2 Timɔtée 3:3 - MAWUXÓWÉMA

³ Yě ná ɖó wǎn yíyí ɖěbǔ ǎ; yě ná nɔ kú nǔbláwǔ nú mɛ ǎ; yě ná nɔ́ ɖɔ mɛ nú; yě nɔ sixú ɖu ɖo yěɖée jí ǎ, bó ná nɔ nylá hun; yě ná nɔ́ gbɛ́ wǎn nú ɖagbewiwa.

2 Timɔtée 3:3 Iomraidhean Croise

Bǐbɛ́mɛ 49:7

Un dó nu xomɛsin yětɔn, ɖó é syɛ́n dín. Un dó nu adǎnwiwa yětɔn, ɖó adǎnwiwa énɛ́ ɔ́, mɛ wɛ yě dó hu. Un ná gba vǐ yětɔn lɛ́ɛ dó gbɔn Izlayɛ́li. Un ná fúnfún yě gbɔn to ɔ́ bǐ mɛ.

Ɖɛhan 15:4

É nɔ́ kpɔ́n mɛ e Mawu Mavɔmavɔ gbɛ́ wǎn ná lɛ́ɛ sín jɛ jí ǎ. Amɔ̌, é nɔ́ wlí yɛ̌yi nú mɛ e nɔ sí Mawu Mavɔmavɔ lɛ́ɛ. É dó akpá ɖé ɔ́, é nɔ́ ɖe. Nǔ ɖěbǔ ná bó gbo e ɖ'é mɛ ɔ́, é nɔ́ ɖe.

Ɖɛhan 22:6

Yě nɔ́ sú xó ylɔ́ we, bɔ a nɔ hwlɛ́n yě; yě gán jɛ wǔ we, yě ká ɖu winnyá ǎ.

Ezayíi 53:3

Mɛ bǐ nɔ́ hu tɛ́ n'i bó jó e dó. É nyí mɛ ɖé bó mɔ wǔvɛ́ bó ji ya bɔ é kó dó étɔn; é cí mɛ e sín jɛ jí mɛɖé má nɔ́ ba ná kpɔ́n ǎ é ɖɔhun. Mǐ nɔ́ hu tɛ́ n'i, mǐ sɔ́ ɛ dó mɔ nǔɖé ǎ.

Ezayíi 60:14

Mɛ e dó ya nú we ɖ'ayǐ lɛ́ɛ ɔ́, vǐ yětɔn lɛ́ɛ ná wá dó kɔ do ɖo gɔ̌n towe; mɛ e hu tɛ́ nú we ɖ'ayǐ lɛ́ɛ bǐ ná wá jɛ kpo ɖo akɔ́n towe mɛ, bó ná nɔ́ ylɔ́ we ɖɔ: ‘Toxo Mawu Mavɔmavɔ tɔn’, ‘Sinyɔ́ɔ mɛ mímɛ́ Izlayɛ́li tɔn ɔ́ tɔn.’

Daniyɛ́li 8:23

Ée yě ná kpa acɛ yětɔn fó, bɔ mɛ lɛ́ɛ ná hu hwɛ káká bɔ é ná tlɛ́n asá ɔ́, axɔ́sú goyítɔ́ mɛblɛ́ɖutɔ́ heelú ɖokpó ná wá yí to ɔ́.

Matíe 10:21

“Nɔví ná jó nɔví tɔn, bɔ è nǎ hu; tɔ́ ná jó vǐ tɔn, bɔ è nǎ hu; vǐ lɛ́ɛ ná fɔ́n gǔ dó mɛjitɔ́ yětɔn lɛ́ɛ jí, bó ná zɔ́n ɖɔ è ní hu yě.

Matíe 4:1

Énɛ́ ɔ́ gúdo ɔ́, Yɛ ɔ́ kplá Jezu yi gbětótló mɛ bónú awǒvi ná tɛ́n ɛ kpɔ́n.

Luki 10:16

É lɛ́ ɖɔ nú ahwanvú tɔn lɛ́ɛ ɖɔ: “Mɛ e ɖótó mi ɔ́, nyɛ wɛ é ɖótó; mɛ e ka gbɛ́ mi ɔ́, nyɛ wɛ é gbɛ́. Mɛ e ka gbɛ́ mì ɔ́, é gbɛ́ mɛ e sɛ́ mì dó ɔ́.”

