2 Timɔtée 3:2 - MAWUXÓWÉMA

² Hwe énɛ́ nu ɔ́, gbɛtɔ́ lɛ́ɛ ná nɔ ba ɖɔ émítɔn jɛ́n ná nyɔ́; yě ná nɔ yí wǎn nú akwɛ́; yě ná nɔ mɔ yěɖée; yě ná nɔ́ yí go; yě ná nɔ́ nylá nu dó Mawu wú; yě ná nɔ́ vɛ́ tóli nú mɛjitɔ́ yětɔn lɛ́ɛ; yě ná nɔ dó alɔgúdokpɛ́ nú mɛ; yě ná nɔ ɖó sísí nú nǔ e nyí Mawu tɔn lɛ́ɛ ɖě ǎ.

2 Timɔtée 3:2 Iomraidhean Croise

Ɖɛhan 10:3

Mɛdídá kpé nǔ e lin wɛ é ɖe ɔ́ wú bó wa, lobo kpa éɖée. Nǔwlóɖutɔ́ nɔ́ nyi nu do nú Mawu Mavɔmavɔ, bó nɔ́ ko e.

Ɖɛhan 49:6

Aniwú xɛsi ka ná ɖi mì azǎn nyanya gbe? Aniwú xɛsi ka ná ɖi mì hwenu e awlinmɛdan lɛ́ɛ ná lɛ́ lɛ̌ dó mì é?

Ɖɛhan 52:1

Hanjigbɛ́gán ɔ́ sín hanjiwéma mɛ wɛ han élɔ́ ɖe. È sɔ́ xó lómílómí dó han mɛ. Davídi sín han wɛ.

Ezayíi 10:15

Asyɔ́ nɔ́ yí go mɛ e lɔ mɛ é ɖe ɔ́ wú wɛ a? Sá nɔ́ ɖɔ nyɛ wɛ sɔ lě ɖo mɛ e ɖo zǐnzán ɛ é lɔ mɛ wɛ a? É wá cí ɖɔ kpo wɛ ɖo mɛ e lɔ mɛ é ɖe ɔ́ zán wɛ ɖɔhun, abǐ makpo wɛ ɖo mɛ e hɛn é sɔ́ dó jǐ wɛ ɖɔhun.

Daniyɛ́li 11:36

“Axɔ́sú ɔ́ ná nɔ́ wa nǔ lě e é jló e gbɔn é. É ná nɔ́ tɛ afɔ ayǐ, bó ná nɔ́ mɔ ɖɔ émí hú gǎn vodún lɛ́ɛ bǐ. É ja xó ɖɔ nú Mawu mawu lɛ́ɛ tɔn gbé ɔ́, é ná nɔ́ lin tamɛ kpɔ́n ǎ. Nǔ nǎ ɖo nyǐnyɔ́ n'i wɛ káká jɛ hwenu e xomɛsin Mawu tɔn ná wá é. Lo ɔ́, nǔ e Mawu ɖɔ ɔ́ jɛ́n ná jɛ.

Daniyɛ́li 7:25

É ná nylá nu dó Mawu Ajalɔ̌nlɔn ɔ́ wú, bó ná nɔ dó ya nú togun mímɛ́ ɔ́. É ná lin ná húzú togun mímɛ́ ɔ́ sín tito lɛ́ɛ, kpódó sɛ́n tɔn lɛ́ɛ kpó; togun mímɛ́ ɔ́ ná nɔ acɛ tɔn mɛ nú xwe atɔn adaɖé.

Matíe 15:6

mɛ énɛ́ ɔ́ sɔ́ ɖó nǔɖé bó ná wa nú tɔ́ tɔn abǐ nɔ tɔn dandan ǎ. Mɔ̌ wɛ mi nɔ gba Mawusɛ́n ɔ́, bó nɔ́ xwedó hwɛndo tɔ́gbó mitɔn lɛ́ɛ tɔn gbɔn.

Luki 12:15

É ka ɖɔ nú yě ɖɔ: “Mi cɔ́ miɖée dó nukúnkɛndídó wú; ɖó nú gbɛtɔ́ na bo ɖó nǔ gbɔn ɖěbǔ ɔ́, gbɛ jɔ gbɛ ɔ́ ɖo dɔkun tɔn lɛ́ɛ mɛ ǎ.”

Luki 16:14

Ée Falizyɛn lɛ́ɛ se xó énɛ́ ɔ́, yě jɛ slǎmɛ ɖɔ Jezu wú jí, ɖó yědɛɛ lɛ́ɛ yí wǎn nú akwɛ́.

