2 Timɔtée 4:17 - MAWUXÓWÉMA

¹⁷ Aklúnɔ ka nɔ gǔdo ce, bó ná hlɔ̌nhlɔ́n mì, bɔ un jlá wɛn Mawu tɔn ɔ́ ganjí, bónú mɛ e ma nyí Jwifu ǎ lɛ́ɛ bǐ ná se. Aklúnɔ hwlɛ́n mì sín kinnikínní nu mɛ.

2 Timɔtée 4:17 Iomraidhean Croise

Ɖɛhan 109:31

ɖó é nɔ́ nɔ aɖisíxwé nú wamamɔnɔ, bó nɔ́ hwlɛ́n ɛ gán ɖo mɛ e ɖo hwɛ ɖó n'i wɛ lɛ́ɛ sí.

Ɖɛhan 22:21

Yǐ mì sín hwǐ nu; yǐ gbɛ ce sín avǔn cukú nɛ́ lɛ́ɛ nu mɛ.

Nǔnywɛ́xó 20:2

Axɔ́sú e ɖo xomɛsin jí é dó xɛsi kinnikínní e ɖo adǎn jí é ɖɔhun; mɛɖé dó xomɛsin xomɛ nú axɔ́sú hǔn, mɛ ɔ́ sɔ́ gbɛ éɖée tɔn dó da ayihún.

Nǔnywɛ́xó 28:15

Acɛgannaganna-kpanúmɛtɔ́ ɖu gǎn ɖo wamamɔnɔ lɛ́ɛ nu ɔ́, kinnikínní ɖɔhun wɛ é nɔ́ dó gbe dó ta nú yě, bó nɔ́ kplɔ́ dó yě lɔnmɔ e xovɛ́ sin é ɖɔhun.

Ezayíi 41:10

Din ɔ́, ma ɖi xɛsi ó, ɖó un ɖo kpɔ́ xá we. Ma ɖo nukún dó gbɛmɛ kpɔ́n wɛ ó, ɖó nyi wɛ nyí Mawu towe. Un ná ná akɔ́nkpinkpan we; un ná gɔ́ alɔ nú we; un ɖo xɛ nya ɖo jǐ we wɛ kpódó aɖisí lɔ ce, ɖuɖéjí lɔ ɔ́ kpó.

Ezayíi 41:14

Mawu Mavɔmavɔ ɖɔ: “Izlayɛ́li, togun Jakɔ́bu tɔn, hwi mɛ e ma ɖó gǎn ɖé ǎ dohɔ́nví ɖɔhun é, ma ɖi xɛsi ó. Nyɛ Mawu Mavɔmavɔ ɔ́ ɖésú wɛ ja alɔ gɔ́ nú we gbé. Nyɛ Mɛ Mímɛ́ Izlayɛ́li tɔn wɛ ná hwlɛ́n we gán.

Jelemíi 2:30

Un dɔn tó nú mi, é ká nyí nǔɖé nú mi ǎ. Nǔ e gbɛ́ nú mi wɛ un ɖe ɔ́, mi se ǎ. Mi wa nǔ kinnikínní ɖɔhun; mi sɔ́ hwǐ dó vúnvún gbeyíɖɔ e ɖo mi mɛ lɛ́ɛ.

Daniyɛ́li 6:22

Daniyɛ́li yí gbe nú axɔ́sú ɔ́ bó ɖɔ: “Sɛ́mɛɖó, jidɔ́ mɛtɔn ní nyí káká.

Daniyɛ́li 6:27

“Un ná gbe ɖɔ mɛ e ɖo axɔ́súɖuto ce sín ayǐkúngban jí lɛ́ɛ bǐ ní ɖó sísí nú Mawu Daniyɛ́li tɔn, bó ɖi xɛsi n'i. É wɛ nyí Mawu gbɛɖe ɔ́. É wɛ ná nɔ ayǐ tɛgbɛ sɔ́yi. Axɔ́súɖuɖu tɔn ná vɔ gbeɖé ǎ. Acɛkpikpa tɔn ná nɔ ayǐ káká sɔ́yi.

