2 Piyɛ́ɛ 3:2 - MAWUXÓWÉMA

² Un jló ɖɔ mi ná nɔ flín xó e gbeyíɖɔ mímɛ́ Mawu tɔn lɛ́ɛ ɖɔ ɖ'ayǐ xóxó lɛ́ɛ kpódó nǔ e Aklúnɔ Mɛhwlɛ́ngántɔ́ zɔ́n ɖɔ mi ní wa, bɔ mɛsɛ́dó mitɔn lɛ́ɛ kplɔ́n mi ɔ́ kpán.

2 Piyɛ́ɛ 3:2 Iomraidhean Croise

Luki 1:70

Nǔ e é ko ɖɔ ɖ'ayǐ xóxó, gbɔn gbeyíɖɔ mímɛ́ tɔn lɛ́ɛ jí é nɛ́.

Luki 24:27

É ka bɛ́ xó sín Mɔyízi jí, bó gbɔn gbeyíɖɔ Mawu tɔn lɛ́ɛ bǐ jí, bɔ nǔ e è wlǎn dó wǔtu tɔn ɖo Mawuxówéma mɛ ɔ́, é tín bǐ mɛ nú yě.

Luki 24:44

bó ka ɖɔ nú yě ɖɔ: “Hwenu e un ɖo kpɔ́ xá mi ɔ́, un ko ɖɔ xó élɔ́ lɛ́ɛ nú mi ɖɔ jí: nǔ e è ko wlán dó wú ce ɖo Mɔyízi sín sɛ́n ɔ́ mɛ, bó wlán dó wú ce ɖo gbeyíɖɔ Mawu tɔn lɛ́ɛ sín wěma mɛ, bó lɛ́ wlán dó wú ce ɖo Ɖɛhanwéma lɛ́ɛ mɛ ɔ́ bǐ ɖó ná jɛ.”

Mɛsɛ́dó 10:43

É wɛ gbeyíɖɔ Mawu tɔn lɛ́ɛ bǐ ɖe kúnnu ná ɖɔ jí: ‘Mɛ e ná ɖi nǔ n'i lɛ́ɛ ɔ́, Mawu ná sɔ́ hwɛ yětɔn lɛ́ɛ kɛ yě, gbɔn hlɔ̌nhlɔ́n e Jezu sín nyǐkɔ ɖó ɔ́ gbla mɛ.’ ”

Mɛsɛ́dó 28:23

É kpódó yě kpó ɖó azǎn, bɔ yě sukpɔ́ d'é jí, bó wá yi mɔ ɛ, ɖo xɔ e mɛ é ɖe ɔ́. Sín zǎnzǎn káká wá jɛ gbadanu ɔ́, é tín nǔ mɛ nú yě. É ɖɔ axɔ́súɖuɖu Mawu tɔn sín xó nú yě; é sɔ́ Mɔyízi sɛ́n lɛ́ɛ kpódó nǔkplɔ́nmɛ gbeyíɖɔ Mawu tɔn lɛ́ɛ tɔn kpán dó ɖɔ xó nú yě, bó ba ná dɔn yě, nú yě na ɖi nǔ ɖɔ nǔ e ɖɔ dó Jezu wú wɛ é ɖe ɔ́ nǔgbó wɛ.

Mɛsɛ́dó 3:18

Lo ɔ́, nǔ e Mawu ko ɖɔ ɖ'ayǐ ɖɔ Klísu émítɔn ɖó ná ji ya ɔ́ wɛ é bló.

Mɛsɛ́dó 3:21

Amɔ̌, din ɔ́, Jezu ná to ɖo Mawu gɔ́n hwɛ̌, káká jɛ hwenu e Mawu ná lɛ́ vɔ́ nǔ bǐ húzú dó, lě e é ko ɖɔ gbɔn ɖ'ayǐ xóxó gbɔn gbeyíɖɔ mímɛ́ tɔn lɛ́ɛ jí é.

Galatinu 6:2

Mi hɛn agban mitɔn lɛ́ɛ xá miɖée; ényí mi bló mɔ̌ hǔn, Klísu sín sɛ́n ɔ́ nyi wɛ mi ɖe nɛ́.

Efɛ́zinu 2:20

Nú è nǎ jlɛ́ mɛɖeɖóvo Mawu tɔn lɛ́ɛ dó nǔɖé wú ɔ́, xɔ wɛ yě nyí, bɔ midɛɛ lɛ́ɛ ɔ́, mi nyí blǐki e è dǒ mɛ xɔ ɔ́ ná é, bɔ mɛsɛ́dó lɛ́ɛ kpódó gbeyíɖɔ Mawu tɔn lɛ́ɛ kpó nyí awǐnnya dodó ɔ́, bɔ mi jínjɔ́n jí; bɔ Klísu Jezu ɖésú nyí awǐnnya e ɖo tají é.

