2 Timɔtée 3:11 - MAWUXÓWÉMA

¹¹ A tunwun ya e è dǒ nú mì lɛ́ɛ é, bó tunwun wǔvɛ́ e un mɔ lɛ́ɛ. A tunwun nǔ e gbo mì ɖo Antyɔ́ci kpódó Ikoniyɔ́mu kpó, kpódó Lisitli kpán é, bó tunwun wǔvɛ́ e un mɔ lɛ́ɛ. Aklúnɔ ka hwlɛ́n mì gán ɖo nǔ énɛ́ lɛ́ɛ bǐ mɛ.

2 Timɔtée 3:11 Iomraidhean Croise

Bǐbɛ́mɛ 48:16

wɛnsagun Mawu tɔn e hwlɛ́n mì sín nǔ nyanya lɛ́ɛ bǐ mɛ ɔ́, ní xo ɖɛ dó nyaví élɔ́ lɛ́ɛ jí. Nyǐkɔ ce kpó tɔ́gbó ce Ablaxámu tɔn kpó Izáki tɔn kpó ní nɔ yě wú. Yě ní ji; yě ní gba kún ɖo ayǐkúngban jí.”

2 Samuwɛ́li 22:1

Davídi wɛ ji han élɔ́ dó kpa susu nú Mawu Mavɔmavɔ, gbe e gbe Mawu Mavɔmavɔ hwlɛ́n ɛ sín kɛntɔ́ tɔn lɛ́ɛ bǐ lɔ mɛ, ɖo tají ɔ́, Sawúlu lɔ mɛ é.

2 Samuwɛ́li 22:49

Mawu Mavɔmavɔ, a nɔ yí mì sín kɛntɔ́ ce lɛ́ɛ sí, Mawu Mavɔmavɔ, a nɔ bló bɔ un nɔ ɖu ɖo mɛ e nɔ tɔ́n ahwan mì lɛ́ɛ jí. A nɔ hwlɛ́n mì gán ɖo adǎkaxotɔ́ lɛ́ɛ sí.

Ɖɛhan 34:19

Mawu Mavɔmavɔ ɖo kpɔ́ xá mɛ e ayi yětɔn gbadó lɛ́ɛ, é nɔ́ hwlɛ́n mɛ e nǔ jɛ akɔ́n jí ná lɛ́ɛ.

Ɖɛhan 37:40

Mawu Mavɔmavɔ nɔ gɔ́ alɔ nú yě, bó nɔ́ hwlɛ́n yě; é nɔ́ yí yě sín mɛdídá lɛ́ɛ sí, bó nɔ́ hwlɛ́n yě gán, ɖó é wɛ yě nɔ́ hɔn yi su.

Ɖɛhan 91:14

Mawu ɖɔ: “Un ná hwlɛ́n ɛ gán ɖó é tlɛ́ dó wǔ ce; un ná nya xɛ ɖo jǐ tɔn, ɖó é tunwun mì.

Ezayíi 41:10

Din ɔ́, ma ɖi xɛsi ó, ɖó un ɖo kpɔ́ xá we. Ma ɖo nukún dó gbɛmɛ kpɔ́n wɛ ó, ɖó nyi wɛ nyí Mawu towe. Un ná ná akɔ́nkpinkpan we; un ná gɔ́ alɔ nú we; un ɖo xɛ nya ɖo jǐ we wɛ kpódó aɖisí lɔ ce, ɖuɖéjí lɔ ɔ́ kpó.

Ezayíi 41:14

Mawu Mavɔmavɔ ɖɔ: “Izlayɛ́li, togun Jakɔ́bu tɔn, hwi mɛ e ma ɖó gǎn ɖé ǎ dohɔ́nví ɖɔhun é, ma ɖi xɛsi ó. Nyɛ Mawu Mavɔmavɔ ɔ́ ɖésú wɛ ja alɔ gɔ́ nú we gbé. Nyɛ Mɛ Mímɛ́ Izlayɛ́li tɔn wɛ ná hwlɛ́n we gán.

