2 Timɔtée 4:16 - MAWUXÓWÉMA

¹⁶ Nukɔn nukɔntɔn e un yi hwɛ nukɔn bó ná ɖɔ xó dó hwlɛ́n nyɛɖée ɔ́, un mɔ mɛɖé ɖo gǔdo ǎ; yě bǐ wɛ hɔn jó mì dó; Mawu ní ma lɛ́n hwɛ tɔn dó kɔ nú yě ó.

2 Timɔtée 4:16 Iomraidhean Croise

Maki 14:50

Ahwanvú tɔn lɛ́ɛ bǐ jó e dó, bó hɔn.

Luki 12:11

“Hwenu e è nǎ dɔn mi yi kplɔ́ngbasá Jwifu lɛ́ɛ tɔn, bó ná dɔn mi yi hwɛɖɔtɔ́ lɛ́ɛ kpódó axɔ́sú lɛ́ɛ kpán nukɔn, bó ná yi ɖɔ hwɛ xá mi ɔ́, mi ma jɛ tagba, bó ɖo xósin e mi ná yi ná bó dó hwlɛ́n miɖée gán ɔ́, abǐ nǔ e mi ná yi ɖɔ ɖo dɔ̌n ɔ́ linkpɔ́n wɛ ó,

Jǎan 16:32

Hwenu ɖo nǎ su wɛ; hwe ɔ́ nu jɛ́n ka ko ɖíe, bɔ è nǎ gba mi dó, bɔ mɛ ɖokpó ɖokpó ná yi xwé tɔn gbe, bó ná jó nyɛ ɖokpónɔ dó; amɔ̌, un ɖo nyɛ ɖokpónɔ ǎ, ɖó Tɔ́ ɔ́ ɖo kpɔ́ xá mì.

Mɛsɛ́dó 22:1

“Nɔví ce lɛ́ɛ mi; tɔ́ ce lɛ́ɛ mi, mi ɖótó xó e un ɖó, bó ná ɖɔ nú mi din dó nǔ e sín hwɛ dó mì wɛ mi ɖe lɛ́ɛ wú é.”

Mɛsɛ́dó 25:16

Un ka yí gbe nú yě ɖɔ cóbónú Hlɔ̌manu lɛ́ɛ ná jó mɛɖé ɔ́, mɛ e ɖo hwɛ dó e wɛ lɛ́ɛ ɖó ná jɛ hwɛ tɔn ɖo mɛ ɔ́ ɖésúnɔ nukɔn, bónú é ná mɔ tɛn, bó ɖɔ xó dó ba hwɛjijɔ nú éɖée hwɛ̌.

Mɛsɛ́dó 7:60

Énɛ́ ɔ́ gúdo ɔ́, é húzú jɛ kpo, bó sú xó tlílí ɖɔ: “Aklúnɔ, ma lɛ́n hwɛ élɔ́ dó kɔ nú yě ó.” Ée é ɖɔ mɔ̌ ɔ́, é bɔnu.

1 Kɔlɛ́ntinu 13:5

Wǎn yíyí nɔ́ wa winnyánú ɖěbǔ ǎ; é nɔ́ ba ɖɔ émí ɖokpónɔ géé tɔn jɛ́n ná nyɔ́ ǎ; nǔɖé nɔ́ sin xomɛ n'i ǎ; é ka nɔ lɛ́ hɛn mɛ dó xomɛ ǎ.

