2 Timɔtée 3:12 - MAWUXÓWÉMA

¹² Mɛ e jló ná zán gbɛ yětɔn nú Mawu kpó sísí kpó, ɖo bǔ e yě ɖe xá Klísu Jezu é mɛ ɔ́ bǐ wɛ è nǎ tlɛ dó ya ná lɔ.

2 Timɔtée 3:12 Iomraidhean Croise

Matíe 16:24

Jezu ka ɖɔ nú ahwanvú tɔn lɛ́ɛ ɖɔ jí: “Ényí mɛɖé jló ná xwedó mì hǔn, ní jó tito é ɖésúnɔ tɔn lɛ́ɛ dó, bó ɖíɖá aklúzu tɔn, bó xwedó mì.

Matíe 23:34

Énɛ́ ɔ́ wútu ɔ́, mi ɖótó bó se: ‘Un ná sɛ́ gbeyíɖɔ lɛ́ɛ dó mi, bó ná sɛ́ nǔnywɛ́tɔ́ lɛ́ɛ kpódó sɛ́nkplɔ́nmɛtɔ́ lɛ́ɛ kpó dó mi. Mi ná hu mɛ ɖě, bó ná ká mɛ ɖě nyi aklúzu jí, bó ná zé lanbá dó xo mɛɖé lɛ́ɛ ná ɖo kplɔ́ngbasá mitɔn lɛ́ɛ. Mi ná dó ya nú yě gbɔn toxo ɖaxó ɖaxó lɛ́ɛ mɛ.’

Jǎan 16:2

È nǎ wá ɖe mi sín kplɔ́ngbasá lɛ́ɛ. Gan ɔ́ ko ɖo nǎ xo wɛ lɔ, bɔ mɛ ɖěbǔ hu mi ɔ́, mɛ ɔ́ ná vɛdó ɖɔ Mawu sín azɔ̌ wa wɛ émí ɖe nɛ́ sín.

Jǎan 16:33

Un ɖɔ nǔ énɛ́ lɛ́ɛ nú mi, bónú mi ná ɖó vivo ɖo nyɛ mɛ. Mi ná mɔ wǔvɛ́ ɖo gbɛ ɔ́ mɛ; lo ɔ́, mi kpan akɔ́n, ɖó un ko ɖu ɖo gbɛ ɔ́ jí.”

Jǎan 17:14

Un sɔ́ xó towe dó así nú yě, bɔ mɛ e nyí gbɛ ɔ́ tɔn lɛ́ɛ gbɛ́ wǎn nú yě, ɖó yě nyí gbɛ ɔ́ tɔn ǎ, lě e nyɛ lɔmɔ̌ ma nyí gbɛ ɔ́ tɔn ǎ é ɖɔhun.

Mɛsɛ́dó 14:22

Yě nɔ dó wǔsyɛ́n lanmɛ nú ahwanvú Jezu tɔn lɛ́ɛ, bó nɔ́ ná akɔ́nkpinkpan yě, nú yě ná lí dǒ ɖo nǔɖiɖi mɛ, bó nɔ́ ɖɔ nú yě ɖɔ: “Ya gěgé wɛ mǐ ɖó nǎ ji, bó ná dó byɔ́ axɔ́súɖuɖu Mawu tɔn mɛ.”

1 Kɔlɛ́ntinu 15:19

Ényí nukún e ɖó Klísu wɛ mǐ ɖe ɔ́, gbɛ élɔ́ mɛ kɛ́ɖɛ́ jɛ́n é nyɔ́ ná ɔ́, nǔ mǐtɔn ná blá wǔ hú gbɛtɔ́ lɛ́ɛ bǐ tɔn.

2 Kɔlɛ́ntinu 1:12

Nǔ e wú mǐ hɛn ɔ́, mǐ ná gó ɔ́ ɖíe: ayixa mǐtɔn ná gǎnjɛwú mǐ ɖɔ mǐ zǎn gbɛ mǐtɔn ɖo gbɛ ɔ́ mɛ; ɖo tají ɔ́, mǐ zán gbɛ mǐtɔn ɖo tɛ́ntin mitɔn kpó ayi ɖokpó kpó, kpó nǔgbó e nɔ gosín Mawu gɔ̌n ɔ́ kpó. Nǔ énɛ́ e mǐ ka wa ɔ́, fɛ́nú Mawu tɔn wɛ xlɛ́ ali mǐ; é nyí nǔnywɛ́ gbɛtɔ́ tɔn ǎ.

2 Kɔlɛ́ntinu 4:9

È ɖo ya dó nú mǐ wɛ; lo ɔ́, Mawu jó mǐ dó ǎ; è nɔ ɖo mǐ zín dó ayǐ wɛ, mǐ ka dɔn ǎ.