Ezayíi 43:2

A ɖo tɔ mɛ gbɔn wɛ ɔ́, un ná ɖo kpɔ́ xá we; a ɖo tɔ gbo wɛ ɔ́, a nǎ kú tɔ ǎ. A ɖo zɔnlin ɖi gbɔn myɔ mɛ wɛ ɔ́, a nǎ ji myɔ ǎ, myɔ ná wa nǔɖé nú we ǎ.

Jelemíi 1:19

Yě ná tɔ́n ahwan we, yě ká ná kpé wǔ we ǎ, ɖó un ɖo kpɔ́ xá we bó ná hwlɛ́n we gán. Nyɛ Mawu Mavɔmavɔ wɛ ɖɔ mɔ̌ nú we.”

Daniyɛ́li 6:27

“Un ná gbe ɖɔ mɛ e ɖo axɔ́súɖuto ce sín ayǐkúngban jí lɛ́ɛ bǐ ní ɖó sísí nú Mawu Daniyɛ́li tɔn, bó ɖi xɛsi n'i. É wɛ nyí Mawu gbɛɖe ɔ́. É wɛ ná nɔ ayǐ tɛgbɛ sɔ́yi. Axɔ́súɖuɖu tɔn ná vɔ gbeɖé ǎ. Acɛkpikpa tɔn ná nɔ ayǐ káká sɔ́yi.

Mɛsɛ́dó 13:14

Yědɛɛ lɛ́ɛ ka zɛ Pɛɛjée wú, bó yi Antyɔ́ci ɖo Pisidíi gbé jí; yě byɔ́ kplɔ́ngbasá gbɔjɛzán gbe, bó jínjɔ́n ayǐ.

Mɛsɛ́dó 13:45

Ée Jwifu lɛ́ɛ mɔ lě e mɛ lɛ́ɛ sukpɔ́ sɔ ɔ́, wǔhwinhwan gɔ́ ayi yětɔn mɛ, bɔ yě nɔ́ mɔ xó vo ɖɔ dó Pɔ́lu sín xó wú, bó nɔ zun i.

Mɛsɛ́dó 14:8

Nya ɖé ɖo to e è nɔ ylɔ́ ɖɔ Lisitli ɔ́ mɛ, bó nɔ́ ɖo ayǐjínjɔ́n, ɖó afɔ tɔn lɛ́ɛ kú; sín hwenu e è ji nya énɛ́ ɔ́ ɖokpóó wɛ afɔ tɔn lɛ́ɛ ko kú, bɔ é ɖi zɔnlin kpɔ́n gbeɖé ǎ.

Mɛsɛ́dó 20:19

Un nɔ sɛn Aklúnɔ ɖo mɛɖée sɔ́ hwe mɛ; un nɔ sɛn ɛ kpó avǐ kpó, bó nɔ́ sɛn ɛ ɖo wǔvɛ́ e mɔɖónúmɛ Jwifu lɛ́ɛ tɔn nɔ dɔn wá nú mì lɛ́ɛ é tɛ́ntin.

Mɛsɛ́dó 23:10

Zǐngídi ɔ́ ka wá ɖo syɛ́nsyɛ́n d'é jí wɛ, bɔ ahwangán ɖaxó ɔ́ jɛ xɛsi ɖi jí ɖɔ yě ma wá vúnvún Pɔ́lu ó, énɛ́ ɔ́ wú wɛ é ylɔ́ sɔ́ja lɛ́ɛ, bó zɔ́n ɖɔ yě ní wá ɖe Pɔ́lu sín mɛ lɛ́ɛ mɛ, bó kplá ɛ yi ɖó ahwankpá ɔ́ mɛ.

