2 Timɔtée 4:8 - MAWUXÓWÉMA

⁸ Bɔ din ɔ́, ajɔ e è nǎ ná mɛ e ɖu ɖ'é jí lɛ́ɛ ɖo te nú mì; é wɛ nyí hwɛjijɔ sín ɖuɖéjígbákún e Aklúnɔ e nɔ́ ɖɔ hwɛjijɔ ɔ́ ná ná mì azǎn énɛ́ gbe é. É ka nyí nyɛ ɖokpónɔ wɛ é ná ná ǎ, lo ɔ́, mɛ e yí wǎn n'i, bó ɖo te kpɔ́n wǐwá tɔn lɛ́ɛ bǐ wɛ é ná ná.

2 Timɔtée 4:8 Iomraidhean Croise

Bǐbɛ́mɛ 18:25

A nǎ hu mɛ ɖagbe kpó mɛ nyanya kpó. A nǎ bló mɔ̌ bɔ é ná nyí ɖɔ nǔ ɖokpó ɔ́ wɛ ɖo te kpɔ́n mɛ ɖagbe kpó mɛ nyanya kpó wɛ a? Ma wa nǔ gbɔn mɔ̌ ó; hwi mɛ e nyí hwɛɖɔtɔ́ gbɛ ɔ́ bǐ tɔn ɔ́ ná gɔn hwɛjijɔ xwedó dó wa nǔ wɛ a?”

Ɖɛhan 31:19

Yě mɛ adingbannɔ nɛ́ lɛ́ɛ, goyítɔ́ nɛ́ lɛ́ɛ, wǎngbɛ́númɛtɔ́ nɛ́ lɛ́ɛ ɔ́, yě mɛ énɛ́ lɛ́ɛ e nɔ́ syɛ́n ta, bo nɔ́ kpɔ́n nukún mɛ nú hwɛjijɔnɔ é ɔ́, ɖɛ̌ yětɔn ní tɛ́.

Ɖɛhan 7:11

Mawu wɛ nyí gǎglónú ce; é wɛ nɔ́ hwlɛ́n ayijlɔ́jlɔ́nɔ lɛ́ɛ gán.

Nǔnywɛ́xó 4:9

É ná sɔ́ jɛ̌gbákún ɖo ta nú we; é ná sɔ́ axɔ́súwuntun ɖó ta nú we.”

Malacíi 3:17

Bɔ Mawu Mavɔmavɔ Nǔbǐwúkpétɔ́ ɔ́ ɖɔ: “Gbe e gbe un ná ɖe hlɔ̌nhlɔ́n ce xlɛ́ ɔ́, un ná zé mɛ énɛ́ lɛ́ɛ dó ɖó mɛ ce ná. Yě ná nyí togun ce, un ná nyɔ́ xomɛ dó yě wú lě e tɔ́ nɔ́ nyɔ́ xomɛ dó vǐ e nɔ́ sɛn ɛ ɔ́ wú gbɔn é.

Matíe 24:36

“Mɛ ɖé tunwun azǎn ɔ́ ǎ; mɛɖé ka tunwun gan ɔ́ mɛ ǎ; wɛnsagun Mawu tɔn lɛ́ɛ tunwun ǎ; nyɛ Mawu ví ɔ́ ɖésú tunwun ǎ; Tɔ́ ɔ́ ɖokpónɔ géé wɛ tunwun.

Matíe 7:22

Ɖó gbe e gbe Mawu ná ɖɔ hwɛ xá gbɛtɔ́ lɛ́ɛ bǐ ɔ́, mɛ gěgé ná ɖɔ nú mì ɖɔ: ‘Aklúnɔ, Aklúnɔ, é ma ka nyí nyǐkɔ towe mɛ wɛ mǐ ɖɔ Mawuxó nú gbɛtɔ́ lɛ́ɛ dó a? É ma nyí nyǐkɔ towe mɛ wɛ mǐ nya yɛ nyanya lɛ́ɛ dó a? Nǔ tɛnmɛ tɛnmɛ e mǐ jlɛ́ lɛ́ɛ ɔ́, nyǐkɔ towe mɛ wɛ mǐ jlɛ́ dó ǎ cé?’

Luki 10:12

Ma ɖɔ nú mi: hwenu e Mawu ná ɖɔ hwɛ xá gbɛtɔ́ lɛ́ɛ ɔ́, tó e è nǎ dɔn nú Sodɔ́munu lɛ́ɛ ɔ́ ná bɔwǔ hú ée è nǎ dɔn nú to énɛ́ mɛ nu lɛ́ɛ é.”