Matíe 10:19

Lo ɔ́, hwenu e yě ná wá wlí mi yi jó ɔ́, mi ma jɛ tagba bo ɖo nǔ e mi ná ɖɔ ɖo dɔ̌n lɛ́ɛ, abǐ lě e mi ná ɖɔ xó gbɔn ɖo dɔ̌n ɔ́ linkpɔ́n wɛ ó, è nǎ sɔ́ nǔ e mi ná ɖɔ ɖo dɔ̌n hwenɛ́nu lɛ́ɛ dó ayi mɛ nú mi.

Luki 1:1

Teofílu! Mɛ gěgé tɛ́nkpɔ́n bó kpi nǔ e jɛ ɖo tɛ́ntin mǐtɔn lɛ́ɛ é sín tan dó wěma mɛ.

Luki 21:15

Đó un ná sɔ́ xó e mi ná ɖɔ é kpódó nǔnywɛ́ e mi ná zán é kpán bǐ dó ayi mɛ nú mi, bɔ kɛntɔ́ mitɔn lɛ́ɛ ɖěbǔ ná sixú mɔ xó ɖé, bó dó gba mitɔn ɔ́ ná ǎ.

Mɛsɛ́dó 23:11

Gbe énɛ́ gbe zǎn mɛ ɔ́, Aklúnɔ tɔ́n dó Pɔ́lu jí, bó ɖɔ n'i ɖɔ: “Kpan akɔ́n; a ɖe kúnnu nú mì ɖo Jeluzalɛ́mu fí; mɔ̌ ɖokpó ɔ́, a nǎ lɛ́ ɖe nú mì ɖo Hlɔ̌ma.”

Mɛsɛ́dó 9:15

Aklúnɔ ka ɖɔ n'i ɖɔ: “Vɛ̌ yi, ɖó nya énɛ́ ɔ́, alǐnnyánú ɖé wɛ é nyí, bɔ un sɔ́, bó ná dó wa azɔ̌ ná, nú é ná jlá nyǐkɔ ce mɛ e ma nyí Jwifu ǎ lɛ́ɛ, bó ná jlá axɔ́sú yětɔn lɛ́ɛ, kpódó Izlayɛ́li togun ɔ́ kpó.

Hlɔ̌manu 15:31

Mi xo ɖɛ bónú ma gló nǔmaɖitɔ́ e ɖo Judée lɛ́ɛ, bónú alɔgɔ́númɛ sín azɔ̌ e wú un xwe Jeluzalɛ́mu ɔ́, mɛɖeɖóvo Mawu tɔn e ɖo dɔ̌n lɛ́ɛ ní kɛ alɔ bó yí.

2 Kɔlɛ́ntinu 12:9

Bɔ Mawu yí gbe nú mì ɖɔ: “Wǔjɔmɛ ce wɛ nyí nǔ e hudó we ɔ́ bǐ, ɖó hwenu e a ma kpé nǔ wú ǎ ɔ́ wɛ hlɔ̌nhlɔ́n ce nɔ́ ɖe nǔwiwa tɔn lɛ́ɛ bǐ xlɛ́ dégbédégbé.” Hǔn, un ɖo gbesisɔ mɛ bó ná sɔ́ gǎnmaɖó ce dó jlá ajɔ̌ nú nyɛɖée kpó ayixa ce bǐ kpó, bónú hlɔ̌nhlɔ́n Klísu tɔn ná cyɔ́n alɔ jǐ ce.

Efɛ́zinu 3:8

Un sɔ mɛ e ma sɔ atɛ́n ɖo mɛɖeɖóvo Mawu tɔn lɛ́ɛ mɛ ɔ́ ǎ, có Mawu ka jɔwǔ mì, bó ɖɔ nyɛ ní jlá Wɛn Ɖagbe e nyí dɔkun maɖókpodó Klísu tɔn ɔ́ mɛ e ma nyí Jwifu ǎ lɛ́ɛ é.

1 Timɔtée 1:12

Un dó kú nú Aklúnɔ mǐtɔn Klísu Jezu e ná hlɔ̌nhlɔ́n mì, nú ma dó wa azɔ̌ ce ná é. Un dó kú n'i, ɖó é mɔ ɖɔ un nyí mɛ bɔ è nǎ ɖeji dó wǔ ce, un dó kú n'i, ɖó é sɔ́ mì bónú ma wa azɔ̌ n'i.

