2 Timɔtée 3:6 - MAWUXÓWÉMA

⁶ Mɛ ɖé lɛ́ɛ ɖo yě mɛ, bó nɔ lun byɔ́ xwé lɛ́ɛ gbe, lobo nɔ ɖɔ xó dó blɛ́ nyɔ̌nu e ma ɖó gǎn ɖě ǎ, bɔ hwɛgban ɖo kɔ ná lɛ́ɛ, káká bó nɔ́ xwe yě dó acɛ yětɔn mɛ.

2 Timɔtée 3:6 Iomraidhean Croise

Ɖɛhan 38:4

Nǔ ɖěbǔ sɔ́ ɖo ganjí ɖo wǔ ce ǎ, ɖó xomɛsin e jí a ɖe é wú; nǔɖé sɔ́ ɖo ganjí ɖo xú ce lɛ́ɛ wú ǎ, ɖó hwɛ e un hu lɛ́ɛ wú.

Ezayíi 1:4

Heelú we akɔta hwɛhutɔ́, togun hwɛgban ɖo tanánɔ, mɛdídá kúnkan; vǐ gblégblé wɛ mi nyí, mi jó Mawu Mavɔmavɔ dó. Mi gbɛ́ wǎn nú Mɛ Mímɛ́ Izlayɛ́li tɔn ɔ́, mi dó gǔdo e.

Matíe 11:28

“Mi wá gɔ̌n ce; mi mɛ e agban kpinkpɛn hinhɛn cikɔ ná lɛ́ɛ é bǐ, bónú ma ná gbɔjɛ́ mi.”

Matíe 23:13

Jezu ka lɛ́ ɖɔ: “Heelú mi sɛ́nkplɔ́nmɛtɔ́ lɛ́ɛ kpódó Falizyɛn lɛ́ɛ kpó, yɛmɛnúwatɔ́ e mi! Ɖó mi nɔ sú axɔ́súɖuto sɛ́xwé tɔn sín ali dó mɛ lɛ́ɛ, mi ɖésú ka nɔ byɔ́ ɛ mɛ ǎ; mi ka nɔ ná tɛn mɛ e jló ná byɔ́ ɛ mɛ lɛ́ɛ ǎ. [

Matíe 23:14

“Heelú mi sɛ́nkplɔ́nmɛtɔ́ lɛ́ɛ kpódó Falizyɛn lɛ́ɛ kpó, yɛmɛnúwatɔ́ e mi! Ɖó mi nɔ klá jɛ nǔ e nyí asúkúsi lɛ́ɛ tɔn ɔ́ bǐ nu, bó ka nɔ ɖo ɖɛ gaga xo wɛ, bó ná dó ɖe xlɛ́ gbɛtɔ́ lɛ́ɛ ɖɔ mɛ ɖagbe wɛ émí nyí. Énɛ́ ɔ́ wútu wɛ Mawu ná dɔn tó nú mi bɔ é ná syɛ́n ɖésú.]

Matíe 4:24

Nyǐkɔ tɔn gba kpé Silíito ɔ́ bǐ mɛ, bɔ mɛ lɛ́ɛ nɔ kplá azinzɔnnɔ e ɖo azɔn alɔkpa alɔkpa jɛ wɛ lɛ́ɛ wá n'i; mɛ e jí yɛ nyanya ɖe lɛ́ɛ, adǐngbekútɔ́ lɛ́ɛ, ayǐsónɔ lɛ́ɛ, bɔ é nɔ gbɔ azɔn nú yě.

Maki 4:19

bɔ gbɛmɛ fí sín tagba lɛ́ɛ, dɔkun gbɛmɛ fí tɔn lɛ́ɛ sín mɛdindɔn kpódó nukúnkɛn alɔkpa alɔkpa lɛ́ɛ kpó nɔ́ wá vun blá, bó nɔ́ hu xó ɔ́ ɖo ayi yětɔn mɛ, bɔ é nɔ gɔn sínsɛ́n é.

1 Kɔlɛ́ntinu 12:2

Mi tunwun ɖɔ hwenu e mi ma ko nyí klísusɛntɔ́ ǎ ɔ́, vodún e nyí nǔ bo ma sixú ɖɔ xó ǎ lɛ́ɛ kɔn wɛ nǔ ɔ́ nɔ dɔn mi yi, bɔ mi nɔ sixú gló ǎ.

1 Timɔtée 5:6

Lo ɔ́, asúkúsi e jó éɖée dó nú gbɛɖuɖu ɔ́ ɖo gbɛ cóbó ká kó kú.

