2 Timɔtée 3:15 - MAWUXÓWÉMA

¹⁵ Sín hwenu e a ɖo vǔ ɔ́ wɛ a ko tunwun nǔwlánwlán mímɛ́ lɛ́ɛ; yě hɛn ɔ́, yě nǎ ná nǔnywɛ́ e nɔ kplá mɛ, bɔ è nɔ mɔ hwlɛngán gbɔn nǔ ɖi nú Klísu Jezu gbla mɛ ɔ́ we.

2 Timɔtée 3:15 Iomraidhean Croise

2 Tan 34:3

Hwenu e Joziyási ɖo xwe tántɔn bló wɛ ɖo zinkpo jí ɔ́, é kpo ɖo vǔ, bó ka jɛ Mawu e tɔ́gbó tɔn Davídi sɛn ɔ́ sín jlǒ ba ná tunwun jí. Énɛ́ ɔ́, hwenu e é wá ɖo xwe wěwe bló wɛ ɖo zinkpo jí ɔ́, é jɛ vodún e ɖo Jeluzalɛ́mu kpó Judáa kpó lɛ́ɛ ɖe síin jí: é gba vodún xwé e ɖo só jí lɛ́ɛ, bó ɖe vodún Acela lɛ́ɛ síin, bó ɖe bǒcyɔ e è sɔ́ gan dó kɔn lɛ́ɛ kpódó ée è kpa lɛ́ɛ kpó síin.

Ɖɛhan 19:7

Hwe nɔ tɔ́n sín akpá ɖě xwé ɖo jǐnukúnsin, bó nɔ́ yi xɔ dó akpá ɖěvo xwé. Yǒzo tɔn nɔ́ hwedó nǔ ɖěbǔ ǎ.

Ɖɛhan 71:17

Mawu ce, a kplɔ́n nǔ mì sín dɔ̌nkpɛ mɛ, bɔ káká wá jɛ égbé ɔ́, un ɖo azɔ̌ ɖagbe ɖagbe e a wa lɛ́ɛ jlá wɛ.

Nǔnywɛ́xó 22:6

Vǐ e ɖo kpɛví ɔ́, sɔ́ ɛ ɖó ali e jí é ɖó ná nɔ é; énɛ́ ɔ́, é ná bo kpo ɔ́, é ná ɖo ali ɔ́ jí.

Nǔnywɛ́xó 8:17

Nyɛ ɔ́, un yí wǎn nú mɛ e yí wǎn nú mì lɛ́ɛ; mɛ e ɖo biba mì wɛ lɛ́ɛ nɔ mɔ mì.

Nǔnywɛ́tɔ́xó 12:1

Mɛwínnyáwínnyá, flín mɛ e ɖó we ɔ́ ɖo hwenu e a kpo ɖo wǐnnyáwínnyá mɛ é; flín i cóbónú azǎn nyanya lɛ́ɛ ná wá; flín i cóbónú xwe e mɛ a nǎ wa ɖɔ émí kún sɔ́ mɔ gbɛ ɔ́ sín vǐví ɖé ó ɔ́ ná wá.

Daniyɛ́li 10:21

Lo ɔ́, un jló ná xlɛ́ nǔ e è wlǎn dó nǔgbówéma ɔ́ mɛ é we. Mɛ ɖé ka ná dó alɔ mì ɖo ahwan e fun gbé un ja ɔ́ mɛ zɛ gǎn mitɔn Micɛ́li wú ǎ.’ ”

Matíe 22:29

Jezu ka yí gbe nú yě ɖɔ: “Ali bú wɛ mi ɖe, ɖó mi mɔ nǔ jɛ Mawuxó ɔ́ wú ǎ; mi ka lɛ́ mɔ nǔ jɛ hlɔ̌nhlɔ́n Mawu tɔn wú ǎ.

Luki 1:15

Đó é ná nyí gbɛtɔ́ nukúnɖéjí ɖokpó ɖo Aklúnɔ nukún mɛ. Vɛ̌ɛn kpódó ahan syɛ́nsyɛ́n kpó ɖěbǔ ná jɛ nu tɔn ǎ. Yɛsinsɛn ná kó gɔ́ ayi mɛ n'i sín nɔ tɔn xomɛ.

Luki 2:40

Vǐ ɔ́ ka ɖo susu wɛ, bɔ hlɔ̌nhlɔ́n ɖo wǔ tɔn wá wɛ; nǔnywɛ́ kpé e; bɔ nyɔ̌ná Mawu tɔn ɖo kpɔ́ xá ɛ.

Luki 24:27

É ka bɛ́ xó sín Mɔyízi jí, bó gbɔn gbeyíɖɔ Mawu tɔn lɛ́ɛ bǐ jí, bɔ nǔ e è wlǎn dó wǔtu tɔn ɖo Mawuxówéma mɛ ɔ́, é tín bǐ mɛ nú yě.

