2 Timɔtée 4:18 - MAWUXÓWÉMA

¹⁸ Aklúnɔ ná ɖe mì sín nǔ nyanya bǐ mɛ; é ná hwlɛ́n mì, bó ná kplá mì byɔ́ axɔ́súɖuɖu tɔn mɛ ɖo sɛ́xwé wǔyɛ́yɛ́ afɔyɛ́yɛ́. È ní kpa susu n'i káká sɔ́yi. Amǐ.

2 Timɔtée 4:18 Iomraidhean Croise

Bǐbɛ́mɛ 48:16

wɛnsagun Mawu tɔn e hwlɛ́n mì sín nǔ nyanya lɛ́ɛ bǐ mɛ ɔ́, ní xo ɖɛ dó nyaví élɔ́ lɛ́ɛ jí. Nyǐkɔ ce kpó tɔ́gbó ce Ablaxámu tɔn kpó Izáki tɔn kpó ní nɔ yě wú. Yě ní ji; yě ní gba kún ɖo ayǐkúngban jí.”

1 Tan 4:10

Yaebɛ́si sú xó ylɔ́ Mawu Izlayɛ́li tɔn ɔ́ bó ɖɔ: “Mawu Izlayɛ́li tɔn, kɔn nyɔ̌ná towe dó jǐ ce, dǒ dɔkun dɔkun jí nú mì. Dlɛ̌n mɛhwlɛ́ngántɔ́lɔ towe dó jǐ ce, bó sɛ nǔ nyanya kpó yajiji kpó dó zɔ nú mì.” Mawu ká ná ɛ nǔ e é byɔ́ ɛ lɛ́ɛ é.

Ɖɛhan 121:7

Mawu Mavɔmavɔ ná hɛn we; nǔ ɖěbǔ ná wa we ǎ. É ná hɛn gbɛ towe.

Ɖɛhan 37:28

Đó Mawu Mavɔmavɔ yí wǎn nú nǔ wa ɖó sɛ́nxwi jí; é nɔ́ jó mɛ e nyí étɔn lɛ́ɛ dó ǎ. É nɔ́ ɖo nukún kpé dó yě wú wɛ tɛgbɛ. Lo ɔ́, Mawu Mavɔmavɔ ná sú mɛdídá lɛ́ɛ sín kún dó bǐ gbídígbídí.

Ɖɛhan 73:24

Nǔ e a nɔ kplɔ́n mì lɛ́ɛ nɔ́ xlɛ́ ali mì; a nɔ bló mɔ̌, bó ná yí mì dó susu towe mɛ.

Ɖɛhan 92:10

Kɛntɔ́ towe lɛ́ɛ ɔ́, mɛ e nyí kɛntɔ́ towe lɛ́ɛ ɔ́, yě bǐ wɛ nɔ́ sú kún dó, bɔ mɛ e nɔ dó nǔ nyanya sin lɛ́ɛ ɔ́, è nɔ gba yě bǐ dó.

Nǔnywɛ́xó 14:32

Kpo e mɛdídá nyi é jɛ́n nɔ́ wa jɛ ta tɔn. Hwɛjijɔnɔ na bo ka ɖo kú nukɔn ɔ́, é nɔ́ ɖeji.

Matíe 13:43

Hwenɛ́nu ɔ́, Mawu ná sɔ́ hwɛjijɔnɔ lɛ́ɛ su, bó ná zé yě dó húzú nǔɖaxó ná ɖo axɔ́súɖuto tɔn mɛ. Mɛ e ɖó tó bó ná dó se nǔ ná ɔ́ ní ɖótó bó se.”

Matíe 25:34

bɔ nyɛ axɔ́sú ɔ́ ná ɖɔ nú mɛ e ɖo ɖisí ce xwé lɛ́ɛ ɖɔ: ‘Mi wá, mi mɛ e jí Tɔ́ ce ko xo ɖɛ ɖagbe dó lɛ́ɛ. Mi wá yí axɔ́súɖuɖu Mawu tɔn sín nǔ ɖagbe e è ko sɔ́ ɖ'ayǐ nú mi sín hwenu e Mawu ko ɖó gbɛ ɔ́ ɖokpóó é.

