2 Timɔtée 3:16 - MAWUXÓWÉMA

¹⁶ Nǔ e è wlán dó Mawuxówéma ɔ́ mɛ ɔ́, Mawu wɛ sɔ́ bǐ dó ayi mɛ nú mɛ lɛ́ɛ; é nyɔ́ nú è nǎ sɔ́ dó kplɔ́n nǔ mɛ, bó ná dó ɖe mɛ dó ali jí, bó ná dó ɖe nǔwanyido lɛ́ɛ xlɛ́, lobo ná dó kplɔ́n lě e è nǎ zǎn gbɛ ɖagbe gbɔn ɔ́ mɛ,

2 Timɔtée 3:16 Iomraidhean Croise

2 Samuwɛ́li 23:2

Yɛ Mawu Mavɔmavɔ tɔn ɖɔ xó gbɔn jǐ ce. Xó tɔn ɖo nu ce.

Nɛɛmíi 9:20

Đo xomɛnyínyɔ́ towe mɛ ɔ́, a nǎ yě Yɛ towe, bónú é ná ná nukúnnú-mɔjɛnǔmɛ yě. A nɔ ná yě nǔɖuɖu e è nɔ ylɔ́ ɖɔ mǎna ɔ́ hwebǐnu bɔ yě nɔ́ ɖu, bó nɔ ná sin yě bɔ yě nɔ́ nu dó fá kɔ ná.

Ɖɛhan 119:11

Un hɛn nǔ e a ɖɔ lɛ́ɛ ayi mɛ, bó ma wá hu hwɛ dó we ó.

Ɖɛhan 119:130

È tín xó towe mɛ nú mɛɖé ɔ́, mɛ ɔ́ nɔ́ mɔ wěziza; è tínmɛ nú xlonɔ ɔ́, é nɔ́ mɔ nukúnnú jɛ nǔ mɛ.

Ɖɛhan 119:9

Mawu, è ɖo wǐnnyáwínnyá mɛ ɔ́, nɛ̌ è ka sixú bló gbɔn bó ná nɔ́ zán gbɛ ɖagbe? Xó towe jɛ́n è nǎ nɔ́ xwedó dó wa nǔ.

Nǔnywɛ́xó 15:10

Mɛ e zɛ sín ali ɖagbe ɔ́ jí ɔ́, è nǎ dɔn tó n'i bɔ é ná vɛ́ jlɛ́; mɛ e è ka gbɛ̌ nǔ ná ɔ́ é ma nɔ́ se ǎ é ná kú.

Nǔnywɛ́xó 15:31

Mɛ e è gbɛ̌ nǔ ná bó ná ɖe e ɖó ali jí ɔ́, é nɔ́ ɖótó te bó nɔ́ se ɔ́, nǔnywɛ́tɔ́ lɛ́ɛ mɛ wɛ é ɖe.

Nǔnywɛ́xó 6:23

Đó lě e a nǎ wa nǔ gbɔn bɔ è ɖɔ nú we lɛ́ɛ ɔ́, zogbɛ́n wɛ é nyí nú we; kplɔ́n lɛ́ɛ ɔ́, wěziza wɛ yě nyí nú we, nǔ gbɛ́ nú mɛ ká nyí gbɛli nú we.

Micée 2:7

Mawu Mavɔmavɔ dó nu togun tɔn wɛ a? É nɔ yá wǔ sin xomɛ wɛ a? É nɔ kó wa nǔ gbɔn mɔ̌ ɖ'ayǐ wɛ a? Amɔ̌, nyɛ ɔ́, mɛ e ɖo nǔ jlɔ́jlɔ́ wa wɛ lɛ́ɛ kɛ́ɖɛ́ wɛ un ná ɖɔ xó ɖagbe ná.”

Sofoníi 3:2

É ɖótó Mawu Mavɔmavɔ sín xó lɛ́ɛ ǎ, é ké ya nú kplɔ́n e é ná ɛ lɛ́ɛ é ǎ. É ɖeji dó Mawu Mavɔmavɔ wú ǎ. É nɔ́ hɔn yi su Mawu tɔn ǎ.

Matíe 13:52

Jezu ka ɖɔ nú yě ɖɔ: “Sɛ́nkplɔ́nmɛtɔ́ e wá húzú axɔ́súɖuto sɛ́xwé tɔn sín ahwanvú ɔ́ cí xwétɔ́ e cyán nǔ yɔ̌yɔ́ kpódó nǔ xóxó kpó sín dɔkun tɔn lɛ́ɛ mɛ ɔ́ ɖɔhun.”

Matíe 21:42

Énɛ́ ɔ́ gúdo ɔ́, Jezu ɖɔ nú yě ɖɔ: “Mi mɔ xó élɔ́ xa ɖo Mawuxówéma ɔ́ mɛ ǎ cé? É wɛ nyí ɖɔ: ‘Awǐnnya e xɔmɛtɔ́ lɛ́ɛ ma sɔ́ dó mɔ nǔɖéwanú ǎ, bó xo nyi kɛ́n ɔ́ wá húzú awǐnnya e ɖo tají é, awǐnnya zwe jí tɔn; Aklúnɔ sín nǔwiwa nɛ́, nǔjíwǔ wɛ é nyí ɖo nukún mǐtɔn mɛ.’