Luki 24:32

bɔ yě nɔ ɖɔ nú yěɖée ɖɔ jí: “Hwenu e é ɖo xó ɖɔ nú mǐ wɛ ɖo alixo, bó ɖo Mawuxó tínmɛ nú mǐ wɛ ɔ́, akpakpa ɖé ma sɔ́ mǐ sín xomɛ a?”

Luki 24:45

Hwenɛ́nu wɛ é hun ayi yětɔn, bónú yě ná mɔ nǔ jɛ Mawuxówéma ɔ́ mɛ.

Jǎan 5:47

Ée mi ma ka ɖi nǔ e Mɔyízi wlán lɛ́ɛ ǎ ɔ́, nɛ̌ mi ka sixú ɖi xó ce lɛ́ɛ gbɔn?”

Mɛsɛ́dó 10:43

É wɛ gbeyíɖɔ Mawu tɔn lɛ́ɛ bǐ ɖe kúnnu ná ɖɔ jí: ‘Mɛ e ná ɖi nǔ n'i lɛ́ɛ ɔ́, Mawu ná sɔ́ hwɛ yětɔn lɛ́ɛ kɛ yě, gbɔn hlɔ̌nhlɔ́n e Jezu sín nyǐkɔ ɖó ɔ́ gbla mɛ.’ ”

Mɛsɛ́dó 13:29

Ée yě wa nǔ e Mawuxó ɔ́ ɖɔ dó wútu tɔn lɛ́ɛ bǐ xá ɛ vɔ ɔ́, yě wá ɖe cyɔ tɔn sín aklúzu jí, bó sɔ́ ɛ yi ɖi.

Mɛsɛ́dó 16:1

Pɔ́lu ka wá Dɛɛbe, bó gosín fínɛ́ wá Lisitli. Ahwanvú Jezu tɔn ɖé ka ɖo fínɛ́, bɔ è nɔ ylɔ́ ɛ ɖɔ Timɔtée; nyɔ̌nu Jwifu e ɖi nǔ nú Jezu é ɖě sín vǐ wɛ, bɔ tɔ́ tɔn ka nyí Glɛ̌sinu.

Mɛsɛ́dó 17:2

Pɔ́lu yi kplɔ́ngbasá ɔ́ lě e é ko nɔ bló gbɔn é. Gbɔjɛzán gbe atɔn ɖě jɛ ɖě gúdo ɔ́, é dɔn nǔ xá mɛ e ɖo kplɔ́ngbasá ɔ́ lɛ́ɛ dó nǔ e è wlǎn dó Mawuxówéma ɔ́ mɛ lɛ́ɛ wú.

Mɛsɛ́dó 26:24

Ée Pɔ́lu ɖo xó ɖɔ dó ba hwɛjijɔ nú éɖée wɛ mɔ̌ ɔ́, Fɛsitúsi sú xó, bó ɖɔ: “Pɔ́lu! A hun taɖu wɛ a? A kplɔ́n wěma káká bɔ é dó taɖu we!”

Hlɔ̌manu 1:2

Wɛn Ɖagbe énɛ́ ɔ́, Mawu ko dó akpá tɔn gbɔn gbeyíɖɔ tɔn lɛ́ɛ jí din ɔ́, é ko lín, bɔ yě wlán dó Mawuxówéma ɔ́ mɛ.

Hlɔ̌manu 16:26

Amɔ̌, din ɔ́, wěma e gbeyíɖɔ Mawu tɔn lɛ́ɛ wlán lɛ́ɛ ɖe nǔbúdo énɛ́ nyi wěxo. Đi lě e Mawu Mavɔmavɔ ɔ́ ná gbe tɔn gbɔn ɔ́, è ɖe nǔbúdo énɛ́ ɔ́ xlɛ́ akɔta lɛ́ɛ bǐ, bónú yě ná ɖi nǔ, bó ná se tónú.

Hlɔ̌manu 2:27

Mɛ e ma gbo ada ǎ, bó ka nɔ nyi sɛ́n lɛ́ɛ na ɖɔ hwɛ xá hwi mɛ e nyí Jwifu bo gbo ada, bó ɖó sɛ́nwéma ɔ́, bó ma ka nɔ wa nǔ e è wlán d'é mɛ lɛ́ɛ ǎ é.