Matíe 6:13

Ma lɔn nú mǐ ní jɛ tɛ́nkpɔ́n mɛ ó, lo ɔ́, hwlɛ̌n mǐ gán ɖo awǒvi sí.’ [Ɖó towe wɛ nyí axɔ́súɖuɖu, hlɔ̌nhlɔ́n, kpódó susu kpó, káká sɔ́yi mavɔ mavɔ! Amǐ.]

Luki 11:4

sɔ́ hwɛ mǐtɔn lɛ́ɛ kɛ mǐ, ɖó mǐ lɔ nɔ sɔ́ hwɛ kɛ mɛ e nɔ jɛ agɔ dó mǐ lɛ́ɛ bǐ; ma lɔn nú mǐ ní jɛ tɛ́nkpɔ́n mɛ ó.’ ”

Luki 12:32

“Lɛ̌ngbɔ́hwan kpɛví, ma ɖi xɛsi ó, ɖó Tɔ́ mitɔn jló ɖɔ mi ní ɖu axɔ́sú xá émí.

Luki 22:29

Énɛ́ wú ɔ́, nyɛ ɔ́, un sɔ́ axɔ́súɖuto ɔ́ ɖó te nú mi, lě e Tɔ́ ce sɔ́ ɖó te nú nyɛ gbɔn é,

Jǎan 17:15

Un byɔ́ we ɖɔ hwi ní ɖe yě sín gbɛ ɔ́ mɛ ǎ; lo ɔ́, hwlɛ̌n yě ɖo awǒvi sí.

Hlɔ̌manu 11:36

Đó gɔ̌n tɔn wɛ nǔ bǐ gosín; é wɛ bló nǔ bǐ, bɔ nǔ bǐ nyí étɔn. Susu nú Mawu káká sɔ́yi. Amǐ!

Hlɔ̌manu 16:27

Mawu nǔnywɛ́tɔ́ ɖokpó géé e tíin ɔ́, susu n'i káká sɔ́yi gbɔn Jezu Klísu jí. Amǐ!

1 Kɔlɛ́ntinu 1:21

Nǔgbó ɔ́, gbɔn nǔnywɛ́ e gbɛtɔ́ lɛ́ɛ ɖó ɔ́ gbla mɛ ɔ́, yě kpé wú bó tunwun Mawu ɖo fí e nǔnywɛ́ tɔn ɖo azɔ̌ wa ɖe wɛ ɔ́ ǎ. Énɛ́ ɔ́ wú wɛ é nyɔ́ Mawu nukún mɛ ɖɔ émí ná hwlɛ́n mɛ e ɖi nǔ lɛ́ɛ gán, gbɔn wɛn élɔ́ e dó wɛ mǐ ɖe, bɔ gbɛtɔ́ lɛ́ɛ nɔ mɔ dó mɔ xlonɔxó ná é gbla mɛ.

1 Kɔlɛ́ntinu 10:13

Mi mɔ tɛ́nkpɔ́n ɖěbǔ zɛ ée gbɛtɔ́ nɔ mɔ é wú ǎ. Mawu nɔ́ gɔn akpá e é dó lɛ́ɛ ɖe ǎ; é ná lɔn bɔ tɛ́nkpɔ́n ɖé ná wá nú mi bó hú gǎn hlɔ̌nhlɔ́n e mi ɖó é ǎ; amɔ̌ hwenu e tɛ́nkpɔ́n ná wá nú mi ɔ́, é ná ná hlɔ̌nhlɔ́n mi bɔ mi ná dɛ ɖ'é nu; énɛ́ ɔ́, é ná ɖe ali nú mi bɔ mi ná tɔ́n sín mɛ.

1 Kɔlɛ́ntinu 15:50

Nɔví lɛ́ɛ mi, nǔ e ɖɔ gbé un ja ɔ́ ɖíe: nǔ e è sɔ́ agbaza kpódó hun kpó dó bló ɔ́ sixú ɖó mǐmá ɖo axɔ́súɖuɖu Mawu tɔn mɛ ǎ; nǔ e nɔ kú ɔ́ sixú nyí jɔmakú ǎ.

