2 Timɔtée 4:5 - MAWUXÓWÉMA

⁵ Amɔ̌ hwɛ ɔ́, nɔ wa nǔ bǐ dó jlɛ̌ jí; dɛ ɖo yajiji nu; wa Wɛn Ɖagbejlátɔ́ sín azɔ̌, bó wa mɛsɛntɔ́ Mawu tɔn sín azɔ̌ towe ganjí.

2 Timɔtée 4:5 Iomraidhean Croise

Ezayíi 62:6

Jeluzalɛ́mu, un ɖó mɛ ahohó towe ta; yě ná xwɛ zǎn mɛ ǎ, yě ká ná xwɛ kéze ǎ. Un ɖɔ nú yě ɖɔ: “Mi mɛ e nɔ flín Jeluzalɛ́mu Mawu Mavɔmavɔ lɛ́ɛ ɔ́, mi ma gbɔjɛ́ ó.

Jelemíi 6:17

Un ɖó tɛnmɛ nú mɛ e ná kpɔ́n ali nú mi lɛ́ɛ: Mi bo ɖo tó ɖó lanzo yětɔn wɛ. Lo ɔ́, mi ɖɔ: ‘Mǐ nǎ ɖótó ǎ.’

Ezekiyɛ́li 3:17

“Hwɛ gbɛtɔ́ ɔ́, un ná sɔ́ we mɛcɔ́tɔ́ Izlayɛ́li ví lɛ́ɛ tɔn. A nǎ nɔ́ se xó ɖo nu ce, bó ná nɔ́ ɖɔ nú yě, bónú yě ná tunwun nǔ e ɖo nǎ jɛ wɛ ɔ́.

Ezekiyɛ́li 33:2

“Hwɛ gbɛtɔ́ e, nú un sɛ́ ahwan dó to ɖé mɛ ɔ́, nǔ e nɔ jɛ lɛ́ɛ ɔ́, flín Izlayɛ́li ví lɛ́ɛ. To ɔ́ mɛ ví lɛ́ɛ nɔ́ kpɔ́n yěɖée mɛ, bó nɔ́ ɖe súnnu ɖokpó, bɔ é nɔ́ nyí mɛcɔ́tɔ́.

Ezekiyɛ́li 33:7

“Hwɛ gbɛtɔ́ e, hwi wɛ un sɔ́ mɛcɔ́tɔ́ ɖó Izlayɛ́li ví lɛ́ɛ nu, bónú yě ɖo nǔ nyanya ɖé mɛ ná jɛ wɛ ɔ́, a nǎ nɔ́ ɖɔ nú yě. A nǎ nɔ́ ɖótó mì, bɔ nú un dó wɛn ɖé we ɔ́, a nǎ nɔ́ dó yě.

Matíe 25:16

Ée nya ɔ́ ɖidó tlóló ɔ́, mɛ nukɔntɔn e yí sikágankwɛ́ ɖaxó atɔ́ɔ́n ɔ́ sɔ́ akwɛ́ ɔ́ dó jɛ ajɔ wa ná jí. Ée é wa ajɔ ɔ́ káká ɔ́, é mɔ sikágankwɛ́ ɖaxó atɔ́ɔ́n ɖěvo d'é jí.

Maki 13:34

È hɛn ɔ́, è nǎ jlɛ́ dó dǎwe e xwe tomɛ, bó sɔ́ xwé tɔn dó alɔ mɛ nú mɛsɛntɔ́ tɔn lɛ́ɛ ɔ́ wú; é má azɔ̌ yětɔn yětɔn nú yě, bo ka zɔ́n hɔnjínɔtɔ́ ɔ́ ɖɔ é ní nɔ wunzɛn.

Maki 13:37

Nǔ e ɖɔ nú mi wɛ un ɖe ɔ́, mɛ bǐ ɖɔ ná wɛ un ɖe; mi bo nɔ acéjí.”

Luki 12:37

Nǔ nyɔ́ nú mɛsɛntɔ́ énɛ́ lɛ́ɛ e gǎn yětɔn ná wá mɔ ɖo wunzɛn lɛ́ɛ é. Má ɖɔ nǔgbó nú mi: gǎn yětɔn ná sɔ́ gǒjíblánú sin, bó ná sɔ́ yě jínjɔ́n ayǐ nú yě ná ɖu nǔ, bɔ é ɖésú ná gbɔn yě ɖokpó ɖokpó jí, lobo ná sɛn ká nú yě.

Mɛsɛ́dó 21:8

Ayǐhɔ́ngbe tɔn ɔ́, mǐ yi Sezalée, bó jɛ Filípu Wɛn Ɖagbejlátɔ́ ɔ́ xwé, bó nɔ fínɛ́. Filípu énɛ́ ɖo mɛ tɛ́nwe e è cyán ɖo Jeluzalɛ́mu lɛ́ɛ mɛ.

Hlɔ̌manu 15:19

gbɔn nǔjíjlɛ́ lɛ́ɛ kpódó nǔdábaɖa lɛ́ɛ kpó sín hlɔ̌nhlɔ́n mɛ; gbɔn Yɛsinsɛn sín hlɔ̌nhlɔ́n mɛ. Lě e un gbɔn fí bǐ bɛ́ sín Jeluzalɛ́mu káká yi Ililíi gbé jí, bó jlá Wɛn Ɖagbe e ɖɔ xó dó Klísu wú ɔ́ kpíkpé tɔn gbɔn é nɛ́.

Efɛ́zinu 4:11

É wɛ ná nǔníná vovo gbɛtɔ́ lɛ́ɛ. É ná, bɔ mɛɖé lɛ́ɛ nyí mɛsɛ́dó, bɔ mɛɖé lɛ́ɛ nyí gbeyíɖɔ Mawu tɔn, mɛɖé lɛ́ɛ nyí Mawuxójlátɔ́, bɔ mɛɖé lɛ́ɛ nyí nukɔntɔ́, bó nyí nǔkplɔ́nmɛtɔ́.