2 Timɔtée 2:1

Hǔn, hwi vǐ ce ɔ́, mɔ hlɔ̌nhlɔ́n ɖo fɛ́nú e mǐ ɖó, ɖo bǔ e mǐ ɖe xá Klísu Jezu ɔ́ mɛ.

2 Timɔtée 2:9

Wɛn Ɖagbe énɛ́ wú wɛ un ɖo ya ji wɛ káká bɔ è dǒ wlɔ mì nǔ nyanya ɖé wɛ un wa ɖɔhun; Mawuxó ɔ́ ka ɖo wlɔ mɛ ǎ.

2 Timɔtée 3:11

A tunwun ya e è dǒ nú mì lɛ́ɛ é, bó tunwun wǔvɛ́ e un mɔ lɛ́ɛ. A tunwun nǔ e gbo mì ɖo Antyɔ́ci kpódó Ikoniyɔ́mu kpó, kpódó Lisitli kpán é, bó tunwun wǔvɛ́ e un mɔ lɛ́ɛ. Aklúnɔ ka hwlɛ́n mì gán ɖo nǔ énɛ́ lɛ́ɛ bǐ mɛ.

2 Timɔtée 4:5

Amɔ̌ hwɛ ɔ́, nɔ wa nǔ bǐ dó jlɛ̌ jí; dɛ ɖo yajiji nu; wa Wɛn Ɖagbejlátɔ́ sín azɔ̌, bó wa mɛsɛntɔ́ Mawu tɔn sín azɔ̌ towe ganjí.

Titu 1:3

Ée hwe ɔ́ nu wá su ɔ́, é ɖe gbɛ mavɔ mavɔ ɔ́ xlɛ́ gbɔn xó tɔn gbla mɛ, ɖo wɛn e é sɔ́ dó así nú mì, bɔ un ɖo jlǎjlá wɛ, lě e Mawu Mɛhwlɛ́ngántɔ́ mǐtɔn ɔ́ zɔ́n gbɔn é mɛ.

Eblée 11:33

Nǔɖiɖi e yě ɖó ɔ́ zɔ́n bɔ yě fun ahwan, bó ɖu ɖo to gěgé jí; yě wa nǔ e sɔgbe ɔ́, bó mɔ nǔ e sín akpá Mawu dó ɔ́ yí. Nǔɖiɖi e yě ɖó ɔ́ zɔ́n bɔ yě sú kinnikínní lɛ́ɛ sín nu dó.

1 Piyɛ́ɛ 5:8

Ayixa mitɔn ní ɖo te; mi cɔ́ miɖée, ɖó kɛntɔ́ mitɔn awǒvi ɔ́ ɖo lɛ̌ lɛ́ dó mi wɛ kinnikínní e ɖo adǎn jí é ɖɔhun, bó ɖo mɛ e é ná vún ɖu ɔ́ ba wɛ.

2 Piyɛ́ɛ 2:9

Énɛ́ ɔ́, Aklúnɔ tunwun lě e é nɔ hwlɛ́n mɛ e nɔ ɖó sísí n'i lɛ́ɛ gán sín adǎngbomɛ lɛ́ɛ mɛ gbɔn é, bó lɛ́ tunwun lě e é nɔ sɔ́ yě mɛ e ɖo nǔ nyanya wa wɛ lɛ́ɛ ɖ'ayǐ gbɔn, bó ná dɔn tó nú yě ɖo hwɛɖɔzán gbe é.

1 Samuwɛ́li 17:37

Davídi lɛ́ ɖɔ: “Mawu e nɔ hwlɛ́n mì sín kinnikínní fɛn mɛ, bó nɔ hwlɛ́n mì sín lɔnmɔ fɛn mɛ ɔ́ ná hwlɛ́n mì ɖo Filisitɛ́ɛn énɛ́ sí.” Bɔ Sawúlu ɖɔ nú Davídi ɖɔ: “Bo yi! Mawu Mavɔmavɔ ní nɔ kpɔ́ xá we.”