2 Kɔlɛ́ntinu 1:10

É wɛ hwlɛ́n mǐ sín afɔkú baɖabaɖa énɛ́ e hɛn ɔ́, é ná dɔn mɛ yi kú ɔ́ mɛ, bó ka ná lɛ́ hwlɛ́n mǐ sín mɛ. Nǔgbó wɛ! Mǐ ɖo nukún ɖó e wɛ ɖɔ é ná lɛ́ hwlɛ́n mǐ sín mɛ;

Galatinu 1:5

Susu nú Mawu káká sɔ́yi! Amǐ.

1 Tɛsalonikinu 5:23

Mawu e nɔ ná fífá mɛ ɔ́ ní bló bónú mi ní nyí étɔn bǐ dégbédégbé, ní cɔ́ mi ɖésúnɔ ɔ́ bǐ, ní cɔ́ yɛ mitɔn, bó cɔ́ lǐndɔ̌n mitɔn kpódó agbaza mitɔn kpó, bónú blɔ̌ ɖé ma nɔ mi wú ó, nú gbe e gbe Aklúnɔ mǐtɔn Jezu Klísu ná wá é.

2 Tɛsalonikinu 3:3

Lo ɔ́, Aklúnɔ ɔ́, gbejínɔtɔ́ wɛ; é ná ná hlɔ̌nhlɔ́n mi, bó ná cyɔ́n alɔ mi jí, bɔ awǒvi ná kpé mi wú ǎ.

1 Timɔtée 1:17

Axɔ́sú mavɔ mavɔ e ma nɔ kú gbeɖé ǎ ɔ́, axɔ́sú e è ma nɔ mɔ ǎ é, axɔ́sú e nyí Mawu ɖokpó géé ée tíin é; è nǐ wlí yɛ̌yi n'i, bó kpa susu n'i káká sɔ́yi mavɔ mavɔ. Amǐ.

1 Timɔtée 6:16

É ɖokpónɔ géé wɛ má nɔ kú ǎ, bó ɖo wěziza e mɛɖé ma sixú sɛkpɔ́ ǎ é mɛ; mɛɖé mɔ ɛ kpɔ́n gbeɖé ǎ; mɛɖé ka sixú mɔ ɛ lɔ bo gbɔ ǎ. Susu kpódó hlɔ̌nhlɔ́n mavɔ mavɔ kpó ní nyí étɔn; amǐ!

2 Timɔtée 1:12

Énɛ́ ɔ́ wú wɛ un ɖo ya élɔ́ lɛ́ɛ ji wɛ; é ka hu winnyá nú mì ǎ; ɖó un tunwun mɛ e un ɖi nǔ ná é, bó ka ɖó jiɖiɖe ɖɔ é ɖó hlɔ̌nhlɔ́n e ná hɛn nǔ e é sɔ́ dó así nú mǐ ɔ́ káká jɛ azǎn énɛ́ ɔ́ gbe.

2 Timɔtée 4:1

Un ɖo zǐnzɔ́n we wɛ syɛ́nsyɛ́n ɖo Mawu nukɔn, bó ɖo zǐnzɔ́n we wɛ ɖo Klísu Jezu e ná ɖɔ hwɛ xá mɛ e ɖo gbɛ lɛ́ɛ kpódó mɛ e ɖo kú lɛ́ɛ kpán ɔ́ nukɔn, bó ɖo byɔ̌byɔ́ we wɛ ɖo Jezu Klísu sín wǐwá kpódó axɔ́súɖuɖu tɔn kpán sín nyǐkɔ mɛ ɖɔ:

Eblée 11:16

To e nyɔ́ hú to e mɛ yě gosín ɔ́ ba wɛ yě ɖe; to ɔ́ wɛ nyí to yě ɖésúnɔ tɔn ɖo sɛ́xwé. Énɛ́ ɔ́ wú wɛ winnyá ma hu Mawu ɖɔ è nǐ ylɔ́ émí ɖɔ Mawu mɛ énɛ́ lɛ́ɛ tɔn ǎ; ɖó é bló toxo ɖaxó ɖokpó ɖó ɖ'ayǐ nú yě ɖo sɛ́xwé.

Eblée 12:22

Lo ɔ́, midɛɛ lɛ́ɛ ɔ́, mi sɛkpɔ́ Sinyɔ́ɔ só ɔ́; mi sɛkpɔ́ Jeluzalɛ́mu sɛ́xwé tɔn, ée nyí toxo Mawu gbɛɖe ɔ́ tɔn é, bó sɛkpɔ́ wɛnsagun wɔ̌buwɔ́bú lɛ́ɛ.