Matíe 22:43

Jezu ka ɖɔ nú yě ɖɔ: “Nú Davídi ví wɛ é nyí ɔ́, nɛ̌ ka gbɔn bɔ Yɛ ɔ́ sɔ́ xó élɔ́ dó ayi mɛ nú Davídi, bɔ é ylɔ́ Klísu ɔ́ ɖɔ: ‘Aklúnɔ,’ bó ɖɔ jí:

Matíe 26:54

Ényí mɔ̌ wɛ un ka ko bló gbɔn ɔ́, nɛ̌ wɛ xó e è ka ko ɖɔ, bó wlán dó Mawuxówéma ɔ́ mɛ ɖ'ayǐ ɔ́ ná jɛ gbɔn?”

Matíe 26:56

Lo ɔ́, nǔ énɛ́ lɛ́ɛ bǐ jɛ, bónú xó e Mawu ko ɖɔ gbɔn gbeyíɖɔ tɔn lɛ́ɛ jí, bɔ è wlǎn dó Mawuxówéma mɛ ɔ́ ná dó jɛ.” Ahwanvú Jezu tɔn lɛ́ɛ bǐ ka jó e dó, bó hɔn.

Maki 12:24

Jezu ka yí gbe nú yě ɖɔ: “Hǔn mi mɔ ɖɔ ali bú wɛ émí ɖe din ǎ cé? Đó mi mɔ nukúnnú jɛ Mawuxó ɔ́ wú ǎ, mi ka lɛ́ mɔ nukúnnú jɛ hlɔ̌nhlɔ́n Mawu tɔn wú ǎ.

Maki 12:36

Đó Yɛsinsɛn sɔ́ dó ayi mɛ nú Davídi, bɔ é ɖésúnɔ ɖɔ: ‘Aklúnɔ ɖɔ nú Aklúnɔ ce ɖɔ: Jǐnjɔ́n ɖisí ce xwé, káká nú má sɔ́ kɛntɔ́ towe lɛ́ɛ dó bló afɔɖótɛn towe.’

Jǎan 10:35

Mawuxówéma ɔ́ nɛ́ è ma ka sixú gbídí nǔ ɖěbǔ ɖ'é mɛ ǎ nɛ́. Ényí è ka ylɔ́ mɛ e ɖɔ Mawuxó ná wɛ è ɖe lɛ́ɛ ɖɔ mawu ɔ́,

Jǎan 3:20

Nǔnyanyawatɔ́ nɔ gbɛ́ wǎn nú wěziza, bó nɔ lɔn ná sɛkpɔ́ ǎ; ɖó nǔ nyanya e é nɔ wa lɛ́ɛ táá wá jɛ wěxo.

Mɛsɛ́dó 1:16

“Nɔví ce lɛ́ɛ mi! Judási e nɔ nukɔn nú mɛ e wá wlí Jezu lɛ́ɛ ɔ́, nǔ e Yɛsinsɛn ɖɔ dó wǔtu tɔn gbɔn Davídi nu mɛ, ɖo Mawuxówéma ɔ́ mɛ ɔ́ ɖó ná jɛ.

Mɛsɛ́dó 18:25

È kplɔ́n ɛ nǔ e kan Aklúnɔ sín ali ɔ́, bɔ akpakpa tɔn nɔ sɔ́ ɛ, bɔ é nɔ́ ɖo Wɛn Ɖagbe Jezu tɔn ɔ́ jlá wɛ, bó nɔ́ ɖo kplɔ́nkplɔ́n mɛ lɛ́ɛ wɛ, bɔ nǔ e ɖɔ wɛ é ɖe lɛ́ɛ bǐ nɔ́ sɔgbe, có yɛhwesin Jǎan tɔn kɛ́ɖɛ́ wú jɛ́n é mɔ nǔ jɛ.

Mɛsɛ́dó 20:20

Nǔ e ná nyí le nú mi ɔ́, un hwlá ɖěbǔ dó mi ǎ: un ɖɔ bǐ nú mi, bó kplɔ́n bǐ mi ɖo agbawungba kpódó xwé mitɔn lɛ́ɛ gbe kpó.

Mɛsɛ́dó 20:27

Đó un jlá tito Mawu tɔn ɔ́ bǐ mi; un hwlá ɖěbǔ dó mi ǎ.

Mɛsɛ́dó 28:25

Bɔ yě nɔ gbe ma ɖó kpɔ́ mɔ̌, bó ɖidó, bɔ Pɔ́lu ɖɔ nú yě kpowun ɖɔ: “Xó e Yɛsinsɛn ɖɔ nú tɔ́gbó mǐtɔn lɛ́ɛ gbɔn gbeyíɖɔ Mawu tɔn Ezayíi jí ɔ́, nǔgbó jɛ́n é nyí.

