2 Piyɛ́ɛ 2:3 - MAWUXÓWÉMA

³ Nǔkplɔ́nmɛtɔ́-nyíjɛtɔ́ énɛ́ lɛ́ɛ ná nɔ ɖo akwɛ́ gbé mɛ, bó ná nɔ kpa xó ɖɔ nú mi, bó dó xo mi ɖu. Amɔ̌, mɛ e ná ɖó hwɛ nú yě ɔ́ ko ɖo te kpɔ́n yě sín tɛgbɛ, bó ná ɖó hwɛ nú yě, bɔ vivɔ yětɔn sixú gblá gbeɖé ǎ.

2 Piyɛ́ɛ 2:3 Iomraidhean Croise

Jɔ̌bu 6:27

Gbɛtɔ́ e hɛn ɔ́, é ná nyi akɔ dó tɔ́cyɔvǐ ɔ́ wɛ mi nyí, gbɛtɔ́ e hɛn ɔ́, é ná sa xɔ́ntɔn é ɖésúnɔ tɔn ɔ́ wɛ mi nyí.

Ɖɛhan 18:44

A ɖe mì sín gǔ e togun ɔ́ fɔ́n dó jǐ ce ɔ́ mɛ; a sɔ́ mì ɖó akɔta lɛ́ɛ nu; togun e un ma tunwun ɖ'ayǐ ǎ ɔ́ ɖo acɛ ce mɛ.

Ɖɛhan 66:3

Mi ɖɔ n'i ɖɔ: “Mawu, nɛ̌ nǔwiwa towe lɛ́ɛ ká dó xɛsi sɔ nɛ́! Hlɔ̌nhlɔ́n towe d'agba sɔ mɔ̌, bɔ kɛntɔ́ towe lɛ́ɛ nɔ́ wá jɛ kpo ɖo asá towe mɛ kpó xɛsi kpó.

Ɖɛhan 81:15

un ná ko dó winnyá kɛntɔ́ yětɔn lɛ́ɛ ɖo cɛ́jú mɛ, un ná húzú kpan nukɔn mɛ e ma ɖo yě jí ǎ lɛ́ɛ.”

Ezayíi 5:19

Yě nɔ́ ɖɔ: “Nǔ e Mawu Mavɔmavɔ ɖo nǎ wa wɛ ɔ́, é ní yá wǔ bló nú mǐ ná kpɔ́n. Nǔ ɔ́ ní yá wǔ jɛ nú mǐ ná kpɔ́n. Nǔ e bló gbé Mɛ mímɛ́ Izlayɛ́li tɔn ja ɔ́, ní bló. Mǐ jló ná tunwun nǔ e bló gbé é ja é.”

Ezayíi 56:11

Cukú wɛ nú yě; nǔ e yě mɔ ɔ́ bǐ wɛ yě nɔ́ vún ɖu; nǔɖuɖu nɔ́ kpé yě gbeɖé ǎ. Nǔ ɖo mɔ̌ bɔ yě ká ɖo togun ce nu; yě tunwun ɖagbe ɖo nyanya mɛ ǎ; nǔ e jló yě lɛ́ɛ kɛ́ɖɛ́ wɛ yě nɔ́ bló; mɛ ɖokpó ɖokpó nɔ́ ɖo ɖagbe é ɖésúnɔ tɔn ba wɛ; yě ɖě hwe ɖ'é mɛ ǎ.

Ezayíi 60:22

Xwéta e hwe hú xwéta lɛ́ɛ bǐ ɔ́ ná ɖó gbɛtɔ́ afatɔ́n (1.000); xwéta e ma ka ɖó gǎn ɖěbǔ ǎ ɖo xwéta lɛ́ɛ mɛ ɔ́ ná húzú togun syɛ́nsyɛ́n. Nyɛ Mawu Mavɔmavɔ ɔ́, é jɛ hwe tɔn nu ɔ́, un ná bló nǔ énɛ́ bléwún.”

Jelemíi 6:13

Đó yě bǐ wɛ dɔkun gbo vɛ̌, bɛ́ sín yɔkpɔ́vú lɛ́ɛ jí, káká yi mɛxó lɛ́ɛ jí. Gbeyíɖɔ kpó vɔ̌sánú-xwlémawutɔ́ kpó bǐ wɛ nɔ xo awo.

