2 Samuwɛ́li 10:18 - MAWUXÓWÉMA

¹⁸ Amɔ̌, Silíinu lɛ́ɛ hɔn ɖo Izlayɛ́li ví lɛ́ɛ nukɔn. Davídi kpó ahwanfuntɔ́ tɔn lɛ́ɛ kpó hu sɔ́ yětɔn e nɔ dɔn ahwankɛkɛ́ví lɛ́ɛ nǔwɔntɔn kanwe ko (700), bó hu sɔ́xátɔ́ adɔ̌kpo we (40.000). Yě gblé wǔ ahwangán ɖaxó Covaki bɔ é kú jɛ fínɛ́.

2 Samuwɛ́li 10:18 Iomraidhean Croise

2 Samuwɛ́li 10:17

È yi ɖɔ nú Davídi. Ée é se mɔ̌ ɔ́, é kplé ahwangɔnu Izlayɛ́li tɔn ɔ́ bǐ, bó dó asá Judɛ́ɛn tɔ ɔ́, bó wá Helámu. Bɔ Silíinu lɛ́ɛ sɔ́ ahwan nú, bó tɔ́n ahwan Davídi.

2 Samuwɛ́li 8:4

Davídi wlí sɔ́xátɔ́ afatɔ́n nǔwɔntɔn kanwe ko (1.700), bó wlí sɔ́ja adɔ̌kpo (20.000). Amɔ̌, é jó sɔ́ e ná dɔn ahwankɛkɛ́ví kanwe ko (100) mɔ̌ lɛ́ɛ dó, bó ká sɛ́n dɔn nú sɔ́ e kpo lɛ́ɛ bǐ.

1 Axɔ́sú 11:24

Hwenu e Davídi hu gǎn tɔn Hadadɛzɛ́ɛ sín sɔ́ja lɛ́ɛ ɔ́, Hlezɔ́ni kplé mɛ ɖé lɛ́ɛ bó nyí gǎn ɖo yě nu, bɔ yě yi Damási, bó nɔ fínɛ́, bó ɖu axɔ́sú ɖo fínɛ́.

1 Tan 19:18

Silíinu lɛ́ɛ hɔn ɖo Izlayɛ́li ví lɛ́ɛ nukɔn. Davídi hu ahwanfuntɔ́ yětɔn lɛ́ɛ, bó hu sɔ́ yětɔn e nɔ́ dɔn ahwankɛkɛ́ví lɛ́ɛ děgba ɖě afɔwó-afatɔ́n (7.000), bó hu sɔ́ja adɔ̌kpo we (40.000). É hu Cofáki ahwangán ɔ́ lɔmɔ̌.

Ɖɛhan 18:38

Un nɔ jɛ kɛntɔ́ ce lɛ́ɛ gúdo, bó nɔ́ wlí yě; un ma sú kún yětɔn dó ǎ ɔ́, un nɔ lɛ́ kɔ ǎ.

Ɖɛhan 46:11

Mawu Mavɔmavɔ ɖɔ: “Mi fɔ ahwanfunnú bǐ ɖ'ayǐ! Mi bǐ ní tunwun ɖɔ nyi wɛ nyí Mawu! Un hú gǎn akɔta lɛ́ɛ bǐ. Un hú gǎn nǔ e ɖo ayǐkúngban ɔ́ jí é bǐ.”

Ɖɛhan 68:2

Mawu nɔ sí te bɔ kɛntɔ́ tɔn lɛ́ɛ nɔ kɛn; mɛ e gbɛ́ wǎn n'i lɛ́ɛ nɔ hɔn ɖo nukɔn tɔn.

Hwɛɖɔtɔ́ 4:2

Mawu Mavɔmavɔ ka jó yě nú Yavíni, Kanáa xɔ́sú lɛ́ɛ ɖokpó. Hasɔ́ɔ wɛ é nɔ nɔ; ahwangán tɔn nɔ nyí Sisela, bó nɔ́ nɔ Halocɛ́ti-Goyímu.

Hwɛɖɔtɔ́ 4:22

Énɛ́ ɔ́ gúdo ɔ́, Balaaki e ɖo Sisela nya wɛ ɔ́ wá, Yaɛ́li ka tɔ́n wá kpé e, bó ɖɔ n'i ɖɔ: “Wǎ má xlɛ́ mɛ e ba wɛ a ɖe ɔ́ we.” Balaaki byɔ́ goxɔ ɔ́ mɛ, bó mɔ Sisela sín cyɔ ɖo kɔ́ mɛ, bɔ só ɔ́ xo ta tɔn zlɛ́.

Hwɛɖɔtɔ́ 5:26

Énɛ́ ɔ́ gúdo ɔ́, é zé alɔ tɔn ɖokpó dó zé goxɔ só, bo zé alɔ tɔn ɖě ɔ́ dó sɔ́ azɔ̌watɔ́ lɛ́ɛ sín zǔn, bó xwe só ɔ́ dó taká mɛ nú Sisela. É fɛ́n ahɔnká ɛ. É tɔ́n ta ɛ.