Hlɔ̌manu 15:4

Nǔ e è ko wlán dó Mawuxówéma ɔ́ mɛ ɖ'ayǐ xóxó lɛ́ɛ bǐ ɔ́, è wlán yě, bó ná dó kplɔ́n nǔ mǐ, bónú mǐ ná ɖó nukún nǔ gbɔn sɔxwixwe kpó akɔ́nkpinkpan e Mawuxówéma ɔ́ nɔ ná mǐ ɔ́ kpó gbla mɛ.

Hlɔ̌manu 2:20

A mɔ ɖɔ émí nɔ́ kplɔ́n nǔ xlonɔ lɛ́ɛ, kpó mɛ e ma tunwun nǔɖé ǎ lɛ́ɛ kpó, ɖó a ɖeji ɖɔ émí nɔ́ mɔ nǔnywɛ́ titewungbe kpó nǔgbó titewungbe kpó ɖo sɛ́n ɔ́ mɛ.

Hlɔ̌manu 3:2

Le ɔ́ d'agba ɖo ali bǐ nu; ɖó le nukɔntɔn e Jwifu lɛ́ɛ ɖó ɔ́ wɛ nyí ɖɔ Mawu sɔ́ xó tɔn lɛ́ɛ dó así nú yě.

Hlɔ̌manu 4:23

Lo ɔ́, xógbe élɔ́ lɛ́ɛ e è wlán bó ɖɔ: “É mɔ ɛ dó mɔ hwɛjijɔnɔ” ɔ́, é nyí Ablaxámu kɛ́ɖɛ́ wútu wɛ è wlán ǎ.

1 Kɔlɛ́ntinu 12:7

Yɛsinsɛn nɔ zé nǔníná ɖé dó ɖe éɖée xlɛ́ ɖo mɛ ɖokpó ɖokpó sín gbɛzán mɛ, nú ɖagbe mɛ bǐ tɔn.

Galatinu 3:8

Mawuxó ɔ́ ko ɖɔ sín do ɖɔ: mɛ e ma nyí Jwifu ǎ lɛ́ɛ ná ɖi nǔ nú Mawu, bɔ Mawu ná sɔ́ yě dó húzú hwɛjijɔnɔ; énɛ́ ɔ́ wú wɛ Mawu dó akpá ɖagbe élɔ́ nú Ablaxámu ɖo Mawuxówéma ɔ́ mɛ ɖɔ: “Un ná xo ɖɛ dó akɔta e ɖo gbɛ ɔ́ mɛ lɛ́ɛ bǐ jǐ gbɔn jǐ towe.”

Sɛ́nflínmɛ 4:36

É ɖɔ xó nú mi sín jǐxwé bónú mi ná se tónú. É xlɛ́ myɔ ɖaxó ɖé mi, bɔ mi se gbe tɔn sín myɔ ɔ́ tɛ́ntin.

2 Timɔtée 2:25

É ɖó ná nɔ sɔ́ xomɛ fífá dó kplɔ́n nǔ mɛ e ma ɖo xó ɖokpó ɔ́ ɖɔ xá ɛ wɛ ǎ lɛ́ɛ; afɔ nyɔ́ ɔ́, Mawu ná bló bɔ yě ná lɛ́ kɔ sín hwɛ yětɔn lɛ́ɛ gúdo, bó ná mɔ nukúnnú jɛ nǔgbó ɔ́ wú.

2 Timɔtée 4:2

Jlǎ Mawuxó; nɔ tɛ ɖɛ̌ jí, bó nɔ ɖɔ hwebǐnu; hwe ɔ́ nu nyɔ́ kpó é ma nyɔ́ kpó ɔ́, a nǎ nɔ́ jlá; a nǎ nɔ́ sɔ́ xomɛfífá dó kɛ nu dó nǔ wú nú mɛ, dó gbɛ́ nǔ nú mɛ, bó dó ná akɔ́nkpinkpan mɛ ɖo nǔkplɔ́nmɛ towe lɛ́ɛ mɛ.

Eblée 11:1

Nǔɖiɖi ɖíɖó wɛ nyí è nǐ ɖeji dó nǔ e ɖó nukún wɛ è ɖe ɔ́ wú; è nǐ gán jɛ nǔ e è ma mɔ ǎ é wú ɖɔ é tíin.

Eblée 3:7

Énɛ́ ɔ́ wú ɔ́, mi cɔ́ miɖée, lě e Yɛsinsɛn ɖɔ gbɔn é; Yɛsinsɛn ɖɔ: “Ényí mi se Mawu sín gbe égbé din hǔn,

Eblée 4:12

Đó Mawuxó ɔ́ ɖo gbɛ, bó ɖó hlɔ̌nhlɔ́n; é ɖá hú jǐví nuwenɔ bǐ. É nɔ byɔ́ káká fí e lǐndɔ̌n kpó yɛ kpó kplé ɖe ɔ́, bó nɔ má yě ɖó vovo. É nɔ byɔ́ káká fí e gǒflɛ́mɛ lɛ́ɛ kpódó fɔn lɛ́ɛ kpó kplé ɖe ɔ́, bó nɔ má yě ɖó vovo. É nɔ ɖe ɖɛ jlǒ kpódó linlin e ɖo gbɛtɔ́ sín ayi mɛ lɛ́ɛ kpán ɖó vovo.