Luki 16:14

Ée Falizyɛn lɛ́ɛ se xó énɛ́ ɔ́, yě jɛ slǎmɛ ɖɔ Jezu wú jí, ɖó yědɛɛ lɛ́ɛ yí wǎn nú akwɛ́.

Jǎan 6:70

Jezu ka lɛ́ ɖɔ nú yě ɖɔ jí: “Nyɛ ɖésú wɛ cyán mi mɛ wěwe lɛ́ɛ, cóbɔ mɛ ɖokpó ka ɖo mi mɛ bó nyí awǒvigbɛtɔ́.”

Hlɔ̌manu 1:29

Nǔmasɔgbe tɛnmɛ tɛnmɛ wiwa bǐ kpó nǔ nyanya wiwa tɛnmɛ tɛnmɛ bǐ kpó wɛ gɔ́ ayi yětɔn mɛ; mɛnújlójló tɛnmɛ tɛnmɛ bǐ kpó adǎnúwiwa tɛnmɛ tɛnmɛ bǐ kpó wɛ gɔ́ ayi yětɔn mɛ. Wǔhwinhwan kpó mɛhuhu kpó, kpódó jlɛɖiɖɔ kpán wɛ gɔ́ ayi yětɔn mɛ; sísɛ́ kpódó bǐbí kpó wɛ gɔ́ ayi yětɔn mɛ; yě nɔ́ ɖo xó ɖɔ kpé wɛ,

Hlɔ̌manu 1:31

Ayixa yětɔn nɔ mɔ nǔ ǎ; yě dó akpá ɔ́, yě nɔ ɖe ǎ; yě yǐ wǎn nú mɛ ǎ; mɛ nú nɔ blá wǔ nú yě ǎ.

1 Kɔlɛ́ntinu 7:5

Mi ma gbɛ́ xɔ nú miɖée ó, afi nú mi ɖó gbe kpɔ́, bó ná nɔ mɔ̌ nú hwenu ɖé, bó ná sixú kpé nukún dó ɖɛxixo wú. Amɔ̌, ényí hwe ɔ́ nu wá yi ɔ́, mi ná lɛ́ bɛ́ asú kpó asi kpó sín gbɛ lě e é jɛ xá gbɔn é; é má nyí mɔ̌ ǎ ɔ́, miɖée jí ɖu ɖe táá gló mi, bɔ Satáan ná tɛ́n mi kpɔ́n.

1 Kɔlɛ́ntinu 7:9

Amɔ̌, ényí mi ma sixú ɖu ɖo miɖée jí ǎ hǔn, mi da asi, abǐ mi da asú: ényí mi da asi abǐ mi da asú ɔ́, é nyɔ́ hú mi ní nɔ mɔ̌, bónú nyɔ̌nu biba abǐ súnnu biba sín jlǒ na ɖo jiji wɛ ɖo lan mitɔn mɛ myɔ ɖɔhun.

1 Tɛsalonikinu 4:8

Hǔn, mɛ e hɔn nǔkplɔ́nmɛ énɛ́ nyi gbě ɔ́, é nyí gbɛtɔ́ wɛ é hɔn nyi gbě ǎ; lo ɔ́, Mawu e ná Yɛsinsɛn tɔn mi ɔ́ wɛ é hɔn nyi gbě.

1 Timɔtée 3:11

Asi yětɔn lɛ́ɛ lɔ ɖó ná nyí mɛ ɖagbe; yě ɖó ná nɔ ɖɔ mɛ nú ǎ; yě ná nɔ wa nǔ bǐ dó jlɛ̌ jí, bó ná nɔ gbejí ɖo nǔ bǐ mɛ.

Titu 1:8

É ɖó ná nɔ yí mɛ e nɔ wá gɔ̌n tɔn lɛ́ɛ ganjí, bó ná yí wǎn nú ɖagbewiwa; é ɖó ná nɔ wa nǔ e sɔgbe é, é ɖó ná nɔ́ wa nǔ jlɔ́jlɔ́; é ɖó ná nyí mɛ mímɛ́; é ɖó ná nɔ wa nǔ ɖó jlɛ̌ jí.

Titu 2:3

Mɔ̌ ɖokpó ɔ́, ɖɔ nú nyɔ̌nu e sín xwe ko sɛ yi lɛ́ɛ ɖɔ yě ní zán gbɛ yětɔn mɛ e nɔ zán gbɛ mímɛ́ lɛ́ɛ ɖɔhun. Yě ná nɔ́ ɖɔ mɛ nu ǎ; yě ná nyí ahannumúnɔ ǎ; yě ɖó ná nɔ́ kplɔ́n nǔ ɖagbe mɛ,

Jaki 2:6

Lo ɔ́, midɛɛ lɛ́ɛ ɔ́, mi gbɛ́ wǎn nú wamamɔnɔ! È ma ka nyí dɔkunnɔ lɛ́ɛ wɛ nɔ ɖo mi táfú wɛ, bó nɔ ɖo mi dɔn yi hwɛ nukɔn wɛ ǎ cé?