Luki 6:35

Lo ɔ́, mi yí wǎn nú kɛntɔ́ mitɔn lɛ́ɛ, bó nɔ́ wa ɖagbe nú yě, bó nɔ́ hwé nǔ nú mɛ, mi ma ka ɖó nukún tɔn ɖɔ émí ná lɛ́ wá mɔ yí ó, énɛ́ ɔ́, ajɔ mitɔn ná tlí, bɔ mi ná nyí Mawu Ajalɔ̌nlɔn ví; ɖó Mawu nɔ́ nyɔ́ xomɛ dó alɔgúdokpɛ́dónúmɛtɔ́ lɛ́ɛ kpódó mɛdídá lɛ́ɛ kpán wú.

Mɛsɛ́dó 5:36

É kó lín din ǎ, bɔ Tedasi sí te ɖo fí, bó ɖɔ émí jɛ́n tíin, bɔ súnnu mɛxó ná yi afɔwe (400) mɔ̌ xwedó e. È ka hu i, bɔ mɛ énɛ́ lɛ́ɛ bǐ gbadó, bɔ xó fó.

Hlɔ̌manu 11:18

Énɛ́ wútu ɔ́, a ɖǒ na gbɛ́ wǎn nú ala ɖě lɛ́ɛ ǎ. Nɛ̌ a ka sixú jlá ajɔ̌ nú hwiɖée gbɔn? Hwi wɛ hɛn ɖɔ lɛ́ɛ ǎ, lo ɔ́, ɖɔ lɛ́ɛ wɛ hɛn hwɛ.

2 Kɔlɛ́ntinu 5:15

É kú dó mɛ bǐ tamɛ, bónú mɛ e ɖo gbɛ lɛ́ɛ ɔ́, yě ma sɔ́ nɔ gbɛ nú yě ɖésúnɔ ó; lo ɔ́, yě ní nɔ gbɛ nú mɛ e kú dó yě tamɛ, bɔ è lɛ́ fɔ́n ɛ wá gbɛ dó yě tamɛ é.

Filípunu 2:21

Mɛɖě lɛ́ɛ bǐ ɔ́, nǔ yě ɖésúnɔ tɔn lɛ́ɛ jɛ́n nɔ myá nukún nú yě; nǔ e nyí Jezu Klísu tɔn lɛ́ɛ ɖě nɔ́ myá nukún nú yě ǎ.

Kolósinu 3:5

Hǔn, mi bo sú nǔ e nyí ayǐkúngban jí tɔn ɖo ayi mitɔn mɛ lɛ́ɛ sín kún dó; nǔ énɛ́ lɛ́ɛ wɛ nyí: agalilɛ, nǔblíblíwiwa, jlǒ agbaza tɔn lɛ́ɛ, linlin nyanya lɛ́ɛ kpó nukúnkɛndídó kpó, ɖó nukúnkɛndídó ɔ́ cí bǒcyɔ sinsɛn ɖɔhun.

2 Tɛsalonikinu 2:4

É ná lɔn bónú gbɛtɔ́ lɛ́ɛ sɔ́ ná sɛn nǔ e yě nɔ sɛn lɛ́ɛ ɖě ǎ; yě ká sɔ́ ná sɛn nǔ e yě nɔ dó ɖó Mawu ná ɔ́ ɖě ǎ. É ná sɔ́ éɖée ɖó aga, nú nǔ énɛ́ lɛ́ɛ bǐ, bó ná hun káká yi byɔ́ sinsɛnxɔ Mawu tɔn mɛ, bó na jínjɔ́n ayǐ, lobo ná jlá ɖɔ émí nyí Mawu.

1 Timɔtée 1:20

Imɛnɛ́ɛ kpódó Alɛsándlu kpán ɖo mɛ énɛ́ lɛ́ɛ mɛ. Un jó yě dó nú Satáan , nú yě ná tunwun ɖɔ émí kún sɔ́ ná nylá nu dó Mawu wú ɖě ó.

1 Timɔtée 1:9

Đo tají ɔ́, è ka ná flín ɖɔ é kún nyí nǔjlɔ́jlɔ́watɔ́ lɛ́ɛ wú wɛ è dǒ sɛ́n ɔ́ ó; lo ɔ́, mɛ e wú è dǒ sɛ́n ɔ́ lɛ́ɛ wɛ nyí nǔnyanyawatɔ́ lɛ́ɛ, tónúmasetɔ́ lɛ́ɛ, mɛ e ma nɔ sí Mawu ǎ lɛ́ɛ, hwɛhutɔ́ lɛ́ɛ, mɛ e ma nyí mɛ mímɛ́ ǎ lɛ́ɛ, mɛ e ma ɖi nǔ nú Mawu ǎ lɛ́ɛ, mɛ e nɔ hu tɔ́ yětɔn abǐ nɔ yětɔn lɛ́ɛ é, mɛhutɔ́ lɛ́ɛ.

