2 Timɔtée 4:2 - MAWUXÓWÉMA

² Jlǎ Mawuxó; nɔ tɛ ɖɛ̌ jí, bó nɔ ɖɔ hwebǐnu; hwe ɔ́ nu nyɔ́ kpó é ma nyɔ́ kpó ɔ́, a nǎ nɔ́ jlá; a nǎ nɔ́ sɔ́ xomɛfífá dó kɛ nu dó nǔ wú nú mɛ, dó gbɛ́ nǔ nú mɛ, bó dó ná akɔ́nkpinkpan mɛ ɖo nǔkplɔ́nmɛ towe lɛ́ɛ mɛ.

2 Timɔtée 4:2 Iomraidhean Croise

Ɖɛhan 40:9

Mawu ce, jlǒ towe wiwa nɔ́ víví nú mì, sɛ́n towe ɖo ayi ce mɛ ganjí.

Jonási 3:2

“Yi toxo ɖaxó Ninívu ɔ́ mɛ din tlóló, bó ɖɔ xó e un ɖɔ nú we ɔ́ nú yě.”

Luki 7:23

Nǔ nyɔ́ nú mɛ e sín nǔɖiɖi ma ná jɛ ayǐ ɖó nyɛ wútu ǎ lɛ́ɛ.”

Luki 7:4

Ée yě wá Jezu gɔ́n ɔ́, yě sa vo n'i ɖaxó ɖɔ jí: “É jɛ xá ɖɔ a nǐ ná ɛ nǔ e byɔ́ wɛ é ɖe ɔ́,

Luki 9:60

Jezu ka yí gbe n'i ɖɔ: “Jǒ mɛkúkú lɛ́ɛ dó nú yě ní ɖi cyɔ yětɔn lɛ́ɛ. Amɔ̌, hwɛ yi jlá Wɛn Ɖagbe e ɖɔ xó dó axɔ́súɖuɖu Mawu tɔn wú é.”

Mɛsɛ́dó 13:5

Đěe yě jɛ to e è nɔ ylɔ́ ɖɔ Salamínu ɔ́ mɛ ɔ́, yě yi kplɔ́ngbasá Jwifu lɛ́ɛ tɔn, bó jɛ Mawuxó jlá jí, bɔ Jǎan-Maki ɖo yě gɔ́n, bó ná dó alɔ yě.

Mɛsɛ́dó 16:13

Gbɔjɛzán gbe Jwifu lɛ́ɛ tɔn ɔ́, mǐ tɔ́n sín toxo ɔ́ mɛ, bó yi tɔ tó, bó vɛdó ɖɔ mǐ ná mɔ Jwifu lɛ́ɛ sín ɖɛxotɛn ɖé ɖo fínɛ́ wɛ sín. Mǐ jínjɔ́n ayǐ, bó ɖɔ xó xá nyɔ̌nu e kplé ɖo fínɛ́ lɛ́ɛ.

Mɛsɛ́dó 20:7

Azǎn nukɔntɔn e ɖo aklúnɔzángbla mɛ ɔ́, gbadanu tɔn ɔ́, mǐ kó kplé bó ná ɖu kɔnɖókpɔ́ nǔɖuɖu ɔ́; Pɔ́lu ka ɖó ná yi ayǐhɔ́ngbe tɔn zǎnzǎn; é ka ɖo xó ɖɔ xá yě mɛ e ɖi nǔ nú Jezu lɛ́ɛ wɛ káká bɔ zǎn vlɔ́ ɖó we.

Mɛsɛ́dó 28:16

Ée mǐ jɛ Hlɔ̌ma ɔ́, è nǎ gbe Pɔ́lu ɖɔ ní yi nɔ vo; è ka ɖó sɔ́ja ɖokpó n'i, bɔ é ná nɔ cɔ́ ɛ.

Hlɔ̌manu 10:15

Ényí è ma sɛ́ mɛ dó xó tɔn jlá gbé ǎ ɔ́, nɛ̌ è ka ná mɔ Wɛn Ɖagbejlátɔ́ gbɔn? Lě e Mawuxówéma ɔ́ ɖɔ gbɔn ɔ́ ɖíe: “È mɔ Wɛn Ɖagbejlátɔ́ lɛ́ɛ jǎwe ɔ́, é nɔ nyɔ́ kpɔ́n mɛ.”

Hlɔ̌manu 12:12

Nǔ e ɖó nukún wɛ mi ɖe ɔ́ ní dó xomɛhunhun nú mi. Mi nɔ ɖó sɔxwixwe ɖo wǔvɛ́ e mɔ wɛ mi ɖe lɛ́ɛ mɛ. Mi nɔ ɖó kan dó ɖɛxixo wú.

Galatinu 6:6

Mɛ e kplɔ́n Mawuxó ɔ́ wɛ è ɖe ɔ́ ɖó ná má nǔ ɖagbe e ɖo así tɔn lɛ́ɛ bǐ xá mɛ e ɖo Mawuxó ɔ́ kplɔ́n ɛ wɛ é.

Kolósinu 1:25

Un húzú mɛsɛntɔ́ nú agun Klísu tɔn, bɔ é sɔgbe xá azɔ̌ e Mawu sɔ́ dó así nú mì, ɖɔ ma wa nú mi é: azɔ̌ e é sɔ́ dó así nú mì ɔ́ wɛ nyí ɖɔ ma jlá xó tɔn fó.