Efɛ́zinu 3:5

Đ'ayǐ xóxó ɔ́, Mawu ɖe nǔbúdo énɛ́ ɔ́ xlɛ́ gbɛtɔ́ lɛ́ɛ ǎ; amɔ̌ din ɔ́, é ɖe xlɛ́ mɛsɛ́dó mímɛ́ lɛ́ɛ kpódó gbeyíɖɔ lɛ́ɛ kpán gbɔn Yɛsinsɛn jí.

1 Timɔtée 6:14

hwi ní se tónú nú nǔ e un zɔ́n we ɔ́, bó hɛn dó mǐmɛ́ jí nú blɔ̌ ɖé ma nɔ wú ó, káká jɛ gbe e gbe Aklúnɔ mǐtɔn Jezu Klísu ná ɖe éɖée xlɛ́ dó é.

2 Piyɛ́ɛ 2:21

Ényí yě gbɔ bó gɔn ali jlɔ́jlɔ́ ɔ́ tunwun ɔ́, é nyɔ́ nú yě hú ɖɔ yě ní tunwun bó ka wá lɛ́ kɔ sín nǔ mímɛ́ e è ɖɔ yě ní wa lɛ́ɛ gúdo.

2 Piyɛ́ɛ 3:15

Mi ní tunwun ɖɔ suúlu e Aklúnɔ mǐtɔn ɖó ɔ́ wɛ nyí hwlɛngán mitɔn, lě e Mawu ná nǔnywɛ́ nɔví mǐtɔn vívɛ́ná Pɔ́lu, bɔ é lɔmɔ̌ wlán sɛ́ dó mi gbɔn é.

2 Piyɛ́ɛ 3:16

Wěma e mɛ é ɖɔ xó dó nǔ énɛ́ lɛ́ɛ wú ɖe lɛ́ɛ bǐ ɔ́, nǔ e é wlán d'é mɛ lɛ́ɛ nɛ́. Xó ɖé lɛ́ɛ ɖo wěma tɔn lɛ́ɛ mɛ, bɔ nukúnnú-mɔjɛmɛ tɔn nɔ vɛ́ wǔ, bɔ mɛ e ma mɔ do nú nǔɖé ǎ, bó ma ka lí dǒ ǎ lɛ́ɛ nɔ kpé ta do ná, lě e yě ko nɔ bló gbɔn nú Mawuxó ɔ́ ɖo akpá ɖěvo lɛ́ɛ xwé é. Nǔ e yě ná wa, bɔ yě ɖésúnɔ ná yi vɔ ɖ'é mɛ ɔ́ wa wɛ yě ɖe.

1 Jǎan 4:6

Amɔ̌, mǐdɛɛ lɛ́ɛ ɔ́, Mawu tɔn wɛ mǐ nyí, bɔ mɛ e tunwun Mawu ɔ́ nɔ ɖótó mǐ; mɛ e ma nyí Mawu tɔn ǎ ɔ́ nɔ ɖótó mǐ ǎ. Lě e mǐ nɔ sixú tunwun Yɛ nǔgbónɔ ɔ́, kpó yɛ adingbannɔ ɔ́ kpó gbɔn ɔ́ nɛ́.

Judi 1:17

Amɔ̌, mi mɛvívɛ́ná ce lɛ́ɛ mi, mi flín nǔ e mɛsɛ́dó Aklúnɔ mǐtɔn Jezu Klísu tɔn lɛ́ɛ ko ɖɔ nú mi ɖ'ayǐ é.

Nǔɖexlɛ́mɛ 19:10

Bɔ un jɛ kpo ɖo afɔ tɔn lɛ́ɛ kɔn, bó ná ɖe kɔ́ n'i, bɔ é ka ɖɔ nú mì ɖɔ: “Gbɔ! Ma bló mɔ̌ ó! Mɛsɛntɔ́ wɛ un nyí hwi kpó nɔví towe lɛ́ɛ kpó ɖɔhun; nɔví towe e hɛn kúnnuɖiɖe Jezu tɔn lɛ́ɛ é. Mawu wɛ a nǎ ɖe kɔ́ ná!” Kúnnuɖiɖe Jezu tɔn ɔ́ wɛ nɔ sɔ́ xó e gbeyíɖɔ lɛ́ɛ ná ɖɔ ɔ́ dó ayi mɛ nú yě.