Jelemíi 8:10

Mawu ɖɔ: “Yě bǐ wɛ dɔkun gbo vɛ̌, bɛ́ sín yɔkpɔ́vú jí káká yi mɛxó jí. Gbeyíɖɔ kpó vɔ̌sánú-xwlémawutɔ́ kpó bǐ wɛ nɔ xo awo. Énɛ́ ɔ́ wú wɛ un ná sɔ́ asi yětɔn lɛ́ɛ jó nú mɛ ɖěvo lɛ́ɛ, bó sɔ́ gle yětɔn lɛ́ɛ jó nú mɛ e ná wá vɔ yě lɛ́ɛ.

Ezekiyɛ́li 13:19

Mi nɔ yí jinukún alɔgogo kpɛɖé, abǐ wɔ̌xúxú gǒ ɖokpó ɖé ɖo mɛ lɛ́ɛ sí, bó nɔ́ dó hɛn nyǐkɔ ce blí ɖo togun ce mɛ. Mi nɔ yí nǔ énɛ́ lɛ́ɛ, bó nɔ́ hu mɛ e è ma ɖó ná hu ǎ lɛ́ɛ, bó nɔ́ jó mɛ e è ɖǒ ná hu lɛ́ɛ dó nyi gbɛ. Mi nɔ ɖó adingban nú togun ce bɔ yě lɔ nɔ ɖi nǔ nú mi.

Micée 3:11

Hwɛɖɔtɔ́ lɛ́ɛ ɔ́, mɛ e dó nǔ nu nú yě ɔ́ sín hwɛ wɛ nɔ jɔ. Vɔ̌sánú-xwlémawutɔ́ lɛ́ɛ nɔ yí akwɛ́ ɖo mɛ sí, cóbó nɔ kplɔ́n Mawusɛ́n lɛ́ɛ mɛ. Gbeyíɖɔ Mawu tɔn lɛ́ɛ nɔ yí akwɛ́ ɖo mɛ sí cóbó nɔ dó Mawu sín wɛn mɛ. Nǔ ɖo mɔ̌ bɔ yě bǐ ká nɔ glá bó nɔ ɖɔ Mawu Mavɔmavɔ tɔn wɛ émí nyí, ɖɔ Mawu Mavɔmavɔ ɖo kpɔ́ xá émí, ɖɔ nǔ nyanya ɖěbǔ kún ná wa émí ó.

Xabakúku 3:3

Mawu gosín Temani ja. Mɛ mímɛ́ ɔ́ gosín Paláni só ɔ́ jí ja. Agbɔ̌n Nǔbǐwúkpíkpé tɔn kpé sɛ́xwé, bɔ susu tɔn gɔ́ ayǐkúngban ɔ́ jí.

Malacíi 1:10

Ényí mi ɖokpó gbɔ bó yi sú sinsɛnxɔ ɔ́ sín hɔn lɛ́ɛ ɔ́, é ná nyɔ́ hú. Énɛ́ ɔ́, mi sɔ́ ná nɔ́ yi flɔ́ myɔ dó wǔvɔ́, ɖo vɔ̌sákpe ce jí ǎ. Nú un ná ɖɔ xó nǔgbó nú mi ɔ́, mi nɔ nyɔ́ mɔ nú mì ǎ, vɔ̌sánú e mi nɔ xwlé mì lɛ́ɛ nɔ́ nyɔ́ nukún ce mɛ ǎ. Mawu Mavɔmavɔ Nǔbǐwúkpétɔ́ ɔ́ wɛ ɖɔ mɔ̌.

Matíe 23:14

“Heelú mi sɛ́nkplɔ́nmɛtɔ́ lɛ́ɛ kpódó Falizyɛn lɛ́ɛ kpó, yɛmɛnúwatɔ́ e mi! Ɖó mi nɔ klá jɛ nǔ e nyí asúkúsi lɛ́ɛ tɔn ɔ́ bǐ nu, bó ka nɔ ɖo ɖɛ gaga xo wɛ, bó ná dó ɖe xlɛ́ gbɛtɔ́ lɛ́ɛ ɖɔ mɛ ɖagbe wɛ émí nyí. Énɛ́ ɔ́ wútu wɛ Mawu ná dɔn tó nú mi bɔ é ná syɛ́n ɖésú.]

