2 Piyɛ́ɛ 1:2 - MAWUXÓWÉMA

² Mawu ní ná fɛ́nú kpó fífá kpó mi, bónú é túnflá ɖó Mawu kpó Aklúnɔ mǐtɔn Jezu kpán e mi tunwun ɔ́ wú.

2 Piyɛ́ɛ 1:2 Iomraidhean Croise

Ezayíi 53:11

Mawu ɖɔ: “Mɛsɛntɔ́ ce ji ya tobutóbú énɛ́ lɛ́ɛ mɔ̌ ɔ́, é ná wá mɔ wěziza; nǔ ná nyɔ́ n'i káká. Mɛsɛntɔ́ ce ɔ́, hwɛjijɔnɔ nǔgbó ɔ́ ná sɔ́ mɛ gěgé dó húzú hwɛjijɔnɔ, ɖó é wɛ ɖíɖá hwɛgban yětɔn.

Daniyɛ́li 4:1

“Nyɛ axɔ́sú Nabukodonɔzɔ́ɔ ɔ́, xwíí wɛ un ɖe ɖo xwé ce gbe, bó ɖo gbɛ ce ɖu wɛ ɖo hɔn ce mɛ.

Daniyɛ́li 6:25

Axɔ́sú ɔ́ ná gbe ɖɔ è nǐ yi wlí mɛ e wá slɛ́ Daniyɛ́li lɛ́ɛ wá; ée è wlǐ yě ɔ́, è bɛ̌ yě kpó asi yětɔn lɛ́ɛ kpó, kpó vǐ yětɔn lɛ́ɛ kpó nyi dó kinnikínnído ɔ́ mɛ. Yě ná jɛ do ɔ́ mɛ kpó nǎ gbɔ kpó ɔ́, kinnikínní lɛ́ɛ zɔn yě jí, bó gba xú yětɔn lɛ́ɛ bǐ.

Luki 10:22

“Nǔ bǐ wɛ Tɔ́ ce sɔ́ dó alɔ ce mɛ, bɔ mɛ ɖěbǔ tunwun mɛ e Vǐ ɔ́ nyí ɔ́ zɛ Tɔ́ ɔ́ wú ǎ; mɛ ɖěbǔ ká tunwun mɛ e Tɔ́ ɔ́ nyí ɔ́ zɛ Vǐ ɔ́ kpódó mɛ e Vǐ ɔ́ jló ná ɖe e xlɛ́ lɛ́ɛ kpó wú ǎ.”

Jǎan 17:3

Gbɛ mavɔ mavɔ ɔ́ wɛ nyí ɖɔ yě ní tunwun we, bó tunwun ɖɔ hwi wɛ nyí Mawu nǔgbó ɖokpó e tíin é, bó lɛ́ tunwun Jezu Klísu e a sɛ́ dó gbɛ ɔ́ mɛ é.

Hlɔ̌manu 1:7

Un ɖo wěma élɔ́ wlán sɛ́ dó mi mɛ e ɖo Hlɔ̌ma lɛ́ɛ wɛ; mi mɛ e Mawu yí wǎn ná, bó ylɔ́ mi, bó ɖe mi ɖó vo, bɔ mi ná nyí togun tɔn é bǐ. Mawu Tɔ́ mǐtɔn kpódó Aklúnɔ mǐtɔn Jezu Klísu kpó ní ná fɛ́nú kpódó fífá kpó mi.

2 Kɔlɛ́ntinu 4:6

Mawu e ɖɔ: “Wěziza ní kɔ́n sín ablu mɛ” ɔ́, é ɖokpó ɔ́ wɛ lɛ́ nyí mɛ e bló bɔ wěziza tɔn nɔ kɔ́n ɖo ayi mǐtɔn lɛ́ɛ mɛ é, bónú mǐ ná ɖó nǔnywɛ́ wěziza tɔn e nyí susu Mawu tɔn é; susu Mawu tɔn e ɖo kínkɔ́n wɛ ɖo Klísu sín nukún mɛ é.

Filípunu 3:8

É nyí nǔ énɛ́ lɛ́ɛ kɛ́ɖɛ́ wɛ un mɔ dó mɔ nǔ lá mɛ ná ǎ; lo ɔ́, nǔ lɛ́ɛ bǐ wɛ un mɔ dó mɔ nǔ lá mɛ ná, ɖó vǐví ɖaxó e un mɔ hwenu e un wá tunwun ɖɔ Klísu Jezu ɔ́, Aklúnɔ ce wɛ é nyí ɔ́ wútu; éyɛ́ wútu wɛ un gbɛ́ nǔ bǐ, bó nɔ́ mɔ nǔ bǐ dó mɔ babá, bó ná sixú nyí étɔn,

1 Piyɛ́ɛ 1:2

Mawu Tɔ́ ɔ́ cyán mi, bɔ é sɔgbe xá lě e é ɖésúnɔ ko to gbɔn ɖ'ayǐ é, bɔ mi nyí mɛɖeɖóvo tɔn, gbɔn Yɛ tɔn sín nǔwiwa gbla mɛ, nú mi ná se tónú nú Jezu Klísu, bɔ hun tɔn ná lɛ mi wé. Mawu ní ná fɛ́nú kpó fífá kpó mi ní túnflá.