1 Timɔtée 3:3

É ɖó ná nyí ahannumúnɔ ǎ; é ka ná nyí tagbanɔ ǎ, é nyɔ́ wa ɔ́, é ná nyɔ́ xomɛ, bó ná nyí mɛfífá, bɔ akwɛ́ ná nɔ gbo vɛ̌ ɛ ǎ.

1 Timɔtée 6:10

Đó wǎn yí nú akwɛ́ mɛ wɛ nǔ nyanya tɛnmɛ tɛnmɛ lɛ́ɛ bǐ nɔ tɔ́n sín; mɛɖé lɛ́ɛ ɖo gbě tɔn mɛ káká bó yi bú, bó ɖo zɔ nú nǔɖiɖi ɔ́, bó dɔn nǔgbomɛ gěgé dó kɔ.

1 Timɔtée 6:4

go wɛ é yí; é tunwun nǔɖé ǎ; nǔdindɔn kpódó jlɛɖiɖɔ dó xógbe ɖé lɛ́ɛ wú kpó sín azɔn jɛ wɛ é ɖe; nǔ énɛ́ lɛ́ɛ wɛ nɔ hɛn wǔhwinhwan, adɔndindɔn, mɛzunzun, nǔnyanyavɛdómɛ,

2 Timɔtée 3:4

Yě ná nɔ́ sa mɛ ɖu; yě ná nɔ́ lin tamɛ kpɔ́n cóbó ná nɔ́ wa nǔ ǎ; yě ná nɔ́ yí go zɛ xwé wú; yě ná nɔ́ yí wǎn nú gbɛɖuɖu hú yě ná yí wǎn nú Mawu.

Jaki 2:8

Nǔgbó ɔ́, nú mi nɔ nyi axɔ́súɖuto Mawu tɔn sín sɛ́n ɔ́ lě e Mawuxówéma ɔ́ ɖɔ gbɔn ɔ́, nǔ ɖagbe wa wɛ mi ɖe; é wɛ nyí ɖɔ: “Yǐ wǎn nú nɔzo towe hwi ɖésúnɔ ɖɔhun”.

Jaki 4:16

Amɔ̌ din ɔ́, goyítɔ́ wɛ mi nyí, bó ɖo ajɔ̌ jlá nú miɖée wɛ. Goyíyí ka nyí nǔ ɖagbe ǎ.

Jaki 4:6

É ɖo mɔ̌ có, é nɔ lɛ́ ná fɛ́nú e hú gǎn mɔ̌ ɔ́ mǐ; ɖó Mawuxówéma ɔ́ ɖɔ: “Mawu nɔ gbɛ́ goyítɔ́ lɛ́ɛ sín xó; lo ɔ́, é nɔ ná fɛ́nú mɛ e nɔ sɔ́ yěɖée hwe lɛ́ɛ.”

1 Piyɛ́ɛ 5:5

Mɔ̌ ɖokpó ɔ́, mi mɛwínnyáwínnyá lɛ́ɛ mi, mi ɖó ná nɔ́ hwíhwɛ́ miɖée dó mɛ e nyí mɛxó nú mi lɛ́ɛ glɔ́; mi bǐ ní nɔ sɔ́ miɖée hwe, bó ná nɔ wa azɔ̌ nú miɖée, ɖó Mawuxówéma ɔ́ ɖɔ: “Mawu nɔ ɖe kɔ dó goyítɔ́ lɛ́ɛ; lo ɔ́, é nɔ nyɔ́ xomɛ dó mɛ e nɔ sɔ́ yěɖée hwe lɛ́ɛ wú.”

2 Piyɛ́ɛ 2:10

Yě mɛ e nɔ xwedó jlǒ kwíji kwíji gbɛtɔ́ e yě nyí ɔ́ tɔn, bó nɔ gbɛ́ wǎn nú acɛkpikpa Mawu tɔn lɛ́ɛ ɔ́ wɛ é ná dɔn tó ná tawun. Nǔkplɔ́nmɛtɔ́-nyíjɛtɔ́ e xó un ɖɔ nú mi lɛ́ɛ ɔ́, ta wɛ yě nɔ syɛ́n, bó nɔ dó gbe kawun kawun dó ɖɔ xó nú mɛ; yě ɖó sísí nú nǔɖíɖó susunɔ e ɖo jǐxwé lɛ́ɛ é ǎ; lo ɔ́, zun wɛ yě nɔ zun yě.