Luki 18:8

Má ɖɔ nú mi: tlóló wɛ é ná mɔ hwɛjijɔ nú yě. Lo ɔ́, hwenu e nyɛ Gbɛtɔ́ví ɔ́ ná wá ɔ́, un ka ná mɔ nǔɖitɔ́ ɖo ayǐkúngban jí a?”

Luki 20:20

Yě ká wá jɛ Jezu cɔ́ jí, bó ɖó mɛɖé lɛ́ɛ n'i, nú yě ná yi ba gbe ɖo nu tɔn. Yě ná wa yɛ n'i ɖɔ émí ɖo gbejí nú Mawu, bó ná kan nǔ byɔ́ ɛ dó ɖó mɔ n'i, bó ná sixú wlí i ɖo xó ɖiɖɔ tɔn lɛ́ɛ mɛ, lobo ná jó e nú gǎn hwɛɖɔtɔ́ tokpɔn ɔ́ mɛ tɔn lɛ́ɛ.

Luki 22:47

Mɔ̌ ɖɔ wɛ Jezu ɖe kɛ́ɖɛ́, bɔ mɛɖé lɛ́ɛ nyi ahwan wá xwetɔ́n, bɔ mɛ e è nɔ ylɔ́ ɖɔ Judási ɖo ahwanvú tɔn wěwe lɛ́ɛ mɛ ɔ́ zɔn yě nu. Judási sɛ yá Jezu, bó ná kí si n'i,

Jǎan 2:16

É ɖɔ nú ahwannɛ́satɔ́ lɛ́ɛ ɖɔ: “Mi bɛ́ nǔ mitɔn lɛ́ɛ, bó tɔ́n sín xɔ ɔ́ mɛ. Mi ma zé tɔ́ ce sín xwé dó húzú ajɔ̌xwé ná ó.”

Hlɔ̌manu 16:18

Đó gbɛtɔ́ mɔ̌hunkɔtɔn lɛ́ɛ ɖo azɔ̌ wa nú Klísu Aklúnɔ mǐtɔn ɔ́ wɛ ǎ; lo ɔ́, adɔgo yě ɖésúnɔ tɔn wa azɔ̌ ná wɛ yě ɖe. Yě nɔ ɖɔ xó víví, bó nɔ ɖɔ mɛblɛ́ɖuxó dó flú xomɛvɔ́nɔ lɛ́ɛ sín ayixa.

2 Kɔlɛ́ntinu 2:17

Mǐ cí mɛ tobutóbú e nɔ zé Mawuxó ɔ́ dó wa ajɔ̌ ná lɛ́ɛ ɖɔhun ǎ. É nyɔ́ wa ɔ́, ée é nyí ɖɔ Mawu wɛ sɛ́ mǐ dó ɔ́, mǐ nɔ ɖɔ xó kpódó nǔgbó kpó ɖo nukɔn tɔn azɔ̌watɔ́ Klísu tɔn ɖɔhun.

Sɛ́nflínmɛ 24:17

Mi ma dó hwɛ agɔ nú jǒnɔ e ɖo to mitɔn mɛ lɛ́ɛ ɖě, abǐ tɔ́cyɔvǐ ɖé ó. Mi ma yí avɔ asúkúsi tɔn ɖó gbanu ó.

Sɛ́nflínmɛ 32:35

Gbe e gbe yě ná jɛ ayǐ ɔ́, un ná ba hlɔn, un ná sú nǔ e yě wa ɔ́ sín axɔ́ yě. Nǔgbó wɛ, nǔ nyanya sín azǎn énɛ́ ɔ́ kó sɛkpɔ́ bǐ; nǔ e ɖo yě ná xá wɛ ɔ́ sɔ́ ɖo lǐnlín mɛ ǎ.’

1 Tɛsalonikinu 2:5

Mi tunwun ganjí ɖɔ mǐ kún ɖɔ xó ɖé dó klɔ́ mɛ ná gbeɖé ó; é kún ka nyí nǔɖé ba ɖo mi sí wɛ mǐ ɖe, bó ɖo Wɛn Ɖagbe ɔ́ jlá mi wɛ ó; Mawu ɖésú ná ɖe kúnnu ná.

