2 Piyɛ́ɛ 2:2 - MAWUXÓWÉMA

² Mɛ gěgé ná xwedó yě ɖo gbɛ kwíji kwíji énɛ́ e yě nɔ zán ɔ́ mɛ, bɔ lě e yě nɔ wa nǔ gbɔn ɔ́ ná zɔ́n bɔ è nǎ ɖɔ xó nyanya dó nǔgbó sín ali ɔ́ wú.

2 Piyɛ́ɛ 2:2 Iomraidhean Croise

Bǐbɛ́mɛ 19:5

Ée mɛ lɛ́ɛ wá ɔ́, yě ylɔ́ Lɔ̌ti bó kanbyɔ́ ɛ ɖɔ: “Fítɛ́ mɛ e wá gɔ̌n towe zǎn élɔ́ mɛ lɛ́ɛ ɖe? Đe yě tɔ́n bónú mǐ ná zé yě dó ɖu gbɛ.”

Ɖɛhan 18:21

Mawu Mavɔmavɔ nɔ wa mɔ̌ nú mì, ɖó un ɖo gbejí n'i. É ná ajɔ mì, bɔ é sɔgbe xá walɔ ɖagbe e un ɖó é.

Ezayíi 35:8

Fí énɛ́ wɛ ali ɖaxó ɖokpó ná gbɔn, bɔ è nǎ ylɔ́ ɖɔ “Ali mímɛ́”. Mɛ blíblí ɖokpó ná sixú gbɔn ali énɛ́ jí ǎ. Hunsɛntɔ́ ɖě ká ná gbɔn fínɛ́ ǎ. Mawu sín togun ɔ́ kɛ́ɖɛ́ tɔn wɛ é ná nyí, bɔ é nǎ nɔ́ gbɔn jí.

Jelemíi 6:16

Mi ɖótó mì: Mi nɔ te lobo kpɔ́n ali e gbɔn wɛ mi ɖe lɛ́ɛ ganjí. Mi kan ali e tɔ́gbó mitɔn lɛ́ɛ gbɔn ɔ́ byɔ́. Ali ɖě tɛ́ ká nyí ali ɖagbe ɔ́? Mi ba ali énɛ́ ɔ́ lobo wlí. Énɛ́ ɔ́, lǐndɔ̌n mitɔn ná mɔ vivo. Lo ɔ́, mi ɖɔ: ‘Mǐ ba ná gbɔn ali énɛ́ ǎ.’

Matíe 22:16

bɔ yě sɛ́ ahwanvú yětɔn lɛ́ɛ kpódó toxóɖɔgbɛ́ Elódu tɔn ɖé lɛ́ɛ kpó dó gɔ̌n tɔn, bɔ yě yi ɖɔ n'i ɖɔ: “Mɛ̌si, mǐ tunwun ɖɔ nǔgbóɖɔtɔ́ wɛ a nyǐ, bɔ a nɔ xlɛ́ Mawu sín ali ɔ́ mɛ titewungbe; a nɔ ɖi xɛsi nú nǔ e lin wɛ gbɛtɔ́ lɛ́ɛ ɖe ɔ́ ǎ, ɖó a nɔ kpɔ́n mɛɖé sín nukúnta dó ɖɔ xó ǎ.

Matíe 24:24

ɖó mɛ e nɔ sɔ́ yěɖée dó ɖó Klísu ná lɛ́ɛ kpódó mɛ e nɔ sɔ́ yěɖée dó ɖó gbeyíɖɔ Mawu tɔn ná lɛ́ɛ kpó ná wá xwetɔ́n. Yě ná nɔ́ jlɛ́ nǔ tɛnmɛ tɛnmɛ lɛ́ɛ, bó ná nɔ́ dó nǔdábaɖa ɖaxó ɖaxó lɛ́ɛ sin, bɔ nú yě sixú kpé wú wɛ ɔ́, yě ná flú mɛ e Mawu cyán lɛ́ɛ lɔmɔ̌.

Matíe 7:14

Lo ɔ́, hɔn e nu è nɔ gbɔn, bó nɔ́ yi gbɛ mavɔ mavɔ mɛ ɔ́ hwe, bɔ ali e è nɔ gbɔn yi ɔ́ sóbwé, bó vɛ́ gbɔn, bɔ mɛ kpɛɖé jɛ́n nɔ ba mɔ.”