Efɛ́zinu 4:12

É bló mɔ̌, bó ná bló mɛɖeɖóvo Mawu tɔn lɛ́ɛ ɖó, bɔ yě ná sixú wa azɔ̌ e nyí klísusɛntɔ́ tɔn é; é ná bló bɔ agun e nyí agbaza Klísu tɔn ɔ́ ná yi nukɔn ɖo nǔɖiɖi mɛ,

Kolósinu 1:25

Un húzú mɛsɛntɔ́ nú agun Klísu tɔn, bɔ é sɔgbe xá azɔ̌ e Mawu sɔ́ dó así nú mì, ɖɔ ma wa nú mi é: azɔ̌ e é sɔ́ dó así nú mì ɔ́ wɛ nyí ɖɔ ma jlá xó tɔn fó.

Kolósinu 4:17

Mi ɖɔ nú Aacípu ɖɔ é ní kpé nukún dó azɔ̌ e Aklúnɔ zɔ́n ɛ ɔ́ wú bó wa ganjí.

1 Tɛsalonikinu 5:6

Ényí mɔ̌ hǔn, mǐ ɖó ná dɔ́ amlɔ mɛ ɖě lɛ́ɛ ɖɔhun ǎ; lo ɔ́, mǐ ɖó ná nɔ wunzɛn; ayi mǐtɔn ní ɖo te.

1 Timɔtée 4:12

Ma lɔn nú mɛɖé mɔ yɔkpɔ́vú towe, bó ɖó hwɛ nú we ó. Lo ɔ́, nyǐ kpɔ́ndéwú nú nǔɖitɔ́ lɛ́ɛ, bó nyí kpɔ́ndéwú ɖo xóɖiɖɔ mɛ, bó nyí kpɔ́ndéwú ɖo zǐnzán kpó wǎn yíyí kpó mɛ, bó nyí kpɔ́ndéwú ɖo nǔɖiɖi kpó gbɛ mímɛ́ e a nɔ zán ɔ́ kpó mɛ.

1 Timɔtée 4:15

Kpé nukún dó nǔ énɛ́ lɛ́ɛ wú, lobo sɔ́ hwiɖée bǐ jó nú nǔ énɛ́ lɛ́ɛ, bónú mɛ bǐ ná mɔ nǔ jɛ nukɔn yiyi towe wú.

2 Timɔtée 1:8

Hǔn kúnnu ɖe nú Aklúnɔ mǐtɔn ní má nɔ́ hu winnyá nú we ó. Winnyá ní ma ka lɛ́ hu we dó nyɛ mɛ e nyí gantɔ́ ɖó Klísu tamɛ é wú ó; é nyɔ́ wa ɔ́, ji ya e nyí towe ɔ́ dó Wɛn Ɖagbe ɔ́ tamɛ lě e Mawu ná hlɔ̌nhlɔ́n tɔn we gbɔn é.

2 Timɔtée 2:10

Énɛ́ wú wɛ un nɔ dɛ ɖo nǔ bǐ nu, ɖó mɛ e Mawu cyán lɛ́ɛ wú, bónú yě lɔ ná sixú mɔ hwlɛngán e ɖo Klísu Jezu mɛ ɔ́ kpódó susu maɖókpodó kpó yí.

2 Timɔtée 2:3

Ji ya e nyí towe ɔ́ ahwanfuntɔ́ ɖagbe Klísu Jezu tɔn ɖɔhun.

2 Timɔtée 4:17

Aklúnɔ ka nɔ gǔdo ce, bó ná hlɔ̌nhlɔ́n mì, bɔ un jlá wɛn Mawu tɔn ɔ́ ganjí, bónú mɛ e ma nyí Jwifu ǎ lɛ́ɛ bǐ ná se. Aklúnɔ hwlɛ́n mì sín kinnikínní nu mɛ.

Eblée 13:17

Mi se tónú nú agunnukɔntɔ́ mitɔn lɛ́ɛ, bó hwíhwɛ́ miɖée ɖo glɔ́ yětɔn; yě nɔ ɖo nukún kpé dó mi wú wɛ hwebǐnu, ɖó yě ɖó ná ɖó azɔ̌ e yě wa ɔ́ sín gbe nú Mawu. Ényí mi se tónú nú yě ɔ́, yě ná wa azɔ̌ yětɔn kpódó xomɛhunhun kpó; ényí mi ma ka se tónú nú yě ǎ ɔ́, yě ná wa azɔ̌ yětɔn wǔɖéwúɖé; énɛ́ ɔ́, mi ka sɔ́ ná mɔ le ɖěbǔ ɖ'é mɛ ǎ.

1 Piyɛ́ɛ 1:13

Énɛ́ ɔ́ wú ɔ́, ayi mitɔn ní nɔ gbesisɔ mɛ, bó ná wa nǔ. Mi nɔ acéjí, bó zé nukúnɖíɖó mitɔn bǐ ɖó nǔníná e Mawu ná ná mi hwenu e Jezu Klísu ná ɖe éɖée xlɛ́ ɔ́ jí.

Nǔɖexlɛ́mɛ 3:2

Fɔ́n, bó dó wǔsyɛ́n lanmɛ nú nǔ e lɛ́ kpo ɖo así towe é, bónú é ma kú bǐ gbídígbídí ó, ɖó un mɔ ɖɔ azɔ̌ e a wa lɛ́ɛ kún nyí azɔ̌ e nyɔ́ bɔ nǔ vɔ ɖ'é wú ɖo Mawu ce nukɔn ɔ́ ó.