1 Timɔtée 6:9

Amɔ̌, mɛ e nɔ jló ná jɛ dɔkun lɛ́ɛ nɔ jɛ tɛ́nkpɔ́n mɛ, bó nɔ jɛ jlǒ ma ɖó ta ɖé lɛ́ɛ, kpódó jlǒ e nɔ zɔ́n bɔ è nɔ mɔ wǔvɛ́ lɛ́ɛ kpó sín mɔ mɛ; jlǒ énɛ́ lɛ́ɛ wɛ nɔ dɔn gbɛtɔ́ yi bú, bɔ yě nɔ dɔn.

Titu 1:11

È ɖǒ ná xwe nu yětɔn dó xɔ, ɖó yě ɖo hunnyahunnya dó hɛ̌nnu lɛ́ɛ bǐ sésé mɛ wɛ, bɔ nǔ e è ma ɖó ná kplɔ́n mɛ ǎ ɔ́, yě nɔ kplɔ́n mɛ lɛ́ɛ, bó ná dó mɔ akwɛ́.

Titu 3:3

Đó ɖ'ayǐ xóxó ɔ́, mǐ lɔmɔ̌ ɔ́, mǐ ko nyí ayixamasɔgbenánɔ, bó kó nyí tónúmasetɔ́, bó kó bú ali; jlǒ agbaza tɔn tɛnmɛ tɛnmɛ lɛ́ɛ kpó gbɛɖuɖu kpán sín kannumɔ wɛ mǐ kó nyí ɖ'ayǐ. Dǎnúwiwa kpó mɛɖěvonújlójló kpó sín gbɛ mɛ wɛ mǐ kó nɔ ɖ'ayǐ; mǐ nɔ gbɛ́ wǎn nú mɛ ɖě lɛ́ɛ, bɔ yě lɔ nɔ gbɛ́ wǎn nú mǐ lɔmɔ̌.

2 Piyɛ́ɛ 2:18

Yě nɔ ɖo goyítɔ́ xó ɖɔ wɛ, bó nɔ ɖo xlonɔ xó ɖɔ wɛ; yě nɔ wlí mɛ e ma ko hɔn sín yě mɛ e ɖo ali bú wɛ lɛ́ɛ tɛ́ntin zinzin ǎ lɛ́ɛ dó mɔ mɛ; nǔblíblí wiwa sín jlǒ e yě ɖó ɖo gbɛtɔ́ nyínyí mɛ lɛ́ɛ wɛ yě nɔ́ dó wlí yě dó mɔ mɛ.

2 Piyɛ́ɛ 3:17

Amɔ̌, nɔví ce vívɛ́ná lɛ́ɛ mi, midɛɛ lɛ́ɛ ɔ́, è ko ɖɔ xó énɛ́ lɛ́ɛ ɖ'ayǐ nú mi din. Hǔn, mi bó cɔ́ miɖée, bó ma jó miɖée dó nú nǔ wa nyi do gbɛtɔ́ nyanya lɛ́ɛ tɔn ní dɔn mi bú ó; mi ma ka lɛ́ gɔn acéjí e mi ɖe ɔ́ nɔ ó.

Judi 1:16

Mɛ énɛ́ lɛ́ɛ ɔ́, nǔɖé nɔ jɛ yětɔn jí gbeɖé ǎ; vo sa wɛ jɛ́n yě nɔ ɖe; yě nɔ zán gbɛ yětɔn lě e é jló yě gbɔn é; yě nɔ yí nu go, bó nɔ klɔ́ mɛ, bó ná dó mɔ nǔɖé yí ɖo mɛ sí.

Judi 1:18

Nǔgbó ɔ́, yě ɖɔ nú mi ɖɔ: “Azǎn gǔdo gúdo tɔn lɛ́ɛ mɛ ɔ́, mɛɖé lɛ́ɛ ná tíin, bó ná nɔ ɖɔ slǎmɛ mi wú, bó ná zán gbɛ yětɔn lě e jlǒ nyanya yětɔn lɛ́ɛ zɔ́n yě gbɔn é.”

Judi 1:4

Nǔgbó ɔ́, mɛdídá ɖé lɛ́ɛ lun byɔ́ mi mɛ, bó nɔ́ kpé ta do nú wɛn e ɖɔ xó dó nyɔ̌ná Mawu mǐtɔn tɔn wú é; yě bló mɔ̌, bó ná dó ɖe xlɛ́ ɖɔ gbɛ kwíji kwíji e zán wɛ émí ɖe ɔ́ sɔgbe, bó nɔ́ gbɛ́ Jezu Klísu e nyí Mɛ̌si mǐtɔn ɖokpó géé, bó nyí Aklúnɔ mǐtɔn é. É ko lín din bɔ Mawuxówéma ɔ́ ko ɖɔ hwɛ e è ɖǒ nú yě ɔ́.