2 Timɔtée 4:7 - MAWUXÓWÉMA

⁷ Un fun ahwan ɖagbe ɔ́; un dó wezun ɔ́ káká yi vivɔnu; un kpo ɖo nǔ ɖi nú Klísu Jezu wɛ.

2 Timɔtée 4:7 Iomraidhean Croise

Nǔnywɛ́xó 23:23

Nɔ ba ná tunwun nǔ e nyí nǔgbó ɔ́, nǔ e nɔ́ ná nǔnywɛ́ mɛ ɔ́, nǔ e nɔ́ ná kplɔ́n mɛ ɔ́, nǔ e nɔ́ ná nukúnnú-mɔjɛnǔmɛ mɛ é; a ɖǒ nǔ ɖagbe énɛ́ lɛ́ɛ hǔn, ma sɔ́ yě sa nú mɛɖé ó.

Kɛ́nsísɔ́ 8:25

Nú mɛ ɖé ɖó xwe kanɖé wǒ (50) ɖo yě mɛ ɔ́, mɛ ɔ́ ná yí gbɔjɛ́, bó sɔ́ ná nɔ́ wa azɔ̌ ɔ́ ɖě ǎ.

Luki 11:28

Jezu ka yí gbe ɖɔ: “Éeǒ! É nyɔ́ wa ɔ́, mɛ e se Mawuxó ɔ́, bó bló ɖ'é jí lɛ́ɛ wɛ nǔ nyɔ́ ná.”

Luki 8:15

Nǔkún e jɛ ayǐkúngban ɖagbe jí lɛ́ɛ ɔ́, mɛ e nɔ se Mawuxó ɔ́, bó nɔ́ yí kpódó ayi ɖagbe kpán, kpódó ayijlɔ́jlɔ́ kpán lɛ́ɛ wɛ; lǐnsyɛ́nsyɛ́n yětɔn nɔ́ zɔ́n, bɔ yě nɔ́ ná sínsɛ́n.”

Jǎan 17:6

“Un ɖe we xlɛ́ mɛ e a sɔ́ dó así nú mì ɖo gbɛ ɔ́ mɛ lɛ́ɛ. Towe wɛ yě ko nyí, bɔ a ka sɔ́ yě dó así nú mì, bɔ yě se tónú nú we.

Jǎan 4:34

Jezu ka ɖɔ nú yě ɖɔ: “Nǔɖuɖu ce wɛ nyí ɖɔ ma bló jlǒ mɛ e sɛ́ mì dó ɔ́ tɔn, bó ka wa azɔ̌ e é zɔ́n mì ɔ́ yi kpé.

Mɛsɛ́dó 13:25

Hwenu e Jǎan ka wá ɖo azɔ̌ tɔn ná wa fó wɛ ɔ́, é nɔ ɖɔ jí: ‘Mɛ̌ un ka nyí bɔ mi vɛdó? Nyɛ wɛ nyí mɛ e nɔ te kpɔ́n wɛ mi ɖe ɔ́ ǎ; lo ɔ́, mɛ énɛ́ kpo ɖo gǔdo jǎwe, bɔ un nyí mɛɖé bó sixú ɖe afɔkpa sín afɔ n'i vɔ́vɔ́ ǎ.’

Mɛsɛ́dó 20:24

Amɔ̌, gbɛ nyɛtɔn ɔ́ wɛ nyí nǔɖé nú mì ǎ; éé ɖo tají ɔ́ wɛ nyí ɖɔ má kó sixú dó wezun e ɖo afɔ ce nu ɔ́ yi fó, bó wa azɔ̌ e Aklúnɔ Jezu sɔ́ dó así nú mì ɔ́ yi fó; é wɛ nyí ɖɔ má jlá Wɛn Ɖagbe e ɖɔ xó dó fɛ́nú Mawu tɔn wú é.

Galatinu 2:2

Un yi dɔ̌n ɖó Mawu ɖe xlɛ́ mì ɖɔ un ɖó ná yi. Ée un yi ɔ́, nyɛ kpódó agunnukɔntɔ́ lɛ́ɛ kpó kɛ́ɖɛ́ kplé, bɔ Wɛn Ɖagbe e un jlá mɛ e ma nyí Jwifu ǎ lɛ́ɛ ɔ́, un tínmɛ nú yě, ɖó un jló nú azɔ̌ e un wa ɖ'ayǐ ɔ́, kpódó ée wa wɛ un ɖe din ɔ́ kpó ní nyí nǔ yǎyá ǎ.