1 Tɛsalonikinu 5:3

Hwenu e gbɛtɔ́ lɛ́ɛ na ɖɔ: “Fífá tíin, bɔ ayi jɛ ayǐ” ɔ́, hwe énɛ́ ɔ́ nu wɛ nǔ e ná vívá kún yětɔn ɔ́ ná zɔn yě jǐ ajijimɛ lě e nyɔ̌nu e ɖo xo ɔ́ nɔ jɛ flú mɛ ajijimɛ é ɖɔhun; yě ná gán ɖ'é mɛ ǎ.

1 Timɔtée 3:3

É ɖó ná nyí ahannumúnɔ ǎ; é ka ná nyí tagbanɔ ǎ, é nyɔ́ wa ɔ́, é ná nyɔ́ xomɛ, bó ná nyí mɛfífá, bɔ akwɛ́ ná nɔ gbo vɛ̌ ɛ ǎ.

1 Timɔtée 3:8

Mɛ e nɔ kpé nukún dó agunví lɛ́ɛ wú ɔ́ lɔmɔ̌ ɖó ná nyí gbɛtɔ́ ɖagbe, nǔgbóɖɔtɔ́; yě ɖó ná nɔ nu ahan dín ǎ; yě ka ɖó ná nɔ zé ayi hízíhízí dó ba akwɛ́ ná ǎ.

1 Timɔtée 6:5

kpódó nǔdindɔn magbokɔ byɔ́ gbɛtɔ́ e sín tamɛ ma sɔgbe ǎ bɔ yě ma sɔ́ tunwun nǔgbó ɔ́ ǎ lɛ́ɛ kpó tɛ́ntin; yě nɔ vɛdó ɖɔ mawusinsɛn ɔ́, dɔkun jijɛ nú wɛ é nyí sín.

Titu 1:11

È ɖǒ ná xwe nu yětɔn dó xɔ, ɖó yě ɖo hunnyahunnya dó hɛ̌nnu lɛ́ɛ bǐ sésé mɛ wɛ, bɔ nǔ e è ma ɖó ná kplɔ́n mɛ ǎ ɔ́, yě nɔ kplɔ́n mɛ lɛ́ɛ, bó ná dó mɔ akwɛ́.

Titu 1:7

Nǔgbó ɔ́, azɔ̌ e nyí agunnukɔntɔ́ tɔn ɔ́ wɛ nyí ɖɔ é ná nɔ kpé nukún dó nǔ e nyí Mawu tɔn lɛ́ɛ wú; énɛ́ ɔ́ wú ɔ́, è ɖǒ ná mɔ nǔjɛdo ɖěbǔ ɖɔ dó wǔ tɔn ǎ, é ɖó ná nyí gangannagansú ǎ; é ɖó ná nyí xomɛsinnɔ ǎ, é ɖó ná nyí ahannumúnɔ ǎ, é ɖó ná nɔ́ sí hun te ǎ, é ɖó ná nyí mɛxoɖutɔ́ ǎ.

1 Piyɛ́ɛ 2:8

È lɛ́ ɖɔ ɖo akpá ɖěvo xwé ɖɔ: “Awǐnnya e wú gbɛtɔ́ lɛ́ɛ nɔ klɛ́n afɔ dó, bó nɔ́ fún sa ɔ́, só e nɔ zin yě dɛ́ ɔ́ wɛ.” Yě klɛ́n afɔ d'é wú, ɖó yě gbɛ́ ɖɔ émí kún ná ɖi nǔ nú xó ɔ́ ó; nǔ e è ko zé yě ɖó te ná é nɛ́.

1 Piyɛ́ɛ 5:2

mi kpé nukún dó mɛ e Mawu sɔ́ dó así nú mi lɛ́ɛ wú, lě e lɛ̌ngbɔ́nyitɔ́ lɛ́ɛ nɔ kpé nukún dó lɛ̌ngbɔ́ e è sɔ́ dó así nú yě lɛ́ɛ wú gbɔn é; mi sɔ́ jlǒ ɖagbe dó kpé nukún dó yě wú lě e Mawu jló gbɔn é; ní ma nyí gǎn wɛ é hú mi bɔ mi bló ó. Mi wa azɔ̌ mitɔn kpódó bǐbí ɖó dó nǔ wǔ kpán; ní ma nyí akwɛ́ wɛ mi xwedó ó.