Mɛsɛ́dó 26:17

Un ná hwlɛ́n we gán ɖo togun Jwifu lɛ́ɛ tɔn e mɛ un ná sɛ́ we dó ɔ́ sí, bó ná lɛ́ hwlɛ́n we gán ɖo mɛ e ma nyí Jwifu ǎ, bɔ un ná sɛ́ we dó yě mɛ lɛ́ɛ sí.

Mɛsɛ́dó 26:22

Mawu ka wa nǔ, bɔ un kpo ɖo afɔte káká jɛ égbé; un nɔ ɖo Wɛn Ɖagbe ɔ́ sín kúnnu ɖe wɛ ɖo gbɛtɔ́ kpaa lɛ́ɛ kpódó gbɛtɔ́ nukúnɖéjí lɛ́ɛ kpán nukɔn; un ka nɔ ɖɔ nǔɖé zɛ nǔ e gbeyíɖɔ Mawu tɔn lɛ́ɛ kpódó Mɔyízi kpán ko ɖɔ é ná jɛ é wú ǎ;

Mɛsɛ́dó 9:16

Un ka ná ɖe ya e é ná ji ɖó nyǐkɔ ce wú lɛ́ɛ bǐ xlɛ́ ɛ.”

Hlɔ̌manu 15:31

Mi xo ɖɛ bónú ma gló nǔmaɖitɔ́ e ɖo Judée lɛ́ɛ, bónú alɔgɔ́númɛ sín azɔ̌ e wú un xwe Jeluzalɛ́mu ɔ́, mɛɖeɖóvo Mawu tɔn e ɖo dɔ̌n lɛ́ɛ ní kɛ alɔ bó yí.

2 Kɔlɛ́ntinu 1:5

Nǔgbó ɔ́, lě e mǐ ji ya gěgé xá Klísu gbɔn ɔ́, mɔ̌ ɖokpó ɔ́ jɛ́n Mawu na dó gbɔ gěgé nú mǐ gbɔn Klísu jí.

2 Kɔlɛ́ntinu 1:7

Énɛ́ ɔ́, nukún e ɖó mi wɛ mǐ ɖe ɔ́ syɛ́n ɖésú. Đó mǐ tunwun ɖɔ ée wǔvɛ́ e mɔ wɛ mǐ ɖe ɔ́ mɔ wɛ mi lɔ ɖe é ɔ́, gbɔ e è dó nú mǐ ɔ́, è nǎ dó nú mi lɔmɔ̌.

2 Kɔlɛ́ntinu 12:10

Énɛ́ ɔ́ wútu ɔ́, gǎnmaɖó ce nɔ́ dó xomɛhunhun nú mì ɖó Klísu wú. È ɖo zunzun mì wɛ ɖó Klísu wú ɔ́, xomɛ nɔ hun mì; nǔ ɖo gbigbo mì wɛ ɖó Klísu wú ɔ́, xomɛ nɔ hun mì; ya e è nɔ dó mì ɖó Klísu wútu lɛ́ɛ kpódó xɛsi e è nɔ dó nú mì ɖó Klísu wútu lɛ́ɛ kpán nɔ hun xomɛ nú mì, ɖó hwenu e un ma ɖó gǎn ǎ ɔ́, hwenɛ́nu wɛ un nɔ mɔ hlɔ̌nhlɔ́n.

2 Timɔtée 4:7

Un fun ahwan ɖagbe ɔ́; un dó wezun ɔ́ káká yi vivɔnu; un kpo ɖo nǔ ɖi nú Klísu Jezu wɛ.

2 Piyɛ́ɛ 2:9

Énɛ́ ɔ́, Aklúnɔ tunwun lě e é nɔ hwlɛ́n mɛ e nɔ ɖó sísí n'i lɛ́ɛ gán sín adǎngbomɛ lɛ́ɛ mɛ gbɔn é, bó lɛ́ tunwun lě e é nɔ sɔ́ yě mɛ e ɖo nǔ nyanya wa wɛ lɛ́ɛ ɖ'ayǐ gbɔn, bó ná dɔn tó nú yě ɖo hwɛɖɔzán gbe é.