2 Samuwɛ́li 1:2 - MAWUXÓWÉMA

² Azǎn tɔn atɔngɔ́ ɔ́ gbe ɔ́, nya ɖokpó gosín Sawúlu sín ahwankpá mɛ bó wá. Nya ɔ́ vún awu dó kɔ nú éɖée, bó lɛ kɔ́ dó ta dó ɖe xlɛ́ ɖɔ émí ɖo aluwɛ mɛ. Ée é wá Davídi nukɔn ɔ́, é jɛ kpo bo ɖe kɔ́.

2 Samuwɛ́li 1:2 Iomraidhean Croise

Bǐbɛ́mɛ 22:4

Azǎn tɔn atɔngɔ́ ɔ́ gbe ɔ́, Ablaxámu mɔ só e kɔn é xwe ɔ́ sɛ́ dó,

Bǐbɛ́mɛ 37:29

Hwlibɛ́ni ka ɖo fínɛ́ hwenɛ́nu ǎ. Ée é lɛ́ kɔ wá dotɔ ɔ́ kɔn ɔ́, é mɔ ɖɔ Jozɛ́fu kún sɔ́ ɖ'é mɛ ó. Ée é mɔ mɔ̌ ɔ́, wǔ kú i, bɔ é vún awu dó kɔ nú éɖée,

Bǐbɛ́mɛ 37:34

Énɛ́ ɔ́, é vún awu dó kɔ nú éɖée, bó sɔ́ nǔwamɛwu dó, lobo byɔ́ vǐ tɔn sín aluwɛ mɛ, bó nɔ mɛ xɔ azǎn.

Bǐbɛ́mɛ 43:28

Bɔ yě yí gbe n'i ɖɔ: “Tɔ́ mǐtɔn mɛsɛntɔ́ towe ɔ́ ɖo ɖagbe; é kpo ɖo gbɛ.” Ée yě ɖɔ mɔ̌ ɔ́, yě yi do lobo ɖe kɔ́.

2 Samuwɛ́li 1:3

Bɔ Davídi kanbyɔ́ ɛ ɖɔ: “Fítɛ́ a gosín?” Bɔ é yí gbe n'i ɖɔ: “Ahwankpá Sawúlu tɔn mɛ wɛ un hɔn sín.”

2 Samuwɛ́li 13:19

É lɛ afín dó ta, bó vún awu dó kɔ nú éɖée, bó kplá así ta bo wlí xósúsú bo ɖidó.

2 Samuwɛ́li 14:4

Nyɔ̌nu ɔ́ yi mɔ axɔ́sú ɔ́, bó xwe agbɔ̌nnusú do ɖo asá tɔn mɛ bó sú xó ɖɔ: “Sɛ́mɛɖó, hwlɛ́n mì!”

2 Samuwɛ́li 15:32

Hwenu e Davídi ɖo só ɔ́ jí xá wɛ, ɖo fí e é ná ɖe kɔ́ nú Mawu ɖe ɔ́, é mɔ Hucáyi Aakíti ɔ́ ɖo nukɔn tɔn, bɔ awu tɔn bǐ vún, bɔ é lɛ kɔ́ dó ta.

2 Samuwɛ́li 24:20

Alona ɖo jǐ, bó mɔ axɔ́sú ɔ́ kpó mɛsɛntɔ́ tɔn lɛ́ɛ kpó jǎwe gɔ̌n tɔn, lobo tɔ́n, bó wá jɛ kpo ɖo axɔ́sú ɔ́ sá mɛ, bó xwe agbɔ̌nnusú do.

2 Samuwɛ́li 4:10

Mɛ e wá dó Sawúlu kúkú sín wɛn mì bó vɛdó ɖɔ xó ɖagbe wɛ émí hɛn wá nú mì sín ɔ́, un wlí i bó hu i ɖo Siklági, bó xlɛ́ ɛ ɖɔ wɛn e é wá dó ɔ́ sín le nɛ́.

Ɛsitɛ́ɛ 4:16

“Yi, bo kplé Jwifu e ɖo Súzi tomɛ lɛ́ɛ bǐ bónú mi blá nu dó ta ce mɛ. Mi ma ɖu nǔ ó, mi ma nu sin ó káká nú kéze atɔn zǎn atɔn; nyɛ kpó mɛsɛntɔ́ ce lɛ́ɛ kpó ɔ́, mi lɔ na blá nu; énɛ́ ɔ́ gúdo ɔ́, sɛ́n ɔ́ ná ɖo te có un ná yi axɔ́sú ɔ́ gɔ́n. Nú é byɔ́ ɖɔ má kú ɔ́, un ná kú.”

Ɛsitɛ́ɛ 5:1

Ée azǎn atɔn e yě sɔ́ ɖó te dó blá nu ɔ́ vɔ ɔ́, Ɛsitɛ́ɛ dó axɔ́si wu tɔn lɛ́ɛ, bó yi fí e axɔ́sú nɔ́ nɔ ɖo hɔn ɔ́ mɛ é, bó nɔ te ɖo kɔ́xota, ɖo axɔ́sú ɔ́ sín xɔ nukɔn. Axɔ́sú ɔ́ ká ɖo ayǐjínjɔ́n ɖo axɔ́súzinkpo tɔn jí ɖo xɔ mɛ, bó kpan nukɔn xɔli ɔ́.

Ɖɛhan 66:3

Mi ɖɔ n'i ɖɔ: “Mawu, nɛ̌ nǔwiwa towe lɛ́ɛ ká dó xɛsi sɔ nɛ́! Hlɔ̌nhlɔ́n towe d'agba sɔ mɔ̌, bɔ kɛntɔ́ towe lɛ́ɛ nɔ́ wá jɛ kpo ɖo asá towe mɛ kpó xɛsi kpó.

