2 Samuwɛ́li 10:14 - MAWUXÓWÉMA

¹⁴ Ée Amumɔ́ɔ ví lɛ́ɛ mɔ Silíinu lɛ́ɛ hɔn ɔ́, yě lɔ hɔn ɖo Avicáyi nukɔn, bó lɛ́ kɔ byɔ́ toxo yětɔn mɛ. Jowabu lɔ lɛ́ kɔ sín Amumɔ́ɔ ví lɛ́ɛ gúdo bó wá Jeluzalɛ́mu.

2 Samuwɛ́li 10:14 Iomraidhean Croise

2 Samuwɛ́li 10:15

Ée Silíinu lɛ́ɛ mɔ ɖɔ Izlayɛ́li ví lɛ́ɛ ɖu ɖo émí jí ɔ́, yě sɛ yěɖée kplé.

2 Samuwɛ́li 11:1

Đo xwe e jɛ fínɛ́ ɔ́ mɛ ɔ́, hwenu e axɔ́sú lɛ́ɛ nɔ yi fun ahwan dó ɔ́, Davídi sɛ́ ahwangán ɖaxó Jowabu kpó mɛsɛntɔ́ tɔn lɛ́ɛ kpó Izlayɛ́li to ɔ́ bǐ kpó dó Amumɔ́ɔ ví lɛ́ɛ sín kún vívá gbé, lobo ná yí Hlaba toxo ɔ́. Davídi ɖésú ka cí Jeluzalɛ́mu.

2 Samuwɛ́li 20:6

Bɔ Davídi ɖɔ nú Avicáyi ɖɔ: “Nǔ e wa xá mǐ gbé wɛ Cɛ́va Bikli ví ɔ́ ja din é ɔ́ ná nylá hú ée Abusalɔ́mu wa xá mǐ é. Din ɔ́, a nǎ nɔ sɔ́ja ce lɛ́ɛ nu, bó jɛ gbě tɔn mɛ, bónú é ma hɔn yi hwlá cí toxo e è mɛ ahohó lɛ́ lɛ̌ dó lɛ́ɛ ɖě mɛ bó bú dó mǐ ó.”

2 Samuwɛ́li 22:38

Un nɔ jɛ kɛntɔ́ ce lɛ́ɛ gúdo, bó nɔ sú kún yětɔn dó, un ma sú kún yětɔn dó ǎ ɔ́, un nɔ lɛ́ kɔ ǎ.

2 Samuwɛ́li 23:18

Avicáyi Jowabu nɔví Selúya ví ɔ́ wɛ kpa acɛ dó “sɔ́ja Gban gbɛ́ta” ɔ́ nu. É wɛ sɔ́ hwǎn dó hu gbɛtɔ́ afɔɖé kanwe ko (300) gbe ɖokpó, ɖo ahwangbénu, bɔ nyǐkɔ tɔn yi jǐ ɖo gbɛ̌ta ɔ́ mɛ.

2 Samuwɛ́li 8:12

Nǔ énɛ́ lɛ́ɛ ɔ́, é bɛ́ ɖě sín Silíi, bó bɛ́ ɖě sín Mɔwabu, bó bɛ́ ɖě sín Amumɔ́ɔ ví lɛ́ɛ gɔ́n, bó bɛ́ ɖě sín Filisitɛ́ɛn lɛ́ɛ gɔ́n, bó bɛ́ ɖě sín Amalɛ́ki ví lɛ́ɛ gɔ́n, bɔ nǔ e é fun ahwan xá Hadadɛzɛ́ɛ bo yí lɛ́ɛ gɔ́ ná.

1 Tan 18:12

Avicáyi, Selúya ví ɔ́ tɔ́n ahwan Edɔ́munu lɛ́ɛ, bó hu mɛ děgba ɛnɛ afɔwó (18.000) ɖo yě mɛ, ɖo Jɛtɔdo ɔ́ mɛ.