Kolósinu 4:3

Nú mi ka ɖo ɖɛ xo wɛ hǔn, mi nɔ xo ɖɛ dó mǐ lɔmɔ̌ tamɛ, bónú Mawu ní hun ali ɖagbe nú mǐ, nú mǐ ná jlá xó tɔn, bó ná ɖɔ nǔbúdo Klísu tɔn sín xó nú mɛ lɛ́ɛ. Nǔgbó ɔ́, nǔbúdo énɛ́ wútu wɛ un ɖo gankpá mɛ din.

1 Tɛsalonikinu 1:6

Lě e mǐ wa nǔ gbɔn ɔ́ kpódó lě e Aklúnɔ wa nǔ gbɔn ɔ́ kpán wɛ mi xwedó, dó wa nǔ, ɖó mi mɔ wǔvɛ́ ɖésú, có mi ka yí Mawuxó ɔ́ kpódó xomɛhunhun e Yɛsinsɛn nɔ ná mɛ é kpó.

1 Tɛsalonikinu 5:14

Nɔví lɛ́ɛ mi, mǐ lɛ́ ɖo byɔ̌byɔ́ mi wɛ ɖɔ mi nɔ gbɛ́ nǔ nú fɔnlínnɔ lɛ́ɛ; mi nɔ ná akɔ́nkpinkpan mɛ e ma nɔ gba wǔ dó mɛ mɛ ǎ lɛ́ɛ; mi ní nɔ gɔ́ alɔ nú mɛ e ma ɖó gǎn ǎ lɛ́ɛ; mi nɔ ɖó suúlu dó mɛ bǐ wú.

1 Tɛsalonikinu 5:20

Mi ma gbɛ́ wǎn nú wɛn e Mawu sɔ́ dó ayi mɛ nú mɛɖé ɖɔ ní dó mi ɔ́ ó.

1 Timɔtée 4:13

Cóbónú un ná wá hǔn, ɖǒ kan dó Mawuxó xixa ɖo agun mɛ , kpódó Mawuxó ɖiɖɔ kpó wú, bó lɛ́ ɖó kan dó nǔkplɔ́nmɛ wú.

1 Timɔtée 5:20

Ényí mɛɖé tíin bó fɔ́n ɔ́, é nɔ ɖo hwɛ hu wɛ hǔn, gbɛ̌ n'i ɖo agbawungba, bónú mɛ e kpo lɛ́ɛ ná ɖi xɛsi.

2 Timɔtée 2:21

Ényí mɛɖé sixú ɖe nǔ nyanya e xó un ɖɔ ɔ́ sín gbɛzán tɔn mɛ ɔ́, nǔjɔnǔ wɛ è nǎ nɔ sɔ́ ɛ dó bló ná ɖó é ɖo gǎn tɔn sín acɛ mɛ bǐ sésé, bó jɛ alɔ n'i, bó ɖo gbesisɔ mɛ, bɔ é ná sɔ́ ɛ dó wa nǔ ɖagbe bǐ ná.

2 Timɔtée 2:25

É ɖó ná nɔ sɔ́ xomɛ fífá dó kplɔ́n nǔ mɛ e ma ɖo xó ɖokpó ɔ́ ɖɔ xá ɛ wɛ ǎ lɛ́ɛ; afɔ nyɔ́ ɔ́, Mawu ná bló bɔ yě ná lɛ́ kɔ sín hwɛ yětɔn lɛ́ɛ gúdo, bó ná mɔ nukúnnú jɛ nǔgbó ɔ́ wú.

2 Timɔtée 3:10

Amɔ̌ hwɛ ɔ́, a ka tunwun nǔ e un kplɔ́n mɛ ɔ́ bǐ; a tunwun lě e un zán gbɛ ce gbɔn ɔ́ bǐ, bó tunwun linlin ce lɛ́ɛ, bó tunwun nǔɖiɖi e un ɖó ɔ́, bó tunwun suúlu e un ɖó ɔ́ kpódó wǎn yíyí e un ɖó ɔ́ kpán. A tunwun lě e un nɔ syɛ́nlǐn gbɔn é.

Titu 1:13

Nǔ énɛ́ e gbeyíɖɔ ɔ́ ɖɔ dó yě wú ɔ́, nǔgbó ka wɛ; énɛ́ wú ɔ́, gbɛ̌ nǔ nú yě syɛ́nsyɛ́n, bónú yě ní ɖó nǔɖiɖi e sɔgbe é,

Titu 2:15

Nǔ e a nǎ zé acɛkpikpa towe bǐ dó kplɔ́n mɛ e ɖo tó ɖó we wɛ lɛ́ɛ ná ɔ́ nɛ́, bó ná nɔ́ sɔ́ dó ná akɔ́nkpinkpan yě, abǐ bó ná nɔ́ dó gbɛ́ nǔ nú yě. Ma ka lɔn nú mɛɖé hu tɛ́ nú we ó.

Eblée 13:22

Nɔví lɛ́ɛ mi, un ɖo byɔ̌byɔ́ mi wɛ ɖɔ mi ní ɖó sɔxwixwe, bó ɖótó akɔ́nkpinkpan sín xó e un ɖɔ sɛ́ dó mi lɛ́ɛ é; ɖó wěma élɔ́ e un wlán sɛ́ dó mi ɔ́ ɖi ga dín ǎ.

Nǔɖexlɛ́mɛ 3:19

Mɛ e un yí wǎn ná lɛ́ɛ ɔ́, un nɔ gbɛ́ nǔ nú yě bǐ, bó nɔ kplɔ́n nǔ yě bǐ. Hǔn, bo ɖe bǐbí dó nǔ wú towe xlɛ́, bó lɛ́ kɔ sín hwɛ towe lɛ́ɛ gúdo.