2 Timɔtée 4:11 - MAWUXÓWÉMA

¹¹ Luki kɛ́ɖɛ́ wɛ kpo ɖo gɔ̌n ce; kplá Maki bónú hwi kpó e kpó ní zɔn wá; ɖó é hɛn ɔ́, é ná d'alɔ mì ɖo azɔ̌ ce lɛ́ɛ mɛ.

2 Timɔtée 4:11 Iomraidhean Croise

Ozée 14:4

Asilíinu lɛ́ɛ wɛ ná sixú hwlɛ́n mǐ gán ǎ. Mǐ sɔ́ ná nɔ́ xá ahwansɔ́ jí ɖě ǎ. Mǐ sɔ́ ná nɔ́ ylɔ́ nǔ e mǐ sɔ́ alɔ mǐ ɖésúnɔ tɔn dó bló lɛ́ɛ ɖě ɖɔ Mawu mǐtɔn ǎ, ɖó hwi wɛ nɔ kú nǔbláwǔ nú tɔ́cyɔvǐ lɛ́ɛ.”

Matíe 19:30

Mɛ e ɖo nukɔn din lɛ́ɛ gěgé ná wá jɛ gǔdo, bɔ mɛ e ɖo gǔdo din lɛ́ɛ gěgé ná wá jɛ nukɔn.”

Matíe 20:16

Énɛ́ ɔ́ gúdo ɔ́, Jezu lɛ́ ɖɔ nú yě ɖɔ: “È nǎ sɔ́ mɛ e ɖo gǔdo lɛ́ɛ wá nukɔn; bó ná sɔ́ mɛ e ɖo nukɔn lɛ́ɛ wá gǔdo.”

Luki 13:30

Mi ní ka tunwun ɖɔ mɛ e ɖo gǔdo din lɛ́ɛ ɖě ná wá nukɔn, bɔ mɛ e ɖo nukɔn din lɛ́ɛ ɖě ná wá gǔdo.”

Mɛsɛ́dó 12:12

Ée é mɔ mɔ̌ ɔ́, é ɖidó Mali e nyí Jǎan e è nɔ lɛ́ ylɔ́ ɖɔ Maki ɔ́ sín nɔ xwé. Mɛ gěgé ko kplé ɖo fínɛ́, bó ɖo ɖɛ xo wɛ.

Mɛsɛ́dó 12:25

Baanabási kpódó Sólu kpán ka wa nǔ e gbé è sɛ́ yě dó é ɖó alɔ te, bó lɛ́ kɔ sín Jeluzalɛ́mu, bó kplá Jǎan e è nɔ ylɔ́ ɖɔ Maki é.

Mɛsɛ́dó 15:37

Baanabási ka jló ná kplá Jǎan e è sun nyǐ ɖɔ Maki ɔ́;

Mɛsɛ́dó 15:39

Nǔ dindɔn ɔ́ syɛ́n káká, bɔ Pɔ́lu kpódó Baanabási kpó klán. Baanabási ka kplá Maki, bɔ yě dó tɔjíhún, bó ɖidó tɔtɛ́ntinto e è nɔ ylɔ́ ɖɔ Cíplu ɔ́ gbé jí.

Mɛsɛ́dó 16:10

Ée Pɔ́lu mɔ nǔ énɛ́ ɔ́ gúdo ɔ́, mǐ sɔ́ nǔ, azɔn ɖokpó, bó ná yi Masedwani, ɖó mǐ mɔ gaan ɖɔ Mawu wɛ ylɔ́ mǐ, nú mǐ ná yi jlá Wɛn Ɖagbe ɔ́ to énɛ́ ɔ́ mɛ nu lɛ́ɛ.

Kolósinu 4:10

Alisitáki e kpó nyɛ kpó ɖo gankpá mɛ ɔ́ dó gbe sɛ́ dó mi; Baanabási sín nɔví Maki lɔmɔ̌ dó gbe sɛ́ dó mi. Lě e mi ná yí Maki gbɔn ɔ́, è ko ɖɔ nú mi; nú é wá mi gɔ́n hǔn, mi yí i ganjí.

Kolósinu 4:14

Wǎnyínámɔ mǐtɔn Luki dotóo ɔ́ kpódó Demási kpán dó gbe sɛ́ dó mi.

2 Timɔtée 1:15

Lě e a ko tunwun gbɔn ɔ́, mɛ e ɖo Azíi yíkúngban jí lɛ́ɛ bǐ lɛ́ kɔ sín gǔdo ce; yě ɖě nɛ́ nyí Fijɛ́lu kpódó Ɛɛmɔjɛ́ni kpó nɛ́.

2 Timɔtée 2:21

Ényí mɛɖé sixú ɖe nǔ nyanya e xó un ɖɔ ɔ́ sín gbɛzán tɔn mɛ ɔ́, nǔjɔnǔ wɛ è nǎ nɔ sɔ́ ɛ dó bló ná ɖó é ɖo gǎn tɔn sín acɛ mɛ bǐ sésé, bó jɛ alɔ n'i, bó ɖo gbesisɔ mɛ, bɔ é ná sɔ́ ɛ dó wa nǔ ɖagbe bǐ ná.

Filemɔ́ɔ 1:24

Mɔ̌ ɖokpó ɔ́, azɔ̌gbɛ́ ce Maki kpódó Alisitáki kpó, kpó Demási kpó, kpódó Luki kpán dó gbe sɛ́ dó we.

1 Piyɛ́ɛ 5:13

Agun e ɖo Babilɔ́nu bɔ Mawu cyán lě e é cyán mi lɔmɔ̌ gbɔn ɔ́ dó gbe sɛ́ dó mi; vǐ ce Maki lɔmɔ̌ dó gbe sɛ́ dó mi.