2 Timɔtée 4:3 - MAWUXÓWÉMA

³ Đó hweɖénu ná wá su, bɔ nǔkplɔ́nmɛ titewungbe ɔ́ sɔ́ ná nyɔ́ se nú gbɛtɔ́ lɛ́ɛ ǎ; lo ɔ́, yě ná xwedó jlǒ yě ɖésúnɔ tɔn, bó ná kplé nǔkplɔ́nmɛtɔ́ wɔ̌buwɔ́bú ɖé lɛ́ɛ nú yěɖée, bɔ yě ná nɔ́ ɖɔ nǔ e nyɔ́ se nú yě lɛ́ɛ nú yě.

2 Timɔtée 4:3 Iomraidhean Croise

1 Axɔ́sú 18:22

Bɔ Elíi lɛ́ yí xó bó ɖɔ: “Nyɛ ɖokpónɔ géé wɛ nyí gbeyíɖɔ Mawu Mavɔmavɔ tɔn e kpo ɔ́, bɔ vodún Baalu sín hunnɔ lɛ́ɛ ká nyí afɔwe kanɖé wǒ (450).

1 Axɔ́sú 22:18

Énɛ́ ɔ́, axɔ́sú Izlayɛ́li tɔn ɔ́ ɖɔ nú Jozafáti ɖɔ: “Un ma ɖɔ mɔ̌ nú we a? É nɔ mɔ nǔ ɖagbe ɖé bó nɔ ɖɔ nú mì gbeɖé ǎ; xó nyanya kɛ́ɖɛ́ jɛ́n é nɔ mɔ bó nɔ́ ɖɔ nú mì.”

1 Axɔ́sú 22:8

Axɔ́sú Izlayɛ́li tɔn ɔ́ ká yí gbe n'i ɖɔ: “Nya ɖokpó jɛ́n ɖo fí, bɔ mǐ sixú kan nǔ byɔ́ Mawu Mavɔmavɔ gbɔn jǐ tɔn. Un ka gbɛ́ wǎn n'i, ɖó é nɔ mɔ nǔ ɖagbe ɖé ɖɔ nú mì ǎ. Nǔ nyanya kɛ́ɖɛ́ jɛ́n é nɔ mɔ bó nɔ́ ɖɔ nú mì. Micée Yimula ví ɔ́ wɛ.” Ée é ɖɔ mɔ̌, Jozafáti ɖɔ n'i ɖɔ: “Sɛ́mɛɖó, ma ɖɔ mɔ̌ ó!”

Tíntɔ́n 32:33

Lo ɔ́, Mawu Mavɔmavɔ ɖɔ nú Mɔyízi ɖɔ: “Mɛ e hu hwɛ dó mì ɔ́ sín nyǐkɔ jɛ́n un ná súnsún sín wěma ce mɛ.

Ezayíi 28:12

Mawu ko ɖɔ nú togun tɔn ɖɔ: “Mi ná mɔ agbɔ̌n ɖo fí; mi jó mɛ e nǔ cikɔ ná lɛ́ɛ dó nú yě gbɔjɛ́ ɖo fí. Fí e è nɔ gbɔjɛ́ ɖe ɔ́ ɖíe.” Yě ká jló ná se ǎ.

Ezayíi 30:10

Yě nɔ́ ɖɔ nú nǔmɔtɔ́ lɛ́ɛ ɖɔ: “Nǔ yǎyá wɛ nyí nǔ e mɔ wɛ mi ɖe lɛ́ɛ.” Yě nɔ́ ɖɔ nú gbeyíɖɔ lɛ́ɛ ɖɔ: “Mǐ ba ɖɔ mi ní ɖɔ xó nǔgbó nú mǐ ǎ. Mi ɖɔ xó víví nú mǐ, abǐ mi ba adlǔ ɖé bó dó nú mǐ, énɛ́ nyɔ́ hú.

