2 Timɔtée 3:13 - MAWUXÓWÉMA

¹³ Amɔ̌ gbɛtɔ́ dídá awoxotɔ́ lɛ́ɛ fɔ́n tɛgbɛ ɔ́, yě na ɖo nǔ nyanya wa d'é jí wɛ; yě ná flú mɛ ɖě lɛ́ɛ, bɔ è nǎ flú yě ɖésú.

2 Timɔtée 3:13 Iomraidhean Croise

Jɔ̌bu 12:16

É ɖó hlɔ̌nhlɔ́n, ayi tɔn ɖo te ganjí. Mɛ e ɖo bǔbú wɛ ɔ́ kpó mɛ e ɖo mɛ dɔn bú wɛ ɔ́ kpó ɔ́, bǐ wɛ ɖo acɛ Mawu tɔn mɛ.

Ezayíi 44:20

Linlin yětɔn nɔ́ nɔ nǔ e nyí afín kpowun é jí. Ayi yětɔn e kó flú ɔ́ nɔ́ zɔ́n, bɔ yě nɔ́ ɖɔ gblǒ; vodún yětɔn lɛ́ɛ nɔ́ hwlɛ́n yě gán ǎ; lo ɔ́, yě ɖésúnɔ nɔ́ mɔ ɖɔ nǔ e émí zunfán ɔ́, xɛblɛ́nú kpowun wɛ ǎ.

Ezekiyɛ́li 8:13

Mawu lɛ́ ɖɔ nú mì ɖɔ: “A nǎ lɛ́ mɔ ɖěvo lɛ́ɛ bɔ yě ná nylá hú mɔ̌; bǐ kó nɛ́ ǎ.”

2 Kɔlɛ́ntinu 6:8

È nɔ wlí yɛ̌yi nú mǐ; è nɔ lɛ́ dó winnyá mǐ; è nɔ ɖɔ xó nyanya dó mǐ wú; è nɔ lɛ́ ɖɔ xó ɖagbe dó mǐ wú. È nɔ mɔ mǐ dó mɔ adingbannɔ ná; nǔgbó ɖɔ wɛ mǐ ka ɖe.

1 Timɔtée 4:1

Yɛsinsɛn ɖésú ko ɖɔ céɖécéɖé ɖɔ azǎn gǔdo gúdo tɔn lɛ́ɛ mɛ ɔ́, mɛɖé lɛ́ɛ ná jó nǔɖiɖi dó, bó ná ɖótó yɛ e nɔ flú mɛ lɛ́ɛ kpódó yɛ nyanya lɛ́ɛ sín nǔkplɔ́nmɛ kpó.

2 Timɔtée 3:8

Lě e Janɛ́si kpódó Janblɛ́si kpó gbɛ́ Mɔyízi sín xó gbɔn ɔ́, mɔ̌ ɖokpó ɔ́ wɛ gbɛtɔ́ ayiblúblúnɔ e sín nǔɖiɖi ma nyí nǔɖé wa nú ǎ nɛ́ lɛ́ɛ lɔmɔ̌ gbɛ́ nǔgbó ɔ́ gbɔn é nɛ́.

Titu 3:3

Đó ɖ'ayǐ xóxó ɔ́, mǐ lɔmɔ̌ ɔ́, mǐ ko nyí ayixamasɔgbenánɔ, bó kó nyí tónúmasetɔ́, bó kó bú ali; jlǒ agbaza tɔn tɛnmɛ tɛnmɛ lɛ́ɛ kpó gbɛɖuɖu kpán sín kannumɔ wɛ mǐ kó nyí ɖ'ayǐ. Dǎnúwiwa kpó mɛɖěvonújlójló kpó sín gbɛ mɛ wɛ mǐ kó nɔ ɖ'ayǐ; mǐ nɔ gbɛ́ wǎn nú mɛ ɖě lɛ́ɛ, bɔ yě lɔ nɔ gbɛ́ wǎn nú mǐ lɔmɔ̌.

2 Piyɛ́ɛ 2:20

Nǔgbó ɔ́, ényí yě mɛ e tunwun Jezu Klísu e nyí Aklúnɔ mǐtɔn, bó nyí Mɛhwlɛ́ngántɔ́ mǐtɔn, bó ma ka ko hɔn sín nǔblíblíwiwa gbɛmɛ fí tɔn lɛ́ɛ mɛ zinzin ǎ lɛ́ɛ lɛ́ jó yěɖée dó nú nǔblíblíwiwa énɛ́ lɛ́ɛ, bɔ yě ɖu ɖo yě jí ɔ́, ninɔmɛ e yě nɔ wá ɖó ɖo vivɔnu ɔ́ nɔ lɛ́ nylá hú ée yě ko ɖó ɖo bǐbɛ́mɛ é.

2 Piyɛ́ɛ 3:3

Nǔ e mi ná tunwun jɛ nukɔn ɔ́ wɛ nyí ɖɔ: ɖo azǎn gǔdo gúdo tɔn lɛ́ɛ mɛ ɔ́, mɛ e nɔ zán gbɛ yětɔn lě e jlǒ yě ɖésúnɔ tɔn ba gbɔn lɛ́ɛ ná ɖe yěɖée xlɛ́. Yě ná ɖɔ slǎmɛ mi wú,

Nǔɖexlɛ́mɛ 12:9

È zě Dlagɔ́ɔn ɖaxó ɔ́ nyi dó ayǐkúngban jí; é wɛ nyí dan xóxó e è nɔ ylɔ́ ɖɔ awǒvi abǐ Satáan é; é wɛ flú gbɛ ɔ́ bǐ. È zě e nyi dó ayǐkúngban jí, é kpódó wɛnsagun tɔn lɛ́ɛ kpó.

Nǔɖexlɛ́mɛ 13:14

É nɔ zé nǔ e è nǎ gbe e ɖɔ é ní jlɛ́ ɖo kanlin nukɔntɔn ɔ́ nukɔn ɔ́ dó flú gbɛtɔ́ e ɖo ayǐkúngban jí lɛ́ɛ ná. É ɖo ɖiɖɔ nú gbɛtɔ́ e ɖo ayǐkúngban jí lɛ́ɛ wɛ ɖɔ yě ní kpa susu nú kanlin e è sɔ́ hwǐ dó gblé wǔ ná, cóbɔ é ka lɛ́ kpo ɖo gbɛ ɔ́ sín akpajlɛ́, bó dó sɔ́ ɛ su.

Nǔɖexlɛ́mɛ 18:23

Zogbɛ́n sín wěziza sɔ́ ná hɔ́n ɖo agblo towe mɛ gbeɖé ǎ; è sɔ́ ná se asú kpó asi kpó e da yěɖée tlóló ɔ́ sín gbe ɖě ɖo agblo towe mɛ ǎ, ɖó ajɔ̌tɔ́ towe lɛ́ɛ ko nyí nǔsúɖaxó gbɛ ɔ́ tɔn ɖ'ayǐ, bɔ a zě majíki sín nǔwiwa towe lɛ́ɛ dó flú to lɛ́ɛ bǐ ná.”