1 Timɔtée 2:2

Mi xo ɖɛ nú axɔ́sú lɛ́ɛ kpódó mɛ e sín alɔ mɛ acɛkpikpa ɖe lɛ́ɛ bǐ kpán, bónú mǐ ná sixú mɔ vivo kpódó fífá kpó, ɖo sísí titewungbe ɖó nú Mawu kpódó jijɔ ɖagbe zínzán kpó mɛ.

1 Timɔtée 3:16

Nǔgbó wɛ, mɛ ɖěbǔ sixú gbɛ́ ǎ; nǔbúdo e ɖo mawusinsɛn mɛ ɔ́ d'agba. “É wá gbɛtɔ́ ɖɔhun; Yɛsinsɛn ɖe e xlɛ́ ɖɔ é nyí hwɛjijɔnɔ; wɛnsagun Mawu tɔn lɛ́ɛ mɔ ɛ. È ɖɔ xó tɔn nú akɔta lɛ́ɛ bǐ; è ɖi nǔ n'i gbɔn gbɛ ɔ́ bǐ mɛ; Mawu sɔ́ ɛ yi jǐxwé ɖo susu mɛ.”

1 Timɔtée 6:3

Ényí mɛɖé kplɔ́n nǔ ɖěvo mɛ, bó ma yí gbe nú xó nǔgbó Aklúnɔ mǐtɔn Jezu Klísu tɔn lɛ́ɛ kpódó nǔkplɔ́nmɛ e sɔgbe xá sinsɛn mǐtɔn ɔ́ kpó ǎ hǔn,

Titu 1:1

Nyɛ Pɔ́lu, mɛsɛntɔ́ Mawu tɔn, mɛsɛ́dó Aklúnɔ Jezu Klísu tɔn wɛ wlán wěma élɔ́. Mawu zɔ́n mì ɖɔ ma ɖɔ xó nú mɛ e émí cyán lɛ́ɛ, bónú yě ní ɖi nǔ nú Aklúnɔ Jezu Klísu, lobo ka ɖe nǔgbó e ɖo sinsɛn mǐtɔn li jí ɔ́ xlɛ́ yě,

Titu 2:12

Fɛ́nú énɛ́ ɔ́ kplɔ́n mǐ ɖɔ mǐ ní jó gbɛ nyanya zínzán kpó jlǒ gbɛmɛ fí tɔn lɛ́ɛ kpó dó, bó ná nɔ́ wa nǔ e sɔgbe é, bó ná nɔ́ zán gbɛ jlɔ́jlɔ́, lobo ná nɔ́ gbejí nú Mawu.

Jozuwée 17:14

Jozɛ́fu ví lɛ́ɛ wá ɖɔ nú Jozuwée ɖɔ: “Étɛ́wú wɛ a nǎ ayǐkúngban ta ɖokpó géé mǐ mɛ e jí Mawu Mavɔmavɔ dó acɛ, bɔ mǐ sukpɔ́ sɔ mɔ̌ lɛ́ɛ?”

1 Piyɛ́ɛ 3:14

Ényí é ná bó byɔ́ ɖɔ mi ná ji ya ɖó mi ɖo nǔ jlɔ́jlɔ́ wa wɛ wú hǔn, nǔ nyɔ́ nú mi. Mi ma ɖi xɛsi ɖěbǔ nú gbɛtɔ́ lɛ́ɛ ó; mi ma ka jó miɖée dó nú è gba ayi dó nú mi ó.

2 Piyɛ́ɛ 3:11

Ée é nyí ɖɔ nǔ énɛ́ lɛ́ɛ bǐ ná vɔ gbɔn mɔ̌ ɔ́, mi mɔ nukúnnú jɛ ninɔmɛ e mi ɖó ná ɖó ɔ́ wú ganjí. Mi ɖó ná nɔ zán gbɛ mímɛ́, bó ná nɔ ɖó sísí nú Mawu,

Nǔɖexlɛ́mɛ 12:4

É sɔ́ sí tɔn dó kplɔ́ sunví lɛ́ɛ sín atɔnvlɔ́ɖó sín jǐxwé nyi dó ayǐkúngban jí. É nɔ te ɖo nyɔ̌nu e ɖo vǐ ná ji wɛ ɔ́ nukɔn, bónú é ji vǐ ɔ́ tlóló ɔ́, é ná vún vǐ ɔ́ ɖu.

Nǔɖexlɛ́mɛ 7:14

Un yí gbe n'i ɖɔ: “Aklúnɔ ce, un ma tunwun nɛ́, hwi wɛ tunwun.” Bɔ é ɖɔ nú mì ɖɔ: “Mɛ e è dǒ ya ɖaxó ɔ́ ná lɛ́ɛ é wɛ. Yě nya awu gaga yětɔn lɛ́ɛ, bó bɛ́ dó Lɛ̌ngbɔ́ví ɔ́ sín hun mɛ, bɔ awu lɛ́ɛ wé.