2 Samuwɛ́li 10:5 - MAWUXÓWÉMA

⁵ È yi ɖɔ nǔ e jɛ ɔ́ nú Davídi. Ée é se mɔ̌ ɔ́, é sɛ́ mɛ dó gbě yětɔn mɛ, bɔ è yi kpé yě; amɔ̌, winnyá hu gǎn hɔn-yitɔ́ lɛ́ɛ ɖésú, ɖó nǔ e è wa xá yě ɔ́ wútu. Axɔ́sú Davídi ɖɔ sɛ́ dó yě ɖɔ yě ní nɔ Jeliko káká nú atán yětɔn ní wú bǐ cóbónú yě ní wá xwé.

2 Samuwɛ́li 10:5 Iomraidhean Croise

2 Samuwɛ́li 10:4

Énɛ́ ɔ́, Hanúni ɖe gbe, bɔ è wlí gǎn hɔn-yitɔ́ Davídi tɔn lɛ́ɛ, bó xwlɛ́ atán yětɔn akpá ɖokpó, bó sɛ́n awu yětɔn lɛ́ɛ, sín nɛgbé káká wá alin, lobo nya yě.

2 Samuwɛ́li 10:6

Ée Amumɔ́ɔ ví lɛ́ɛ mɔ ɖɔ émí zé émíɖée dó xomɛ nú Davídi ɔ́, yě da sɔ́ja Silíinu e ɖo Bɛti-Hlehovu kpó Sova kpó lɛ́ɛ adɔ̌kpo (20.000) dó yěɖée jí. Yě lɛ́ kplá sɔ́ja afatɔ́n (1.000) ɖo Maaka xɔ́sú ɔ́ sín ahwangɔnu ɔ́ mɛ, bó lɛ́ kplá sɔ́ja děgba atɔn (12.000) ɖo Tɔ́vu xɔ́sú ɔ́ sín ahwangɔnu ɔ́ mɛ.

1 Axɔ́sú 16:34

Hwenɛ́nu ɖokpó ɔ́, Iyɛli Betɛ́linu ɔ́ vɔ́ toxo Jeliko tɔn ɔ́ gbá. Hwenu e é ɖo do kun wɛ bo ná dó dǒ lɛ́ɛ do ɔ́, nukɔngbéví tɔn Avilámu kú, bɔ kpodéví tɔn Segúvu kú hwenu e é ɖo hɔn lɛ́ɛ dó wɛ é, lě e Mawu Mavɔmavɔ ko ɖɔ gbɔn ɖ'ayǐ gbɔn Jozuwée Nuni ví ɔ́ jí é.

1 Tan 19:5

È yi ɖɔ nú Davídi. Ée é se mɔ̌ ɔ́, é sɛ́ mɛ dó gbě yětɔn mɛ, bɔ è yi kpé yě; amɔ̌, winnyá hu mɛsɛntɔ́ lɛ́ɛ ɖésú, ɖó nǔ e è wa xá yě ɔ́ wútu. Axɔ́sú Davídi ɖɔ sɛ́ dó yě ɖɔ yě ní nɔ Jeliko káká nú atán yětɔn ní wú cóbónú yě ní wá xwé.

Jozuwée 6:1

È sú hɔntogbó Jeliko tɔn lɛ́ɛ bǐ dó Izlayɛ́li ví lɛ́ɛ kpánwúnkpánwún, bó ján bǐ. Mɛ ɖěbǔ sixú byɔ́ to ɔ́ mɛ ǎ, mɛ ɖěbǔ ká sixú tɔ́n ǎ.