Maki 12:14

Yě yi, bó ɖɔ n'i ɖɔ: “Mɛ̌si, mǐ tunwun ɖɔ nǔgbóɖɔtɔ́ wɛ a nyǐ; a nɔ ɖi xɛsi nú mɛɖé ǎ, a ka nɔ kpɔ́n mɛɖé sín nukúnta dó ɖɔ xó ǎ; a nɔ xlɛ́ Mawu sín ali mɛ titewungbe. Đo sɛ́n mǐtɔn mɛ ɔ́, è hɛn ɔ́, è nǎ sú takwɛ́ Dadá Hlɔ̌ma tɔn tɔn a, abǐ è nǐ gbɔ súsú?”

Maki 13:22

Đó mɛ e nɔ sɔ́ yěɖée dó ɖó Klísu ná lɛ́ɛ kpódó mɛ e nɔ sɔ́ yěɖée dó ɖó gbeyíɖɔ Mawu tɔn ná lɛ́ɛ kpó ná wá xwetɔ́n. Yě ná nɔ́ jlɛ́ nǔ, bó ná nɔ́ ɖe nǔdábaɖa lɛ́ɛ xlɛ́, bónú yě sixú kpé wú wɛ ɔ́, yě ná flú mɛ e Mawu cyán lɛ́ɛ.

Jǎan 14:6

Jezu ka yí gbe n'i ɖɔ: “Nyɛ wɛ nyí ali ɔ́, bó nyí nǔgbó ɔ́, bó ka lɛ́ nyí gbɛ ɔ́. Mɛɖěbǔ sixú yi Tɔ́ ɔ́ gɔ́n nyɛ mɛ vo ǎ.

Mɛsɛ́dó 13:10

bó ɖɔ: “Ayi hízíhízí, ayidídánɔ wɛ nú we; awǒvi sín vǐ wɛ a nyǐ, bó nyí nǔ ɖagbe lɛ́ɛ sín kɛntɔ́; káká yi jɛ hwetɛ́nu a ka ná gɔn avaja dó tito Aklúnɔ tɔn lɛ́ɛ mɛ dó?

Mɛsɛ́dó 14:2

Lo ɔ́, Jwifu e gbɛ́ nǔ ɖi lɛ́ɛ fɔ́n hun dó jǐ nú mɛ e ma nyí Jwifu ǎ lɛ́ɛ, bó zɔ́n bɔ yě jɛ nǔ nyanya lin dó nɔví ɖo Klísu mɛ lɛ́ɛ wú jí.

Mɛsɛ́dó 16:17

Nyɔ̌nu énɛ́ ɔ́ jɛ Pɔ́lu kpó mǐ kpó gúdo, bó nɔ sú xó ɖɔ: “Mɛ élɔ́ lɛ́ɛ ɔ́, Mawu Ajalɔ̌nlɔn sín mɛsɛntɔ́ wɛ nú yě; hwlɛngán sín ali ɔ́ sín xó ɖɔ nú mi wɛ yě ɖe.”

Mɛsɛ́dó 18:26

É nɔ ɖo xó ɖɔ wɛ kpódó jiɖiɖe kpán ɖo kplɔ́ngbasá. Đěe Plisílu kpódó Akilási kpán se xó e ɖɔ wɛ é ɖe lɛ́ɛ ɔ́, yě dɔn ɛ dó wǔ, bó tín Mawu sín ali ɔ́ mɛ n'i.

Mɛsɛ́dó 19:9

Lo ɔ́, mɛɖé lɛ́ɛ ti tamɛ ɖo yě mɛ; yě gbɛ̌, lobo nɔ ɖɔ xó nyanya dó Aklúnɔ sín ali ɔ́ wú, ɖo togun ɔ́ nukɔn; énɛ́ ɔ́ wú ɔ́, Pɔ́lu gosín yě mɛ, bó kplá ahwanvú lɛ́ɛ, bó nɔ́ ɖɔ xó dó xó ɔ́ wú ayǐhɔ́ngbe ayǐhɔ́ngbe ɖo Tilánɔsi sín wěmaxɔmɛ.

Mɛsɛ́dó 22:4

Un ko dó ya nú yě mɛ e xwedó Aklúnɔ sín ali lɛ́ɛ, káká bɔ mɛ kú ɖo yě mɛ kpɔ́n; un ko wlí súnnu kpódó nyɔ̌nu kpán yi dó gankpá mɛ.

