2 Timɔtée 4:14 - MAWUXÓWÉMA

¹⁴ Alɛsándlu fletuntɔ́ ɔ́ wa nǔ nyanya gěgé dó wútu ce; Aklúnɔ ná sú nǔ e é wa ɔ́ sín axɔ́ ɛ.

2 Timɔtée 4:14 Iomraidhean Croise

2 Samuwɛ́li 3:39

È kɔn ami dó ta nú mì bó sɔ́ mì axɔ́sú, có un ka ba hlɔ̌nhlɔ́n kpo. Nya énɛ́ lɛ́ɛ ɔ́, Selúya ví énɛ́ lɛ́ɛ ɔ́, yě syɛ́n hú mì. Mawu Mavɔmavɔ ní wa nǔ xá mɛ e wa nǔ nyi do é.”

Ɖɛhan 28:4

Wa nǔ xá yě lě e zǐnzán yětɔn byɔ́ gbɔn é, lě e nǔ nyanya e yě wa ɔ́ byɔ́ gbɔn é; wa nǔ xá yě lě e yě wa mɛ ɖě lɛ́ɛ nú gbɔn é, sú nǔ e yě ɖésúnɔ dó sin lɛ́ɛ sín axɔ́ yě.

Ɖɛhan 62:12

Đó Mawu kó ɖɔ xó ɖé; azɔn ɖokpó kɛ́ɖɛ́ wɛ é ka ɖɔ ǎ; é ɖɔ: “Hlɔ̌nhlɔ́n ɔ́, ce wɛ.”

Jelemíi 15:15

Mawu Mavɔmavɔ, hwi wɛ tunwun nǔ bǐ! Ma wɔn mì ó, ba hlɔn nú mì ɖo kɛntɔ́ ce lɛ́ɛ gɔ́n. A yá wǔ sin xomɛ dó mɛ e ɖo ya dó nú mì wɛ lɛ́ɛ ǎ, énɛ́ wɛ zɔ́n bɔ un ɖo wǔvɛ́ mɔ wɛ. Ma lɔn nú é nɔ mɔ̌ sɔ́ yi ó. Mawu Mavɔmavɔ, a tunwun ɖɔ hwi wú wɛ un ɖo winnyá élɔ́ lɛ́ɛ bǐ mɔ wɛ.

Gbɛvíhan 3:64

Mawu Mavɔmavɔ, a nǎ sú nǔ e yě wa ɔ́ sín axɔ́ yě.

Hlɔ̌manu 12:19

Mɛvívɛ́ná ce lɛ́ɛ mi, mi ɖésúnɔ ma nɔ ba hlɔn ó; lo ɔ́, mi nɔ jó xomɛsin Mawu tɔn dó ní nɔ́ wa azɔ̌, ɖó è wlǎn dó Mawuxówéma ɔ́ mɛ ɖɔ: “Nyɛ wɛ nɔ ba hlɔn; nyɛ wɛ nɔ sú nǔ e è wa ɔ́ sín axɔ́ mɛ; Aklúnɔ wɛ ɖɔ mɔ̌.”

Hlɔ̌manu 2:6

Gbe énɛ́ gbe ɔ́, Mawu ná sú nǔ e mɛ ɖokpó ɖokpó wa ɔ́ sín axɔ́ ɛ.

2 Tɛsalonikinu 1:6

Đó Mawu ná wa nǔ e sɔgbe ɔ́; é ná dó ya nú mɛ e ɖo ya dó nú mi wɛ lɛ́ɛ;

1 Timɔtée 1:20

Imɛnɛ́ɛ kpódó Alɛsándlu kpán ɖo mɛ énɛ́ lɛ́ɛ mɛ. Un jó yě dó nú Satáan , nú yě ná tunwun ɖɔ émí kún sɔ́ ná nylá nu dó Mawu wú ɖě ó.

2 Timɔtée 4:15

Hwi lɔ ka cɔ́ hwiɖée dó wǔ tɔn, ɖó xó e mǐ ɖɔ ɔ́ bǐ xwíí wɛ é fɔ́n gǔ bó gbɛ́.

1 Jǎan 5:16

Ényí mɛɖé mɔ nɔví tɔn ɖo hwɛ hu wɛ hǔn, mɛ ɔ́ ní xo ɖɛ n'i; énɛ́ ɔ́, Mawu ná ná gbɛ nɔví énɛ́. É ka ɖo mɔ̌ có, hwɛ ɖokpó tíin bó nɔ dɔn mɛ yi kú; hwɛ énɛ́ tamɛ wɛ un ɖɔ è nǐ xo ɖɛ dó ǎ.

Nǔɖexlɛ́mɛ 18:20

Jǐnukúnsin! Jɛ awǎ ɖó gba e é gba ɔ́ wú! Mɛɖeɖóvo Mawu tɔn lɛ́ɛ, mɛsɛ́dó lɛ́ɛ kpó gbeyíɖɔ lɛ́ɛ kpó e, mi lɔmɔ̌ ní jɛ awǎ! Đó Mawu ko ɖó nǔ nyanya e é wa nú mi ɔ́ sín hwɛ n'i.

Nǔɖexlɛ́mɛ 18:6

Mi wa nǔ xá ɛ lě e é wa nǔ xá mi gbɔn é. Kɔ́fu e mɛ é cá ahan dó nú mi ɔ́, mi cáká mɔ̌hunkɔtɔn donu we d'é mɛ n'i.

Nǔɖexlɛ́mɛ 6:10

Yě nɔ sú xó tlílí, bó nɔ ɖɔ: Aklúnɔ mímɛ́, Aklúnɔ nǔgbó nǔgbó, káká hwetɛ́nu wɛ a nǎ nɔ te yi jɛ, bó ná ɖɔ hwɛ xá mɛ e ɖo ayǐkúngban jí lɛ́ɛ, bó ná ba hlɔn nú mǐ, ɖó hu e yě hu mǐ ɔ́ wútu?

1 Samuwɛ́li 24:12

Daá, kpɔ́n, awu mɛtɔn sín tó ɖíe ɖo alɔ ce mɛ e. Ée un sɛ́n awu mɛtɔn sín tó bó má ká hu mɛ ǎ é ɔ́, tunwun bo mɔ nǔ jɛ wú ɖɔ un kún fɔ́n gǔ dó jǐ mɛtɔn ó. Un kún ká ɖo nyanya mɛtɔn lin wɛ ó. Un kún ká hu hwɛ ɖé dó mɛ ó. Mɛ ka nɔ ɖo mɔ ɖó nú mì wɛ bó ná hu mì.