2 Piyɛ́ɛ 2:14

Aga nukún wɛ ɖo ta nú yě, bɔ hwɛhuhu nɔ ci kɔ nú yě gbeɖé ǎ. Yě nɔ ɖó mɔ nú mɛ e vɔ́ lɛ́ɛ, bɔ yě nɔ jɛ mɛ; nukúnkɛn wɛ yě nɔ dó; Mawu ko dó nu yě.

2 Piyɛ́ɛ 2:19

Yě nɔ dó akpá nú yě ɖɔ yě ná jɛ yěɖée sí; lo ɔ́, jijɔ e nɔ dɔn mɛ yi kú lɛ́ɛ sín kannumɔ wɛ yě ɖésú ka nyí; ɖó kannumɔ wɛ mɛ ɖokpó ɖokpó nyí nú nǔ e nɔ ɖu ɖo jǐ tɔn é.

2 Piyɛ́ɛ 3:3

Nǔ e mi ná tunwun jɛ nukɔn ɔ́ wɛ nyí ɖɔ: ɖo azǎn gǔdo gúdo tɔn lɛ́ɛ mɛ ɔ́, mɛ e nɔ zán gbɛ yětɔn lě e jlǒ yě ɖésúnɔ tɔn ba gbɔn lɛ́ɛ ná ɖe yěɖée xlɛ́. Yě ná ɖɔ slǎmɛ mi wú,

Judi 1:16

Mɛ énɛ́ lɛ́ɛ ɔ́, nǔɖé nɔ jɛ yětɔn jí gbeɖé ǎ; vo sa wɛ jɛ́n yě nɔ ɖe; yě nɔ zán gbɛ yětɔn lě e é jló yě gbɔn é; yě nɔ yí nu go, bó nɔ klɔ́ mɛ, bó ná dó mɔ nǔɖé yí ɖo mɛ sí.

Judi 1:18

Nǔgbó ɔ́, yě ɖɔ nú mi ɖɔ: “Azǎn gǔdo gúdo tɔn lɛ́ɛ mɛ ɔ́, mɛɖé lɛ́ɛ ná tíin, bó ná nɔ ɖɔ slǎmɛ mi wú, bó ná zán gbɛ yětɔn lě e jlǒ nyanya yětɔn lɛ́ɛ zɔ́n yě gbɔn é.”

Nǔɖexlɛ́mɛ 13:15

È nǎ gbe kanlin wegɔ́ ɔ́ ɖɔ ní ná gbɛ kanlin nukɔntɔn ɔ́ sín akpajlɛ́, bónú akpajlɛ́ énɛ́ ɔ́ ná sixú ɖɔ xó, bónú é ná sixú hu mɛ e ma ná nɔ sɛn ɛ ǎ lɛ́ɛ bǐ.

Nǔɖexlɛ́mɛ 13:17

Ényí mɛɖé ma ɖó wuntun énɛ́ ɔ́ ǎ ɔ́, é sixú xɔ nǔ ǎ; é ka sixú sa nǔ ǎ. Wuntun ɔ́ wɛ nyí kanlin ɔ́ sín nyǐkɔ, abǐ xixa nabí e nyǐkɔ tɔn nyí é.

Nǔɖexlɛ́mɛ 16:6

Nǔgbó ɔ́, yě kɔn mɛɖeɖóvo Mawu tɔn lɛ́ɛ kpó gbeyíɖɔ lɛ́ɛ kpó sín hun nyi ayǐ, bɔ din ɔ́, a nǎ kanjɔ yě, bɔ yě nu. Nǔ e jɛ xá yě ɔ́ nɛ́!”

Nǔɖexlɛ́mɛ 17:6

Un mɔ ɖɔ mɛɖeɖóvo Mawu tɔn lɛ́ɛ kpódó kúnnuɖetɔ́ Jezu tɔn e è hu lɛ́ɛ kpó sín hun mú nyɔ̌nu ɔ́. Ée un mɔ nyɔ̌nu ɔ́, é kpácá mì ɖésú.