Mɛsɛ́dó 24:14

Amɔ̌, un yí gbe nú yě ɖɔ jí Mawu e tɔ́gbó mǐtɔn lɛ́ɛ nɔ sɛn ɔ́ sɛn wɛ un ɖe gbɔn ali yɔ̌yɔ́ e yě ɖɔ é kún sɔgbe ó é jí; lo ɔ́, nǔ e è wlán dó sɛ́nwéma ɔ́ mɛ lɛ́ɛ kpódó nǔ e gbeyíɖɔ Mawu tɔn lɛ́ɛ ɖɔ lɛ́ɛ kpán ɔ́, un ɖi nǔ nú bǐ sésé.

Hlɔ̌manu 2:24

Đó Mawuxówéma ɔ́ ɖɔ: “Mi mɛ Jwifu lɛ́ɛ wútu wɛ akɔta ɖě lɛ́ɛ nɔ́ ɖɔ xó nyanya dó Mawu wú.”

1 Timɔtée 5:14

Énɛ́ ɔ́ wú wɛ un jló ɖɔ asúkúsi e ma ko nyí mɛxó ǎ lɛ́ɛ ní lɛ́ vɔ́ asú da, bó ji vǐ; yě ní kpé nukún dó xwé yětɔn wú, bó ma ná ali ɖěbǔ kɛntɔ́ mǐtɔn lɛ́ɛ, bónú yě mɔ nǔ nyanya ɖé ɖɔ dó mǐ wú ó.

Titu 2:5

Yě ná nɔ kplɔ́n yě ɖɔ yě ní nɔ wa nǔ e sɔgbe é, lobo nyí mɛ mímɛ́; yě ní nɔ́ kpé nukún dó xwégbezɔ́ yětɔn lɛ́ɛ wú, bó ná nyí nyɔ̌nu ɖagbe e nɔ se tónú nú asú yětɔn lɛ́ɛ é; yě ní wa nǔ gbɔn mɔ̌, bónú mɛɖé ma ɖɔ xó nyanya ɖé dó Mawuxó ɔ́ wú ó.

Titu 2:8

A nǎ nɔ zán xógbe e sɔgbe bɔ mɛɖé ma ná sixú mɔ xó ɖé ɖɔ d'é wú ǎ lɛ́ɛ, bónú kɛntɔ́ towe lɛ́ɛ ná ɖu winnyá, ɖó yě ná mɔ xó nyanya ɖé ɖɔ dó mǐ wú ǎ.

1 Piyɛ́ɛ 2:12

Mi zán gbɛ ɖagbe ɖo mɛ e ma ɖi nǔ nú Mawu ǎ lɛ́ɛ tɛ́ntin; énɛ́ ɔ́, nú yě na bo ɖo hwɛ dó mi wɛ ɖɔ mi nyí nǔnyanyawatɔ́ ɔ́, yě ná wá mɔ nǔ jɛ azɔ̌ ɖagbe e mi nɔ wa lɛ́ɛ wú dandan, bó ná kpa susu nú Mawu ɖo azǎn e gbe é ná ba yě kpɔ́n é.

2 Piyɛ́ɛ 2:12

Amɔ̌, mɛ énɛ́ lɛ́ɛ ɔ́, yě nɔ lin tamɛ kpɔ́n cóbó nɔ wa nǔ ǎ; yě cí gběkanlin e jɔ, bɔ è nǎ wlí bó hu é ɖɔhun; yě nɔ zun nǔ e wú yě ma mɔ nukúnnú jɛ ǎ é; è nǎ hu yě lě e è nɔ hu gběkanlin lɛ́ɛ gbɔn é.

2 Piyɛ́ɛ 2:15

Yě gosín ali jlɔ́jlɔ́ ɔ́ jí, bó yi bú; Bosɔ́ɔ sín vǐ Baláamu e yí wǎn nú nǔ nyanya wiwa dó ɖu le ɔ́, ali e é gbɔn ɔ́ wɛ yě wlǐ.

2 Piyɛ́ɛ 2:18

Yě nɔ ɖo goyítɔ́ xó ɖɔ wɛ, bó nɔ ɖo xlonɔ xó ɖɔ wɛ; yě nɔ wlí mɛ e ma ko hɔn sín yě mɛ e ɖo ali bú wɛ lɛ́ɛ tɛ́ntin zinzin ǎ lɛ́ɛ dó mɔ mɛ; nǔblíblí wiwa sín jlǒ e yě ɖó ɖo gbɛtɔ́ nyínyí mɛ lɛ́ɛ wɛ yě nɔ́ dó wlí yě dó mɔ mɛ.

2 Piyɛ́ɛ 2:21

Ényí yě gbɔ bó gɔn ali jlɔ́jlɔ́ ɔ́ tunwun ɔ́, é nyɔ́ nú yě hú ɖɔ yě ní tunwun bó ka wá lɛ́ kɔ sín nǔ mímɛ́ e è ɖɔ yě ní wa lɛ́ɛ gúdo.