1 Kɔlɛ́ntinu 9:3

Mɛ e nɔ ɖo biba ná mɔ do nú mì wɛ lɛ́ɛ ɔ́, xó e un nɔ dó hwlɛ́n nyɛɖée gán ɖo yě sí ɔ́ ɖíe:

2 Kɔlɛ́ntinu 7:11

Aluwɛ e mɛ mi nɔ ɔ́, Mawu zě dó wa azɔ̌ ná; mi bó kpɔ́n nǔ e tɔ́n sín mɛ din lɛ́ɛ é! Aluwɛ énɛ́ e mɛ mi nɔ ɔ́, mi kpɔ́n lě e é zɔ́n bɔ mi sɔ́ nǔ e jɛ ɔ́ dó ylɔ́ nǔjɔnǔ sɔ é, bó kpɔ́n lě e é húzú mi gbɔn, bɔ mi bí dó azɔ̌ wú, bó ná dó jɛ ahwan miɖée jí é. Mi kpɔ́n lě e mi mɔ akpɔ sɔ é, bó kpɔ́n lě e xɛsi ɖi mi dó Mawu wú sɔ é. Mi kpɔ́n lě e mi ɖó jlǒ, bó ná mɔ mǐ sɔ é. Mi kpɔ́n lě e mi bí dó nǔ wú sɔ é, bó kpɔ́n lě e mi ván kan, bó ná dɔn tó nú mɛ e wa nǔ nyanya ɔ́ sɔ é! Mi ɖe xlɛ́ gbɔn alɔkpa lɛ́ɛ bǐ mɛ ɖɔ émí nyí xomɛvɔ́nɔ ɖo nǔ énɛ́ e jɛ ɔ́ mɛ.

Filípunu 1:17

Mɛɖě lɛ́ɛ ɔ́, xó e ɖɔ wɛ yě ɖe lɛ́ɛ gosín ayixa yětɔn mɛ ǎ; lo ɔ́, zalixámɛ sín ayixa wɛ yě sɔ́ dó ɖo Klísuxó ɔ́ jlá ná wɛ; yě ɖo linlin wɛ ɖɔ émí ná dó wǔvɛ́ wǔvɛ́ jí nú mì din e un ɖo gankpá mɛ é.

Filípunu 1:7

Linlin mɔ̌hunkɔtɔn e un ɖó dó mi bǐ wú ɔ́ sɔgbe ganjí. Nǔgbó ɔ́, mi bǐ ɖo ayi mɛ nú mì, ɖó din e un ɖo gankpá mɛ ɔ́ kpó hwenu e è ma ko wlí mì ǎ, bɔ un jɛ ahwan Wɛn Ɖagbe ɔ́ jí, bó sɔ́ jínjɔ́n ayǐ, bɔ é lí dǒ é kpó ɔ́, ɖagbe e Mawu wa nú mì ɔ́, é wa nú mi lɔmɔ̌.

2 Timɔtée 1:15

Lě e a ko tunwun gbɔn ɔ́, mɛ e ɖo Azíi yíkúngban jí lɛ́ɛ bǐ lɛ́ kɔ sín gǔdo ce; yě ɖě nɛ́ nyí Fijɛ́lu kpódó Ɛɛmɔjɛ́ni kpó nɛ́.

2 Timɔtée 4:10

Đó Demási jó mì dó, bó yi Tɛsaloniki, ɖó é yí wǎn nú gbɛ din tɔn ɔ́ dín. Klɛsáan yi Galati, bɔ Títu ka yi Dalumati.

2 Timɔtée 4:15

Hwi lɔ ka cɔ́ hwiɖée dó wǔ tɔn, ɖó xó e mǐ ɖɔ ɔ́ bǐ xwíí wɛ é fɔ́n gǔ bó gbɛ́.

1 Piyɛ́ɛ 3:15

Lo ɔ́, mi tunwun dó ayi mitɔn mɛ ɖɔ Klísu Aklúnɔ ɖokpónɔ géé jɛ́n nyí Mɛ mímɛ́. Mi ɖo gbesisɔ mɛ hwebǐnu, bónú mɛɖé byɔ́ mi ɖɔ mi ní tín nǔ mɛ nú émí dó nǔ e ɖó nukún wɛ mi ɖe ɔ́ wú ɔ́, mi ná ná sin tɔn mɛ ɔ́.