2 Piyɛ́ɛ 2:12

Amɔ̌, mɛ énɛ́ lɛ́ɛ ɔ́, yě nɔ lin tamɛ kpɔ́n cóbó nɔ wa nǔ ǎ; yě cí gběkanlin e jɔ, bɔ è nǎ wlí bó hu é ɖɔhun; yě nɔ zun nǔ e wú yě ma mɔ nukúnnú jɛ ǎ é; è nǎ hu yě lě e è nɔ hu gběkanlin lɛ́ɛ gbɔn é.

2 Piyɛ́ɛ 2:18

Yě nɔ ɖo goyítɔ́ xó ɖɔ wɛ, bó nɔ ɖo xlonɔ xó ɖɔ wɛ; yě nɔ wlí mɛ e ma ko hɔn sín yě mɛ e ɖo ali bú wɛ lɛ́ɛ tɛ́ntin zinzin ǎ lɛ́ɛ dó mɔ mɛ; nǔblíblí wiwa sín jlǒ e yě ɖó ɖo gbɛtɔ́ nyínyí mɛ lɛ́ɛ wɛ yě nɔ́ dó wlí yě dó mɔ mɛ.

2 Piyɛ́ɛ 2:3

Nǔkplɔ́nmɛtɔ́-nyíjɛtɔ́ énɛ́ lɛ́ɛ ná nɔ ɖo akwɛ́ gbé mɛ, bó ná nɔ kpa xó ɖɔ nú mi, bó dó xo mi ɖu. Amɔ̌, mɛ e ná ɖó hwɛ nú yě ɔ́ ko ɖo te kpɔ́n yě sín tɛgbɛ, bó ná ɖó hwɛ nú yě, bɔ vivɔ yětɔn sixú gblá gbeɖé ǎ.

Judi 1:16

Mɛ énɛ́ lɛ́ɛ ɔ́, nǔɖé nɔ jɛ yětɔn jí gbeɖé ǎ; vo sa wɛ jɛ́n yě nɔ ɖe; yě nɔ zán gbɛ yětɔn lě e é jló yě gbɔn é; yě nɔ yí nu go, bó nɔ klɔ́ mɛ, bó ná dó mɔ nǔɖé yí ɖo mɛ sí.

Nǔɖexlɛ́mɛ 13:1

Énɛ́ ɔ́ gúdo ɔ́, un mɔ kanlin ɖé tɔ́n sín xu mɛ; é ɖó zo wǒ, bó ɖó ta tɛ́nwe; é xwe axɔ́súgbákún ɖokpó ɖokpó ɖó zo tɔn lɛ́ɛ ɖokpó ɖokpó jí; è wlǎn nu nylá dó Mawu wú sín nyǐkɔ dó ta tɔn lɛ́ɛ wú.

Nǔɖexlɛ́mɛ 16:11

Yě nylá nu dó Mawu sɛ́xwé tɔn wú, ɖó wǔvɛ́ e mɔ wɛ yě ɖe ɔ́ kpó agadá yětɔn lɛ́ɛ kpó wú. Yě lɛ́ kɔ sín nǔ nyanya e wa wɛ yě ɖe lɛ́ɛ gúdo ǎ.

Nǔɖexlɛ́mɛ 16:21

Kɛ́njí ɖaxó ɖaxó ɖé lɛ́ɛ nɔ ja kɔn nyi gbɛtɔ́ lɛ́ɛ jí; kɛ́n énɛ́ lɛ́ɛ ɖokpó ɖokpó nɔ da káká yi kilóo kanɖé (40). Gbɛtɔ́ lɛ́ɛ nylá nu dó Mawu wú, ɖó nǔ nyanya e kɛ́njí ɔ́ dó sin ɔ́ wú; ɖó nǔ nyanya ɖé wɛ bó syɛ́n ɖésú.

Nǔɖexlɛ́mɛ 16:9

Yǒzo ɖaxó ɖé fyɔ́ gbɛtɔ́ lɛ́ɛ, bɔ yě nylá nu dó Mawu e ɖó acɛ dó nǔ nyanya mɔ̌hunkɔtɔn lɛ́ɛ jí ɔ́ sín nyǐkɔ wú; yě lɛ́ kɔ sín hwɛ yětɔn lɛ́ɛ gúdo, bó ná kpa susu nú Mawu ǎ.