Jelemíi 18:18

Énɛ́ ɔ́ gúdo ɔ́, mɛ ɖé lɛ́ɛ nɔ ɖɔ ɖo yěɖée tɛ́ntin ɖɔ: “Mi wá mǐ blá Jelemíi gbé. Vɔ̌sánú-xwlémawutɔ́ e ná kplɔ́n sɛ́n ɔ́ mǐ ɔ́ hán ǎ. Nǔnywɛ́tɔ́ e ná kplɔ́n nǔ mǐ ɔ́ hán ǎ. Gbeyíɖɔ e ná ɖɔ Mawuxó nú mǐ ɔ́ hán ǎ. Mi wá mǐ ní kpa xó ɖɔ dó nu tɔn, dó ba xó e. Mǐ nǎ ké ya nú xó e wlí ɖɔ wɛ é nɔ́ ɖe lɛ́ɛ ǎ.”

Jelemíi 27:9

“Din ɔ́, midɛɛ lɛ́ɛ ɔ́, mi ma ɖótó gbeyíɖɔ mitɔn lɛ́ɛ ó, mi ma ɖótó bokɔ́nɔ mitɔn lɛ́ɛ ó, mi ma ɖótó mɛ e nɔ tín dlɔ̌ mɛ nú mi lɛ́ɛ ó, mi ma ɖótó bokantɔ́ mitɔn lɛ́ɛ ó, mi ma ɖótó majíkiblótɔ́ mitɔn lɛ́ɛ ɖěbǔ ó. Yě mɛ énɛ́ lɛ́ɛ bǐ wɛ nɔ ɖɔ mi kún ɖo Babilɔ́nu xɔ́sú ɔ́ sín acɛ mɛ ná nɔ́ wɛ ó.

Jelemíi 29:8

“Xó e Mawu Mavɔmavɔ Nǔbǐwúkpétɔ́, Mawu Izlayɛ́li tɔn ɖɔ ɔ́ ɖíe: ‘Mi ma lɔn nú gbeyíɖɔ e ɖo tɛ́ntin mitɔn lɛ́ɛ blɛ́ mi ó; amɔɛkantɔ́ lɛ́ɛ lɔ ma blɛ́ mi ó. Mi ma ɖótó mɛ e nɔ tín dlɔ̌ mɛ nú mi lɛ́ɛ ó.

Jelemíi 5:31

Gbeyíɖɔ lɛ́ɛ nɔ ɖó adingban, vɔ̌sánú-xwlémawutɔ́ lɛ́ɛ ɔ́, ɖuɖu jɛ́n yě nɔ́ ba ɖo nǔ bǐ mɛ. Bɔ nǔ énɛ́ lɛ́ɛ ká nyɔ́ togun ce nukún mɛ. Mi ka zán gbɛ mɔ̌ káká yi fó ɔ́, nɛ̌ mi ná wa nǔ gbɔn?”

Micée 2:11

Ényí mɛɖé wá xwetɔ́n, bó ɖo xó ɖɔ dó jɔhɔn mɛ wɛ, bó ɖó adingban nú mi ɖɔ vɛ̌ɛn kpó ahan syɛ́nsyɛ́n kpó ná sa ɖo to élɔ́ mɛ ɔ́, xówlíɖɔtɔ́ mɔ̌hunkɔtɔn wɛ jɛ xá togun élɔ́.

Luki 20:19

Gan énɛ́ mɛ ɖokpó ɔ́, vɔ̌sánú-xwlémawutɔ́gán lɛ́ɛ kpódó sɛ́nkplɔ́nmɛtɔ́ lɛ́ɛ kpán ɖo lě e yě ná wa gbɔn, bɔ alɔ ná jɛ Jezu wú ɔ́ ba wɛ, ɖó yě tunwun ɖɔ émí nyi mǎ wɛ é ɖe; lo ɔ́, yě ɖo xɛsi ɖi nú togun ɔ́ wɛ.