Hlɔ̌manu 2:5

A ka tlí tó; a ɖo gbesisɔ mɛ bó ná lɛ́ kɔ sín hwɛ towe lɛ́ɛ gúdo ǎ; énɛ́ wútu wɛ a ɖo tó dɔn nú mɛ ɖaxó ɖé sín nǔ sɔ́ ɖ'ayǐ nú hwiɖée wɛ nú gbe e gbe Mawu ná ɖe xomɛsin tɔn kpó hwɛjlɔ́jlɔ́ ɖiɖɔ tɔn kpó xlɛ́ é.

Hlɔ̌manu 8:23

Lo ɔ́, é nyí nǔ e è blǒ lɛ́ɛ kɛ́ɖɛ́ wɛ ɖo azɔn wɛn wɛ ǎ, mǐ mɛ e ko ɖó Yɛsinsɛn, bɔ é nyí nǔ nukɔntɔn e Mawu ná mǐ, ɖo nǔníná tɔn lɛ́ɛ mɛ ɔ́, mǐ lɔ ɖo azɔn wɛn wɛ ɖo ayi mɛ, lobo ɖo te kpɔ́n ɖɔ Mawu ní ɖe mǐ sín agbaza mǐtɔn mɛ, bó ná ɖɔ mǐ nyí vǐ émítɔn, lobo hwlɛ́n mǐ gan bǐ dégbédégbé.

1 Kɔlɛ́ntinu 2:9

Lo ɔ́, lě e Mawuxówéma ɔ́ kó ɖɔ gbɔn ɔ́: “Nǔ e mɛ ɖěbǔ ma mɔ kpɔ́n gbeɖé, bó ma ka se kpɔ́n gbeɖé ǎ ɔ́, nǔ e mɛ ɖěbǔ ma lin kpɔ́n gbeɖé ǎ ɔ́, Mawu bló nǔ énɛ́ ɖ'ayǐ nú mɛ e yí wǎn n'i lɛ́ɛ.”

1 Kɔlɛ́ntinu 3:13

Amɔ̌, Aklúnɔ sín azǎn ɔ́ wɛ ná ɖe lě e azɔ̌ mɛ ɖokpó ɖokpó tɔn ɖe gbɔn é xlɛ́, bɔ é ná jɛ wěxo. Nǔgbó ɔ́, azǎn énɛ́ ɔ́ ná wá kpó myɔ kpó, bɔ myɔ ná gbéjé azɔ̌ e mɛ ɖokpó ɖokpó wa ɔ́ kpɔ́n, bó ná ɖe azɔ̌ alɔkpa e é nyí ɔ́ xlɛ́.

1 Kɔlɛ́ntinu 9:25

Agbazamɛgándótɔ́ lɛ́ɛ bǐ ɔ́, nú yě ɖo agbazamɛgándídó ɔ́ kplɔ́n wɛ ɔ́, yě nɔ dó sɛ́n syɛ́nsyɛ́n ɖé lɛ́ɛ nú yěɖée; yě nɔ bló mɔ̌ bó ná dó mɔ ɖuɖéjígbákún e ma nɔ dɔ́ ji ǎ ɔ́ ɖokpó yí; amɔ̌ mǐdɛɛ lɛ́ɛ ɔ́, mǐ nɔ́ bló mɔ̌, bó ná mɔ ɖuɖéjígbákún e ná nɔ ayǐ káká sɔ́yi ɔ́ ɖokpó yí.

2 Kɔlɛ́ntinu 5:2

Lě e mǐ ɖe din ɔ́, mǐ ɖo azɔn wɛn wɛ, ɖó mǐ ɖó jlǒ ɖaxó ɖɔ mǐ ní sɔ́ agbaza mǐtɔn sɛ́xwé tɔn ɔ́ dó.

Filípunu 3:11

bó ná ɖo nukún ɖó wɛ ɖɔ Mawu ná fɔ́n nyɛ lɔmɔ̌ sín kú.

Kolósinu 1:5

Hwenu e è hɛn xó nǔgbó e nyí Wɛn Ɖagbe ɔ́ wá mi gɔn azɔn nukɔn nukɔntɔn ɔ́, è ɖe nukúnɖíɖó e é nɔ ná mɛ ɔ́ xlɛ́ mi. Énɛ́ ɔ́, nǔɖiɖi mitɔn kpódó wǎn yíyí mitɔn kpán jínjɔ́n nǔ e ɖó nukún wɛ mi ɖe, bɔ Mawu sɔ́ ɖ'ayǐ nú mi ɖo sɛ́xwé ɔ́ jí.

1 Tɛsalonikinu 1:10

lobo ná nɔ te kpɔ́n ɖɔ vǐ tɔn Jezu ní gosín sɛ́xwé wá é. Vǐ tɔn énɛ́ ɔ́ wɛ é fɔ́n sín kú, bɔ é hwlɛ́n mǐ sín xomɛsin Mawu tɔn e jǎwe ɔ́ mɛ.