2 Piyɛ́ɛ 1:3

Hlɔ̌nhlɔ́n Mawu tɔn e Aklúnɔ ɖó ɔ́ ná nǔ e ɖo tají bɔ mǐ ná dó ɖó sísí nú Mawu ɖo gbɛzán mǐtɔn mɛ ɔ́ bǐ mǐ; é wɛ nyí ɖɔ: é bló bɔ mǐ tunwun Mawu e ylɔ́ mǐ bónú mǐ ná ɖó mǐmá ɖo susu é ɖésúnɔ tɔn kpó xomɛnyínyɔ́ tɔn kpó mɛ é.

2 Piyɛ́ɛ 1:5

Đó mǐmá e mi ná ɖó ɖo ninɔmɛ Mawu tɔn mɛ ɔ́ wú ɔ́, mi zán hlɔ̌nhlɔ́n e ɖo mi wú ɔ́ bǐ, bó ɖó zǐnzán ɖagbe gɔ́ nú nǔɖiɖi mitɔn, bó ɖó nǔtunwuntunwun gɔ́ nú zǐnzán ɖagbe mitɔn.

2 Piyɛ́ɛ 1:8

Jijɔ énɛ́ lɛ́ɛ wɛ mi ɖó ná ɖó; ényí mi ɖó jijɔ énɛ́ lɛ́ɛ bónú é túnflá ɔ́, yě ná zɔ́n bɔ, ɖo Aklúnɔ mǐtɔn Jezu Klísu sín tunwuntunwun mɛ ɔ́, mi sɔ́ ná ɖi fɔnlín ǎ, mi ka sɔ́ ná gɔn sínsɛ́n ǎ.

2 Piyɛ́ɛ 2:20

Nǔgbó ɔ́, ényí yě mɛ e tunwun Jezu Klísu e nyí Aklúnɔ mǐtɔn, bó nyí Mɛhwlɛ́ngántɔ́ mǐtɔn, bó ma ka ko hɔn sín nǔblíblíwiwa gbɛmɛ fí tɔn lɛ́ɛ mɛ zinzin ǎ lɛ́ɛ lɛ́ jó yěɖée dó nú nǔblíblíwiwa énɛ́ lɛ́ɛ, bɔ yě ɖu ɖo yě jí ɔ́, ninɔmɛ e yě nɔ wá ɖó ɖo vivɔnu ɔ́ nɔ lɛ́ nylá hú ée yě ko ɖó ɖo bǐbɛ́mɛ é.

2 Piyɛ́ɛ 3:18

Lo ɔ́, mi ní ɖo Jezu Klísu e nyí Aklúnɔ mǐtɔn, bó nyí Mɛhwlɛ́ngántɔ́ mǐtɔn ɔ́ tunwun d'é jí wɛ, bó ɖo fɛ́nú tɔn tunwun d'é jí wɛ. Susu n'i sín din káká sɔ́yi mavɔ mavɔ. Amǐ.

Judi 1:2

Nǔbláwǔkúnúmɛ Mawu tɔn kpódó fífá tɔn kpó, kpódó wǎn yíyí tɔn kpán ní nɔ kpɔ́ xá mi bó túnflá.

Nǔɖexlɛ́mɛ 1:4

Nyɛ Jǎan wɛ sɛ́ wěma élɔ́ dó agun Klísu tɔn tɛ́nwe e ɖo tokpɔn Azíi tɔn mɛ lɛ́ɛ: Mawu e tíin din, bó ka kó tíin ɖ'ayǐ, bó ná wá ɔ́ ní ná fɛ́nú kpó fífá kpó mi; yɛ tɛ́nwe e ɖo axɔ́súzinkpo tɔn nukɔn lɛ́ɛ ní ná fɛ́nú kpó fífá kpó mi; Jezu Klísu e nyí kúnnuɖetɔ́ gbejínɔtɔ́, bó nyí mɛ nukɔntɔn e Mawu fɔ́n sín kú é, bó hú gǎn axɔ́sú e ɖo ayǐkúngban jí lɛ́ɛ é ní ná fɛ́nú kpódó fífá kpó mi. Jezu Klísu yí wǎn nú mǐ; é hwlɛ́n mǐ sín hwɛ e mǐ hu lɛ́ɛ mɛ, gbɔn kanjɔ tɔn gbla mɛ;