Luki 6:26

Heelú mi hwenu e gbɛtɔ́ lɛ́ɛ bǐ ɖo nǔ mitɔn ɖagbe ɖɔ wɛ é, ɖó mɔ̌ wɛ tɔ́gbó yětɔn lɛ́ɛ ko bló gbɔn nú mɛ e nɔ ylɔ́ yěɖée ɖɔ gbeyíɖɔ Mawu tɔn lɛ́ɛ é nɛ́!”

Jǎan 8:45

Amɔ̌, nyɛ ɔ́, nǔgbó wɛ un nɔ ɖɔ; énɛ́ ɔ́ wú wɛ mi ma nɔ ɖi nǔ nú mì ǎ.

Mɛsɛ́dó 17:21

(Lo ɔ́, Atɛ́ninu lɛ́ɛ bǐ kpódó jǒnɔ e ɖo yě mɛ lɛ́ɛ kpán ɔ́, yě sɔ́ nɔ́ sɔ́ hwenu yětɔn dó wa nǔɖé ná zɛ yě ná ɖɔ xó yɔ̌yɔ́ e tíin lɛ́ɛ, abǐ yě ná ɖótó xó yɔ̌yɔ́ e tíin lɛ́ɛ wú ǎ.)

1 Kɔlɛ́ntinu 2:1

Nɔví lɛ́ɛ mi, hwenu e un wá mi gɔ́n bó ná ɖɔ nǔbúdo Mawu tɔn ɔ́ sín xó nú mi ɔ́, un zán xógbe gɛ́dɛ́gɛ́dɛ́, abǐ nǔnywɛ́ xwítíxwítí ɖé dó ɖɔ xó nú mi ǎ.

1 Kɔlɛ́ntinu 2:4

É nyí nǔnywɛ́ gbɛtɔ́ tɔn sín xó víví lɛ́ɛ wɛ un sɔ́ dó kplɔ́n nǔ mɛ ǎ, é ka nyí é wɛ un dó ɖɔ Mawuxó ɔ́ ná ǎ; lo ɔ́, Yɛ Mawu tɔn sín hlɔ̌nhlɔ́n sín nǔwiwa wɛ.

Galatinu 4:16

Din ɔ́, kɛntɔ́ mitɔn wɛ un húzú ɖó nǔgbó e un ɖɔ nú mi ɔ́ wú a?

1 Timɔtée 1:10

Nǔblíblíwatɔ́ lɛ́ɛ, súnnu e nɔ ɖó xó xá súnnu gbɛ̌ yětɔn lɛ́ɛ é, nyɔ̌nu e nɔ ɖó xó xá nyɔ̌nu gbɛ̌ yětɔn lɛ́ɛ é, kannumɔjɔ́watɔ́ lɛ́ɛ, adingbannɔ lɛ́ɛ, mɛ e nɔ xwlé nǔ dó nǔvú jí lɛ́ɛ, kpódó mɛ e nɔ wa nǔ e ma sɔgbe xá nǔkplɔ́nmɛ titewungbe ɔ́ ǎ lɛ́ɛ bǐ kpó.

2 Timɔtée 1:13

Đó nǔɖiɖi kpódó wǎn yíyí e mǐ ɖó ɖo bǔ e mǐ ɖe xá Klísu Jezu ɔ́ kpán mɛ é wú ɔ́, hɛn xó jɔ xó e a se ɖo nu ce lɛ́ɛ é, bónú yě ní nyí kpɔ́ndéwú nú we.

Judi 1:18

Nǔgbó ɔ́, yě ɖɔ nú mi ɖɔ: “Azǎn gǔdo gúdo tɔn lɛ́ɛ mɛ ɔ́, mɛɖé lɛ́ɛ ná tíin, bó ná nɔ ɖɔ slǎmɛ mi wú, bó ná zán gbɛ yětɔn lě e jlǒ nyanya yětɔn lɛ́ɛ zɔ́n yě gbɔn é.”