2 Piyɛ́ɛ 2:7

Mawu hwlɛ́n Lɔ̌ti gán; Lɔ̌ti ɔ́, nǔjlɔ́jlɔ́watɔ́ wɛ, bɔ gbɛ kwíji kwíji e gbɛtɔ́ dídá hwetɔnnu tɔn lɛ́ɛ zán ɔ́ vɛ́ n'i.

Judi 1:10

Lo ɔ́, mɛdídá énɛ́ lɛ́ɛ ɔ́, yě nɔ lin tamɛ kpɔ́n cóbó nɔ wa nǔ ǎ. Yě cí gběkanlin ɖɔhun; nǔ e wú yě ma mɔ nukúnnú jɛ ǎ ɔ́ wɛ yě nɔ zun; nǔtunwuntunwun e kpó yě kpó jɔ lɛ́ɛ ɔ́, kú wɛ é nɔ nyí nú yě.

Judi 1:4

Nǔgbó ɔ́, mɛdídá ɖé lɛ́ɛ lun byɔ́ mi mɛ, bó nɔ́ kpé ta do nú wɛn e ɖɔ xó dó nyɔ̌ná Mawu mǐtɔn tɔn wú é; yě bló mɔ̌, bó ná dó ɖe xlɛ́ ɖɔ gbɛ kwíji kwíji e zán wɛ émí ɖe ɔ́ sɔgbe, bó nɔ́ gbɛ́ Jezu Klísu e nyí Mɛ̌si mǐtɔn ɖokpó géé, bó nyí Aklúnɔ mǐtɔn é. É ko lín din bɔ Mawuxówéma ɔ́ ko ɖɔ hwɛ e è ɖǒ nú yě ɔ́.

Judi 1:7

Mi flín Sodɔ́mu kpó Gomɔ́ɔ kpó, kpódó to e sɛkpɔ́ yě lɛ́ɛ kpó; to énɛ́ mɛ nu lɛ́ɛ wa nǔ wɛnsagun énɛ́ lɛ́ɛ ɖɔhun; yě lɛ́ jó yěɖée dó nú agalilɛ kpódó hɛ̌nnú wiwa kpó; to énɛ́ mɛ nu lɛ́ɛ ɔ́, è sɔ́ zo mavɔ mavɔ dó ɖo tó dɔn nú yě wɛ; è ɖo tó énɛ́ ɔ́ dɔn nú yě wɛ, bó dó ɖo sɛ́n dó nú mɛ bǐ wɛ.

Nǔɖexlɛ́mɛ 12:9

È zě Dlagɔ́ɔn ɖaxó ɔ́ nyi dó ayǐkúngban jí; é wɛ nyí dan xóxó e è nɔ ylɔ́ ɖɔ awǒvi abǐ Satáan é; é wɛ flú gbɛ ɔ́ bǐ. È zě e nyi dó ayǐkúngban jí, é kpódó wɛnsagun tɔn lɛ́ɛ kpó.

Nǔɖexlɛ́mɛ 13:14

É nɔ zé nǔ e è nǎ gbe e ɖɔ é ní jlɛ́ ɖo kanlin nukɔntɔn ɔ́ nukɔn ɔ́ dó flú gbɛtɔ́ e ɖo ayǐkúngban jí lɛ́ɛ ná. É ɖo ɖiɖɔ nú gbɛtɔ́ e ɖo ayǐkúngban jí lɛ́ɛ wɛ ɖɔ yě ní kpa susu nú kanlin e è sɔ́ hwǐ dó gblé wǔ ná, cóbɔ é ka lɛ́ kpo ɖo gbɛ ɔ́ sín akpajlɛ́, bó dó sɔ́ ɛ su.

Nǔɖexlɛ́mɛ 13:8

Mɛ e ɖo ayǐkúngban jí lɛ́ɛ bǐ ná nɔ sɛn ɛ: yě mɛ e sín nyǐkɔ è ma wlán dó Lɛ̌ngbɔ́ví e è hu ɔ́ sín wěma mɛ ǎ lɛ́ɛ ná sɛn ɛ. Wěma énɛ́ ɔ́, mɛ e ɖo gbɛ lɛ́ɛ tɔn wɛ, bɔ è ko wlán nyǐkɔ yětɔn lɛ́ɛ d'é mɛ sín bǐbɛ́mɛ gbɛ ɔ́ tɔn.