɔ́, yě ɖě sixú nɔ te ǎ. Ée un húzú kpan nukɔn yě ɔ́, yě ɖě nɔ te ǎ.


Yayíi yí Aagɔ́vu to ɔ́ bǐ káká jɛ to Gɛcúunu lɛ́ɛ kpó Maakatinu lɛ́ɛ tɔn kpó sín dogbó jí. Yayíi ɔ́, Manasée kún mɛ wɛ é jɔ ɖe. É ná nyǐkɔ tɔn Basáni to ɔ́, bɔ è nɔ ylɔ́ fínɛ́ ɖɔ gletoxo Yayíi tɔn lɛ́ɛ. Nyǐkɔ énɛ́ ɔ́ kpo ɖo te káká jɛ égbé.


Énɛ́ ɔ́, Jɛfutée hɔn bó nɔ zɔ nú nɔví tɔn lɛ́ɛ; é yi nɔ Tɔ́vu tomɛ. Gběvún ɖé lɛ́ɛ ká gɔ́ n'i bó xwédo e gbɔn fí e é gbɔn lɛ́ɛ.


Ée Amumɔ́ɔ ví lɛ́ɛ ɖo ahwan fun wɛ mɔ̌ ɖo Izlayɛ́li ɔ́, tomɛxó Galadi tɔn lɛ́ɛ yi Jɛfutée gbé mɛ ɖo Tɔ́vu to mɛ.


Layici ɔ́, Bɛti-Hlehovu sín tɔdo mɛ wɛ é ɖe, bo lín dó Sidɔ́ɔn, bɔ mɛ e ɖo to ɔ́ mɛ lɛ́ɛ ɖo mɛ ɖěbǔ sín acɛ mɛ ǎ. Nǔ e wútu mɛ ɖěbǔ ma wá gɔ́ alɔ nú yě ǎ ɔ́ nɛ́. Dan ví lɛ́ɛ vɔ́ toxo ɔ́ gbá, bó ɖó gɔnu ɖó fínɛ́.


Énɛ́ ɔ́, Izlayɛ́li to ɔ́ bǐ se bɔ è ɖo ɖiɖɔ wɛ ɖɔ: “Sawúlu gba ahwankpá Filisitɛ́ɛn lɛ́ɛ tɔn, bɔ Izlayɛ́li ví lɛ́ɛ bǐ húzú nǔ baɖabaɖa ɖo Filisitɛ́ɛn lɛ́ɛ nukún mɛ.” Énɛ́ ɔ́, togun ɔ́ bǐ kplé ɖo Sawúlu gɔ́n ɖo Gilugalu.


Énɛ́ ɔ́ wɛ zɔ́n bɔ Akíci ɖeji dó Davídi wú, bó nɔ ɖɔ dó ayi mɛ ɖɔ: “É húzú nǔ gbɛ́hɛn nú mɛ tɔn Izlayɛ́li ví lɛ́ɛ, bó ká ná nyí mɛsɛntɔ́ ce káká sɔ́yi.”


Lean sinn:

Sanasan


Sanasan