1 Tɛsalonikinu 5:4

Amɔ̌, nɔví lɛ́ɛ mi, midɛɛ lɛ́ɛ ɔ́, mi ɖo ablu mɛ, bónú azǎn énɛ́ ɔ́ ná wá fyán mi ajotɔ́ ɖɔhun ǎ.

2 Tɛsalonikinu 2:8

Hwenɛ́nu ɔ́, Mɛdídá ɔ́ ná tɔ́n, bɔ Aklúnɔ Jezu ná zé funfún e nɔ́ tɔ́n sín nu tɔn mɛ ɔ́ dó hu i, lobo ná sɔ́ wǐwá tɔn sín kínkɔ́n dó vívá kún tɔn.

1 Timɔtée 6:19

Ényí yě ɖo mɔ̌ wa wɛ ɔ́, dɔkun ɖagbe, dɔkun e wú è hɛn ɔ́, è nǎ gán jɛ ɔ́ kplé ɖ'ayǐ nú yěɖée wɛ yě ɖe nú sɔ yí e ná wá hɔ́n é, bó ná dó mɔ gbɛ jɔ gbɛ ɔ́ yí.

2 Timɔtée 1:10

Amɔ̌ din ɔ́, é wá ɖe xlɛ́ mǐ gbɔn Mɛhwlɛ́ngántɔ́ mǐtɔn Klísu Jezu sín wǐwá jí. É wɛ nyí mɛ e hu acɛ nú kú, bó sɔ́ Wɛn Ɖagbe dó ɖe jɔmakúgbɛ xlɛ́ mǐ é.

2 Timɔtée 1:12

Énɛ́ ɔ́ wú wɛ un ɖo ya élɔ́ lɛ́ɛ ji wɛ; é ka hu winnyá nú mì ǎ; ɖó un tunwun mɛ e un ɖi nǔ ná é, bó ka ɖó jiɖiɖe ɖɔ é ɖó hlɔ̌nhlɔ́n e ná hɛn nǔ e é sɔ́ dó así nú mǐ ɔ́ káká jɛ azǎn énɛ́ ɔ́ gbe.

2 Timɔtée 1:18

Aklúnɔ ní bló bónú é ní mɔ nǔbláwǔkúnúmɛ Aklúnɔ tɔn yí ɖo azǎn énɛ́ gbe. Alɔ tobutóbú e é gɔ́ nú mì ɖo Efɛ́zi ɔ́, a tunwun ganjí.

2 Timɔtée 2:5

Wezunkántɔ́ e yi agbahwlɛ́nhwlɛ́n tɛnmɛ ɔ́ ma kán wezun lě e sɛ́n ɔ́ zɔ́n gbɔn ɔ́ ǎ ɔ́, é sixú mɔ ɖuɖéjígbákún yí ǎ.

2 Timɔtée 4:1

Un ɖo zǐnzɔ́n we wɛ syɛ́nsyɛ́n ɖo Mawu nukɔn, bó ɖo zǐnzɔ́n we wɛ ɖo Klísu Jezu e ná ɖɔ hwɛ xá mɛ e ɖo gbɛ lɛ́ɛ kpódó mɛ e ɖo kú lɛ́ɛ kpán ɔ́ nukɔn, bó ɖo byɔ̌byɔ́ we wɛ ɖo Jezu Klísu sín wǐwá kpódó axɔ́súɖuɖu tɔn kpán sín nyǐkɔ mɛ ɖɔ:

Titu 2:13

Lě e mǐ ɖó ná nɔ te kpɔ́n azǎn ɖagbe e ɖó nukún wɛ mǐ ɖe ɔ́ gbɔn ɔ́ nɛ́; azǎn énɛ́ gbe wɛ Mawu ɖaxó, Mɛhwlɛ́ngántɔ́ Klísu Jezu ná ɖe susu tɔn xlɛ́.

Eblée 12:11

Hwenu e è nɔ ɖo mǐ kplɔ́n wɛ tlóló ɔ́, aluwɛ sín nǔ wɛ é nɔ nyí nú mǐ; é nɔ nyí awǎjijɛnú nú mǐ ǎ. É ka wá yá ɔ́, mɛ e è kplɔ́n gbɔn mɔ̌ lɛ́ɛ nɔ mɔ le e ɖ'é mɛ é; le ɔ́ wɛ nyí fífá e è nɔ mɔ ɖo gbɛ jlɔ́jlɔ́ zínzán mɛ é.

Eblée 9:28

Mɔ̌ ɖokpó ɔ́, Klísu sɔ́ éɖée dó sá vɔ̌ ná azɔn ɖokpó géé énɛ́ ɔ́ dó hwɛ gbɛtɔ́ gěgé tɔn tamɛ. É ná wá azɔn wegɔ́ ɔ́, é ka sɔ́ ná nyí hwɛhuhu wɛ é ná wá ɖe síin ǎ; lo ɔ́, mɛ e ɖo te kpɔ́n ɛ ɖɔ é ní wá hwlɛ́n émí gán lɛ́ɛ wɛ é ná wá hwlɛ́n gán.