1 Kɔlɛ́ntinu 1:21

Nǔgbó ɔ́, gbɔn nǔnywɛ́ e gbɛtɔ́ lɛ́ɛ ɖó ɔ́ gbla mɛ ɔ́, yě kpé wú bó tunwun Mawu ɖo fí e nǔnywɛ́ tɔn ɖo azɔ̌ wa ɖe wɛ ɔ́ ǎ. Énɛ́ ɔ́ wú wɛ é nyɔ́ Mawu nukún mɛ ɖɔ émí ná hwlɛ́n mɛ e ɖi nǔ lɛ́ɛ gán, gbɔn wɛn élɔ́ e dó wɛ mǐ ɖe, bɔ gbɛtɔ́ lɛ́ɛ nɔ mɔ dó mɔ xlonɔxó ná é gbla mɛ.

Efɛ́zinu 6:4

Vǐtɔ́ lɛ́ɛ mi, mi ma nɔ wa nǔ, bó ná dó dó xomɛsin nú vǐ mitɔn lɛ́ɛ ó; amɔ̌ mi hɛn yě, bó gbɛ́ nǔ nú yě, bó ná kplɔ́n yě lě e Aklúnɔ jló gbɔn é.

Sɛ́nflínmɛ 4:6

Ényí mi wlíbo nú sɛ́n lɛ́ɛ bó nyi ganjí ɔ́, akɔta ɖě lɛ́ɛ e ná tunwun sɛ́n énɛ́ lɛ́ɛ ná mɔ mi dó mɔ gbɛtɔ́ nǔnywɛ́tɔ́, gbɛtɔ́ bíbí, bó ná nɔ́ ɖɔ: ‘Nǔnywɛ́ tɛ́ ɖíe, bǐbí tɛ́ ɖíe ɖo akɔta ɖaxó élɔ́ mɛ e.’

1 Timɔtée 4:13

Cóbónú un ná wá hǔn, ɖǒ kan dó Mawuxó xixa ɖo agun mɛ , kpódó Mawuxó ɖiɖɔ kpó wú, bó lɛ́ ɖó kan dó nǔkplɔ́nmɛ wú.

2 Timɔtée 1:1

Nyɛ Pɔ́lu e nyí mɛsɛ́dó Klísu Jezu tɔn ɖo jlǒ Mawu tɔn mɛ, bó ná jlá gbɛ e sín akpá è dǒ nú mǐ ɖo bǔ e mǐ ɖe xá Klísu Jezu ɔ́ mɛ ɔ́

2 Timɔtée 1:5

Nǔɖiɖi titewungbe e a ɖǒ ɔ́ ɖo ayi ce mɛ, bɔ un ɖo flínflín wɛ. Nǔɖiɖi énɛ́ ɔ́ wɛ nɔ towe sín nɔ Lɔyisi kpódó nɔ towe Enisi kpó ko ɖó jɛ nukɔn nú we. Un ka ɖeji ɖɔ hwi lɔ ɖó nǔɖiɖi énɛ́.

2 Piyɛ́ɛ 3:16

Wěma e mɛ é ɖɔ xó dó nǔ énɛ́ lɛ́ɛ wú ɖe lɛ́ɛ bǐ ɔ́, nǔ e é wlán d'é mɛ lɛ́ɛ nɛ́. Xó ɖé lɛ́ɛ ɖo wěma tɔn lɛ́ɛ mɛ, bɔ nukúnnú-mɔjɛmɛ tɔn nɔ vɛ́ wǔ, bɔ mɛ e ma mɔ do nú nǔɖé ǎ, bó ma ka lí dǒ ǎ lɛ́ɛ nɔ kpé ta do ná, lě e yě ko nɔ bló gbɔn nú Mawuxó ɔ́ ɖo akpá ɖěvo lɛ́ɛ xwé é. Nǔ e yě ná wa, bɔ yě ɖésúnɔ ná yi vɔ ɖ'é mɛ ɔ́ wa wɛ yě ɖe.

Nǔɖexlɛ́mɛ 19:10

Bɔ un jɛ kpo ɖo afɔ tɔn lɛ́ɛ kɔn, bó ná ɖe kɔ́ n'i, bɔ é ka ɖɔ nú mì ɖɔ: “Gbɔ! Ma bló mɔ̌ ó! Mɛsɛntɔ́ wɛ un nyí hwi kpó nɔví towe lɛ́ɛ kpó ɖɔhun; nɔví towe e hɛn kúnnuɖiɖe Jezu tɔn lɛ́ɛ é. Mawu wɛ a nǎ ɖe kɔ́ ná!” Kúnnuɖiɖe Jezu tɔn ɔ́ wɛ nɔ sɔ́ xó e gbeyíɖɔ lɛ́ɛ ná ɖɔ ɔ́ dó ayi mɛ nú yě.

1 Samuwɛ́li 2:18

Nyaví Samuwɛ́li ɔ́ ká nɔ́ ɖo vɔ̌sánú-xwlémawutɔ́ sín awu mɛ, bó nɔ ɖo azɔ̌ wa nú Mawu Mavɔmavɔ wɛ.