2 Piyɛ́ɛ 1:16

Nǔgbó ɔ́, é nyí hwenuxó e è sɔ́ bǐbí dó kpa ná ɔ́ ɖě wú wɛ mǐ gán jɛ, bó dó kplɔ́n nǔ mi ɖɔ Aklúnɔ mǐtɔn Jezu Klísu ná wá kpó hlɔ̌nhlɔ́n kpó ǎ; lo ɔ́, mǐ mɔ susu ɖaxó e é ɖó ɔ́ kpó nukún mǐ ɖésúnɔ tɔn kpó.

2 Piyɛ́ɛ 2:1

Đ'ayǐ xóxó ɔ́, gbeyíɖɔmawutɔn-nyíjɛtɔ́ ɖé lɛ́ɛ tɔ́n ɖo togun ɔ́ mɛ; mɔ̌ ɖokpó ɔ́, nǔkplɔ́nmɛtɔ́-nyíjɛtɔ́ ɖé lɛ́ɛ ná tɔ́n ɖo tɛ́ntin mitɔn; yě ná sɔ́ kplɔ́n nyanya, kplɔ́n e nɔ hɛn nǔ gblé ɔ́ byɔ́ mi mɛ, bó ná gbɛ́ gǎn e hwlɛ́n yě gán é; énɛ́ ɔ́, yě ná vɔ yěɖée bléwún.

2 Piyɛ́ɛ 2:9

Énɛ́ ɔ́, Aklúnɔ tunwun lě e é nɔ hwlɛ́n mɛ e nɔ ɖó sísí n'i lɛ́ɛ gán sín adǎngbomɛ lɛ́ɛ mɛ gbɔn é, bó lɛ́ tunwun lě e é nɔ sɔ́ yě mɛ e ɖo nǔ nyanya wa wɛ lɛ́ɛ ɖ'ayǐ gbɔn, bó ná dɔn tó nú yě ɖo hwɛɖɔzán gbe é.

Judi 1:11

Heelú yě, ɖó ali e Kanyɛ́ɛ gbɔn ɔ́ wɛ yě mlɛ́. Yě jó yěɖée dó nú nǔ wa nyi do, bó ná dó mɔ akwɛ́ Baláamu ɖɔhun. Yě dɔn, ɖó yě fɔ́n gǔ Kolée ɖɔhun.

Judi 1:16

Mɛ énɛ́ lɛ́ɛ ɔ́, nǔɖé nɔ jɛ yětɔn jí gbeɖé ǎ; vo sa wɛ jɛ́n yě nɔ ɖe; yě nɔ zán gbɛ yětɔn lě e é jló yě gbɔn é; yě nɔ yí nu go, bó nɔ klɔ́ mɛ, bó ná dó mɔ nǔɖé yí ɖo mɛ sí.

Judi 1:4

Nǔgbó ɔ́, mɛdídá ɖé lɛ́ɛ lun byɔ́ mi mɛ, bó nɔ́ kpé ta do nú wɛn e ɖɔ xó dó nyɔ̌ná Mawu mǐtɔn tɔn wú é; yě bló mɔ̌, bó ná dó ɖe xlɛ́ ɖɔ gbɛ kwíji kwíji e zán wɛ émí ɖe ɔ́ sɔgbe, bó nɔ́ gbɛ́ Jezu Klísu e nyí Mɛ̌si mǐtɔn ɖokpó géé, bó nyí Aklúnɔ mǐtɔn é. É ko lín din bɔ Mawuxówéma ɔ́ ko ɖɔ hwɛ e è ɖǒ nú yě ɔ́.

Judi 1:7

Mi flín Sodɔ́mu kpó Gomɔ́ɔ kpó, kpódó to e sɛkpɔ́ yě lɛ́ɛ kpó; to énɛ́ mɛ nu lɛ́ɛ wa nǔ wɛnsagun énɛ́ lɛ́ɛ ɖɔhun; yě lɛ́ jó yěɖée dó nú agalilɛ kpódó hɛ̌nnú wiwa kpó; to énɛ́ mɛ nu lɛ́ɛ ɔ́, è sɔ́ zo mavɔ mavɔ dó ɖo tó dɔn nú yě wɛ; è ɖo tó énɛ́ ɔ́ dɔn nú yě wɛ, bó dó ɖo sɛ́n dó nú mɛ bǐ wɛ.