Ezekiyɛ́li 27:30

Yě bǐ byɔ́ aluwɛ mɛ; yě ɖo avǐ ya wɛ, yě ɖo vo sa wɛ, yě nɔ́ wún kɔ́ dó ta, yě nɔ́ blí gbo gbɔn afín mɛ.

Ozée 6:2

É ná sɔ́ azǎn we ɖó te, bó ná dó vɔ́ gbɛ ná mǐ, bɔ azǎn atɔngɔ́ ɔ́ gbe ɔ́, é ná zé mǐ sí te, bɔ mǐ ná nɔ gbɛ ɖo gɔ̌n tɔn.

Jowɛ́li 2:13

Ényí awu mitɔn lɛ́ɛ wɛ mi ná tlɛ́n, bó dó ɖe xlɛ́ ɖɔ nǔ e émí wa ɔ́ vɛ́ nú émí ǎ, ayixa mitɔn lɛ́ɛ wɛ mi ná húzú.” Ɛɛn, mi lɛ́ kɔ wá Mawu Mavɔmavɔ, Mawu mitɔn gɔ́n, ɖó é nyɔ́ xomɛ bó nɔ́ kú nǔbláwǔ nú mɛ. É nɔ́ yá wǔ sin xomɛ ǎ; é fá xomɛ ɖésú, é ɖo gbesisɔ mɛ hwebǐnu, bó ná jó nǔ e é ná wa xá mǐ ɔ́ dó.

Matíe 12:40

ɖó lě e Jonási nɔ hweví ɖaxó ɖé sín xomɛ xɔ kéze atɔn zǎn atɔn gbɔn ɔ́, mɔ̌ ɖokpó ɔ́ wɛ nyɛ Gbɛtɔ́ví ɔ́ ná nɔ ayǐkúngban glɔ́ xɔ kéze atɔn zǎn atɔn gbɔn.

Matíe 16:21

Sín hwenɛ́nu ɔ́, Jezu jɛ ɖiɖe xlɛ́ ahwanvú tɔn lɛ́ɛ jí ɖɔ émí ɖó ná yi Jeluzalɛ́mu, bɔ tomɛxó lɛ́ɛ kpódó vɔ̌sánú-xwlémawutɔ́gán lɛ́ɛ kpó, kpódó sɛ́nkplɔ́nmɛtɔ́ lɛ́ɛ kpó ná dó ya nú émí ɖésú; è nǎ hu émí, amɔ̌, azǎn tɔn atɔngɔ́ ɔ́ gbe ɔ́, Mawu ná fɔ́n émí sín kú.

Jozuwée 7:6

Ée nǔ cí mɔ̌ ɔ́, Jozuwée kpódó mɛxó lɛ́ɛ kpó vún awu dó kɔ nú yěɖée, bó vun afúntúntún dó ta, lobo xwe agbɔ̌nnusú do ɖo akɔjijɛgbá Mawu Mavɔmavɔ tɔn nukɔn, lobo nɔ mɔ̌ káká jɛ gbadanu.

Nǔɖexlɛ́mɛ 3:9

Mɛ e ɖo Satáan sín kplɔ́ngbasá lɛ́ɛ ɔ́, yě mɛ adingbannɔ énɛ́ lɛ́ɛ e nɔ ɖɔ émí nyí Jwifu, bó ma ka nyí ǎ lɛ́ɛ ɔ́, nǔ e un ná wa xá yě ɔ́ ɖíe: un ná dɔn yě gǎnnugǎnnu, bɔ yě ná wá jɛ kpo ɖo nukɔn towe, bó ná wlí yɛ̌yi nú we. Yě ná tunwun ɖɔ un yí wǎn nú we.

1 Samuwɛ́li 20:41

Ée nyaví ɔ́ ɖidó ɔ́, Davídi tɔ́n sín gle ɔ́ sín afɔligbé, bó wá xwe agbɔ̌nnusú do, bó ɖe kɔ́ azɔn atɔn, bɔ xɔ́ntɔn xɔ́ntɔn we lɛ́ɛ zunfán yěɖée, bó y'avǐ káká. Davídi wɛ ka y'avǐ tawun.

1 Samuwɛ́li 25:23

Ée Avigayilu mɔ Davídi lě tlóló ɔ́, é jɛ te bléwún sín tócí tɔn jí, bó xwe agbɔ̌nnusú do ɖo Davídi sá mɛ, bó ɖe kɔ́,

1 Samuwɛ́li 4:12

Gbe nɛ́ ɔ́ gbe ɖokpó ɔ́, nya ɖokpó bɛ́ wezun sín ahwangbé ɔ́ nu wá yi Silóo. É vún awu dó kɔ nú éɖée, bó lɛ kɔ́ dó ta dó ɖe xlɛ́ ɖɔ émí ɖo aluwɛ mɛ. Nya énɛ́ ɔ́, Bɛnjamɛ́ɛ sín akɔta mɛ wɛ é tɔ́n sín.

1 Samuwɛ́li 4:16

Nya ɔ́ ɖɔ nú Eli ɖɔ: “Fí e fun ahwan ɖe wɛ yě ɖe é wɛ un gosín. Dɔ̌n wɛ un hɔn sín égbé din.” Bɔ Eli kanbyɔ́ ɛ ɖɔ: “Vǐ ce, étɛ́ ká jɛ?”