Filípunu 1:30

Din ɔ́, nyɛ kpó mi kpó bǐ wɛ ɖo ahwan fun ɖó kpɔ́ wɛ, bɔ ahwan e fun wɛ mi ɖe ɔ́, mi mɔ bɔ un fun ɖ'ayǐ, bó ka lɛ́ kpo ɖo funfun wɛ din, lě e mi se gbɔn é.

1 Timɔtée 1:18

Vǐ ce Timɔtée, un ɖo nǔ élɔ́ zɔ́n we wɛ, bɔ é sɔgbe xá nǔ e Mawu ɖɔ é ná jɛ dó jǐ towe lɛ́ɛ, bɔ è ko ɖɔ nú we ɖ'ayǐ é. Xwedó xó énɛ́ lɛ́ɛ, bó ná dó fun ahwan ɖagbe ɔ́,

1 Timɔtée 6:12

Fun nǔɖiɖi hwan ɖagbe ɔ́. Hɛn gbɛ mavɔ mavɔ ɔ́ wú syɛ́nsyɛ́n, gbɛ mavɔ mavɔ e Mawu ylɔ́ we ná é. Gbɛ mavɔ mavɔ énɛ́ wɛ a ɖe kúnnu ɖagbe ná ɖo gbɛtɔ́ gěgé nukɔn.

1 Timɔtée 6:20

Timɔtée, hɛn nǔ e è sɔ́ dó así nú we ɔ́ syɛ́nsyɛ́n. Nɔ hɔn nú xógbló, xó e ma sɔgbe xá nǔɖiɖi ɔ́ ǎ lɛ́ɛ, bó hɔn nú nǔnywɛ́ ma nyí nǔnywɛ́ e mɛ lɛ́ɛ nɔ ylɔ́ ɖɔ nǔnywɛ́, bó nɔ ɖo nǔ dɔn ɖ'é kɔn wɛ é.

2 Timɔtée 1:14

Yɛsinsɛn e ɖo mǐ mɛ ɔ́ ní d'alɔ we, bónú a nǐ hɛn nǔkplɔ́nmɛ titewungbe e è sɔ́ dó así nú we lɛ́ɛ.

2 Timɔtée 3:10

Amɔ̌ hwɛ ɔ́, a ka tunwun nǔ e un kplɔ́n mɛ ɔ́ bǐ; a tunwun lě e un zán gbɛ ce gbɔn ɔ́ bǐ, bó tunwun linlin ce lɛ́ɛ, bó tunwun nǔɖiɖi e un ɖó ɔ́, bó tunwun suúlu e un ɖó ɔ́ kpódó wǎn yíyí e un ɖó ɔ́ kpán. A tunwun lě e un nɔ syɛ́nlǐn gbɔn é.

Nǔɖexlɛ́mɛ 3:10

Đó xó e un ɖɔ nú we ɖɔ hwi ní ɖó kan dó nǔ wú ɔ́, a hɛn dó ayi mɛ; énɛ́ wútu ɔ́, hwenu e awě e ná wá xo gbɛ ɔ́ bǐ, bó ná tɛ́n mɛ e ɖo ayǐkúngban jí lɛ́ɛ kpɔ́n ɔ́ ná wá ɔ́, nyɛ lɔ ná cyɔ́n alɔ jǐ we.

Nǔɖexlɛ́mɛ 3:8

Un tunwun nǔ e wa wɛ a ɖe ɔ́ bǐ; un tunwun ɖɔ hlɔ̌nhlɔ́n kpɛɖé jɛ́n a ɖǒ; é ka ɖo mɔ̌ có, a blǒ ɖó xó ce jí; a nɔ gbejí nú mì; un hun hɔn ɖé ɖo nukɔn towe bɔ mɛ ɖěbǔ sixú sú ǎ.

Nǔɖexlɛ́mɛ 6:11

È nǎ awu gaga wěwé yě mɛ ɖokpó ɖokpó, bó ɖɔ nú yě ɖɔ yě ní lɛ́ gbɔjɛ́ nú hwenu kpɛɖé, káká jɛ hwenu e azɔ̌gbɛ́ yětɔn kpó nɔví yětɔn e è ɖǒ ná hu yě ɖɔhun lɛ́ɛ kpó ná sɔgbe dó é.

Hwɛɖɔtɔ́ 3:2

É jló ɖɔ Izlayɛ́linu e ji gbɔn gǔdo wɛ è ɖe bɔ yě má kó fun ahwan kpɔ́n ǎ lɛ́ɛ ní kplɔ́n ahwanfunfun.