Eblée 13:21

ní bló bónú mi ná kpé nǔ ɖagbe bǐ wú bó wa, bó dó wa jlǒ tɔn; ní bló nǔ e nyɔ́ nukún tɔn mɛ lɛ́ɛ ɖo mǐ mɛ gbɔn Jezu Klísu jí. Susu nú Jezu Klísu káká sɔ́yi mavɔ mavɔ. Amǐ!

Jaki 2:5

Nɔví ce vívɛ́ná lɛ́ɛ mi, mi ɖótó: Mawu cyán wamamɔnɔ gbɛ élɔ́ mɛ tɔn lɛ́ɛ, bónú yě ná nyí dɔkunnɔ ɖo nǔɖiɖi mɛ, bó ná nyí axɔ́súɖuto e sín akpá e é dó nú mɛ e yí wǎn n'i lɛ́ɛ ɔ́ sín vǐ.

1 Piyɛ́ɛ 1:5

nú mi mɛ e hlɔ̌nhlɔ́n tɔn ɖo hinhɛn wɛ gbɔn nǔɖiɖi jí káká jɛ hwenu e hwlɛngán e ko sɔgbe, bɔ è nǎ ɖe xlɛ́ ɖo hwenu gǔdo gúdo tɔn lɛ́ɛ mɛ ɔ́ ná wá dó é.

1 Piyɛ́ɛ 5:11

Hlɔ̌nhlɔ́n ní nyí étɔn káká sɔ́yi! Amǐ.

2 Piyɛ́ɛ 1:11

Lě e Mawu ná ná acɛ ɖaxó mi, bɔ mi ná dó byɔ́ Jezu Klísu e nyí Aklúnɔ mǐtɔn, bó nyí Mɛhwlɛ́ngántɔ́ mǐtɔn ɔ́ sín axɔ́súɖuɖu mavɔ mavɔ ɔ́ mɛ gbɔn é nɛ́.

2 Piyɛ́ɛ 3:18

Lo ɔ́, mi ní ɖo Jezu Klísu e nyí Aklúnɔ mǐtɔn, bó nyí Mɛhwlɛ́ngántɔ́ mǐtɔn ɔ́ tunwun d'é jí wɛ, bó ɖo fɛ́nú tɔn tunwun d'é jí wɛ. Susu n'i sín din káká sɔ́yi mavɔ mavɔ. Amǐ.

Judi 1:1

Nyɛ Judi mɛsɛntɔ́ Jezu Klísu tɔn, Jaki sín nɔví ɔ́ wɛ ɖo wěma élɔ́ wlán wɛ; nyɛ wɛ ɖo wěma élɔ́ wlán sɛ́ dó mɛ e Mawu Tɔ́ ɔ́ ylɔ́ bɔ yě ɖo gbɛ ɖo wǎn yíyí tɔn mɛ, bɔ Jezu Klísu ɖo yě hɛn wɛ lɛ́ɛ wɛ.

1 Samuwɛ́li 17:37

Davídi lɛ́ ɖɔ: “Mawu e nɔ hwlɛ́n mì sín kinnikínní fɛn mɛ, bó nɔ hwlɛ́n mì sín lɔnmɔ fɛn mɛ ɔ́ ná hwlɛ́n mì ɖo Filisitɛ́ɛn énɛ́ sí.” Bɔ Sawúlu ɖɔ nú Davídi ɖɔ: “Bo yi! Mawu Mavɔmavɔ ní nɔ kpɔ́ xá we.”

1 Samuwɛ́li 25:39

Ée Davídi se ɖɔ Navalu kú ɔ́, é ɖɔ: “Un dó kú nú Mawu Mavɔmavɔ ɖó é ba hlɔn nú mì ɖó nǔ e Navalu wa nú mì ɔ́ nu. É lɔn bónú mɛsɛntɔ́ tɔn wa nǔ nyanya ǎ. Adǎka e Navalu jló ná xo wǔ e ɔ́, Mawu Mavɔmavɔ lílɛ́ bɔ é jɛ é ɖésúnɔ jí.” Ée Davídi ɖɔ mɔ̌ ɔ́, é sɛ́ wɛn dó Avigayilu ɖɔ é ní wá húzú asi émítɔn.