Jaki 1:12

Nǔ nyɔ́ nú mɛ e nɔ syɛ́nlǐn ɖo mɛdókpɔ́n hwenu é; ɖó nú é ɖe lǐnsyɛ́nsyɛ́n tɔn xlɛ́ gúdo ɔ́, é ná mɔ gbɛ jɔ gbɛ yí; gbɛ jɔ gbɛ énɛ́ wɛ nyí ajɔ e sín akpá Mawu dó nú mɛ e yí wǎn n'i lɛ́ɛ é.

1 Piyɛ́ɛ 1:4

bɔ ɖagbe e Mawu sɔ́ ɖ'ayǐ nú mɛ e nyí étɔn lɛ́ɛ é ná ná xomɛhunhun mǐ. Đagbe énɛ́ lɛ́ɛ ɔ́, ɖagbe ɖé wɛ yě nyí bó sixú gblé ǎ; yě sixú blí ǎ; yě ka sixú cá ǎ. Mawu sɔ́ ɖagbe énɛ́ lɛ́ɛ ɖ'ayǐ ɖó sɛ́xwé,

1 Piyɛ́ɛ 5:4

Énɛ́ ɔ́, hwenu e lɛ̌ngbɔ́nyitɔ́ lɛ́ɛ sín gǎn ná ɖe éɖée xlɛ́ ɔ́, mi ná yí axɔ́súgbákún susunɔ e ma ná cá gbeɖé ǎ é.

Nǔɖexlɛ́mɛ 1:7

Mi kpɔ́n! É jǎwe ɖo akpɔ́kpɔ́ mɛ! Mɛ bǐ ná mɔ ɛ; mɛ e sɔ́ hwǎn ɛ lɛ́ɛ lɔ ná mɔ ɛ. Akɔta e ɖo ayǐkúngban jí lɛ́ɛ bǐ ná ná alě ɖó éyɛ́ wú. Nǔgbó wɛ, é ná nyí mɔ̌! Amǐ.

Nǔɖexlɛ́mɛ 19:11

Énɛ́ ɔ́ gúdo ɔ́, un mɔ jǐnukúnsin ɖo nuvo, bɔ sɔ́ wěwé ɖé tɔ́n. Mɛ e ɖo sɔ́ ɔ́ jí ɔ́, nyǐkɔ tɔn nɔ nyí Gbejínɔtɔ́, bó nɔ nyí Titewungbe; é nɔ́ ɖɔ hwɛ bó nɔ́ fun ahwan kpó hwɛjijɔ kpó.

Nǔɖexlɛ́mɛ 2:10

Wǔvɛ́ e a nǎ mɔ ɔ́ ní ma dó xɛsi nú we ó. Đǒtó: Awǒvi ná bɛ́ mɛ gěgé ɖo mi mɛ dó gankpá mɛ, bó ná dó tɛ́n mi kpɔ́n; mi ná mɔ wǔvɛ́ xɔ azǎn wǒ. Nɔ gbejí káká yi kú; énɛ́ ɔ́, un ná ná we gbɛ bɔ é ná cí axɔ́súgbákún e nɔ́ ná gbɛ mɛ é ɖɔhun.

Nǔɖexlɛ́mɛ 22:20

Mɛ e ɖe kúnnu ɖɔ nǔgbó wɛ nǔ énɛ́ lɛ́ɛ nyí ɔ́ ɖɔ: “Nǔgbó wɛ! Un ná wá ɖo malín málín mɛ din!” Amǐ! Aklúnɔ Jezu, wǎ!

Nǔɖexlɛ́mɛ 4:10

mɛxó ko-nukún-ɛnɛ lɛ́ɛ nɔ jɛ kpo ɖo mɛ e ɖo axɔ́súzinkpo ɔ́ jí, bó ɖo gbɛ káká sɔ́yi ɔ́ nukɔn, bó nɔ sɛn ɛ. Yě nɔ zé axɔ́súgbákún yětɔn lɛ́ɛ nyi axɔ́súzinkpo ɔ́ nukɔn, bó nɔ ɖɔ:

Nǔɖexlɛ́mɛ 4:4

Axɔ́súzinkpo ko-nukún-ɛnɛ ɖěvo lɛ́ lɛ̌ dó axɔ́súzinkpo énɛ́, bɔ mɛxó ko-nukún-ɛnɛ ɖo ayǐjínjɔ́n ɖo axɔ́súzinkpo énɛ́ lɛ́ɛ jí. Yě dǒ awu wěwé, bó xwe axɔ́súgbákún e è sɔ́ siká dó bló ná é.